ڈنگہ کی خبریں 20/4/2014
Posted on April 22, 2014 By Geo1 Webmaster سٹی نیوز
ڈنگہ :مسلم لیگ ن کے منصوبوں کا عوام کو براہ راست فائدہ پہنچے گا ،چوہدری جعفر اقبال
ڈنگہ (محمدبلال احمد بٹ ) پاکستان مسلم لیگ ن کے مرکزی راہنما ایم این اے حلقہ این اے 106 چوہدری جعفر اقبال پارلیمانی سیکرٹری برائے دفاع نے صحافیوں سے گفتگو ہوئے کہا مسلم لیگ ن کے منصوبوں کا عوام کو براہ راست فائدہ پہنچے گا ، مسلم لیگ ن توانائی بحران کے خاتمہ کے لیے ہنگامی بنیادوں پر کام کر رہی ہے اور اپنے اِس دور میں لوڈ شیڈنگ کو ہمیشہ کیلئے ختم کر دینگے ، مسلم لیگ ن کے دور میں عوام ہر آنے والے دِن میں مثبت تبدیلیاں دیکھے گی ، اُنہوں نے کہا کہ وزیر اعظم پاکستان میاں محمد نواز شریف اور وزیر اعلیٰ پنجاب میاں شہباز شریف پنجاب سمیت ملک بھر میں عوام کی سہولیات کے لیے انقلابی اقدامات کر رہے ہیں ،حکومت عوام کی فلاح و بہبود کے جامع پروگرام پر عمل پیرا ہے ، قومی مسائل ترجیحی بنیادوں پر کم وسیلہ طبقات کی فلاح و بہبود پر صرف کئے جا رہے ہیں ، اُنہوں نے کہا کہ توانائی کی قلت سے معاشی سرگرمیاں متاثر ضرور ہوئی تھیںلیکن وزیر اعلیٰ پنجاب اور وزیر اعظم پاکستان کی زیر قیادت ملک کو لوڈ شیڈنگ کے اندھیروں سے نجات دلانے کے لیے مرحلہ وار منصوبے شروع کئے گئے ہیں جن کی تکمیل سے معیشت کا پہیہ ایک بار پھر رواں دواں ہو گا ، اُنہوں نے مزید کہا کہ مسلم لیگ ن کا ایجنڈا عوام کی ترقی اور اُنہیں بنیادی سہولیات کی فراہمی ہے ، سرکاری محکموں میں عوام کا اعتماد بڑھانے کے لیے ان کی کارکردگی کو مزید بہتر بنایا جا رہا ہے ، عوامی مسائل کے خاتمہ کے لیے تمام ادارے حکومتی ترجیحات پر عمل در آمد کر رہے ہیں،ن لیگ کی پالیسیاں پاکستانی عوام کا مقدر بدل دیں گی ، پنجاب حکومت کی عوام دوست پالیسیوں سے قوم خوشحال اور ترقی یافتہ ہو گی ، پاکستان مسلم لیگ ن ملک پاکستان کی واحد جماعت ہے جو ملک کے مسائل حل کرنے کی صلاحیت رکھتی ہے ، مسلم لیگ ن کا مشن عوام کی خدمت ہے اور قائدین پاکستان وزیر اعظم پاکستان میاں محمد نواز شریف اور وزیر اعلیٰ پنجاب میاں شہباز شریف دِن رات عوام کی خدمت کے لیے مصروفِ عمل ہیں، مسلم لیگ ن کی حکومت کے اقدامات سے ضلع گجرات حلقہ این اے 106 سمیت پاکستان ترقی کی منزلیں طے کرے گا ، حکومت ملک کو معاشی بحرانوں سے نجات دلانے کے لیے ہر ممکن اقدامات اُٹھا رہی ہے ، نوجوان کو اپنے پائوں پر کھڑا کرنے لیے مرکزی حکومت اور صوبائی حکومت نے شاندار پروگرام ترتیب دِیا ہوا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ریلوے کی لیز پر دی گئی 13ایکڑ اراضی کی مدت ختم ہونے کے بعد ناجائز قبضہ ہٹا دیا
