کراچی (اسٹاف رپورٹر) عوامی نیشنل پارٹی کی سربراہ بیگم نسیم ولی خان کا یہ کہنا بالکل بجاہے کہ ملک اس وقت 1971ءجیسی صورتحال سے گزررہا ہے اور جہاد کے نام پر مچائے جانے والے فساد نے امن ہی تباہ نہیں کیا بلکہ قومی وحدت کا شیرازہ بکھیر کر تعصب ‘ لسانیت ‘ مسلکی تفاوت اور نفرتوں کو بھی جنم دیا ہے ۔ محب وطن روشن پاکستان پارٹی کے قائد وچیئرمین امیر پٹی نے کہا کہ ان تمام مضمرات کی بنیادی وجہ وہ استحصالی نظام ہے جس میں ہمیشہ اختیار واقتدار ان کرپٹ عناصر کے ہاتھ آتا ہے جو ملک و قوم سے مخلص نہیں ہیں اور قومی و عوامی مفادات پر ذاتی ‘ سیاسی و گروہی مفادات کو ترجیح دیکر ملک و قوم کیلئے مسائل ‘ مصائب اور مشکلات پیدا کرنے کیساتھ ملک و قوم کا مستقبل بھی خطرات میں ڈال رہے ہیں اسلئے استحصالیوں کے سب سے بڑے ہتھیار جمہوری ‘ صدارتی اور پارلیمانی نظام کی جگہ ایم آر پی کے پیش کردہ فارمولے کے تحت خود مختار ڈویژنل کونسلوں کے قیام و مقامی خود مختاری کے نفاذ کے ذریعے ایسا اشتراکی و فلاحی نظام قومی ضرورت بن چکا ہے جس میں عوام کو بھی شریک اقتدار بنانے کے ساتھ منتخب نمائندوں کے احتساب کا اختیار بھی دیا جائے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) عید نوروز کا مطلب آمد بہار یعنی موسم الفت و محبت کا آغاز ہے اسلئے آج عید نوروز کا دن تمام تفرقات ‘ اختلافات اور تعصبات کو بھلاکر باہمی یکجہتی ‘ ایثار ‘ اخوت ‘الفت و محبت کے ذریعے نفرت ‘ بد امنی اور دہشتگردی کو شکست دینے کے عہد کا متقاضی ہے ۔ یہ بات گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے گجرات ہاوس میں منعقدہ جشن نوروز کی تقریب کے شرکاءسے خطاب کے دوران اقوام عالم اور دنیا بھر میں پھیلے ہوئے مومنین و مومنات کو عید نوروز کی مبارکباد پیش کرتے ہوئے کہی۔ گجراتی سرکار نے کہا کہ عید نوروز قبولیت دعا کا دن ہے اسلئے آج ہم سر بہ سجود ہوکر رب رحمان و رحیم کے حضور سربلندی اسلام ‘ اتحاد امت ‘ ترقی و استحکام پاکستان ‘ عوامی خوشحالی اور ملک وقوم کو دہشتگردی وکرپشن سے نجات دلانے کے عسکری قیادت و فوج کے عزم کی کامیابی کیلئے دعا کرتے ہیں ۔
کراچی (اسٹاف رپورٹر) پولیو کے قطرے پلائے جانے کے باوجود بچوں میں پولیو کے مرض کی موجودگی اور پولیو کے مریضوں کی تعداد میں اضافہ پر تشویش کا اظہار کرتے ہوئے کستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی ‘ این جی پی ایف چیئرمین عمران چنگیزی و دیگر نے کہا کہ کرپشن کی جڑیں اس قدر گہری ہوچکی ہیں کہ صحت کا شعبہ بھی اس سے محفوظ نہیں ہے جس کی وجہ سے جعلی ادویات کا کاروبار صرف نجی سطح پر ہی جاری نہیں ہے بلکہ سرکاری سطح بھی اس سے محفوظ دکھائی نہیں دے رہی ہے اور صحت کیلئے مختص اربوں کھربوں کے فند ز کی خرد برد کے ساتھ جعلی ‘ زائدالمعیاد اور غیر معیاری ادویات کی خریداری کے ذریعے عوام اور ان کے بچوں کے قتل کے اسباب استحصالی سیاست کی روایت ہیں ۔
