پشاور (اصل میڈیا ڈیسک) کاونٹر ٹیررازم ڈیپارٹمنٹ نے خیبر پختونخوا کی دیر بالا میں کارروائی کے دوران کالعدم تحریک طالبان پاکستان کے اہم دہشت گرد عبدالوہاب ہلاک ہوگیا۔
کاؤنٹر ٹیررازم ڈیپارٹمنٹ خیبر پختونخوا کی جانب سے جاری بیان کے مطابق کالعدم ٹی ٹی پی نے 2 سے 3 دہشت گردوں کو سوات میں مختلف تخریبی کارروائیاں انجام دینے کے لیے بھیجا ہے اور وہ سوات میں داخل ہونے کے لئے دیر اور سوات کے متصل پہاڑی راستوں کا استعمال کریں گے۔
سی ٹی ڈی اہلکاروں نے ان دہشت گردوں کو دیر بالا کے علاقے اخگرام واڑئی میں گھیر لیا۔ فائرنگ کے تبادلے میں ایک دہشت گرد ہلاک جب کہ دیگر فرار ہوگئے، ہلاک دہشت گرد کے شناخت عبدالوہاب کے نام سے ہوئی۔ اس کے قبضے سے اسلحہ اور بارودی مواد بھی برآمد ہوا ہے۔
سی ٹی ڈی کے مطابق عبدالوہاب کی گرفتاری پر صوبائی حکومت نے 5 لاکھ روپے انعام مقرر کیا تھا، پولیس پوسٹ کشورہ مالم جبہ، مالم جبہ ریزارٹ ، گرلز مڈل اسکول کشورہ کو تباہ کرنے کے علاوہ پولیس اہلکاروں کے قتل، بم دھماکوں اور پاک فوج کے دستوں پر خودکش حملوں میں بھی ملوث تھا۔
بختاور بھٹو زرداری نے بیٹے کا نام رکھ لیا
شہباز شریف اور ان کی فیملی جائیدادوں کے ذرائع بتانے میں ناکام رہی: نیب