ڈنگہ ( محمدبلال احمد بٹ ) پاکستان ریلوے ملک سجاد اعوان اے ای این جہلم اور ریلوے پولیس لالہ موسیٰ کی نگرانی میں ڈنگہ میں گذشتہ صبح 7بجے ریلوے پھاٹک منگووال روڈ ڈنگہ کے قریب منظور حسین سکنہ ڈنگہ نے 10سال قبل محکمہ کی 13 ایکڑ اراضی لیز پر لے رکھی تھی جس کی مدت 29اکتوبر 2013 تک ختم ہو چکی تھی تا ہم منظور حسین نے عدالت عالیہ سے اپیل دائر کی تھی کہ وہ محکمہ ریلوے پاکستان ڈنگہ کی 13 ایکڑ اراضی پر اپنی کاشت جاری رکھے علاوہ ازیں عدالت عالیہ نے منظور حسین کی اپیل کو مسترد دِی ، محکمہ ریلوے پاکستان کی طرف سے دی گئی ہدایات پر گذشتہ صبح ملک سجاد اعوان اے ای این جہلم پاکستان ریلوے اور پاکستان ریلوے پولیس لالہ موسیٰ کی بھاری نفری کے ہمراہ محکمہ کی اراضی کو منظور حسین لیز مدت ختم ہونے کے حسب ضابطہ کاروائی کر کے ناجائز قبضہ کو ہٹا دِیا اور گندم کی کاشت بھی اپنی تحویل میں لے لی ، ملک سجاد اعوان اے ای این جہلم پاکستان ریلوے نے ڈاک سے گفتگو کرتے ہوئے کہا کہ ہم نے محکمہ ریلوے کی 13 ایکڑ زرعی زمین جو کہ ناجائز کاشت شدہ تھی اور ناجائز قبضہ ختم کروا کے محکمہ ریلوے نے قبضہ حاصل کر لیا ہے ،جس کی نیلامی ریلوے اسٹین ڈنگہ پر 21 اپریل 2014 بروز سوموار کو کی جائے گی ، خواہشمند حضرات حصہ لے سکتے ہیں۔ اس موقع پر شہریوں کی کثیر تعداد بھی موجود تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں ٹریفک جام رہنا معمول بن گیا ٹریفک پولیس کنٹرول میں ناکام،عوام کو دشواری کا سامنا
ڈنگہ(محمد بلال احمد بٹ) ڈنگہ میں ٹریفک جام رہنا معمول بن گیا ٹریفک پولیس کنٹرول میں ناکام ،عوام پریشان،پیدل چلنا بھی دشوار،تفصیلات کے مطابق ڈنگہ شہر کے بازاروں خصوصاً مین بازار ،تھانہ روڈ اور کولیاں روڈ پر اکثر ٹریفک جام رہنے لگی ہے میلاد چوک سے سبزی منڈی تک کا ایک منٹ کا فاصلہ کم ازکم آدھے گھنٹے میں طے ہوتا ہے بعض اوقات پیدل چلنا بھی دشوار ہو جاتا ہے بے ہنگم ٹریفک کو کنٹرول کرنے والے اہلکار بھی ناکام ہو چکے ہیں میلاد چوک کے اردگرد رکشوں کی بھرمار نظر آتی ہے جوٹریفک مسائل میں اضافہ کا سبب ہیں شعور کی کمی کے باعث اگر ایمبولینس بھی ٹریفک میں پھنس جائے تو اسکو بھی راستہ ملنا دشوار ہو جاتا ہے اہل شہر نے ڈسٹرکٹ آفیسر ٹریفک سے مطالبہ کیا ہے کہ وہ ڈنگہ میں ٹریفک کنٹرول کرنے کے لئے اصلاح و احوال کرے تاکہ عوام ٹریفک مسائل سے نکل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسلم لیگ ن کی موجودہ حکومت نے ہر میدان میں غریب عوام کو بے حد مایوس کیا،چوہدری اعجاز احمد رنیاں
