ڈیرہ اسماعیل خان (سید توقیر زیدی) ضلع ناظم ڈیرہ عزیز اللہ علیزئی نے کہا ہے کہ ضلع کونسل کے ممبران سے عوام کی بہت سی توقعات ہیں۔آپس کے لڑائی جھگڑوں کی بجائے غلطیوں کی اصلاح کی جائے ان خیالات کا اظہار انہوں نے ضلع کونسل کے اجلاس میں کیا ۔ اجلاس کی صدارت کنونیئر اسماعیل بلوچ نے کی ۔ جبکہ اجلاس سے محمد حنیف پیپاایڈوکیٹ ،مولانا عبید الرحمن ، افتخار بارکزئی ،طاہر زمان استرانہ ،فتح اللہ میانخیل،انعام الحق غزنی خیل،عبدالرزاق اعوان ، ملک مشتاق احمد ڈار ،و دیگر نے خطاب کیا اجلاس میں ناظم افتخار احمد بارکزئی نے سرکاری محکموں میں ممبران کی کمیٹیاں تشکیل دینے اور محکمہ تعلیم میں ہونے والی تبدیلیوں کو منسوخ کرنے کے حوالے سے جبکہ انعام الحق غزنی خیل نے پاکستان کے خلاف زہر اگلنے کی مذمت اور پاکستان کے حق میں قراردادیں پیش کیں۔جو ایوان نے منظور کرلیںکنونیئر نے اجلاس غیر معینہ مدت کیلئے ملتوی کردیا۔اجلاس میں اے ڈی بلدیات موسم کنڈی کوممبران نے کام میں غفلت برتنے پر شدید تنقید کا نشانہ بنایا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان (سیدتوقیرزیدی) پسیکو واپڈا کی نا اہلی کی وجہ سے بجلی کے ٹرانسفارمر سے بجلی اچانک 440وولٹیج ہونے پر گورنمنٹ سینیٹینل ماڈل ہائی سکول نمبر 1میں بجلی سے چلنے والا لاکھوں روپے کا سامان جل گیا ،سخت گرمی اور حبس کے باوجود بجلی نہ ہونے سے تعلیمی عمل بری طرح متاثر ،سینکڑوں طالبات تعلیمی بائیکاٹ کرتی ہوئی احتجاج کے طور پر کلاسوں سے باہر نکل آئیں ،پرنسپل فرزانہ شاہین کیطر ف سے بجلی کی فوری فراہمی کی یقین دہانی پر طالبات نے احتجاج ختم کردیا ۔تفصیلات کے مطابق ڈیرہ شہر کے محلہ شیرازی میں واقع بجلی کے ٹرانسفارمر سے اچانک بجلی کی وولٹیج 440ہوگئی جس سے ناصرف پورے علاقے بلکہ گورنمنٹ سینیٹینل ماڈل ہائی سکول نمبر 1میں لاکھوں روپے کا بجلی سے چلنے والا سامان جل گیا جس میں بجلی کے بلب، پنکھے ، بورڈ اور دیگر سامان شامل ہے ۔سکول میں پانی کے پانچ کولر جو بجلی سے چلتے تھے بند ہوگئے سکول میں پانی ختم ہوگیا۔سخت گرمی اور حبس کی وجہ سے کئی طالبات کی طبعیت نا ساز ہوگئی۔ طالبات احتجاجاً کلاسوں سے باہر نکل آئیں اور واپڈا کے خلاف احتجاج شروع کردیا۔ اس دوران سکول کی پرنسپل فرزانہ شاہین نے طالبات سے مذکرات کرکے ان کو یقین دہانی کرائی کہ بجلی کی فوری فراہمی شروع کرائی جارہی ہے سخت گرمی اور حبس کی وجہ سے سکول کے اوقات کار کم کئے جارہے ہیں طالبات اپنی پڑھائی پر توجہ دیں اور ملک کا نام روشن کریں پرنسپل کی یقین دہانی پر طالبات نے اپنا احتجاج ختم کردیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان (بیورورپورٹ) کلاچی کے علاقہ جہان خان میں بھائی نے بھائی کا فائرنگ کرکے زخمی کردیا جبکہ علاقہ رکنئو میں لڑائی کرنیوالوں کو گلہ دینے والا لاتوں مکوں اور ہنٹر سے خود زخمی ہوگیا ، الگ الگ مقدمات درج ۔ تفصیلات کے مطابق گائوں جہان خان کلاچی مین اختر اللہ ولد رحمت اللہ سکنہ محلہ حسن زئی کلاچی مال مویشی چرارہا تھا کہ ملزم سید اللہ عرف سید ونے اس پر فائرنگ کردی جس سے وہ زخمی ہوگیا۔