ہوانا (جیوڈیسک) کیوبا میں مسافر بردار طیارہ گر کر تباہ ہوگیا جس کے نتیجے میں 110 افراد ہلاک ہو گئے۔
کیوبا کے سرکاری ٹی وی کے مطابق ہوانا شہر کے جوزمارتی ایئرپورٹ سے بوئنگ 737 نے پرواز کی جس میں 104 مسافروں سمیت عملے کے 9 ارکان سوار تھے تاہم طیارہ کچھ دیر بعد ہی گر کر تباہ ہوگیا جس کے نتیجے میں 110 افراد ہلاک ہو گئے۔
حادثے کے فوری بعد سیکیورٹی اداروں نے جائے حادثہ کو چاروں طرف سے گھیرلیا جب کہ امدادی ادارے بھی وہاں پہنچ گئے۔
یہ ایک ڈومیسٹک فلائٹ تھی جو کہ ہوانا سے ہولگن سٹی کی طرف جارہی تھی تاہم بدقسمتی سے ایئرپورٹ سے پرواز کرتے ہی حادثے کا شکار ہوگئی۔
سرکاری ٹی وی کے مطابق حادثے میں 3 افراد زندہ بچ گئے جنہیں تشویش ناک حالت میں اسپتال منتقل کردیا گیا ہے۔
نواز شریف کو جھوٹ پر نکالا گیا، الزام خلائی مخلوق پر لگا رہے ہیں۔ بلاول بھٹو
اگر آپ کا دامن صاف تو ڈر کس چیز کا ہے۔ چیئرمین نیب