ڈنگہ(محمد بلال احمد بٹ) پاکستان مسلم لیگ ق حلقہ پی پی 113 کے راہنما چوہدری اعجاز احمد رنیاں نے صحافیوں سے گفتگو کرتے ہوئے کہا کہ مسلم لیگ ن کی موجودہ حکومت نے ہر میدان میں غریب عوام کو بے حد مایوس کیا ، اُنہوں نے ملک و قوم کو اس قابل نہیں رہنے دِیا کہ وہ آئندہ پنجاب میں حکومت کریں ، یہ ملکی تاریخ کی ناکام ترین پنجاب حکومت ثابت ہوئی ہے۔ ن لیگ کے حواریوں نے مہنگائی ،بے روزگاری ، تعلیم و صحت کے وسائل جیسے مسائل نے اپنے نرغے میں لئے رکھاہے ، جسے پاکستانی قوم کسی صورت بھی معاف نہیں کرے گی ،موجودہ حکومت نے پنجاب کی ترقی و خوشحالی اور قوم و قار کے لیے صرف لاہور میں کو پاکستان سمجھ لیا ہے مسلم لیگ ن کی حکومت عوام کو دونوں ہاتھوں سے لوٹ رہی ہے ،ملک کا ہر فرد پریشانی کی زندگی گزار رہا ہے ، جب سے مسلم لیگ ن کی حکومت بر سرِ اقتدار آئی عوام پر اُن کا عذاب نازل ہوہے ا،اُنہوں نے کہا سابق وزیر اعلیٰ پنجاب ، ڈپٹی وزیر اعظم چوہدری پرویز الٰہی نے اپنے دورِ اقتدار میں لوگوں کو نوکریاں فراہم کیں 1122، پٹرولنگ پولیس ، کالجز ، یونیورسٹی ، مفت تعلیم ، سکول اپ گریڈیشن ، تعمیراتی اور پنجاب بھر کی سڑکوں کا جال بچھانے جیسے منصوبے مکمل کروائے اُن کے دور ِ اقتدار میں اتنی مہنگائی نہیں تھی جتنی آج ن لیگ کے دور میں ہے ، انشاء اللہ تعالیٰ وقت بہت قریب ہے مسلم لیگ ق پنجاب میں حکومت بنائے گی اور پھر سے ترقی کاپہیہ چلے گا جس سے ہر شخص خوشحال ہو گا، بر سر اقتدار حکومت کو چھوڑ کر آنے والے کو مسلم لیگ ق میں شمولیت پر خراجِ تحسین پیش کرتے ہیں ، اُنہوں نے کہا کہ عوام کا بنیادی مسئلہ تعلیم ، صحت اور مہنگائی ہے یا پھر جنگلہ بس کیا عوام واقعی بے وقوف ہیں یا پھر بے وقوف بنایا جا رہا ہے ، غریب بچے تعلیم اور عوام دوائی کو ترس رہے ہیں ، چوہدری برادران نے اپنے دورِ حکومت میں تمام شعبوں کو جدید تقاضوں کے مطابق ترقی دینے کا عہد کر رکھا تھا ، چوہدری برادران نے عوام کو یونیورسٹی گجرات کا بڑا تحفہ دِیا موجودہ حکومت صرف جنگلہ بسوں پر زور دے رہی ہے ، ہم تھا نہ کی سیاست پر لعنت بھیجتے ہیں ہم جھوٹے نعرے نہیں لگاتے ہم عملی اقدامات کرتے ہیں اور خود پر یقین کرنے والے دوستوں کے اعتماد کو کسی صورت ٹھیس نہیں پہنچائیں گے ۔ خدمت کا مشن لے کر سیاست کے میدان میں اترے ہیں انشاء اللہ تعالیٰ لوگوں کی توقعات پر پورا اُتریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر اور گردونواح میں مرغی کا گوشت 270روپے فی کلو جبکہ بڑے گوشت کی 260روپے فی کلو فروخت جاری
