ڈنگہ کی خبریں 9/4/2014
Posted on April 10, 2014 By Geo1 Webmaster سٹی نیوز
ڈنگہ شہر بھر میں رات کے اوقات میں روڈ لائٹس بند ، اندرونِ شہر نصب روڈ اینڈ سٹریٹ لائٹس صرف نمائش تک محدود
ڈنگہ (محمد بلال احمد بٹ ) ڈنگہ شہر بھر میں رات کے اوقات میں روڈ لائٹس بند ، اندرونِ شہر نصب روڈ اینڈ سٹریٹ لائٹس صرف نمائش تک محدود ، اکثر اوقات رات کو چلائی ہی نہیں جاتی، لائٹس بند رہنے سے حادثات رونما ہونے لگے ، تفصیلات کے مطابق اندرونِ شہر ٹی ایم اے کی طرف سے لاکھوں روپے مالیت کے نصب روڈ اینڈ سٹریٹ لائٹس صرف نمائش تک محدود ، رات کے وقت اکثر روڈ ، گلیاں لائٹ بند رہنے سے ڈرائیونگ کے دوران یا سڑک عبور کرتے راہگیر اندھیرے کے باعث نظر نہ آنے سے حادثات کا سبب بن رہے ہیں ، شہریوں سمیت عوامی ، سماجی حلقوں نے انتظامیہ سے رات کے اوقات میں لائٹس روشن کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حالیہ بد ترین لوڈ شیڈنگ کاروبار تباہ ، منی صنعتیں فلور ملیں ، شیلرز بند سینکڑوں مزدور بیروزگار
ڈنگہ (محمد بلال احمد بٹ ) حالیہ بد ترین لوڈ شیڈنگ کاروبار تباہ ، منی صنعتیں فلور ملیں ، شیلرز بند سینکڑوں مزدور بیروزگار ہونے سے گھروں میں فاقوں نے ڈیرے جما لئے ، لوڈ شیڈنگ کی وجہ سے مچھروں کی فوجوں نے غریب عوام کا راتوں کا سکون غارت کر دِیا ، واٹر سپلائی پانی غائب ، نمازی وضو سے لاچار ، ڈنگہ سمیت گردو نواح کے علاقہ میں 10گھنٹے سے زائد لوڈ شیڈنگ سے نظام زندگی مفلوج ، مچھروں کی بہتات سے راتوں کا سکون بھی غارت ہو گیا ، علاوہ ازیں اذیت ناک لوڈ شیڈنگ کی وجہ سے مختلف بازاروں ، مارکیٹیوں میں مشینوں سے وابستہ افراد کا کاروبار ٹھپ ہو کر رہ گیا ، جبکہ لوگوں کی گھریلو زندگی بھی بری طرح متاثر ہو رہی ہے ، مساجد میں پانی کی کمی کی وجہ سے نمازیوں کو مشکلات کا سامنا کرنا پڑتا ہے ، ڈنگہ کے مختلف دیہاتوں میں وولٹیج کی کمی بیشی کی وجہ سے الیکٹرانک کی قیمتی اشیاء بھی جل کر ناکارہ ہو رہی ہیں ، شہریوں نے بجلی کی طویل بندش پر شدید احتجاج کرتے ہوئے بر سر اقتدار ایم این اے ، ایم پی اے ، ایس ای واپڈا گجرات سے مطالبہ کیا ہے کہ طویل لوڈ شیڈنگ ختم کر کے عوام کو در پیش مشکلات سے نجات دلائی جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عوام کو جان و مال کا تحفظ فراہم کرنا اور ضروریات زندگی کی بہم فراہمی ریاست کی بنیادی ذمہ داری ہے،چوہدری دلاور خان گکھڑ
