ممبئی (جیوڈیسک) بالی ووڈ کی تیزی سے مقبولیت حاصل کر نے والی رام لیلا جوڑی دپیکا اور رنویر ایک بار پھر بڑی اسکرین پر ایک ساتھ تہلکہ مچانے کیلئے تیار ہیں۔ دپیکا پڈوکون اور رنویر سنگھ نے ہدایت کار سنجے لیلا بھنسالی کی ایک اور فلم باجی راؤ مستانی سائن کر لی ہے جس میں دپیکا مستانی جبکہ رنویر باجی راؤ کے کر دار میں نظر آئیں گے۔
اس سے قبل سنجے لیلا نے اپنی اس فلم میں باجی راؤ کے کر دار کیلئے رنویر کے ساتھ بالی وڈ کنگ شاہ رخ خان اور اجے دیوگن جبکہ مستانی کیلئے کترینہ کیف اور کرینہ کے نا مو ں پر بھی غور کیا تھا لیکن فائنل قرعہ رام لیلا جوڑی کا ہی نکلا۔ فلم گولیوں کی راس لیلا ۔۔ رام لیلاسے راتوں رات مزید شہرت پانے والے دپیکا اور رنویر اپنے گرو ہدایت کار سنجے لیلا بھنسالی کے ساتھ ایک بار پھر مل کر باجی راؤ مستانی کے زریعے بڑی اسکرین پر دھماکہ مچانے کیلئے پوری طرح تیار ہیں جس کی شوٹنگ کا آغاز اس سال کے اختتام تک کر دیا جائے گا۔
اپنی سوانح عمری پر فلم نہیں بناناچاہتی، وحیدہ رحمن
سوناکشی سنہا ہالی وڈ میں کام کرنے کی خواہشمند
