اسلام آباد (اصل میڈیا ڈیسک) پاکستان میں کورونا وائرس کی دوسری لہر کے دوران سندھ پولیس کے متاثرہ اہلکاروں کی تعداد میں اضافہ ہو رہا ہے۔
گزشتہ 24 گھنٹے کے دوران کیے گئے 247 ٹیسٹ میں سے 12 پولیس اہلکاروں کی کورونا وائرس رپورٹس مثبت آئی ہیں جس کے بعد اب تک 3753 پولیس افسران و جوان کورونا وائرس سے متاثر ہوچکے ہیں جن میں سے 3486 صحتیاب ہوئے۔
سپرنٹنڈنٹ آف پولیس (ایس پی)، ڈپٹی سپرنٹنڈنٹ آف پولیس (ڈی ایس پی) اور انسپکٹر سمیت 20 پولیس ملازمین جاں بحق ہوچکے ہیں جبکہ 247 پولیس ملازمین ابھی بھی اس عالمی وبا سے متاثر ہیں جن میں سے بیشتر اپنے گھروں میں آئسولیٹ ہیں یا مختلف اسپتالوں میں زیر علاج ہیں۔
پولیس ذرائع کے مطابق کورونا وائرس سے متاثر مختلف عہدوں کے پولیس افسران میں سے ایک سینیئر پولیس افسر ڈپٹی انسپکٹر جنرل (ڈی آئی جی) پولیس آصف اعجاز شیخ بھی ہیں۔
آصف اعجاز شیخ کلفٹن کے ایک نجی اسپتال میں انتہائی نگہداشت کے شعبہ میں زیر علاج ہیں جہاں انہیں وینٹی لیٹر پر رکھا گیا ہے۔
آصف اعجاز شیخ کے اہل خانہ نے ان کی جلد صحتیابی کیلئے دعا کرنے کی اپیل کی ہے۔
فرانس جلد صدر میکرون کے بوجھ سے چھٹکارا حاصل کر لے گا، طیب اردوان
جسٹس قاضی فائز نے صدارتی ریفرنس کے فیصلے پر اضافی نظر ثانی درخواست دائر کر دی