ڈنگہ ( محمد بلال احمد بٹ ) پاکستان مسلم لیگ ق اورسیز راہنما چوہدری دلاور خاں گکھڑ آف انگلینڈ نے اپنے بیان میں کہا ہے کہ عوام کو جان و مال کا تحفظ فراہم کرنا اور ضروریات زندگی کی بہم فراہمی ریاست کی بنیادی ذمہ داری ہوا کرتی ہے ، اگر کوئی ریاست اپنے شہریوں کو بنیادی ضروریات فراہم نہ کر سکے تو اسے ناکام ریاست تصو کیا جاتا ہے ۔ حالات سے تنگ آ کر راہِ فرار اختیار کرنا یا خود کشی کر لینا اسلام اس کی اجازت نہیں دیتا بلکہ اسلام حالات کا مقابلہ کرنے کی تلقین کرتا ہے ، ، عوام کو بنیادی ضروریات کی بروقت فراہمی میں موجودہ حکومت بہتر اقدامات نہیں کر سکی ، جس وجہ سے عوام کی قوت خرید مسلسل برداست سے باہر ہوتی جا رہی ہے ، 10 ماہ گزرنے کے باوجود حکمران مہنگائی پر قابو پانے کے سارے اقدامات کر چکے مگر غریب لوگوں کو دو وقت کی روٹی آسانی سے میسر نہ آ سکی ورنہ وہ اپنے بچوں کو فروخت اور خودکشیاں کرنے پر مجبور نہ کریں ، اللہ تعالیٰ کی ذات پتھر میں رہنے والے کیڑے مکوڑے کو بھی خوراک مہیا کرتی ہیں ، جبکہ موجودہ حکومت انسان کو دو وقت کی روٹی دینے میں بھی مکمل طور پر اپنی ناقص پالیسیوں کے باعث ناکام ہو چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاک اٹلی فرینڈ شپ سوسائٹی کے صدر ، چوہدری بشیر امرہ کی والدہ کا قل شریف کا ختم آج اُن کے آبائی گائوں امرہ خورد میں پڑھا جائے گا
ڈنگہ ( محمد بلال احمد بٹ ) پاک اٹلی فرینڈ شپ سوسائٹی کے صدر ، چوہدری بشیر امرہ کی والدہ کا قل شریف کا ختم آج اُن کے آبائی گائوں امرہ خورد میں جامع مسجد میں صبح 10 بجے پڑھا جائیگا ، اجتماعی دُعا ٹھیک 11 بجے ہو گی ، جس میں تارکین وطن ، سماجی و سیاسی اہم شخصیات شریک ہونگی ۔ دوست احباب شرکت فرما کر ثوابِ دارین حاصل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ملک پاکستان کے مسائل کی وجہ موجودہ حکومت کی نا اہلی ہے، وزیر اعظم اور وزیر اعلیٰ ٹی وی چینل مسلسل جھوٹ کا سہارا لے رہے ہیں،چوہدری اعجاز احمد رنیاں،چوہدری اخلاق احمد رنیاں
ڈنگہ ( محمد بلال احمد بٹ ) پاکستان مسلم لیگ ق امیدوار صوبائی اسمبلی حلقہ پی پی 113 چوہدری اعجاز احمد رنیاں ، چوہدری اخلاق احمد رنیاں نے اپنے مشترکہ بیان میں کہا ہے کہ ملک پاکستان کے مسائل کی وجہ موجودہ حکومت کی نا اہلی ہے، وزیر اعظم اور وزیر اعلیٰ ٹی وی چینل مسلسل جھوٹ کا سہارا لے رہے ہیں ، چوہدری برادران نے ہمیشہ ملکی مفادات اور 19 کروڑ عوام کے مسائل کے حل کے لیے بہتر اقدامات کیے ، انشاء اللہ تعالیٰ آئندہ جنرل الیکشن میں ملک پاکستان میں اقتدار کا سہرا چوہدری برادران ہو گا ، مسلم لیگ ق مضبوط پوزیشن اور زیادہ مقبولیت کی حامل جماعت بن کر سامنے آئے گی ۔ اُنہوں نے کہا مسلم لیگ ن متنازعہ پالیسیوں کے باعث عوامی ، سماجی ، سیاسی حلقوں میںناپسندیدہ ہو گئے ہیں، جنرل انتخابات 2013ء بھاری مینڈیٹ سے کامیاب ہونے والی مسلم لیگ ن کے وزیر اعظم اور وزیر اعلیٰ کے منتخب ہوئے تھے جیسے ہی وہ اس منصب پر براجمان ہوئے تو مذہبی فسادات کے ساتھ ملک میں دہشت گردی ، لوٹ مار ، راہزنی کی واداتیں ، اغواء برائے تاون ، ڈکیٹیاں سمیت سٹریٹ کرائم نے بے تہاشہ جنم لیا ، عوام مسلم لیگ ق کے دور کو اچھے لفظوں میں یاد کر رہے ہیں ، انشاء اللہ مسلم لیگ ق غریب عوام کیلئے کامیاب ہو کر نئے جوش و جذبہ و ولولہ سے اُن کے بنیادی مسائل حل کرنے میں کوئی کسر نہ رہنے دے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ ڈنگہ میں تعینات ندیم افضل بٹ جنہوں نے اپریل 2010میں پولیس فورس کو جوائن کیا
ڈنگہ ( محمد بلال احمد بٹ ) تھانہ ڈنگہ میں تعینات ندیم افضل بٹ جنہوں نے اپریل 2010میں پولیس فورس کو جوائن کیا۔ بھرتی ہونے کے بعد انہوں نے PTS روات سے ٹریننگ حاصل کی۔دوران ٹریننگ ان کی تعلیمی قابلیت دیکھ کرSSPاشفاق خان نے رویکروٹی کے دوران ہی ان کو کمپیوٹر انسٹرکٹر کے طور پر سلیکٹ کر لیا ۔ وہاں پر وہ دیگر ریکروٹس کو کمپیوٹرسکھاتے رہے ۔6ماہ کی ٹریننگ پاس کرنے کے بعد گجرات واپس آئے تو ان کا تبادلہ گجرات تھانہ B-Division میں بطور I.Tآفیسر کر دیا گیا۔ وہاں 3 ماہ تعینات رہنے کے بعد ان کا تبادلہ تھانہ ڈنگہ میں بطور I.Tآفیسر کیا گیا۔وہاں آکر انہوں نے تھانہ کا تمام ریکارڈ کمپیوٹرائزڈ کر دیا۔ اس کے علاوہ جدید ٹیکنالوجی کو بروئے کار لا کر انہوں نے افسران بالا کی بہت سے سنگین مقدمات کو یکسو کر نے میں بھرپور مدد معاونت کی۔انہوںنے میٹرک گجرات سے کیا اس کے بعد ایسوسی ایٹ انجینئرنگ سویڈش انسٹیٹیوٹ آف ٹیکنالوجی واہ کینٹ سے فرسٹ ڈویژن میں پاس کی۔مارگلہ ٹریننگ انسٹیٹیوٹ ہیوی انڈسٹریزٹیکسلا کینٹ سے انہوں نے ایک سالہ کمپیوٹر کورس MITفرسٹ کلاس میںپاس کیا ،جس میں انہوںنے کمپیوٹر کے14شارٹ کورسز کئے۔اسکے بعد برٹش کونسل اسلام آباد سے IELTSکا امتحان پاس کیا۔گجرات واپس آکر انہوں نے پولیس فورس جوائن کرلی۔جس میں 3سال پورے ہونے کیساتھ ہی انہوںنے ہیڈ کنسٹیبل کیلئے دیئے گئے امتحان Aلسٹ اور B-1کا امتحان پاس کر لیا۔ اب DPOرائے اعجاز صاحب کی خصوصی ہدایت پر وہ فنگر پرنٹ ہیڈ پرافیشنٹ 1ماہ کے کورس کیلئے لاہور جارہے ہیں ۔ اس کے مکمل ہونے کے بعد وہ لوئر کورس کی ٹریننگ پر 4ماہ کیلئے جائیں گے ۔ایک سوال میں ان سے پوچھا گیا کہ ادارہ ہذا سے بدعنوانی(کرپشن(کو کیسے ختم کیا جاسکتا ہے؟ جس پر انہوںنے بتلایا کہ کرپشن ایک ناسور ہے۔ جسے کم یا ختم کرنے کیلئے پڑھے لکھے لوگ آگے آئیں اور افسران کی مراعات میں اضافہ کیاجائے اور محکمانہ تمام ضروریات حکومت کو پوری کرنی چاہییں۔ اور مکمل چیک اینڈ بیلنس نظام قائم کرنا چاہیے۔ جس طرح حکومت پاکستان وفاقی اداروں کو فنڈز اور وسائل مہیا کرتی ہے۔ اس طرح پولیس کی ضروریات کے پیش نظر ان کے فنڈز میں اضافہ کیا جائے۔ کیونکہ قوم کی جان و مال کی حفاظت کرنے والوں کی اپنی جان کی حفاظت کیلئے وسائل نہایت قلیل ہیں ۔حکومت کو ضرورت کے مطابق فنڈز کی فراہمی یقینی بنانی چاہیے۔DPO صاحب رائے اعجاز احمد حکومت سے فنڈز کے حصول کیلئے خصوصی کوشش کررہے ہیں تاکہ تمام وسائل کو بروئے کار لا کر کرائم کو کنٹرول کیا جاسکے۔ ان کا ارادہ ہے کہ تعلیم یافتہ پولیس آفیسرز کو جدید کورسز کرائے جائیںتاکہ جدید ٹیکنالوجی کی مدد سے عوا م کو فور ی اور مفت انصاف فراہم کیا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میاں محمد شہباز شریف کا سپاہی اور عوام کا خادم ہوں،عوامی خدمت جاری رکھوںگا،میاں طارق محمود
ڈنگہ(محمد بلال احمد بٹ)میاں طارق محمود ایم پی اے اپنے بیان میںکہا کہ خادم اعلیٰ پنجاب میاں محمد شہباز شریف کا سپاہی اور عوام کا خادم ہوں،انہوںنے کہا کہ ہم نے اپنے حلقہ کو برس ہا برس سے خون جگر سے نکھارا اور سنوارا ہے تعلیم صحت مواصلات کے بڑے بڑے مثالی پراجیکٹ ہماری کارکردگی کا منہ بولتا ثبوت ہیں،ہمارے بھائی اراکین اسمبلی جانتے ہیں کہ حکومت سے علاقہ کی تعمیر و ترقی کے لء کس طرح فنڈز حاصل کئے جاتے ہیں،ہم نے نہ کسی کے منصوبہ پر تختی لگائی اور نہ آئند ہ کسی کو لگانے دیں گے،عوامی خدمت ہماری زندگی کا مقصد اور نصب العین ہے،عوامی حلقوں اور علاقہ کی تعمیر و ترقی اور انکے مفادات کی جنگ لڑ رہے ہیں کسی سے زیادتی ہر گز نہیں ہونے دیں گے،چاہے کوئی بھی کتنا ہی بااثر کیوں نہ ہو،ظلم کے خلاف مظلوم کی حمایت جاری و ساری رکھنے کاعزم اور عہد کرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : کرپشن کرپشن کا راگ الاپنے والے بتائیںکیا آج وطن عزیز کرپشن سے پاک ہو چکا؟،ندیم اصغر کائرہ
ڈنگہ(محمدبلال احمد بٹ)سابق تحصیل ناظم کھاریاں اور پیپلز پارٹی کے مرکزی راہنما ندیم اصغر کائرہ نے اپنے بیان میں کہا کہ کرپشن کرپشن کا راگ الاپنے والے بتائیںکیا آج وطن عزیز کرپشن سے پاک ہو چکا؟