ڈنگہ (محمد بلال احمد بٹ)ڈنگہ شہر اور گردونواح میں مرغی کا گوشت 270روپے فی کلو جبکہ بڑا گوشت 260روپے فی کلو فروخت کرکے شہریوں و گرد و نواح کی اور غربت سے ستائی ہوئی عوام کو دونوں ہاتھوں سے لوٹا جارہا ہے اس سلسلہ میں پرائس کنٹرول کمیٹیاں اور ضلعی انتظامیہ کوئی نوٹس نہیں لے رہی عوامی حلقوں نے فوری کاروائی کا مطالبہ کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر بھر میں سوئی گیس صارفین کو 16گھنٹے تک مسلسل سوئی گیس لوڈ شیڈنگ سے خواری کا سامنا
ڈنگہ ( محمد بلال احمد بٹ ) ڈنگہ شہر بھر میں سوئی گیس صارفین کو 16گھنٹے تک مسلسل سوئی گیس لوڈ شیڈنگ سے خواری کا سامنا ، گھریلو خواتین کو رات بھر ، صبح سویرے اور دوپہر تک کھانا پکانے میں دُشواری ، ڈنگہ کی عوام ہوٹلوں اور تندروں کے مرہونِ منت بہت دیر تک ذلیل و خوار ہوتے رہے ، سلنڈروں والوں کی چاندی رہی جبکہ ہزاروں طلباء و طالبات کو ناشتے کے بغیر ہی سکولوں میں جانا پڑا ، حکمران ٹولہ اپنی نا اہلی کی سزا عوام کو دینے کی بجائے ریلیف فراہم کرے ، گھریلو صارفین کو سوئی گیس کی بندش نے شدید پریشان کر رکھا ہے لیکن حکمران ٹس سے مس نہیں ہو رہے ، موجودہ حکومت کی ناقص پالیسیوں نے عام آدمی کا جینا دو بھر کر کے رکھ دِیا ہے ، حکمران ٹولہ اپنی نا اہلی کی سزا غریب عوام کو دے رہے ہیں ، سوئی گیس اور بجلی کے بلز میں روز بروز اضافہ ہونے کے باوجود حکومت عوامی ڈیمانڈز کو پورا کرنے سے قاصر ہو کر رہ گئی ہے ، صنعتی شعبے اور سی این جی اسٹیشن کو گیس کی فراہمی حکومت کی ذمہ داری ہے تا ہم اس کے متبادل انتظامات کر کے گیس کی فراہمی کو یقینی بنائے،عوامی ، سماجی حلقوں نے حکومت کو فوری طور پر اس ظالمانہ فیصلے کو واپس لے کر اور گھریلو صارفین کو گیس کی فراہمی کو یقینی بنانے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مسلم لیگ لیگ ن کی10ماہ کی شاندار کارکردگی پی پی کے5سالہ دور سے کہیں بہتر ہے
ڈنگہ(محمد بلال احمد بٹ)راہنما مسلم لیگ ن و ایم پی اے حلقہ پی پی113نے ڈنگہ ،لالہ موسیٰ کے صحافیوں سے گفتگو کرتے ہوئے کہا کہ مسلم لیگ لیگ ن کی10ماہ کی شاندار کارکردگی پی پی کے5سالہ دور سے کہیں بہتر ہے،انہوں نے کہا کہ ملک سے دہشت گردی لاقانونیت کرپشن اور بے روزگاری کا خاتمہ حکومت کی اولین ترجیحات ہیں جس پر حکومت سنجیدگی سے کام کر رہی ہے،محکمہ رلوے سمیت دیگر اداروں اور عوام کے اعتماد کی بحالی ہماری حکومت کی بہت بڑی کامیابی ہے،کالا باغ ڈیم سے پاکستان کا مستقبل وابستہ ہے،اسکی تعمیر سے حکومت تمام سیاسی جماعتوں سے باہمی مشاورت اور اتفاق رائے پیدا کرکے تعمیر کرے گی،جس کے اثرات ملک کی معیشت پر پڑیں گے پی ٹی آئی اس سلسلہ میں قرار داد لائے ہماری جماعت اس کی حمایت کرے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
