ڈسکہ کی خبریں 17/4/2014

Posted on April 17, 2014 By Majid Khan سٹی نیوز

ڈسکہ (عارف محمود) دو چور گھر سے چاول چرا کر لے گئے تفصیل کے مطابق بڈھا گوارئیہ کے رہائشی عظمت اللہ کی ہمشیرہ شہناز کام کے سلسلہ میں گئی ہو ئی تھی اس کی عدم موجودگی میں چور گھر سے 40ہزار رو پے مالیتی چاول چرا کر لے گئے گھر واپس آنے پر وقوعہ کا علم ہوا پتہ جو ئی کر نے پر معلوم ہوا کہ چوری محمد منشاء وغیرہ دو افراد نے کی ہے تھانہ ستراہ پولیس مقدمہ درج کر کے مصروف تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسکہ(عارف محمود)دوا فراد نے گھر سے درخت چوری کر لیئے جبکہ دو اشتہاری ملزم بھی گرفتار تفصیل کے مطابق گوجرانوالہ کے رہائشی ندیم احمد کی عوامی روڈ ڈسکہ میں موجودہ رہائش گا ہ جس کا مقدمہ عدالت میں زیر سماعت سے اس کی عدم موجودگی میں ملزمان عارف ،عاشق نے آم کے درخت چوری کر لیئے جبکہ موترہ پولیس نے دو اشتہاری ملزمان سلیم عرف ہیرا گوجرانوالہ ،اعجاز عرف لالہ بن باجوہ کو گرفتار کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسکہ(عارف محمود)ملک پاکستان میں سب نظام آزمائے جاچکے ہیں صرف ایک ہی نظام باقی رہ گیا ہے جو نظام مصطفیۖ ہے ملک پاکستان میں نظام مصطفی ۖ نافذ ہونے سے ملک میں بدامنی ‘دہشت گردی ‘مہنگائی ‘لاقانونیت جیسی آفات کا خاتمہ ہوجائیگا روئے زمین پر اسلام کے نام پر بننے والی پہلی حکومت مدینہ منور میں قائم ہوئی اورعدل وانصاف کے معاشرہ کا قیام عمل میں آیا اس کے 14سو سال کے بعد پاکستان کو اسلام کے نام پر حاصل کیاگیا مگر بدقسمتی سے اقتدار میں آنیوالی کسی بھی جماعت نے ملک کے قوانین کو اسلامی تعلیمات کے تابع کرنے کیلئے عملی طور پر کوئی قدم نہ اٹھایاموجودہ حکومت کو چاہیے کہ وہ ملک میں فوری طور پر نظام مصطفی کا نفاذ کرے ان خیالات کااظہار جمعیت علماء پاکستان کے مرکزی صدر صاحبزادہ ابو الخیر محمد زبیر نے ڈسکہ بار میں وکلاء سے خطاب کرتے ہوئے کیاانہوںنے کہاکہ حکمران اگر ملک و قوم سے مخلص ہیں تو ملک میں فوری طور پر نظام مصطفی نافذ کریں ایسا کرنے سے تمام مسائل سے نجات مل جائیگی وطن عزیز بحرانوں کا شکار ہے نبی آخر الزمان ۖ کا نظام نافذ کئے بغیر ان بحرانوں سے نہیں نکالا جاسکتا ہے آپ ۖ کے پیغام اتحاد امت اور دوسروں کا احترام کو عام کرنے کی ضرورت ہے ملک اس وقت نازک دور سے گزرر ہا ہے ان حالات میں اتحاد اتفاق کی اشد ضرورت ہے اس موقع پر جمعیت علماء پاکستان کے مزکری جنرل سیکرٹری سیدمحفوظ شاہ مشہدی ودیگر بھی موجودتھے وکلاء نے خطاب کر تے ہو ئے کہا کہ اسلا م دہشت گردی کی اجازت نہیں دیا اسلا م محبت اور امن کا نام ہے اسلام کے نام پر قتل و غارت گری کر نے والے اسلام کے لئے نہیں بلکہ کسی اور پروگرام پر عملدرآمد کے لئے گامزن ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسکہ(عارف محمود)جماعت اہلسنت تحصیل ڈسکہ کا اجلاس گزشتہ روز دارالعلوم نقشبندیہ کالج روڈمیں زیر صدارت مفتی محمد معین الدین اور علامہ قاری خالد محمود آرگنائزر جماعت اہلسنت صوبہ پنجاب منعقد ہوا اجلاس میں جماعت اہلسنت تحصیل ڈسکہ کی تنظیم نو کی گئی جس کے مطابق آرگنائزر مولانا غلام حسین ‘امیر تحصیل ڈسکہ مولانا محمدفاضل صابری اور ناظم اعلیٰ حافظ یامین مصطفائی کو بلامقابلہ منتخب کرلیا گیااس موقع پر علماء کرام اورطلباء کی کثیر تعداد بھی موجودتھی مفتی محمد معین الدین ،علامہ قاری خالد محمود آرگنائزر جماعت اہلسنت صوبہ پنجاب و دیگر نے نومنتخب عہدیدارو ں کو مبارکباد دی اور امید ظاہر کی کہ وہ جماعت اہلسنت کے فروغ اور اسلام کے نفاذکے لئے کوشاں رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسکہ(عارف محمود)سول ہسپتال ڈسکہ میں آئندہ چند روز تک کارڈیالوجی (شعبہ امراض دل )مریضوں کیلئے کھول دیا جائے گا اسسٹنٹن کمشنر چوہدری ذوالفقار احمد بھون نے صحافیوں کو بتایا کہ امراض دل کے امراض کے لئے جدید ترین مشینری خریدنے کے لئے شہر کے مخیر حضرات ،مقامی ڈاکٹرزسماجی اور تاجر تنظیموں نے بھر پور تعاون کیا ہے جبکہ گردوں کے علاج معالجہ کے شعبہ کی مشنری بھی چند روز تک نصب ہو نے کے بعد مریضوں کے علاج میں سہولت ہو جائے گی چوہدری ذوالفقار احمد بھون نے شہریوں کو پینے کا صاف پانی مہیا کر نے کے لئے شہر کے تمام فلٹریشن پلانٹ کی صفائی کروادی گئی ہے جس سے شہری پیٹ کے امراض میں مبتلا نہیں ہو سکیں گے۔

by Majid Khan

Nasir Mehmood - Chief Editor at GeoURDU.com