ملزم جو اختر اللہ کو فائرنگ کرکے قتل کیا تھا ۔زخمی اختر اللہ کو سول ہسپتال کلاچی داخل کرادیا گیا ہے ۔ کلاچی پولیس نے زخمی اختر اللہ کی رپورٹ پر 324ppcکے تحت اسکے بھائی کے خلاف مقدمہ درج کرلیا ہے ۔ دوسرے واقعہ میں جمشید ولد عالمشیر سکنہ رکنئو اپنے بھائی سے جھگڑا کرنے کا گلہ کرنے کیلئے عبدالطیف شریف کے پاس گیا تو انہوں نے لاتوں مکوں اور ہنٹر سے سر پر وار کرکے اسکو زخمی کردیا ۔ٹائون پولیس نے اس واقعہ کا مقدمہ درج کرلیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان (بیورورپورٹ) گائوں کڑرشدی کے رہائشی سعید احمد اتراء ولد شیر زمان نے تھانہ پہاڑ پور میں 494-495/371A-420ppcکے تحت تسلیم بی بی دخترسلطان رفیق ولد سلطان سکنائے اعوان ، عبدالرشید ولد غلام حیدر سکنہ جھوک ملکانی ، سیعد ولد فتح خان سکنہ دریا خان سمیت دو نامعلوم افراد کے خلاف رپورٹ درج کروائی ہے کہ تسلیم بی بی سے میری کچھ عرصہ قبل شادی ہوئی ،جواب کچھ عرصہ بعد 6تولہ طلائی زیورات اور 80ہزار روپے لیکر گھر سے ملزمان کے ساتھ چلی گئی اور اب مجھے معلوم ہوا ہے کہ ملزمان نے دھوکہ دہی سے پہلے بھی 2/3بار تسلیم بی بی کو مختلف جگہوں پر شادی کراچکے ہیں اور اب مجھ پر تسیخ نکاح کا دعویٰ کررکھا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان (بیورورپورٹ) 30کروڑ روپے کے کثیر سرمائے سے تعمیر ہونے والا”گومل یونیورسٹی گریڈ اسٹیشن ”کا روڑ پختہ نہ ہونے کی وجہ سے عوام اور پسیکو اسٹاف کیلئے وبال جان بن گیا ،بارش کے بعد راجہ کئی کئی دن کیلئے مکمل بند ہونا معمول بن گیا ، عوامی اور تجارتی حلقوں کا چیف ایگزیکٹیو پیسکو خیبر پختونخواہ سے مذکورہ روڈ کی فوری تعمیر کا مطالبہ۔ تفصیلات کے مطابق ()نے عوام کی سہولت کیلئے گومل یونیورسٹی گریڈ سٹیشن کو کلاچی والا میں گومل یونیورسٹی کی 64کنال اراضی پر تقریباً30کروڑ روپے کے کثیر سرمائے سے تعمیر کروایا ۔لیکن گریڈ اسٹیشن جانے والا ڈیڈھ کلو میٹر روڈ پختہ نہیں کرایا گیا ۔ جس کی وجہ عام دنوں اور بلخصوص بارش کے بعد گزرنا ناممکن ہے اسٹاف اور عوام اس روڈ سے گذر نہیں سکتے ۔ جس کی وجہ سے گریڈ اسٹیشن سے عوام کی توقعات پوری ہوتی نظر نہیں آرہی ہیں ۔عوامی تجارتی حلقوں نے چیف ایگزیکٹیوخیبر پختونخواہ انوارالحق سے مطالبہ کیا ہے کہ کلاچی والا کے ڈیڈھ کلو میٹر روڈ کو فلفور پختہ کرویا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان (بیورورپورٹ) تحصیل کے عملہ صفائی کی غفلت سے کروڑوں روپے کی لاگت سے تعمیر ہونیوالے بنوں روڈ ،نیو بنوں چونگی ، سرکلر روڈ ،صدر بازار اور ملتان روڈ کی نکاسی آب کے مین نالے گندسے اٹ گئے ،نکاسی کا گندا پانی سڑکوں پر نکل کر نو تعمیر شدہ روڈوں کو تباہ کرنے لگا،حکام کی مسائل سے چشم پوشی ،عوامی حلقوں کا ڈپٹی کمشنر ڈیرہ سے فوری اصلاح احوال کا مطالبہ۔تفصیلات کے مطابق خیبر پختونخواہ حکومت نے کروڑوں روپے کے سرکاری خذانے سے چندماہ قبل بنوں روڈ،سرکلر روڈ ،صدر بازار اور نیو بنو ں چونگی کو تعمیر کروایا ۔