OPFسکول کالج کے قیام کیلئے ڈائریکٹرOPFمحمد انور کا ڈپٹی ڈائریکٹر کے ہمراہ بنگلہ بیکنانوالہ کا دورہ
ڈنگہ(محمد بلال احمد بٹ)چوہدری جعفر اقبال کی کاوش کا ایک اور قدم OPFسکول کالج کے قیام کیلئے ڈائریکٹرOPFمحمد انور کا ڈپٹی ڈائریکٹر کے ہمراہ بنگلہ بیکنانوالہ کا دورہ پارلیمانی سیکرٹری وزارت دفاع چوہدری جعفر اقبال کی سفارش پر وزیراعظم میاں محمد نواز شریف نے بنگلہ بیکنانوالہ کے رقبہ پرOPF سکول کالج کی منظوری دی،وزیراعلیٰ پنجاب میاں شہباز شریف نے اراضی کو محکمہ او پی ایف کو منتقل کر نے کے احکامات جاری کئے جس پر عمل درآمد کیلئے ڈائریکٹر او پی ایف نے خصوصی دورہ کیااو پی ایف ماڈل سکول کالج کے قیام کے سلسلہ میں ڈائریکٹر او پی ایف محمد انور نے ڈپٹی ڈائریکٹر کے ہمراہ محکمہ مال کی مختص کردہ اراضی بیکنانوالہ بنگلہ کی32کنال رقبہ کا تفصیلی جائزہ لیا اس موقع پر اے سی بندوبست کھاریاں مہتسم عباس کے نمائندے نائب تحصیلدار عامر عدنان گوندل نے انہیں اس حوالہ سے مکمل بریفننگ دی جبکہ پٹواری میاں عبدالغفور نے انہیں رقبہ کا نقشہ پیش کیا او پی ایف کے ڈائریکٹر کے عملہ نے رقبہ کی تصاویر اور مووی بنائی اور جگہ کو قابل عمل منصوبہ قرار دیا،اس موقع پر عمران بھٹی ایڈمنسٹریٹر عمران بھٹی نے شہر اور علاقہ کے تاقرکین وطن کی آبادی کے حوالے سے خصوصی بریفننگ دی،اس موقع پر چوہدری عثمان اسلم،طارق قریشی،چوہدری محمد اختر میاں محمد افضل،عبدالحفیظ بھٹی اور دیگر افرادبھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزیراعلی پنجاب میاں شہباز شریف ٹیکنیکل یونیورسٹی رسول کا افتتاح کریں گے
ڈنگہ(محمد بلال احمد بٹ)باوثوق ذرائع کے مطابق پارلیمانی سیکرٹری وزارت دفاع حلقہ این اے106کے ایم این اے چوہدری جعفر اقبال کی بڑی کاوش،وزیراعلی پنجاب میاں شہباز شریف ٹیکنیکل یونیورسٹی رسول کا افتتاح کریں گے ٹیکنیکل یونیورسٹی رسول کے افتتاح کیلئے وزیراعلیٰ پنجاب میاں محمد شہباز شریف ماہ مئی میں رسول آئیں گے اور یونیورسٹی کے چار شعبوں میں کلاسز کا باقاعدہ افتتاح کریں گے،چوہدری جعفر اقبال،کوارڈی نیٹر رسول یونیورسٹی آف ٹیکنالوجی وائس چانسلر پروفیسر ڈاکٹر عزیز اکبر اور پروفیسر انجینئر ،ڈی سی او،ڈی پی او معززین شہر و علاقہ ان کو الہانہ پرتپاک استقبال کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر خزانہ اسحاق ڈار کی زیر صدارت اجلاس میں ملک میں سونے کی درآمد پر پابندی ختم کر دی گئی
