کراچی (اسٹاف رپورٹر) حلقہ علویہ القادریہ کے زیر اہتمام درگاہ شاہ جیلانی سے متصل جیلانی جامع مسجد گلشن اقبال میں یوم صدیق اکبر پر عظیم الشان محفل نعت کا انعقاد کیا گیا جس میں ملک کے ممتاز ثناء خوان رسول قاری محسن قادری،حافظ اویس رضا قادری،منور علی القادری اور دیگر نے بارگاہ رسالت میں گلہائے عقیدت پیش کرکے سماں باندھ دیا۔
اس عظیم الشان محفل میں علماء اکرام ،مریدین ،عقیدت مندوں کے کثیر تعداد کے علاوہ زندگی کے مختلف شعبہ ہائے زندگی سے تعلق رکھنے والی شخصیات اور عوام کی کثیر تعداد نے شرکت کی۔
تقریب کے اختتام پر خلفاء سید اظہر علی علوی القادری اور سید عبدالحفیظ علوی القادری کی قیادت میں شرکاء نے درگاہ شاہ جیلانے پر حاضری دی اور مزار اقدس پر چادر پوشی اور گل پاشی کی گئی۔
بلدیہ کورنگی کا صفائی و ستھرائی کا عمل 24گھنٹے جاری رکھنے کا اعلان
