اسلام آباد (جیوڈیسک) احتساب عدالت اسلام آباد میں سابق صدر زرداری کی حاضری سے استثنیٰ کی درخواست پر فیصلہ محفوظ کر لیا گیا، فاروق ایچ نائیک کہتے ہیں سابق صدر سیکورٹی خدشات کے باعث پیش نہیں ہو سکتے۔
اسلام آباد میں سابق صدر زرداری کے خلاف نیب عدالت میں کرپشن ریفرنسز کی سماعت ہوئی،عدالت میں آصف زرداری کی جانب سے حاضری سے استثنیٰ کی درخواست دائر کی گئی۔ دلائل مکمل ہونے کے بعد نیب عدالت نے فیصلہ محفوظ کر لیا۔
کرپشن کے پانچ ریفرنسز میں سابق صدر آصف زرداری کی بریت کی درخواست بھی دائر کی گئی۔ان کے وکیل فاروق ایچ نائیک کا سماعت کے بعد کہنا تھا کہ سیکورٹی خدشات کے باعث آصف زرداری عدالت میں پیش نہیں ہو سکتے۔ سابق صدر کے خلاف کسی ریفرنس میں ٹھوس شواہد یا ثبوت موجود نہیں۔
طالبان سے مذاکرات کا میچ بھی فکس لگتا ہے: عمران خان
پشاور:کھڑا مارکیٹ میں آتشزدگی، 100 سے زائد دکانیں جل گئیں
