اسلام آباد (جیوڈیسک) حکومت نے سائبر کرائم بل دو ہزار چودہ تیار کر لیا، بل میں ویب سائٹ ہیکنگ کو سائبر ٹیررازم قرار دیا گیا ہے جس کی سزا چودہ سال قید اور پانچ کروڑ روپے تک جرمانہ تجویز کیا گیا ہے۔
سائبر کرائم بل دو ہزار چودہ کے مطابق اے ٹی ایم مشینوں اور پبلک یوٹیلٹی سروسز کو نقصان پہنچانا بھی دہشتگردی کے زمرے میں آئے گا۔
الیکٹرانک فراڈ کے مجرم کو پانچ سال قید، ایک کروڑ روپے جرمانے کی سزا ہو سکے گی۔
انٹرنیٹ یا موبائل پر کسی خاتون کی کردار کشی کرنے والے شخص کو ایک سال قید ہو سکے گی۔
بل میں انٹرنیٹ پر کسی دوسرے کی شناخت اپنانے پر چھ ماہ تک کی قید تجویز کی گئی ہے۔
لورا لائی : خاتون اور مرد کو سنگسار کر دیا گیا، ملوث چھ افراد گرفتار
حکومتی، طالبان کمیٹی میں مذاکرات منسوخ ، عرفان صدیقی کی وزیر اعظم سے ہنگامی ملاقات
