کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی نے کہا ہے کہ ترکی میں فوجی بغاوت کو ناکام بناکر جمہوریت کی حفاظت کرنے پر ترک عوام کو مبارکباد دینے والے پاکستانی حکمران یہ بات یاد رکھیں کہ ترکی میں عوام نے فوجی ٹرکوں کے سامنے لیٹ کر جمہوریت کی حفاظت اسلئے کی ہے کہ جمہوریت کے ثمرات ان تک پہنچ رہے ہیں اور حکمرانوں کی ملک و قوم سے مخلصی عوام میں حکمرانوں کی محبت و مقبولیت کا باعث ہے جبکہ پاکستان میں قائم کرپشن زدہ اقتدار ‘ استحصالی نظام ‘ اختیارات کے ناجائز استعمال اور عوامی استحصا ل کی روایت نے اس بار عوام کو جمہوریت سے اس قدر بیزار کردیا ہے کہ اب کی بار اگر کسی طالع آزما نے طالع آزمائی کی تو عوام اس کے گلے میں پھولوں کے ہار ڈالیں گے اور جمہوریت کی رخصتی پر مٹھائیاں بھی تقسیم کریں گے کیونکہ حکمرانوں کی مفاد پرستی و منافقت نے جمہوریت کے ثمرات سے پاکستانی عوام کو محروم کرکے بھوک و بیروزگاری ‘ غربت و افلاس ‘ جہالت و بیماری اور مسائل و مصائب نے عوام کو اس قدر ضعیف و مفلوج کردیا ہے کہ ا ب ان میں کسی طالع آزما کاراستہ روکنے یا جمہوریت کے تحفظ کیلئے کسی بھی قسم کی قربانی دینے کی ہمت و سکت بالکل نہیں رہی ہے اوراگر حکمران عوام کو جمہوریت کا محافظ دیکھنا چاہتے ہیں تو انہیں جمہوریت کے تمام ثمرات عوام تک پہنچاکر انہیں اس قدر طاقتور بنانا ہوگا کہ وہ بھی ترکی کے عوام کی طرح ٹینکوں کے سامنے لیٹ کر بغاوت و آمریت کی راہ روکنے کی طاقت کے حامل ہوسکیں۔
کراچی ( اسٹاف رپورٹر ) توانائی بحران کے خاتمہ کے دعووںا ور وعدوں کیساتھ اقتدار میں آکر دنیا بھر سے اس حوالے سے معاہدات کرنے والی حکومت اب تک توانائی بحران حل کرنے میں مکمل ناکام دکھائی دے رہی ہے جبکہ بجلی و گیس لوڈ شیڈنگ پہلے کی نسبت دوگنی ہوچکی ہے جو عوام کیلئے عذاب ہی نہیں بلکہ قومی معیشت کیلئے انتہائی خطرناک بھی ہے مگر حکمران عوامی مسائل اور قومی معیشت کیلئے خطرات کیخلاف حفاظتی اقدامات کی بجائے عوام پر ٹیکسوں کا بوجھ لادکر عنان حکومت چلانے کی پالیسی پر گامزن ہیں ۔ یہ بات گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے حکومت کی جانب سے عوام سے 101ارب روپی وصولی کیلئے سوئی گیس ٹیرف میں اضافے کی منظوری کی مذمت کرتے ہوئے کہی ۔ انہوں نے مزید کہا کہ پانامہ لیکس سے سامنے آنےوالے حقائق نے حکومتی ساکھ کوپہلے ہی انتہائی متاثر کیا ہے اور اب اشیائے ضروریہ کی قیمتوں میں بلاجواز اضافہ اور ناقابل برداشت ٹیکسز گرتی ہوئی دیوار اقتدار کیلئے حتمی دھکا بھی ثابت ہوسکتے ہیں ۔
کراچی ( اسٹاف رپورٹر ) غیرت کے نام پر بھائی کے ہاتھوں معروف و متنازعہ ماڈل قندیل بلوچ کے قتل کی مذمت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ عمرا ن چنگیزی ‘میمن رہنما عدنان میمن‘ہیومن رائٹس رہنما امیر علی خواجہ اورخان آف بدھوڑہ یحییٰ خانجی تنولی و دیگر نے کہا ہے کہ سستی شہرت کے حصول کیلئے قندیل بلوچ کا جو کردار میڈیا کے ذریعے عوام کے سامنے آیا وہ یقینا مستحسن نہیں بلکہ دیگر خواتین کیلئے شرم انگیز تھا مگر اس کا مطلب یہ نہیں کہ کسی کے اعمال و کردار کی بنیاد پر کسی کو بھی اس کی جان لینے کا حق و اختیار دے دیا جائے اسلئے قندیل بلوچ کے قاتل نشان عبرت بنانا ضروری ہے تاکہ غیرت کے نام پر قتل کی اس فرسودہ روایت کے خاتمے میں مدد مل سکے جس کی وجہ سے ہر سال سینکڑوں خواتین کو قتل کردیا جاتا ہے اور قتل کو غیرت کا نام دیکر مقتولہ کی مزید تذلیل کے اسباب پیدا کئے جاتے ہیں ۔
