کچا جمال (جیوڈیسک) کچے میں چھوٹو گینگ کے خلاف فورسز کا بڑا آپریشن جاری ہے ۔ کچا جمال میں ہیلی کاپٹر کے ذریعے پمفلٹ پھینکے گئے جس میں چھوٹو گینگ کو یرغمالی رہا کرنے اور ہتھیار ڈالنے کو کہا گیا ہے ۔ سیکورٹی فورسز کی ڈاکوؤں کے ٹھکانوں کی جانب پیش قدمی بھی جاری ہے ۔ چھوٹو گینگ کو جان کے لالے پڑ گئے ۔ فورسز کی کچا جمال میں کارروائی شروع ہوتے ہی ڈاکو پسپا ہونے لگے ۔ سیکورٹی فورسز نے کچا جمال میں ہیلی کاپٹر کے ذریعے پمفلٹ پھینکے جس میں چھوٹو گینگ کو وارننگ دی گئی کہ یرغمالیوں کو رہا کرکے ہتھیار ڈال دو ۔
چھوٹو گینگ کے خلاف مقدمات کا فیصلہ عدالتیں کریں گی ۔ سیکورٹی فورسز ڈاکوؤں کے ٹھکانوں کی جانب پیش قدمی کر رہی ہیں ۔ مارٹر گولے فائر کیے جا رہے ہیں اور علاقہ وقفے وقفے سے فائرنگ کی آواز سے گونج رہا ہے ۔ آپریشن ضرب آہن کے دوران کچا جمال اور کچا مورو سمیت بیس بستیوں میں کرفیو نافذ ہے ۔ کچے کے تمام داخلی اور خارجی راستوں پر چوکیاں قائم کردی گئی ہیں تاکہ چھوٹو گینگ انجام کو پہنچایا جا سکے ۔
پنجاب اسمبلی کی پبلک اکائونٹس کمیٹی فعال نہ ہونے پر ایڈووکیٹ جنرل پنجاب کو آخری موقع
مصطفیٰ کمال کے ساتھ جانیوالے معافی مانگ کر واپس آسکتے ہیں :ندیم نصرت
