فرانس (جیوڈسک)ڈیوس کپ ٹینس : فرانس اور ارجنٹائن کا مقابلہ برابرڈیوس کپ ٹینس ورلڈ گروپ کوارٹرفائنلز میں فرانس اور ارجنٹائن کا مقابلہ ایک ایک سے برابر ہوگیا۔
ارجنٹائن میں کھیلے جانے والے میچ میں فرانس کے جوولفریڈ سونگا کو اپنی ٹیم کو برتری دلانے میں سخت محنت کا سامنا کرنا پڑا۔ سونگا نے میزبان کھلاڑی کارلوس برلوک کے خلاف چار گھنٹے تک جاری رہنے والے اعصاب شکن مقابلے کے بعد چھ چار، دو چھ، تین چھ، سات پانچ اور دو چھ سے کامیابی حاصل کی۔ دوسرے میچ میں ارجنٹائن کے یوآن موناکو نے فرانس کے جائلز سمن کو اسٹریٹ سیٹس میں شکست دے کر مقابلہ ایک ایک سے برابر کردیا۔
موناکو کی فتح کا اسکور سات چھ، چھ دو اور چھ چار رہا۔ دوسری جانب امریکہ اور سربیا کے درمیان ٹائی بھی ایک ایک سے برابر رہی۔ امریکہ کے ٹاپ کھلاڑی سیم کوئری نے سربیا کے وکٹر ٹروسکی کو پانچ سیٹ کے سخت مقابلے کے بعد زیر کرتے ہوئے برتری حاصل کی۔
امریکی کھلاڑی نے سات چھ، تین چھ، چار چھ، چھ ایک اور چھ چار سے قابو کیا۔ دوسرے میچ میں عالمی نمبر ایک سربیا کے نوواک جوکووچ نے امریکہ کے جان اسنر کو اسٹریٹ سیٹس میں سات چھ، چھ دو اور سات پانچ سے مات دے کر مقابلہ برابر کردیا۔
آئی سی سی چیمپئینز ٹرافی کے لئے بھارتی اسکواڈ کا اعلان
ڈیوس کپ ٹائی : پاکستان کے احتجاج سے نیوزی لینڈ اگلے رانڈ میں
