ممبئ (جیوڈیسک) گزشتہ برس ریلزہونیوالی سپر ہٹ فلم ’’رام لیلا ‘‘ کی جوڑی ایک بار پھر سینما اسکرین پر ایک ساتھ جلوہ گر ہوگی اطلاعات کے مطابق دپیکاپڈوکون نے کرن جوہر کی فلم شدھی کو چھوڑ کر سنجے لیلا بھنسالی کی تاریخی کردار پر بنائی جانیوالی فلم باجی راؤ مستانی میں کام کرنے کی حامی بھرلی ہے اور وہ اس فلم میں ’’ رام لیلا‘‘ کے ہیرو رنویر سنگھ کے ساتھ جلوہ گر ہوں گی۔
ایک ماہ پہلے تک بالی ووڈ میں خبر گرم تھی کہ اس فلم میں مرکزی کردار کے لیے کرینہ کپور اور کترینہ کیف کے درمیان مقابلہ ہے جب کہ سنجے لیلا بھنسالی دپیکاپڈکون کو اپنی فلم میں مستانی کے کردار کے لیے کاسٹ کرنا چاہتے تھے لیکن وہ اپنے طویل شوٹنگ شیڈول خاص طور پر کرن جوہر کی فلم شدھی میں کام کی حامی بھرنے کی وجہ سے انھیں ہاں نہیں کرسکتی تھی۔
تاہم اب اطلاعات ہیں کہ دپیکا پڈوکون نے ہدایتکار سنجے لیلا بھنسالی کو ان کی فلم باجی راؤ مستانی میں مستانی کا کردار ادا کرنے کے لیے ہاں کردی ہے۔ واضح رہے کہ سنجے لیلا بھنسالی نے دوہزار تین میں یہ فلم بنانے کا اعلان کیا تھا مگر کاسٹ مکمل نہ ہونے کی وجہ سے اس پر کام شروع نہیں کیا جاسکا اب فلم کے مرکزی کرداروں یعنی باجی راؤ اور اس کی اہلیہ کے لیے رنویر سنگھ اور دپیکا پڈکون کا انتخاب کیا جاچکا ہے امید کی جاسکتی ہے کہ اس کی شوٹنگ جلد ہی شروع ہو گی اور اسے روان برس کے دوران ہی سینما گھروں کی زینت بنایا جائے گا۔
فلموں کی ہدایت کاری میرے بس کی بات نہیں، اکشے کمار
“پلینز: فائر اینڈ ریسکیو”کا نیاٹریلر جاری کردیا گیا
