کراچی (جیوڈیسک) پاکستانی کرکٹ ٹیم کے سابق کپتان راشد لطیف کا کہنا ہے کہ پاکستان کرکٹ بورڈ کو یہ فیصلہ کرنا ہو گا کہ وہ جسٹس قیوم کمیشن کی سفارشات کو مانتا ہے یا نہیں۔
ایک انٹرویو میں انھوں نے کہا کہ جسٹس قیوم نے جو بھی انکوائری کی اس پر مکمل عمل درآمد نہیں کرایا گیا، نہ ہی اس کی آئی سی سی سے توثیق ہوئی، یہی وجہ ہے کہ آج تک تنازعات چلے آ رہے ہیں۔
راشد لطیف نے کہا کہ آئی سی سی، پی سی بی اور دیگر بورڈز اس طرح کی رپورٹس کو مانتے تو ہیں لیکن ان میں پسند ناپسند کا عمل دخل نمایاں ہے، اس کی سب سے بڑی مثال سری نواسن ہیں جنھیں بھارتی سپریم کورٹ نے بی سی سی آئی کے صدر کے عہدے سے ہٹا دیا لیکن وہ غیر قانونی طور پر آئی سی سی کے اجلاس میں شریک ہوئے۔
کونسل کے اینٹی کرپشن ضابطہ اخلاق کے آرٹیکل 9 کے پارٹ ون اور ٹو میں واضح طور پر موجود ہے کہ کرپشن میں مبینہ طور پر ملوث کوئی بھی کرکٹر اور آفیشل کسی بھی ملک میں کھیل سکتا ہے نہ کرکٹ سے متعلق کوئی کام کر سکتا ہے۔
اسپاٹ فکسنگ اسکینڈل ، سری نواسن کے گرد گھیرا تنگ
کنڈیشننگ کیمپ ، گرمی میں ٹریننگ سے کھلاڑیوں کو پسینے آگئے
