اسلام آباد (اصل میڈیا ڈیسک) پاکستان میں کورونا کے باعث مزید 5 افراد جاں بحق ہو گئے جب کہ 513 افراد میں وائرس کی تصدیق ہوئی ہے۔
نیشنل کمانڈ اینڈ آپریشن سینٹر (این سی او سی) کے مطابق ملک میں گزشتہ 24 گھنٹوں کے دوران 24 ہزار 857 ٹیسٹ کیے گئے جس میں سے 513 افراد میں کورونا وائرس کی تصدیق ہوئی۔
این سی او سی کے مطابق ملک میں کورونا سے مزید 5 افراد انتقال کر گئے جس کے بعد اموات کی مجموعی تعداد 6340 ہو گئی ہے۔
سرکاری پورٹل کے مطابق ملک بھر میں کورونا کے مجموعی مریضوں کی تعداد 2 لاکھ 98 ہزار25 ہوگئی ہے جس میں سے فعال کیسز 9 ہزار 132 ہیں۔
این سی او سی کے مطابق ملک بھر میں کورونا ٹیسٹوں کی مجموعی تعداد 27 لاکھ 32 ہزار 325 ہے جب کہ اب تک 2 لاکھ 82 ہزار 553 افراد کورونا کو شکست دے کر صحت یاب ہو چکے ہیں۔
صدر الخدمت فاوَنڈیشن اسلام آباد، حامد اطہر ملک نے کراچی متاثرین کے لیے 1 ملین کا چیک الخدمت شمالی پنجاب کے حوالے کر دیا
جرمنی: لائپزگ شہر میں دوسری شب بھی پر تشدد مظاہرے