ڈنگہ(محمد بلال احمد بٹ)وزیر خزانہ اسحاق ڈار کی زیر صدارت اجلاس میں ملک میں سونے کی درآمد پر پابندی ختم کر دی گئی،ماہانہ دس کلو سونادرآمد کرنے کی اجازت دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزیراعلیٰ میاں شہباز شریف کے کوارڈی نیٹر اور چیئر مین واپڈا کا دورہ سائفن
ڈنگہ(محمد بلال احمد بٹ)وزیراعلیٰ میاں شہباز شریف کے کوارڈی نیٹر اور چیئر مین واپڈا کا دورہ سائفن وزیراعلیٰ پنجاب کے کوارڈی نیٹر برائے بجلی شاہد ریاض گوندل،چیئر مین واپڈا سید راغب عباس سمیت دیگر اعلیٰ حکام نے رسول پاور ہائوس کے مقام پر تیرہ کروڑ روپے کی لاگت سے زیر تعمیر سائفن معائنہ کیا،ریذیڈنٹ انجینئر منگلا سائفن کی تعمیر کے حوالہ سے خصوصی بریفننگ دی،اس موقع پر چیئر مین واپڈا سید راغب عباس نے کہا کہ سائفن کی تعمیر کا کام تیز رفتاری سے کر کے دو جون 2014ء تک پایہ تکمیل تک پہنچایا جائے،جبکہ وزیراعلیٰ پنجاب میاں شہباز شریف کے کوارڈی نیٹر شاہد ریاض گوندل نے کہا کہ حکومت بجلی بحران پر قابو پانے کیلئے ترجیحی بنیادوں پر کام کر رہی ہے اس موقع پر ممبر پاور رضوان احمد،جی ایم واپڈا غلام سرور میمن،چیف انجینئر ایس ای منگلا اے سی رانی حفصہ کنول،بشیر حسین زید ی ان کے ہمراہ تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں شہر اور دیہات کے الگ الگ تھانوں کی اشد ضروری ہے،ڈی پی او گجرات رائے اعجاز احمد
ڈنگہ(محمد بلال احمد بٹ)ڈی پی او گجرات رائے اعجاز احمدنے کہا ہے کہ ڈنگہ میں شہر اور دیہات کے الگ الگ تھانوں کی اشد ضروری ہے،ڈنگہ سٹی پولیس چوکی کو جلد تھانہ کا درجہ دے دیا جائیگا انہوں نے کہا کہ تھانہ سٹی ڈنگہ کے قیام کا پروپوزل تیار کر کے اعلیٰ حکام کو بھجوا دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :عابد پیرزادہ کی صاحبزادی فرحت سلیم نے پنجاب یونیورسٹی سے ایم اے اردو کا امتحان امتیازی نمبروں سے پاس کر لیا
ڈنگہ(محمد بلال احمد بٹ)سینئر صحافی اور مقامی اخبار کے چیف ایڈیٹر سلیم عابد پیرزادہ کی صاحبزادی فرحت سلیم نے پنجاب یونیورسٹی سے ایم اے اردو کا امتحان امتیازی نمبروں سے پاس کرکے ایم اے کی ڈگری حاصل کر لی،فرحت سلیم نے اپنی کامیابی کو اللہ تعالیٰ کا فضل،والدین کی دعائوں اور اساتذہ کی محنت کا ثمر قرار دیا ہے انشاء اللہ اردو ادب میں PHDکرنے کا ارادہ رکھتی ہوں صحافتی برادری نے سلیم عابد پیرزادہ کو بیٹی کی کامیابی پر مبارکباد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سڑک پر آباد شہریوں کی عمارتوں کیلئے 11kvکی تاریں ٹچ ہونے سے شدید خطرہ لاحق ہے