لیکن ٹی ایم اے کے عملہ صفائی سے آج تک ان روڈز کے کناروں پر بنائے گئے نکاسی آب کے نالوں کی کوئی صفائی نہیں کرائی گئی ۔ جس کی وجہ سے نکاسی آب کا گندا پانی ان نئی سڑکوں کو تباہ کررہا ہے ۔ جس سے سرکاری خزانے کو کروڑوں روپے کے ٹیکے کا انفریثہ ہے ۔ عوامی حلقوں نے نئے ڈپٹی کمشنر معتصم باللہ شاہ سے مطالبہ کیا ہے کہ ان نکاسی آب کے نالوں کی مکمل صفائی ٹی ایم اے کے عملہ سے کروائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان (سیدتوقیرزیدی)ریجنل پولیس آفیسر کی خصوصی ہدایت پر ایس پی انوسٹی گیشن ڈیرہ نے اپنی دو ماہ تعیناتی کے دوران 20کے قریب اندھے قتل کے مقدمات کا سراغ لگا کر ملزمان گرفتار کر لیے۔ تفصیلات کے مطابق ریجنل پولیس آفیسر (RPO)ڈیرہ رینج شیر اکبر خان کی خصوصی ہدایت پر ایس پی انوسٹی گیشن ڈیرہ ثناء اللہ خان بھٹنی نے چارج سنبھالتے ہی ٹارگٹیڈکیسزپر کام کرنا شروع کر دیا اور خصوصی ٹیمیں تشکیل دیں جس سے دو ماہ کے دوران کے دوران ہونیوالے تما م واقعات کے ملزمان پکڑ لیے گئے ہیں۔ 26مئی کو تھانہ کینٹ کی حدود میں اقبال ٹائون کی رہائشی خاتون کو اس کی بیٹی سمیت تیر زھار آلے سے ذبحہ کیاگیا تھا۔ اس کیس میں جنید خان کو آلہ قتل سمیت گرفتار کر لیا گیا ہے۔ 12اگست کو تھانہ صدر کی حدود میںواقع اراضیات ساہی میںعرفان نامی نوجوان کو قتل کیا گیا تھا۔ اس کیس میں وقاص نامی ملزم کو آلہ قتل سمیت گرفتار کیا ۔15اگست کو تھانہ پہاڑ پور میں ایل تشیع مکتب فکر سے تعلق رکھنے والے نجی سکول کے چوکیدار صابر حسین کو خوابیدہ حالت میں بیدردی سے قتل کیا گیا تھا۔ اس میں مقتول کے سگے بیٹے مجتبیٰ نقوی کو آلہ قتل سمیت گرفتار کیا ہے۔ 5مئی کو تھانہ پہاڑ پور کی حدود میں چروا ہے ارشد کو ذبح کیا گیا۔پولیس نے حکیم خان ، گلاب خان سکنہ وزیر ستان کو ڈرامائی انداز سے پکڑ کر آلہ قتل برآمد کیا۔ 24جولائی کو تھانہ درابن کی حدود میں عصمت اللہ کو گنڈی عاشق روڈ پر فائرنگ کر کے قتل کیا تھا۔ پولیس نے قتل کیس میں تین ملزمان حبیب، جمیل اور سید شاہ کو پکڑ کر آلہ قتل برآمد کرا لیا۔ تھانہ درابن کی حدود میں واقع گنڈی عاشق میں سیف اللہ کو فائرنگ کر کے قتل کیا تھا۔ اس قتل میں ملزمان محمد اللہ، سلیمان اور جمشید کو گرفتار کر کے آلہ قتل برآمد کیا۔19مئی کو تھانہ نواب کی حدود میں مہراب کو قتل کیا گیاجس میں ملزمان قیوم نواز اورجلاد خان کو گرفتار کیا گیا اور آلہ قتل بھی برآمد کر لیا۔ 4جولائی کو تھانہ پروآ کی حدود میں واقع گرہ رشید میں بزرگ چوکیدا رعنایت اللہ کو فائرنگ کر کے قتل کیاگیا پولیس نے اس کیس میں ملزم جہانگیر کو پکڑ کر آلہ قتل بھی برآمد کیا۔ 9دسمبر 2015کو تھانہ گومل یونیورسٹی کی حدود میں 4نا معلوم افراد نے مرغی ماڈل فارم سے 5لاکھ روپے ، موبائل سیٹ ڈرائیونگ لائسنس سمیت دیگر سامان کی ڈکیتی کی تھی پولیس نے نجیب اللہ، اعظم خان ، نواب اور میر باداہ سکنہ وزیر ستان کو پکڑ کر تمام سامان برآمد کر لیا۔ 