ڈیرہ غازی خان (جیوڈیسک) ڈیرہ غازی خان میں شراب کے نشے میں دھت افراد ہوائی فائرنگ کر رہے تھے۔ ایک شادی میں موجود باپ بیٹے نے منع کیا تو ملزمان نے اْن پر فائرنگ کردی۔ گولیاں لگنے سے باپ بیٹا جاں بحق اور دو افراد زخمی ہوگئے۔
پولیس کے مطابق ڈیرہ غازی خان کے نواحی علاقے بستی ہجانی میں 5 افراد شراب کے نشے میں دھت ہوکر ہوائی فائرنگ کر رہے تھے۔ منع کرنے پر انہوں نے شادی کی تقریب میں شامل دولہا کے چچا محمد علی اور اس کے بیٹے نذر علی پر فائرنگ کردی۔
گولیاں لگنے سے باپ بیٹا موقع پر ہی جاں بحق جبکہ دو افراد زخمی بھی ہوئے۔ لاشوں اور زخمیوں کو اسپتال منتقل کردیا گیا۔ پولیس نے مقدمہ درج کرکے ملزمان کی تلاش شروع کردی ہے۔
نئی دہلی ، پاکستانی ہائی کمیشن میں یوم پاکستان کی تقریب
طالبان سے ایک دو روز میں مذاکرات شروع ہوجائینگے، نواز شریف