ڈنگہ(محمد بلال احمد بٹ)محکمہ واپڈا نے ڈنگہ گرڈ اسٹیشن سے جوڑا اور گردونواح کیلئے ایک اور فیڈر نکالتے ہوئے ڈھلیان گرڈ اسٹیشن سے براستہ ڈھلیان چوک ڈنگہ فوارہ چوک(نواز شر یف چوک)کھاریاں روڈ پر بجلی کے پول اور تاریں اس طرح نصب کئے ہیں جس سے اس سڑک پر آباد شہریوں کی عمارتوں سے11kvاتاریں ٹچ ہونے کا شدید خطرہ لاحق ہے جس پر شہریوں میں سخت بے چینی اور اضطراب پایا جاتا ہے،اگر واپڈا کے اہلکاروں کی طرف سے اسی جگہ تاریں نصب ہو گئیں تو اس سے آئے روز حادثات ہونے کے امکانات ہیں کیونکہ ذرا سی ہوا چلی تو 11kvکے تاریں انکے گھروں عمارتوں کو چھو نہیںگئیں،جس سے جانی و مالی نقصان کا اندیشہ ہے،عوای سماجی تجارتوں حلقوں نے محکمہ واپڈا کے اعلیٰ حکام اور اعلیٰ ارباب اختیار سے مطالبہ کیا ہے ڈھلیان کے روڈ سے دین پیلس فوارہ چوک تک شہری حدود میں 11kvکے بجلی کے پولوں اور تاروں کی تنصیب اس طرح نصب کی جائے کہ شہریوں کو مشکلات پیش نہ آسکیں،اگر ایسا نہ کیا گیا تو شہر زبردست احتجاج کرنے کا اخلاقی حقوق محفوظ رکھتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزیر خزانہ اسحاق ڈار کی زیر صدارت اقتصادی رابطہ کمیٹی نے 2ارب روپے کے رمضان پیکج کی منظوری دیدی
ڈنگہ(محمدبلال احمد بٹ)وزیر خزانہ اسحاق ڈار کی زیر صدارت اقتصادی رابطہ کمیٹی نے 2ارب روپے کے رمضان پیکج کی منظوری دیدی یوٹیلٹی سٹورز پر کھانے پینے کی اشیاء سستے داموں فروخت کرنے کا فیصلہ کیا گیا ہے،ماہ رمضان میں آٹے پر چھ روپے کلو ریلیف دیا جائیگا،جبکہ دالوں گھی چینی،بیسن،مشروبات کی بوتل پر دس روپے کلو ریلیف کی منظوری دی گئی عوامی حلقوں نے حکومت نے اس اقدام کو سراہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: بجلی کی قیمتوں میں ایک روپیہ فی یونٹ کمی کا امکان ہے،ذرائع
ڈنگہ(محمد بلال احمد بٹ)زرائع کے مطابق بجلی کی قیمتوں میں ایک روپیہ فی یونٹ کمی کا امکان ہے یہ کمی ماہانہ فیول ایڈجسٹمنٹ کی مد میں کی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان پبلک سکول ڈھلیان کا مسلسل چوتھی بار پانچویں اور آٹھویں کا رزلٹ100فیصد آنا بڑا اعزاز ہے،پروفسر ناصر محمود
ڈنگہ(محمد بلال احمد بٹ)ممتاز ماہر تعلیم و پرنسپل پاکستان پبلک سکول ڈھلیان کے پرنسپل پروفیسر ناصر محمود نے کہا ہے کہ الحمد اللہ پاکستان پبلک سکول ڈھلیان کا مسلسل چوتھی بار پانچویں اور آٹھویں کا رزلٹ100فیصد آنا بڑا اعزاز ہے شاندار اور بے مثال تعلیمی نتائج پر اللہ کریم کے حضور سجدہ شکر بجا لاتے ہیں اور اپنے سٹاف کو مبارکباد پیش کرتے ہیں یہ خدائے پاک کا کرم ہے پاکستان پبلک سکول کے ہر سال نتائج100فیصد آتے ہیں انہوں نے کہا کہ ہم انشاء اللہ اپنے اعزاز کا ہر صورت دفاع کریں گے اور آئندہ اس سے بہتر نتائج دینے کا عزم اور عہد کرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ایم ڈی مدنی فارمیسی ماجد علی کے بھتیجے حاجی شفقت علی اکبر کے صاحبزادے شفاقت علی کے ولیمہ اور بیٹی کی پروقار تقریب رخصتی کا انعقاد
