جماعت اسلامی کے مرکزی سیکرٹری جنرل لیاقت بلوچ نے کہا ہے کہ سیکورٹی فورسز سے مطالبہ کرتا ہوں کہ بلوچستان کے حالات ٹھیک کرنے کیلئے جو پالیسی اپنائی گئی ہے اس پر نظر ثانی کریں۔ امید ہے کہ بلوچستان کے نومنتخب وزیر اعلی ڈاکٹر عبدالمالک بلوچ صوبے کے مسائل پر قابو پالیں گے این ایف سی ایوارڈ کے مطابق صوبوں کے حقوق دئیے جائیں۔
کوئٹہ پریس کلب میں پریس کانفرنس کرتے ہوئے جماعت اسلامی کے مرکزی سیکرٹری جنرل لیاقت بلوچ نے کہا کہ جمہوری قیادت کو مکمل اعتماد میں لے کر بلوچستان کا مسئلہ مذاکرات کے ذریعے حل کیا جائے۔ ناراض بلوچوں کوقومی دھارے میں لانے کے لئے نومنتخب وزیراعلی بلوچستان تمام سیاسی جماعتوں کے ساتھ مل کر لائحہ عمل بنائیں۔ انہوں نے کہا کہ حالیہ انتخابات میں شکست کو تسلیم کرتے ہیں کراچی میں قیام امن کے لئے ضروری ہے کہ کراچی اور حیدر آباد میں فوج کی نگرانی میں از سر نو صاف شفاف انتخابات کرائے جائیں۔
جماعت اسلامی کے سیکرٹری جنرل نے کہا کہ کشمیر اور افغانستان کا مسئلہ وہاں کے عوام کے امنگوں کے مطابق حل کیا جائے امریکہ اور اتحادی فوجیں فوری افغانستان سے نکل جائیں۔
آج کے پاکستان میں آمریت کی کوئی گنجائش نہیں : صدر مملکت
پاکستان کا بھارت سے پانچ سو میگاواٹ بجلی کی درآمد کرنے کا فیصلہ
