اسلام آباد (اصل میڈیا ڈیسک) ملک بھر میں کورونا وائرس کے مریضوں کی مجموعی تعداد 2 لاکھ61 ہزار 917 تک جا پہنچی جب کہ تاحال اس وائرس سے 5 ہزار 522 مریض جاں بحق ہو چکے ہیں۔
نیشنل کمانڈ اینڈ آپریشن سینٹر کی جانب سے جاری کیے جانے والے اعداد وشمار کے مطابق ملک میں کورونا وائرس کے وار کم ہونے لگے۔ گزشتہ 24 گھنٹوں میں 1 ہزار 918 نئے کیسز رپورٹ ہوئے۔ جب کہ ملک بھر میں کورونا وائرس کے مریضوں کی مجموعی تعداد 2 لاکھ61 ہزار 917 تک جا پہنچی۔
اس وقت ملک بھر میں کورونا کے ایکٹیو کیسز (فعال مریضوں) کی تعداد 57 ہزار 886 ہے،جب کہ صحتیاب ہونے والے مریضوں کی تعداد ایک لاکھ 98 ہزار 509 ہو گئی۔
سندھ میں کورونا کے مصدقہ مریضوں کی تعداد 1لاکھ11ہزار238، پنجاب میں 89ہزار465مریض، خیبرپختونخوا میں 31ہزار669، بلوچستان میں کوروناکے11ہزار405مریض، اسلام آبادمیں کوروناوائرس کے مریضوں کی تعداد14ہزار504ہوگئی، گلگت بلتستان میں ایک ہزار 796 جب کہ آزادکشمیرمیں ایک ہزار 840 افرادکوروناوائرس سےمتاثر ہیں۔
گزشتہ 24 گھنٹوں میں کورونا وائرس سے مزید 47 اموات ہوئیں۔ جس کے بعد ملک بھر میں اس وائرس سے مجموعی اموات کی تعداد 5 ہزار 522 ہو گئی۔ سندھ میں کورونا کے ایک ہزار 952 مریض جاں بحق ہوچکے ہیں، پنجاب 2 ہزار 67مریض، خیبرپختونخوا میں ایک ہزار 130، اسلام آباد میں 157، بلوچستان میں 131 جب کہ گلگت بلتستان میں کورونا کے 39 مریض جاں بحق ہوچکے ہیں۔
ملک بھر میں 24 گھنٹوں میں کورونا کے 23 ہزار 011 ٹیسٹ کیے گئے۔ مجموعی طور پر اب تک 16 لاکھ 99 ہزار 101 ٹیسٹ کیے جا چکے ہیں۔ ملک بھرکےاسپتالوں میں 307 مریض وینٹی لیٹرپر ہیں۔ اسپتالوں میں کوروناوینٹی لیٹرزکی تعداد1825 ہے۔ ملک بھر میں 733 اسپتالوں میں کورونا مریضوں کےلیے سہولیات ہیں۔ اس وقت 2 ہزار 690 مریض اسپتالوں میں داخل ہیں۔
کورونا وائرس کے خلاف یہ احتیاطی تدابیر اختیار کرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازہ کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکر بیٹھنے کے بجائے پنکھے کی ہوا میں بیٹھیں۔
سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پر کوئی اثر نہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔
پانی گرم کرکے تھرماس میں رکھ لیں اور ہر ایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہو جاتا ہے۔
جنسی زیادتی کے واقعات سے متعلق ویٹیکن کا نیا حکم نامہ
مقبوضہ کشمیر: قابض بھارتی فوج نے مزید 3 کشمیری شہید کر دیے
