ملک میں لوٹ مار کی سیاست کی وجہ سے قدرتی وسائل صرف پانچ فیصد لوگوں کے قبضہ میں جا رہے ہیں، روحیل اکبر
Posted on August 19, 2013 By Tahir Webmaster سٹی نیوز
تحریک تحفظ پاکستان کے مرکزی جوائنٹ سیکریٹری اطلاعات روحیل اکبر نے کہا ہے کہ ملک میں لوٹ مار کی سیاست کی وجہ سے قدرتی وسائل صرف پانچ فیصد لوگوں کے قبضہ میں جا رہے ہیں جبکہ پچانوے فیصد لوگ اچھی روٹی کھانے کو ترس رہے ہیں اللہ نہ کرے امیر غریب جنگ ہو گئی تو یہ بات اچھی طرح ذہن میں رکھنا ہو گی کہ پھر ان لٹیروں کو منہ چھپانے کی جگہ بھی نہیں ملے گی اپنے ایک جاری بیان میں انہوں نے کہا کہ پاکستان کے عوام کی معاشی صورتحال دن بدن گھمبیرہ وتی جارہی ہے یہاں حکومت ٹیکس اٹھارہ کروڑ افراد سے لے رہی ہیں مگر صرف دو کروڑ افراد کا معیارِ زندگی بہتر بنانے پر خرچ کر رہی ہے۔ چھوٹے شہروں اور دیہاتوں کو پاکستان کا حصہ ہی نہیں سمجھا جاتا۔
غریبوں سے ٹیکس لے لیا جاتا ہے مگر ان کو جانوروں کے برابر بھی اہمیت نہیں دی جا رہی۔ مویشی پالنے والے مویشیوں کے چارے کی فکر کرتے ہیں مگر حکمران ٹیکس روزانہ لیتے ہیں جبکہ اس وقت پاکستان کے اسی فیصد گھر ایسے ہیں جہاں دو وقت کی روٹی میسر نہیں، لوگ ناقص غذا کھا کر بیماریوں کا شکار ہو کر مر رہے ہیں جبکہ حکمران طبقہ اپنی سات نسلوں کیلئے اربوں روپے لوٹ رہے ہیں۔ جس گھر میں غربت اور جہالت دونوں ہوں، وہ جہنم نما ہوتا ہے جس میں اسی فیصد لوگ جل رہے ہیں جبکہ حکمرانوں کی نظر میں سب اچھا ہے۔