ڈنگہ(محمد بلال احمد بٹ)ایم ڈی مدنی فارمیسی ماجد علی کے بھتیجے حاجی شفقت علی اکبر کے صاحبزادے شفاقت علی کے ولیمہ اور بیٹی کی پروقار تقریب رخصتی کا انعقاد شادی کی تقریب میں ایم پی اے میاں طارق محمود،میاں امجد محمود،چوہدری محمد افضل،ڈاکٹر محمد اسلم،ڈاکٹر شاہد ملہو ،طارق محمود،حبیب احمد سمیت دیگر نے شرکت کی،چوہدری فضل حسین سابق نائب ناظم،حاجی محمد نواز،حاجی غلام رسول،حاجی ارشد تاج حسین،صفدر حسین ،طالب حسین،الطاف حسین،ماجد علی ،محمد افضال،عرفان سلیم،حاجی اصغر،حاجی انصر ،حاجی امجد،حاجی اشرف نے مہمانوں کا استقبال کیا شادی کی تقریب میں محمد ندیم،حکیم عبدالجبار،شاہ رخ سلیم،ڈاکٹر افضال احمد،ڈاکٹر طار ق محمود سمیت سینکڑوں افراد نے شر کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محکمہ خوراک کا ہدف مقرر کرکے گندم کی خریداری28اپریل سے شروع کرنے کا فیصلہ
ڈنگہ(محمد بلال احمد بٹ)محکمہ خوراک کا ہدف مقرر کرکے گندم کی خریداری28اپریل سے شروع کرنے کا فیصلہ 1200سو روپے چالیس کلو گرام کے حساب سے تیس مئی تک خریداری کی جائے گی،ڈی سی او گجرات کی ہدایت پر محکمہ خوراک نے ضلع گجرات میں گندم کی خریداری کا ہدف 25ہزار میٹرک ٹن مقرر کرتے ہوئے ڈنگہ لالہ موسیٰ گجرات منگووال،جلالپورجٹاں میں مرکز قائم کر دیئے، ڈنگہ مرکز گندم خریداری پر ہدف8ہزار میٹرک ٹن،23اپریل کوجہاں پر باردانہ کی رجسٹریشن ہو گی،اور25,24اپریل کو باردانہ کی فراہمی میرٹ پر ہو گی گندم کی خریداری1200روپے چالیس کلو گرام ،28اپریل سے30مئی 2014ء تک خریداری جائے گی،تمام امور کی زیر نگرانی ڈی سی او گجرات اور محکمہ خوراک کے آفیسرکر رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :فاطمہ جناح سکول ڈنگہPECکے مڈل و جماعت پنجم کے سٹینڈرڈ امتحانات میں بے مثال کارکردگی
ڈنگہ(محمد بلال احمد بٹ)ممتاز ماہرین تعلیم چوہدری محمد عنایت حاجی محمد ظفر مرزا کی سرکردگی میںفاطمہ جناح سکول ڈنگہPECکے مڈل و جماعت پنجم کے سٹینڈرڈ امتحانات میں بے مثال کارکردگی،سابقہ درخشندہ روایات کے مطابق فاطمہ جناح ہائی سکول ڈنگہ نے مڈل کے سو فیصد شاندار نتائج اور جماعت پنجم کے92فیصد رہے عظیم الشان کامیابیوں پر اللہ تعالیٰ کے حضور سجدہ شکر بجا لاتے ہیںانہوں نے کہا کہ چوہدری محمد عنایت،حاجی محمد ظفر مرزااللہ تعالیٰ ہمیں مزید ہمت استقامت عطا کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علامہ اقبال ایک عظیم شخصیت کے مالک تھے’ میاں شاہد اقبال
