لاہور (جیوڈیسک) وزیراعظم شاہد خاقان عباسی نے کہا ہے کہ (ن) لیگ کی حکومت نے محدود وسائل کے باوجود بڑے چیلنجز پر قابو پایا ہے۔ انہوں نے کہا ملک میں نہ جوڈیشل مارشل لاء لگے گا اور نا ہی کوئی اور، جولائی میں عوام فیصلہ کریں گے جو سر آنکھوں پر ہو گا۔
لاہور میں کیبل پلانٹ کی افتتاحی تقریب سے شاہد خاقان عباسی نے خطاب کرتے ہوئے کہا ن لیگ کی حکومت صرف باتیں نہیں کام کرتی ہے، 2013 میں ملک کو شدید لوڈشیڈنگ کا سامنا تھا، موجودہ حکومت نے 10 ہزار سے زائد میگاواٹ بجلی سسٹم میں شامل کی۔ انہوں نے کہا بجلی کی پیداوار کیلئے متبادل ذرائع پر بھی کام کیا ہے، بجلی کے منصوبے مستقبل میں بھی پاکستان کو فائدہ پہنچائیں گے۔
وزیراعظم شاہد خاقان عباسی کا کہنا تھا موجودہ دورمیں بجلی چوری اورلائن لاسز پرقابو پاناچیلنج ہے، ایسے منصوبے شروع کیے ہیں 15 سال تک ملک میں بجلی کی قلت نہیں ہوگی۔ شاہد خاقان عباسی نے کہا نواز شریف کا ویژن کامیاب رہا، ملک کی ترقی میں صنعتوں کے کردار سے کوئی انکار نہیں کر سکتا، پوری دنیا میں صنعت کے فروغ کیلئے ٹیکسوں میں چھوٹ دی جاتی ہے۔
انہوں نے کہا ملکی معاشی ترقی اور بے روزگاری کے خاتمے میں صنعت کا اہم کردار ہے، جو عوام فیصلہ کریں گے وہ حکومت آئے گی، صنعتی ترقی کے لیے پالیسی کا تسلسل اور استحکام ضروری ہے، سی سی وی کیبل سے درآمدات میں کمی اور وسائل میں بہتری ہوگی۔
ہاشمی ایسے سیاسی مسافر ہیں جنہیں کوئی اپنی ٹرین پر بٹھانے کو تیار نہیں۔ چوہدری نثار علی خان
فرانس: یرغمالوں کی رہائی کے بعد خود کو پیش کرنے والا پولیس افسر ہلاک
