کراچی (اصل میڈیا ڈیسک) ڈائریکٹوریٹ کسٹمز انٹیلی جنس حیدرآباد نے انسداد اسمگلنگ مہم کی دو مختلف کارروائیوں میں 5 کروڑ روپے مالیت کی اسمگل شدہ اشیا ضبط کر کے مقدمہ درج کرلیا۔
ڈائریکٹوریٹ کے اعلیٰ حکام کو اسمگلروں کے منظم گروہ کی جانب سے مس ڈیکلریشن کے ذریعے بھارتی مصنوعی زیورات درآمد کرنے کی خفیہ اطلاع موصول ہوئی تھی جس پر ڈائریکٹوریٹ کسٹمز انٹیلی جنس اینڈ انویسٹی گیشن حیدرآباد کے عملے نے ضلع مٹیاری سعید آباد میں کارروائی کرتے کنٹینرسے 17ہزار کلوگرام بھارتی ممنوعہ مصنوعی زیورات برآمدکرلیے۔
ذرائع نے بتایاکہ ان زیورات کی مالیت 2کروڑ 90 لاکھ روپے ہے جنھیں کوئٹہ سے کراچی اسمگل کیا جا رہا تھا، ذرائع نے بتایاکہ حکام نے جب مصنوعی زیورات کی درآمدی دستاویزات طلب کیں تو اس بات کا انکشاف ہوا کہ جعلی دستاویزات کے ذریعے سامان منگوایا گیا تھا، ڈائریکٹوریٹ کسٹمز انٹیلی جنس کے اہل کاروں نے سکھر میں ایک دوسری کارروائی کے دوران 2 کروڑ روپے سے زائد مالیت کی چھالیہ اسمگل کرنے کی کوشش بھی ناکام بنا دی۔
چیئرمین اقرا یونیورسٹی حنید لاکھانی سے پروفیسر ڈاکٹر عبد الرحمن چوہدری کی ملاقات
کراچی سمیت سندھ بھر میں نرسری سے آٹھویں جماعت تک کی کلاسوں کا آغاز