کراچی ( اسٹاف رپورٹر )پاکستان سولنگی اتحاد کے سینئر و بزرگ رہنما امیر سولنگی نے اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ نعمت اللہ سولنگی ‘ صالح سولنگی ‘ ڈاکٹر قدیر سولنگی ودیگر نے کہا ہے کہ امن وتحفظ عوام کی ہی ضرورت نہیں بلکہ قومی ترقی و خوشحالی کیلئے بھی ناگزیر ہے اور امن قائم کرکے ہر شہری کو تحفظ وانصاف کی فراہمی حکومتی فریضہ ہے مگر حکومت اپنے اس فریضے میں ناکامی کی وجہ دہشتگردی کو قرار دیتی ہے اب جبکہ رینجرز نے دہشتگردی کا قلع قمع اور بد امنی کا نام و نشان مٹانے کا بیڑہ اٹھایا ہے تو حکومت کو ہر طرح سے رینجرز کی سپورٹ کرنی چاہئے تاکہ ہر وہ فرد جو کسی بھی طرح امن دشمنی میں ملوث ہے یا کسی کو کسی بھی قسم کا نقصان پہنچارہا ہے اس کے گرد قانون کا شکنجہ کس کر اسے نشان عبرت بنایا جاسکے مگرجس طرح گدھ گدھ کا دوست ہوتا ہے اسی طرح مجرم مجرم کا ساتھی اور جرم کا محافظ ہوتا ہے کی مثال کو درست ثابت کرتے ہوئے سندھ حکومت رینجرز کی کاروائیوں پر واویلہ مچارہی ہے جس پر عوام میں سندھ کے حکمرانوں اور حکمراں سیاسی جماعت کیخلاف غم و غصہ بڑھ رہا ہے اسلئے حکومت رینجرز کو مکمل اختیار دیکر قیام امن کیلئے تعاون کرے اور اپنی صفوں میں موجود امن دشمنوں کو بھی قانون کے دائرے میں لانے میں لانے میں معاونت کرے تو اس کے سیاسی مستقبل کیلئے سودمند ثابت ہوگا ۔
کراچی ( اسٹاف رپورٹر ) گونر سندھ ڈاکٹر عشرت العباد کی صحت کیلئے فکرمندی کا اور اسپتال سے ان کے ڈسچارج ہونے پر مسرت کا اظہار کرتے ہوئے ہز ہائی نیس سر نواب مہابت خان کے نواسہ و ہرہائی نیس تاج بخت آف جونا گڑھ کے فرزنداور رائل فیملی ٹرسٹ و فاونڈیشن کے چیئرمین نوابزادہ غلام محمد اور ان کی اہلیہ و جونا گڑھ تھنکرز فورم کی چیئر پرسن بیگم شاہ بانو نے ڈاکٹر عشرت العباد کو ڈاکٹرز کی ہدایات کے مطابق مکمل آرام کا مشورہ دیتے اور ان کی مکمل صحتیابی کیلئے دعائے صحت کرتے ہوئے کہا ہے کہ ڈاکٹر عشرت العباد نے جس تدبر کے ساتھ نامساعد حالات میں گورنرسندھ کی حیثیت سے فرائض نبھاتے ہوئے سندھ کی تعمیرو ترقی اور عوامی فلاح و بہبود کیلئے مثالی خدمات انجام دی ہیں اس کی وجہ سے ان کا شمار عوام کے ہر دلعزیز رہنماوں میں ہوتا ہے صرف کراچی یا سندھ کے ہی نہیں بلکہ پاکستان کے تمام عوام ان سے محبت اور ان کی عزت کرتے ہیں گو دوران علالت ان کے پرانے ساتھیوں اور وفاقی حکومت نے ان کی عیادت کے حوالے مستحسن کردار کا مظاہرہ نہیں کیا مگر عوام نے جس طرح ان کی علالت کی خبر پر ان کیلئے دل سے دعائے صحت کی ہے وہ انہیں ایک عوامی و مقبول سیاسی رہنما ‘ ایک اچھا انسان اور ایک بہترین منظم ثابت کرتی ہے جبکہ گورنر سندھ کی حیثیت سے ان کا طویل ترین اقتدار ان کے بہترین صوبائی نگراں ہونے کا ثبوت ہے ۔
ٹیکسلا کی خبریں 18/7/2016
فیصل آباد کی خبریں 18/7/2016
