ڈپٹی کمشنر کورنگی زبیر احمد چنا کی ضلع میں فٹ بال کے کھیل کے فروغ کے حوالے سے خدمات قابل تحسین ہیں۔ بابو فیروز

Posted on March 18, 2014 By Majid Khan کراچی

کراچی: ینگ اتحاد فٹ بال کلب کورنگی کے جنرل سیکریٹری با بو فیروز نے کہا ہے کہ ڈپٹی کمشنر کورنگی زبیر احمد چنا کی ضلع کورنگی میں کھیلوں کے فروغ اور ترقی کے ساتھ کھیل کی میدانوں کو آباد کرنے کے حوالے سے خدمات قابل تحسین ہیں انہوں نے ضلع کورنگی کے ایڈیشنل ڈپٹی کمشنر وسیم الدین ،سراج الدین اور ضلع انتظامیہ کے تمام جملہ اراکین کو مبارکباد پیش کرتے ہوئے کہاکہ ضلع انتظامیہ کورنگی شب روز اسپورٹس خصوصاً فٹ بال کی ترقی اور اس کے فروغ میں پیش پیش ہیں با بو فیروز نے اُمید ظاہر کیا ہے کہ ضلع انتظامیہ کی پر خلوص کاوشوں کی بدولت ضلع کورنگی میں اسپورٹس کو فروغ حاصل ہوگا۔

انہوں نے کہاکہ انشا اللہ ڈپٹی کمشنر کورنگی زبیر احمد چناکی جانب سے الجمہوریہ فٹ بال گرائونڈ کورنگی کے لئے بانڈری وال ،کٹ روم اور کلب کی تعمیر کا وعدہ بھی جلد پورا ہوگا جس سے کورنگی کے کھلاڑیوں کو ایک بہتر ماحول میں اپنی صحت مند سرگرمیوں کا حصول ممکن ہوسکے گا ینگ اتحاد فٹ بال کلب کورنگی اور ضلع کورنگی کے تمام فٹ بال کلب کے عہدیداروں اور کھلاڑیوں کو قوی اُمید ہے کہ بہت جلد الجمہوریہ فٹ بال گرائونڈ کی تعمیر و ترقی کے حوالے سے ڈی سی کورنگی کے اعلان پر عمل درآمد کیا جائے گا۔

by Majid Khan

Nasir Mehmood - Chief Editor at GeoURDU.com

Find on Google+ Follow me opinions Website