کراچی (اسٹاف رپورٹر) کستان سولنگی اتحاد کے سینئر وبزرگ رہنما امیر سولنگی اور سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی و دیگرنے آل پاکستان مسلم لیگ کے سربراہ پرویز مشرف کو مشورہ دیا ہے کہ وہ دبئی سے سیاسی سرگرمیوں میں وقت ضائع کرنے کی بجائے اپنے علاج پر توجہ دیتے ہوئے جلد سے جلد صحتیابی کے حصول کے بعد وطن واپسی کے ذریعے ناقدین کے منہ بند کریں کیونکہ دبئی میں ان کی سرگرمیاں اس تاثر کو پختہ کرنے کا باعث ہیں کہ وہ آئین شکنی کے مرتکب ہوئے ہیں اور عدالتی احتساب و سزا کے خوف سے ڈیل کے ذریعے علاج کے بہانے بیرون ملک فرار ہوگئے ہیں جبکہ اب ان کی واپسی پیپلز پارٹی و ن لیگ کی قیادت کی طرح NRO کے ذریعے مقدمات سے نجات کی ضمانت کے بعد ممکن ہوسکے گی یا پھر وہ ا ب کبھی وطن واپس نہیں آئیں گے جس کی وجہ سے کمانڈو کی حیثیت سے ان کی عزت کرنے والے بھی اب ان کی بزدلی کا یقین کرنے لگے ہیں ۔
کراچی (اسٹاف رپورٹر) نیکسٹ جنریشن پروٹیکش فاونڈیشن کے چیئرمین عمران چنگیزی ‘ وائس چیئرمین فیصل خان ‘ صدر عقیلہ غوری ‘ جنرل سیکریٹری حاجی امیر علی خواجہ ‘جوائنٹ سیکریٹری سید آصف حسین آغا اور ایم آر پی سربراہ امیر پٹی کا کہنا ہے مصطفی کمال کی پارٹی کا نام ”پاکستان قومی موومنٹ “ رکھنا اور ان کے پارٹی پرچم کیلئے قومی پرچم پر چاند کے ساتھ پانچ ستاروں کی تجویز یقینا مثبت و راست اقدام ہے گو کہ ہم مصطفی کمال کی سیاست اور سیاست میں آمد کے طریق کار سے متفق نہیں ہیں مگرچونکہ مصطفی کمال بھی علاقائیت ‘ صوبائیت ‘ لسانیت اور فروعی و‘مسلکی تفاوت کو نظر انداز کرکے پاکستانیت اور حب الوطنی کو ترجیح دیتے ہوئے ملک وقوم کی تعمیروترقی کیلئے یکجائیت کا وہی پیغام دے رہے ہیں جو ہمیشہ سے ہماری فکر ‘ فلسفہ ‘ تعلیم اور ترجیح رہی ہے اسلئے ہم اس بات کیلئے دعا گو ہیں کہ پاکستان قومی موومنٹ مستقبل قریب و بعید میں بھی پاکستان قومی موومنٹ ہی رہے اوراس سے وابستہ افراد کے مستقبل کے افعال بھی ان کے موجودہ اقوال کے مطاب ہی ہوں۔
جب پرویز مشرف بیرون ملک جاسکتے ہیں تو ایان علی کیوں نہیں، مولا بخش چانڈیو
مدارس حکومت یا کسی ملک کی فنڈنگ سے نہیں اہل خیر کے تعاون اور چندوں سے چلتے ہیں، مفتی محمد نعیم
