شدید طوفان اور موسلادھار بارش ہوئی جس کے نتیجے میں زندگی کا نظام درھم برھم ڈیرہ اسماعیل خان (بیورورپورٹ) کوٹ ظفر بالا دستی اور اس کے مضافات میں سو تین بجے سے پونے پانچ بجے تک شدید طوفان اور موسلادھار بارش ہوئی جس کے نتیجے میں زندگی کا نظام درھم برھم ہوا ۔بجلی کے پول گر گئے ۔کمروں کی چھتیں اڑگئیں ۔پورے دیہات میں قیامت گزری ۔ابتدائی مصدقہ رپورٹ کے مطابق صرف کوٹ ظفر بالادستی میں چالیس بکریاں ہلاک ہوگئیں ۔گاؤں کے اندر بجلی کے کئی پول گر گئے بجلی کا سارا سسٹم تہس نہس ہوگیا ہے ۔خربوزوں کے باغات صفحہ ہستی سے مٹ گئے ہیں ۔حکومت کی طرف سے متاثرہ علاقے میں اب تک کوئی امدادی سرگرمیاں شروع نہیں کی گئیں ۔ پینے کا صاف پانی دور دور تک ناپید ہوگیا ہے ۔بجلی کا نظام درہم برہم ہے اندازہ ہے کہ بجلی کے نظا م کی بحالی میں کافی وقت لگے گا ۔فی الوقت لوگوں کو پینے کے صاف پانی کی اشد ضروت ہے۔مالی نقصانات کا اندازہ لگانا ناممکن ہے ۔درخت اکھڑ گئے ہیں ۔راستے بند ہیں ۔رمضان شریف کے مہینے میں کوٹ ظفر بالادستی کے لوگوںکو آسمانی مصیبت کا سامنا ہے ۔عوام نے حکومت اور خیراتی اداروں سے جلد از جلد امدادی سرگرمیاں شروع کرنے کا مطالبہ کیا ہے ۔متاثرہ افراد نے علاقے میں پینے کے پانی کی فوری فراہمی کا مطالبہ کیاہے اور امدادی سرگر میاں نہ شروع کی گئیں تو علاقے میں خطرناک بیماریاں پھیلنے کا اندیشہ ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گمل خورد لنک روڈ پر نامعلوم مسلح ملزم کی فائرنگ سے ضلع ٹانک کا رہائشی نواز خان قتل ڈیرہ اسماعیل خان (بیورورپورٹ) گمل خورد لنک روڈ پر نامعلوم مسلح ملزم کی فائرنگ سے ضلع ٹانک کا رہائشی نواز خان قتل ،صدر پولیس نے نا معلوم ملزم کے خلاف قتل کی دفعہ کے تحت مقدمہ درج کرلیا ۔تفصیلات کے مطابق تھانہ صدر کی حدود میں گمل خورد لنک روڈ پر نامعلوم ملزم نے اسلحہ سے فائرنگ کر کے45سالہ نواز خان ولد جنت خان سکنہ میالی گمل بازار ٹانک کو شدید زخمی کردیا ۔واقعہ کی اطلاع پر صد ر پولیس نے محمد نوازخان کو زخمی بے ہوشی کے عالم میںسول ہسپتال ڈیرہ پہنچایا لیکن وہ زخموں کی تاب نہ لاتے ہوئے جاں بحق ہوگیا ۔صد ر پولیس نے آئی ایچ سی محمد اقبال کی رپورٹ پر نامعلوم ملزم کے خلاف قتل کی دفعہ کے تحت مقدمہ درج کرلیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عید الفطر پر سیکورٹی انتظامات کو سخت کرنے کیلئے ڈیرہ شہر کو سیل کرنے کے علاوہ تھانہ صدر ،گومل یونیورسٹی ،ٹائون اور کینٹ کی حدود میں بھی ناکہ بندویوں کو بڑھادیا گیا ،عوام کی جان و مال کی حفاظت ہمارے فرائض میں شامل ہے۔ ڈی پی اویاسر آفریدی ۔ ڈیرہ اسماعیل خان (سیدتوقیرزیدی) ڈی پی او یاسر آفریدی کی ہدایت پر عید الفطر پر سیکورٹی انتظامات کو سخت کرنے کیلئے ڈیرہ شہر کو سیل کرنے کے علاوہ تھانہ صدر ،گومل یونیورسٹی ،ٹائون اور کینٹ کی حدود میں بھی ناکہ بندویوں کو بڑھادیا گیا ،عوام کی جان و مال کی حفاظت ہمارے فرائض میں شامل ہے ڈی پی اویاسر آفریدی ۔تفصیلات کے مطابق ڈی پی او یاسر آفریدی کی ہدایت پر ڈیرہ پولیس نے سیکورٹی انتظامات کو مزید سخت کردیا ہے پولیس نے ڈیرہ شہر میں داخل ہونے کے 34مقامات پر ناکہ بندیاں لگا کر شہر کو مکمل سیل کردیا ہے ۔ ناکہ بندیوں پر عوام کے شناختی کارڈوں کی چیکنگ کی جارہی ہے ۔ اسطرح تھانہ گومل یونیورسٹی ، صدر ، ڈیرہ ٹائون اور کینٹ میں بھی 18مقامات پر نئی ناکہ بندیاں قائم کردی گئیں ہیں ۔ ڈی پی او لیفیٹنٹ کمانڈر(ر) یاسر آفریدی نے میڈیا کو بتایا کہ عید الفطر کی آمد آمد ہے کسی نا خوشگوار واقعہ سے نمٹنے کیلئے پولیس ہمہ وقت تیار ہے ۔ نئی ناکہ بندیاں قائم کرنے اور شہر کو سیل کرنے کا مقصد سیکورٹی کو محفوظ بنانا ہے ۔ تاکہ کوئی دہشتگرداپنے مزموم مقاصد میں کامیاب نہ ہو۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تین افراد نے لاتوں مکوں اور چاقو کے وار سے دو بھائیوں کو زخمی کرد ڈیرہ اسماعیل خان (بیورورپورٹ) باران آباد میں والد اور چچا سے بد تمیزی کرنے پر ملزمان سے تو تو میںمیں کے بعد تین افراد نے لاتوں مکوں اور چاقو کے وار سے دو بھائیوں کو زخمی کردیا ، کینٹ پولیس نے واقعہ کا مقدمہ درج کرلیا۔تفصیلات کے مطابق تھانہ کینٹ کی حدود میں واقعہ باران آباد میں چاہ گلن والا کے طاہر سمیت تین افراد نے سیلمان اور اس کے بھائی ارشد ولد اشرف سکنہ باران آباد کو لاتوں مکوں سے زدوکوب کیا اور سلیمان کو چاقو سے وار کرکے زخمی بھی کیا ۔ کینٹ پولیس نے زخمی سلیمان کی رپورٹ پر تین افراد کے خلاف 337A(2)ppcکے تحت مقدمہ درج کرلیا ۔رپورٹ میں کہا ہے کہ ملزمان نے میرے والد اور چچا سے بد تمیزی کی جس پر ہمارا ملزمان سے تنازعہ پیدا ہوا ۔جس پر ملزمان نے یہ اقدام کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ علاقے بڈھ میں کاروائی کے دوران منشیات فروش سے آدھا کلو سے زائد اعلی کوالٹی کی چرس برآمد ڈیرہ اسماعیل خان (بیورورپورٹ) ایس ایچ او صدر محمد عدنان نے پولیس نفری کے ہمراہ علاقے بڈھ میں کاروائی کے دوران منشیات فروش سے آدھا کلو سے زائد اعلی کوالٹی کی چرس برآمد کرلی ، مقدمہ درج ۔ تفصیلات کے مطابق ڈی پی او یاسر آفریدی کی ہدایت پر ایس ایچ او صدر محمد عدنان نے پولیس نفری کے ہمراہ علاقہ بڈھ میں منشیات فروش عنایت اللہ ولد عثمان سے 550گرام چرس برآمد کرلی ۔ پولیس نے ملزم کے خلاف مقدمہ درج کرلیا ہے۔
حاجی عبدالمجید نیازی کے خلاف ڈیرے پر ہوائی فائرنگ
فاٹا میں روزگار کے مواقع۔ فاٹا سیکرٹریٹ کا مثبت اقدام