17اگست کو تھانہ پروآ کی حدود میں فیض اللہ کے گھر سے قیمتی راس گائے چوری کی گئی پولیس نے ملزم سعید کو کڑ کو گرفتار کرکے مال مسروقہ برآمد کر ا لیا۔31مئی کو تھانہ سٹی کی حدود سے سہیل کے گھر سے ایک عدد ٹی وی ، پیڈ سٹل فین واٹر پمپ چوری ہوا تھا۔ پولیس نے ملزمان سلطان اور زعفران کو پکڑکر مال مسروقہ برآمد کر لیا ۔ 9جولائی کو تھانہ نواب کی حدود میں فضل کریم کے گھر سے ایک عدد بندوق 12بور 2نالہ ہمراہ لائسنس کا پی، 2عدد موبائل فون چوری ہوئے۔ پولیس نے ملزم نعمت اللہ کو پکڑ کر مال مسروقہ برآمد کر لیا ۔2جولائی کو تھانہ پروآ کی حدود سے قادر بخش کے گھر سے دو شمسی پلیٹیں چوری ہوگئی تھیں پولیس نے ملزمان عرفان اورکلیم کو پکڑ کر مال مسروقہ برآمد کر لیا ہے۔ 3جولائی کو نذیر حسین کے گھر سے 4شمسی پلیٹیں چوری ہو گئی تھیں۔ پولیس نے 5افراد پکڑ کر سامان برآمد کر لیا۔ 4مارچ کو تھانہ صدر کی حدود سے شرافت سے 2لاکھ روپے چوری ہوئے تھے۔ پولیس نے 6چوروں کو پکڑ کر نقدی برآمد کر لی ۔تمام ملزمان کا تعلق پنجاب سے تھا۔ SPانوسٹی گیشن ثناء اللہ بھٹنی کے مطابق تمام کیسسز نا معلوم افراد کے خلاف تھے۔ RPOڈیرہ نے تمام کیسز کوٹارگٹیڈ قرار دیکر انوسٹی گیشن کو فوری حل کرنیکا ٹاسک دیا تھا جس پر خصوصی ٹیمیں تشکیل دی تھیں اور تمام کیسز ٹریس ہو گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان (بیورورپورٹ) بختاور آباد میں گلیوں اور نکاسی آب کی حالت انتہائی خراب ہے ‘اہل علاقہ ڈیرہ کی ہزاروں نفوس پر مشتمل قدیم آبادی تاحال بنیادی سہولیات سے محروم ہے اور آج تک کسی منتخب نمائندہ نے اس کی ترقی پرکوئی توجہ نہیں دی ہے ۔ کچی گلیاں اور نکاسی آب نہ ہونے کی وجہ سے بارش کے دنوں میں یہ علاقہ جھیل کا منظر پیش کرتا ہے ۔ اہل علاقہ کا کہنا ہے کہ تمام نمائندے ووٹوں کے دنوں میں بلند و بانگ دعوے کرتے ہیں مگر منتخب ہونے کے بعد دور تک دکھائی نہیں دیتے ان سے ملاقات کرنا بھی مشکل ہوتی ہے ۔ہم منتخب نمائندوں سے کہتے ہیں کہ وہ ہمارے علاقہ کے مسائل حل کریں ورنہ اگلے الیکشن میں ایسی بری شکست ہوگی کہ ان کی سیکورٹی بھی ضبط ہوجائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان( بیورورپورٹ) معروف قانون دان پاکستان پی پی پی کے رہنما شاہ فہد انصاری ایڈوکیٹ نے ایم کیو ایم کے قائد الطاف حسین کے خلاف پاکستان کے خلاف زہر اگلنے اور مردہ باد کے نعرے لگانے کے خلاف آج پشاورہائی کورٹ ڈیرہ اسماعیل خان پشاوربینج میں بغاوت کا مقدمہ درج کرنے کے لئے ائینی درخواست دائر کر نے کا فیصلہ کر لیا ہے شاہ فہد انصاری ایڈوکیٹ نے آئی این پی سے بات چیت کرتے ہوئے کہا ہے کہ پاکستان کے خلاف بولنے والوں پر غداری کا مقدمہ قائم کرکے وفاق پاکستان کو فریق بنایا جاے گا کیونکہ الطاف حسین کی تقریر سے پاکستان کی عوام میں شدید اشتعال پایا جاتا ہے اور ہماری محب الوطنی کا سوال ہے انہوں نے کہا کہ ہم کسی غدار کو اب پاکستان کی سیاست میں برداشت نہیں کر سکتے۔
راولاکوٹ کی خبریں 25/8/2016
حافظ امیر علی اعوان اور چوہدری غضنفر جمشید صحافی عمر فاروق اعوان کی دعوت ولیمہ میں شریک
