کراچی (جیوڈیسک) پاکستانی اداکار دانش تیمور پر بھی قسمت کی دیوی مہربان ہو گئی اور انہیں اب ڈراموں کے بعد فلموں کی آفربھی ملنا شروع ہوگئی ہیں۔ دانش تیمور نے بتایا کہ وہ فلم ’’جلیبی ‘‘ کی نمائش کے بعد ہی نئی فلموں کے بارے میں سوچیں گے۔
ان کا کہنا تھا کہ ڈرامہ انڈسٹری میری پہچان ہے اس لیے اس کو کبھی خیر آباد کہنے کا سوچ بھی نہیں سکتا‘ اس وقت اپنی نئی فلم ’’جلیبی ‘‘ پر ساری توجہ مرکوز کر رکھی ہے جو کہ 20 مارچ کو پاکستان بھر میں ریلیز کی جارہی ہے۔
فلم میں کام کا تجربہ بہت ہی شاندار رہا اس فلم میں کام کے دوران ہی مجھ کو کئی فلموں کی آفرز ملنا شروع ہوگئی تھیں جن میں سے کچھ فلموں کے سلسلے میں بات بھی ہوئی ہے لیکن ابھی فی الحال اپنی فلم کی ریلیز کا انتظار کر رہا ہوں۔
ان کا کہنا تھا کہ عوام نے مجھ کو ڈراموں میں بے حد پسند کیا اور مجھ کو میری سوچ سے بھی زیادہ اچھا رسپانس ملا اب میری خواہش ہے کہ فلم اندسٹری میں بھی لوگوں کی توقعات پر پورا اتروں۔
صولت مرزا کے اہلخانہ آخری ملاقات کیلیے مچھ روانہ ہو گئے
آل پاکستان این بی پی فٹ بال ٹورنامنٹ میں بلوچ محمڈن نے کے پی ٹی کو ٹھکانے لگا دیا
