لاہور (جیوڈیسک) دانش کنیریا کے ساتھ نمائشی میچ کیوں کھیلا، وہاب ریاض، فوادعالم، ناصرجمشید، عبدالرزاق، شاہ زیب حسن پر پانچ پانچ لاکھ روپے جرمانہ کردیا گیا۔
تاحیات پابندی کا شکار دانش کنیریا کے ساتھ کرکٹ کھیلنے والے پانچ کھلاڑیوں پر پانچ پانچ لاکھ روپے جرمانہ کر دیا گیا، جبکہ ڈائریکٹر مارکیٹنگ کو تنبیہہ کی گئی ہے چار ٹیسٹ کرکٹر اور ایک انٹرنیشنل کھلاڑی کو لینے کے دینے پڑ گئے۔
امریکا گئے تھے کھیل سے پیسہ کمانے، لیکن واپسی پر تحقیقات کی لپیٹ میں آئے اور اب جرمانہ بھی بھریں گے۔ ٹیسٹ کرکٹر عبدالرزاق، وہاب ریاض، فواد عالم، ناصر جمشید اور شاہ زیب حسن امریکا میں فرینڈ شپ کپ میں شریک ہوئے، جس میں دانش کنریا بھی ایکشن میں تھے۔
جن پر اسپاٹ فکسنگ کے باعث تاحیات پابندی ہے۔ کھلاڑی واپس آئے تو پی سی بی کی جانب سے تحقیقات ہوئی اور پانچوں کھلاڑیوں کو بنا این او سی بیرون ملک کھیلنے اورخاص طور پر دانش کنیریا کے ہمراہ کھیلنے پر پانچ پانچ لاکھ روپے جرمانہ کر دیا گیا، جبکہ اسی ایونٹ کے موقع پر تصاویر بنوانے والے پی سی بی کے ڈائریکٹر مارکیٹنگ بدر رفاہی کو کمیٹی کی جانب سے تنبیہہ کی گئی ہے۔
برازیل میں فٹبال ورلڈ کپ قریب مگرعوام احتجاج کے موڈ میں
ٹی ٹی پی سے منسلک دہشت گردوں کا نیٹ ورک پکڑا گیا
