ڈیرہ اسماعیل خان (سیدتوقیرزیدی) پرانا گرہ خان میںزور دار دھماکے کے دوران ماں سمیت چار بچے زخمی ہوگئے ،زخمیوں کو ہسپتال داخل کردیا گیا ، درابن پولیس نے واقعہ کی انکوائری شروع کردی ۔تفصیلات کے مطابق تھانہ درابن کی حدود میں علاقہ پرانا گرہ خان میں دس سالہ ذیشان گھر سے کھیل کود کیلئے باہرگیا جب واپس آیا تو اس کے ہاتھ میں پلاسٹک کے لفافہ میں لپٹی ہوئی کوئی چیز تھی جو وہ گھر لے آیا اس دوران ذیشان اپنے دیگر گھر والوں کے ساتھ بیٹھ کر اس گچھا نما چیز سے تار وغیرہ الگ کررہا تھا کہ وہ چیز اچانک دھاکے سے پھٹ گئی جس سے ذیشان ،اس کی 33سالہ ماں پروین بی بی ،اس کی سات سالہ بہن سونیا بی بی اور ڈیڈھ سالہ بہن شمائلہ بی بی زخمی ہوگئے جبکہ ان کا باپ اکرام ولد شیر زمان خوش قسمتی سے بچ گیا زخمیوں کو علاقہ کے لوگوں نے فوری طور پر ہسپتال پہنچا دیا ۔جہاں ان کی حالت خطرے سے باہر بتائی جاتی ہے ۔واقعہ کی اطلاع پر درابن پولیس موقع پر پہنچ گئی اور اس واقعہ کی تفتیش شروع کردی ہے ۔ ذرائع کے مطابق متاثرہ خاندان نے ابتدائی تفتیش میں بتایا ہے کہ ان کے ساتھ کسی کی کوئی دشمنی نہیں ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) عیدالضحیٰ کے موقع پر سیکورٹی خدشات کے پیش نظرجے یو آئی کے مرکزی امیر مولانا فضل الرحمن ،وزیر مال خیبر پختونخواہ سردار علی امین خان گنڈہ پور اور وزیر زراعت سردار اکرام خان گنڈہ پور کی سیکورٹی بڑھا دی گئی ،ڈی پی او یاسر آفریدی نے سیکورٹی خدشات کے پیش نظر مولانا فضل الرحمن ، علی امین گنڈہ پور اور اکرام خان گنڈہ پور کی سیکورٹی کے لئے پہلے سے موجود نفری کے علاوہ مزید نفری بھی تعینات کردی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) درابن پولیس کا علاقہ تلوکر میں اشتہاری ملزم کو پناہ دینے پر اس کے والد کے گھر پر چھاپہ ،ناجائز اسلحہ برآمد کرکے والد کو گرفتار کرلیا ۔ تفصیلات کے مطابق درابن پولیس نے علاقہ تلوکر میں اشتہاری ملزم نجیب اللہ کو پناہ دینے پر اس کے والد نوشیر کو گرفتارکرلیا پولیس نے اس موقع پر دو پستول تیس بور اور 27کارتوس بھی برآمد کرلئے پولیس نے علاقہ تلوکر میں دل جان سے ایک رائفل 7mmاور 26کارتوس جبکہ فیاض سے ایک بندوق بارہ بور اور 29کارتوس بھی برآمد کرلئے پولیس نے ان واقعات کی الگ الگ رپورٹ درج کرلی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) حاجی عبدالرشید دھپ سابقہ نائب ناظم وکنونئیر ضلع کونسل ڈیرہ اسماعیل خان اور ان کے خاندان کاماضی وحال بے داغ ہے ۔ اور لوگوں پر روز روشن کی طرح عیاں ہے ۔ انکی بے لوث خدمات کا پورا علاقہ معترف ہے وہ بغیر کسی ذاتی مفاد کے عرصہ دراز سے اپنے علاقہ و ڈیرہ کی خدمت کررہے ہیں جس کا واضع ثبوت انکی 36سالہ متواتر کامیابیاں ہیں جن کا آغاز 1979میں وائس چیئر مین ضلع کونسل سے 2015کے الیکشن میں ضلع کونسل پر کامیابی ہے ۔ ہمارے سیاسی مخالفین جہنوں نے ہمیشہ ذاتی مفادات و خوشامدانہ سیاست کی جن کا ماضی مکروہ و تخریبی سیاست سے بھرا پڑا ہے ۔ وہ اپنی بری شکست سے ہوا س باختہ ہوکر بوکھلا اٹھے ہیں اب وہ زرد سیاست اورزردصحافتکا سہارا لیکر اپنی گذشتہ بری شکست کا مداوااور خفت مٹانے کیلئے اوچھے ہتھکنڈوں پر اترآئے ہیں ۔ اور عرصہ دراز سے الٹے سیدھے نعرے بے بنیاد وجھوٹے گمراہ کن بیانات کے ذریعے ہم پر الزامات لگارہے ہیں ۔ وہ اپنے مذموم مقاصد میں نہ کامیاب ہوئے اور نہ ہونگے ۔ ان خیالات اظہار ملک عبدالماجد دھپ ممبر ضلع کونسل ڈیرہ نے چیف آف حاجی مورہ و چیئر مین ویلج کونسل حاجی نذیر احمد بلوچ کے دئیے گئے عشائیہ میں کیا ۔ جہاں پر معززین علاقہ کے علاوہ حاجی عبدالرشید دھپ صدر ایوان زراعت ضلع ڈیرہ و تنویر مہدی ایڈوکیٹ بھی موجود تھے ۔ عبدالماجد دھپ نے کہا کہ سیاست میں شرافت و اخلاقیات و دیانت کا دامن نہیں چھوڑنا چاہیے کسی شریف آدمی پر بہتان تراشی و الوں کی دنیاو آخرت میں پکڑ ہوگئی عبدالماجد دھپ نے کہا کہ ایک زرد صحافت پر مبنی رپورٹرنے اپنی جھوٹی و بے بنیاد خبر ہم پر ذاتی مفاد کیلئے منصوبے پر 60 لاکھ کی خطیر رقم لگانے کا ذکر کیا جو محض جھوٹ ہے ۔ مذکورہ غلط خبر پر جنرل رپورٹر اخبار کو عدالتی قانونی نوٹس دے دیا ہے ۔ اخبار مالکان سے استدعا کی ایسے نام نہاد مفاد پرست صحافی کو ادارہ سے فارغ کریں تاکہ شرفا کی پگڑیاں محفوظ ہوں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) معروف ماہر تعلیم اور ریٹائرڈپرنسپل محمد حسین خان وفات پاگئے ان کی نماز جنازہ جامع عید گاہ کلاں میں ادا کی گئی جس میں معززین علاقہ ، سرکاری اداروں کے سربراہان ،محکمہ تعلیم کے افسران و اہلکاران ،سیاسی جماعتوں کے عمائدین ، صحافیوں اور رشتہ داروں نے بڑی تعداد میں شرکت کی بعد میں مرحوم کو ان کے آبائی قبرستان میں سپردخاک کردیا گیا ۔مرحوم ڈسٹرکٹ ٹی بی کنٹرول پروگرام کے انچارج ڈاکٹر احسان وحید ، غفران وحید اور انعام وحید کے والد تھے انہوں نے ہمیشہ تعلیم کے شعبہ میں گراں قدر خدمات سرانجام دیں اور ڈیرہ میں تعلیمی ترقی میں ان کی خدمات کو ہمیشہ یاد رکھا جائے گا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) درے محسود ترقیاتی جرگہ کے زیر اہتمام ”کلچرل شو ”18 ستمبر بروز اتوارشام 6بجے مارگلہ ہال گریڈ روڈ ڈیرہ اسماعیل خان منعقد ہورہا ہے جس میں علاقائی ثقافت کے حوالے سے پروگرام پیش کئے جائیں گے ۔اس حوالے سے درے محسود ترقیاتی جرگہ کے ممبر جاوید شابی خیل اور ان کی ٹیم نے رابطے شروع کردئیے ہیں ۔نوجوانوں سے اپیل کی گئی ہے کہ وہ اس پروگرام میں شرکت کرکے اس کو کامیاب بنائیں ۔
پیرمحل کی خبریں 11/9/2016
بھمبر کی خبریں 11/9/2016
