اسلام آباد (اصل میڈیا ڈیسک) بین الاقوامی ریسرچ کمپنی آئی پی ایس او ایس پاکستان نے نئی سروے رپورٹ میں خبردار کیا ہے کہ کورونا وائرس کا خطرہ ٹلا نہیں مگر عوام حفاظتی اقدامات سے دور ہونے لگے ہیں۔
آئی پی ایس او ایس سروے کے مطابق گزشتہ ماہ کے مقابلے میں موجودہ سروے میں ہاتھ دھونے کاکہنے والوں کی شرح 89 فیصد سے کم کر 71 فیصد، ماسک پہننے کا کہنے والے افراد کی شرح 88 فیصد سے کم ہو کر 80 فیصد، ہاتھ ملانے سے گریز کرنے والے افراد کی شرح 66 فیصد سے 51 فیصد جب کہ پرہجوم جگہوں سے بچنے کا کہنے والوں کی شرح 47 فیصد سے کم ہو کر 40 فیصد پر آ گئی ہے۔
خیال رہے کہ پاکستان میں کورونا وائرس کے باعث اب تک 5500 سے زائد افراد جاں بحق جب کہ 2 لاکھ 61 ہزار سے زائد افراد متاثر ہو چکے ہیں۔
کراچی میں بارش نے حکومتی دعوؤں کا پول کھول دیا، بیشتر شاہراہیں اور انڈس پاسز تالاب بن گئے
’پب جی پر پابندی ختم کرو‘ ٹوئٹر پر ٹاپ ٹرینڈ
