کراچی (جیوڈیسک) سوئنگ کے سلطان نے اپنی بیٹی عائلہ کے ساتھ ایک خوبصورت تصویر شیئر کرکے یہ ثابت کردیا ہے کہ وہ ایک محبت کرنے والے والد ہیں۔ سماجی رابطے کی ویب سائٹ ٹویٹر پر شیئر کی گئی اِس تصویر میں دونوں باپ بیٹی ایک دوسرے کے ساتھ بہت خوش نظر آ رہے ہیں۔
اپنی دوسری ٹوئٹ میں کے ہیش ٹیگ کے ساتھ وسیم اکرم نے اپنے مداحوں کو بتایا کہ انھوں نے اور ان کی اہلیہ نے اپنی بیٹی کا نام عائلہ رکھا جس کا مطلب چاند کی روشنی ہے کیونکہ دسمبر 2014 کے اس سیاہ وقت میں وہ ان کے لیے روشنی کی کرن ثابت ہوئی۔ عائلہ کی پیدائش پشاور کے آرمی پبلک سکول پر حملے کے تقریبا دو ہفتے بعد 28 دسمبر 2014ء کو ہوئی تھی۔
وسیم اکرم کی اہلیہ شنیرا اکرم نے بھی اس ٹویٹر گفتگو میں حصہ لیا اور اپنے شوہر کو یاد دلایا کہ ان کی بیٹی ایک سال کی ہونے والی ہے اور اب ان کے فینز کو توقع ہے کہ عائلہ کی سالگرہ کی تقریب بھی نہایت شاندار ہوگی۔ وسیم اور شنیرا اکرم اکثرو بیشتر سماجی رابطے کی ویب سائٹس پر اپنی سرگرمیوں کی تصاویر فینز کے ساتھ شیئر کرتے رہتے ہیں۔
جرمنی فٹبال میچ، بوروشیا ڈورٹمنڈ کی اسبرگ کو شکست
محمد عامر کو دورہ نیوزی لینڈ کے لئے تربیتی کیمپ میں شامل کرنے کا فیصلہ
