ڈیرہ غازی خان (جیوڈیسک) ڈیرہ غازی خان میں ڈکیتیوں کی وارداتوں میں ملوث دومبینہ ڈاکووں کو دوران ڈکیتی پولیس کے بجائے دیہاتیوں نے پکڑکے تشدد کا نشانہ بنایا اور بعد میں پولیس کے حوالے کردیا۔ پولیس کے مطابق ڈیرہ غازی خان کے نواحی علاقے شوریہ کے قریب دو ڈاکووں کو دیہاتیوں نے اس وقت پکڑلیا۔
جب وہ موٹرسائیکل چھین کرفرار ہونے کی کوشش کررہے تھے دونوں ڈاکووں کو دیہاتیوں نے تشدد کا نشانہ بنایا اور بعد میں پولیس کے حوالے کردیا اس موقع پر دیہاتیوں کی بڑی تعداد جمع ہوگئی اور وہ ایک ایک کرکے مبینہ ڈاکووں کو تشددکا نشانہ بناتے رہے آدھا گھنٹے بعد پولیس آگئی اور ڈاکوں کو اپنے ساتھ لے گئی، پولیس کے مطابق دونوں ڈاکو ججی خان اور عبداللطیف مختلف ڈکیتیوں اور راہزنی کے مقدمات میں پولیس کو مطلوب تھے۔
ملا عمر کی عوام سے صدارتی انتخاب کے بائیکاٹ کی اپیل
کراچی : گلشن اقبال سے ایک خاتون ملزمہ سمیت 3 ملزمان گرفتار
