لاہور (اصل میڈیا ڈیسک) میں قائد حزب اختلاف اور مسلم لیگ ن کے صدر شہباز شریف کا کہنا ہے کہ جن لوگوں نے ملک میں تباہی اور کرپشن کی انہیں اپنے کرتوتوں پر خوفزدہ ہونا چاہیے۔
نیب عدالت کے باہر میڈیا سے گفتگو کرتے ہوئے شہباز شریف نے حکومت کو تنقید کا نشانہ بتایا اور کہا کہ انہوں نے ملک میں تباہی اور کرپشن کی ہے، انہوں نے غریب کو تباہ حال کر دیا ہے، مہنگائی آسمان سے باتیں کررہی ہے۔
شہباز شریف کا کہنا تھا کہ ٹرانسپیرنسی انٹرنیشنل کہہ رہی ہے کرپشن کے ریکارڈ ٹوٹ گئے ہیں، مخالفین کو اپنے کرتوتوں پر خوفزدہ ہونا چاہیے۔
حکومت کے گھر جانے سے متعلق سوال پر شہباز شریف کا کہنا تھا کہ ویسے تو اللہ کی مرضی لیکن ہماری پوری کوشش ہے۔
‘ن لیگ اور پی پی کا اتحاد ہو سکتا ہے تو خالد مقبول اور آفاق احمد کیساتھ ملکر کام بھی ہو سکتا ہے’
الیکشن کمیشن کا کے پی حکومت سے مولانا فضل الرحمان کے بھائی کیخلاف کارروائی کا حکم
