پاکستان ملٹری اکیڈمی کاکول میں یوم آزادی کی پریڈ کے موق پر آرمی چیف جنرل کیانی نے کہا ہے کہ ملک کو اندرونی اور بیرونی چیلنجز کا سامنا ہے۔ قوم کے اتحاد کے بغیر بحرانوں پر قابو پانا مشکل ہو گا۔
آرمی چیف کا کہنا تھا کہ پاکستان کے متعلق شک و شبہات ظاہر کرنے والے قوم کے عزم سے انجان ہیں۔ ان کا کہنا تھا کہ اولین ترجیح ملک اور قوم کا مفاد ہونا چاہئے، ملک اور قوم کے لئے ایک ہو کر سوچنا ہو گا، انشااللہ راستے خود آسان ہو جائیں گے۔ جنرل اشفاق پرویز کیانی نے کہا کہ پاکستان کا مقصد صرف زمین کے ٹکڑے کا حصول نہیں بلکہ ایک فلاحی ریاست کا حصول تھا، عہد کریں کہ پاکستان کو مثالی اور فلاحی مملک بنائیں گے۔
آرمی چیف کا کہنا تھا کہ دہشتگردی پر قوم میں اتفاق رائے ہونا ضروری ہے۔ انہوں نے کہا کہ دہشتگرد اپنے ناپاک عزائم میں کبھی کامیاب نہیں ہوں گے۔ آرمی چیف کا کہنا تھا کہ پاک افواج نے دہشتگردی پر قابو پانے کیلئے بے مثال قربانیاں دیں۔
قوم 67 واں یوم آزادی آج جوش و جذبے سے منا رہی ہے
بھارتی فوج کی فائرنگ، گولہ باری، پاکستان کا بھر پور جواب
