وزیر دفاع پرویز خٹک کے بھائی اور بھتیجے نے پی ٹی آئی چھوڑ دی

Pervez Khattak

پشاور (اصل میڈیا ڈیسک) وزیرِ دفاع پرویز خٹک کے بھائی لیاقت خان خٹک اور ان کے بیٹے احد خان خٹک نے پاکستان تحریکِ انصاف سے راہیں جدا کرلیں۔

لیاقت خان خٹک اور ان کے بیٹے احد خان خٹک نے اپنے آبائی گاؤں مانکی شریف میں اہم اجلاس کے دوران پی ٹی آئی چھوڑنے کا اعلان کیا۔

ذرائع کے مطابق لیاقت خٹک پاکستان پیپلزپارٹی میں شمولیت کا ارادہ رکھتے ہیں جس کا وہ جلد اعلان کریں گے۔

ذرائع کا کہنا ہےکہ پرویز خٹک کے بھتیجے احد خٹک نے چند روز قبل سابق صدر اور پاکستان پیپلز پارٹی کے شریک چیئرمین آصف علی زرداری سےملاقات کی تھی۔

Nasir Mehmood - Chief Editor at GeoURDU.com