لندن (جیوڈیسک) ورلڈ ٹی 20 میں نیدرلینڈز کے ہاتھوں شکست پر سابق انگلش کرکٹرز ٹیم پر برس پڑے، مائیکل وان نے میچ شروع ہونے سے قبل ٹوئٹر پر لکھا تھا کہ آج کے دن ہمیں شرمندگی ہو سکتی ہے۔
ان کی پیشگوئی سوفیصد درست ثابت ہوئی، جس کے بعد انھوں نے ٹیم کو ناقص پرفارمنس پر آڑے ہاتھوں لیا، ایک اور سابق کپتان مائیکل ایتھرٹن نے کہا کہ ہماری ٹیم نیدرلینڈز کیخلاف اعتماد سے بالکل عاری دکھائی دی، انھوں نے تجویز دی کہ ٹیم کو دوبارہ عروج پر لے جانے کیلیے لنکاشائر کے پیٹر مورس کو کوچ مقرر کر دینا چاہیے، وہ ماضی قریب میں پیٹرسن کے ساتھ تنازع میں ملوث ہونے سے قبل اسکواڈ کے ساتھ منسلک تھے۔
برازیل نے ساؤ پاؤلو اسٹیڈیم پر تعمیراتی کام روک دیا
ورلڈ ٹی 20 میں شکست پر کھلاڑیوں کو جواب دینا ہوگا، نجم سیٹھی
