اسلام آباد (جیوڈیسک) محکمہ موسمیات کے مطابق آج راولپنڈی، اسلام آباد، گوجرانوالا، لاہور،کنڈ، ہزارہ، گلگت بلتستان اور کشمیر میں گرج چمک کے ساتھ بارش ہو سکتی ہے۔ جبکہ ملک کے دیگر حصوں میں موسم گرم رہنے کا امکان ہے۔
گزشتہ چوبیس گھنٹوں میں سب سے زیادہ بارش جہلم میں 104 ملی میٹر ریکارڈ کی گئی۔ جبکہ مری میں 90 منگلا میں 47 اور مظفر آباد میں 37 ملی میٹر بارش ریکارڈ کی گئی۔جبکہ سب سے زیادہ گرمی نوابشاہ، سکھر اور رحیم یار خان میں پڑی جہاں درجہ حرارت 41 ڈگری سینٹی گریڈ ریکارڈ کیا گیا۔