قومیں کبھی بھی اغیار کی بھیک سے ترقی نہیں کرتیں جبکہ بار بار باریں لینے والے ہمارے حکمرانوں نے کشکول اٹھا کر پوری قوم کو بھکاری بنا دیا ہے، روحیل اکبر
Posted on September 7, 2013 By Tahir Webmaster سٹی نیوز
تحریک تحفظ پاکستان کے مرکزی جوائنٹ سیکریٹری روحیل اکبر نے کہا ہے کہ قومیں کبھی بھی اغیار کی بھیک سے ترقی نہیں کرتیں جبکہ بار بار باریں لینے والے ہمارے حکمرانوں نے کشکول اٹھا کر پوری قوم کو بھکاری بنا دیا ہے جبکہ حکمرانوں کی ناقص حکمت عملی کے باعث ملک میں کرپشن نے اپنی جڑیں مضبوط کرلی ہیں اور جب تک عوام کرپٹ اور چور لٹیروں کو ووٹ دیتے رہیں گے ملک میں کرپشن اور لوٹ مار کو فروغ ملتا رہے گا ہر نیا آنے والاحکمران اپنی تجوریاں بھرتارہے گا موجودہ حکمران اور پچھلے دور حکومت کے حکمران ایک ہی کھوٹے سکے کے دو رخ ہیں اپنے ایک جاری بیان میں انہوں نے کہا کہ تبدیلی کا نعرہ لگانے والے پہلے اپنے اندر تو تبدیلی لا کر دکھائیں عوام کے ووٹوں سے اقتدار میں آنے کے لیے بڑے بڑے دعوے کرکے بجلی کا بحران ختم کرنے کا ایجنڈا دے کر مہنگی بجلی اشیائے خوردونوش پر بے جا ٹیکس حکمرانوں کا منشور بن چکا ہے اپنی اپنی جماعتوں میں موجود کرپٹ لوگوں کا احتساب نہ کرکے یہ حکمران کیا تبدیلی لائیں گے۔
اقتدار ان کی منزل اور جھوٹ ان کا منشور ہے حکمرانوں کا ویژن اداروں کو مضبوط کرنا، عوام کو ان کی دہلیز پر تمام سہولیات فراہم کرنا،قائد اوراقبال کے خواب کو شرمندہ تعبیر ہونا چاہیے مگر وفاقی وصوبائی حکمرانوں نے بے جا ٹیکس عائد کرکے عوام کو بحرانوں کا شکار کرنا اپنا منشور بنا رکھا ہے انہوں نے کہا کہ جن قوموں نے ترقی کی وہ کبھی دوسروں سے امداد نہیں لیتی اور ہمارے پاس لاتعداد وسائل ہیں مگرہم انہیں استعمال نہیں کر رہے۔
وفاقی حکومت کوئی ایسی پالیسی نہیں بنا سکی جس سے ان وسائل کو استعمال کیاجائے اپنے وسائل پر انحصار کرنے کے دعوے کرکے قرضوں کی ادائیگی کا بہانہ بناکر دوبارہ آئی ایم ایف سے قرضے لے کر اپنی قوم کو بجلی سوئی گیس پٹرول اور دیگر اشیا ء کی قیمتوں میںا ضافہ کرکے موجودہ حکمرانوں نے قوم کو کیا عندیہ دیا انہوںنے کہا اگر عوام کو عملی طورپر ریلیف نہ ملا تو پھر موجود ہ حکمرانوں کا حشر بھی سابق حکمرانوں کی طرح ہوگا۔
