کراچی (اصل میڈیا ڈیسک) ملک میں کورونا وائرس کے مزید 9 کیسز سامنے آگئے جس کے بعد متاثرین کی مجموعی تعداد 17 ہو گئی۔
محکمہ صحت سندھ کے مطابق کراچی میں چوبیس گھنٹوں کے دوران کورونا وائرس کے کل 9 کیسز رپورٹ ہوئے۔ کورونا وائرس کے 5 مریضوں نے شام براستہ دوہا سے کراچی سفر کیا۔کورونا وائرس کے3 مریضوں نے لندن سے دبئی کے راستے کراچی کا سفر کیا تھا، جبکہ ضلع شرقی کے رہائشی 53 سالہ متاثرہ شخص نے حال ہی میں شام اور قطر کا سفر کیا۔
متاثرہ افراد کے ٹیسٹ میں کورونا وائرس کی تشخیص ہوئی، کورونا وائرس سے متاثرہ افراد سے رابطے میں رہنے والے تمام افراد کو تلاش کیا جارہا ہے جبکہ جن افراد کا پتا لگایا جاچکا ہے انھیں قرنطینہ وارڈ میں رکھا گیا ہے۔
کراچی میں مجموعی طور پر اب تک کورونا وائرس کے کل 13 کیس رپورٹ ہوچکے ہیں جن میں سے ایک شخص کو صحت یاب ہونے کے باعث اسپتال سے چھٹی دے دی گئی ہے اور 12 مریض زیر علاج ہیں، مجموعی طور پر ملک بھر میں کورونا وائرس کے 17 کیس رپورٹ ہوچکے ہیں۔
ایکسپریس نیوز کے مطابق کراچی میں کورونا وائرس کی صورتحال پیچیدہ ہونے لگی ہے اور محکمہ صحت کورونا وائرس کے کیسز کی بڑھتی ہوئی تعداد پر قابو پانے میں ناکام ہوگیا ہے۔ کراچی میں24 گھنٹوں کے دوران کورونا وائرس کے 9 کیسز رپورٹ ہوئے ہیں۔
لندن: نواز شریف کے ذاتی معالج ڈاکٹر عدنان حملے میں شدید زخمی
فوجی عدالتوں کیخلاف اپیلیں، پشاور ہائیکورٹ کو فیصلے سے روکنے کی استدعا مسترد