انہوں نے کہا کہ حکومت نے ڈیڑھ ارب ڈالر کس مد میں حاصل کئے یہ ایک پوشیدہ راز ہے،جو جلد افشاء ہوگا،میاں برادران25سال سے پنجاب پر حکمرانی کرتے چلے آرہے ہیں یہاں کونسی دودھ اور شہد کی نہریں بہہ رہی ہیں ہمیں بھی بتایا اور دکھایا جائے،موجودہ حکمرانوں نے عوام کو مہنگائی بدامنی بے روزگاری کے سوا غریبوں کو کچھ نہیں دیا،ہمارے دور میں لالہ موسیٰ ڈنگہ کو نہ صرف سوئی گیس کی قدرتی نعمت فراہم کی گئی بلکہ ہزاروں کی تعداد میں کنکشن دے کر عوام کو بڑا ریلیف دیا آج بھی جو کنکشن لگاے جا رہے ہیں وہ ڈیمانڈ نوٹس ہمارے دور کے ہیں ان خیالات کا اطہار انہوں نے اخبار نویسوں اور بھٹو کی برسی کے موقع پر تقریب سے خطاب کرتے ہوئے کیا انہوں نے کہا کہ بھٹو شہید کا انقلاب ہی پاکستان کی ترقی خوشحالی کا ضامن ہے،انہوں نے کہا کہ پیپلز پارٹی وفاق کی علامت ہے انشاء اللہ مستقبل میں ایک بار پھر بھاری اکثریت سے کامیاب ہو کر عوام کو تمام بنیادی سہولیات فراہم کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اہلیان ڈنگہ و حلقہ پی پی113کی عوام خوش نصیب ہے جنہیں بہادر نڈر جرات مند سدا بہارالیڈر ملا،ملک محمد حنیف اعوان
ڈنگہ (محمد بلال احمد بٹ)اہلیان ڈنگہ و حلقہ پی پی113کی عوام خوش نصیب ہے جنہیں بہادر نڈر جرات مند سدا بہارامیاں طارق محمود جیسا ایم پی اے ملا ،ملک محمد حنیف اعوان کی صحافیوں سے عوام سے گفتگوانہوں نے کہا کہ اپنے منصوبوں پر کسی کو تختیاں ہر گز نہیں لگانے دیں گے،میاں طارق محمود جیسی شخصیت علاقہ کی عوام کیلئے بہت بڑی نعمت خداوندی ہے ہم نہ کمزور ہیں نہ کمزوری دکھائیں گیاپنے اور عوام کے محبوب قائدین وزیراعظم میاں محمد نواز شریف،وزیراعلیٰ پنجاب میاں محمد شہباز شریف کی ولولہ انگیز قیادت میں وطن عزیز اپنی اصل منزل کی طرف سے تیزی سے رواں دواں ہے ملکی معیشت میں بتدریج بہتری انکی اعلیٰ کاوشوں کا ثمر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میاں طارق محمود عوامی حقوق اور مفادات کی جنگ لڑرہے ہیں،حاجی عمران ظفر ایم پی اے
ڈنگہ(محمد بلال احمد بٹ)حاجی عمران ظفر ایم پی اے عوامی اجتماع سے خطاب کرتے ہوئے کہا کہ پنجاب بھر میں سب سے سینئر ہر دل عزیز ایم پی اے میاں طارق محمود عوامی حقوق اور مفادات کی جنگ لڑرہے ہیں،انہوں نے کہا کہ ہم اپنے ہر دل عزیز اور بڑے بھائی میاں طارق محمو دکے شانہ بشانہ کھڑھے ہیں وہ جہاں بھی ہمیں بلائیں گے ہم انکی آواز پر لبیک کہتے ہوئے حاضر ہونگیہم ہر دل عزیز میاں طارق محمود کو حلقہ کی تعمیر و ترقی اور حقوق کیلئے لڑتے ہوئے ہمیشہ دیکھتے ہیں اوران سے راہنمائی حاصل کرتے ہیں انہوں نے ناگفتہ حالات میں اتووالہ ڈھل بنگش روڈ کی تعمیر کیلئے پانچ کروڑ کے فنڈز حاصل کر کھے کمال کر دکھایا ہے،میرے قائد میں میاں محمد نواز شریف اور میاں محمد شہباز شریف ملک و قوم کا قیمتی اثاثہ ہیں انہوں نے اپنی دانشمندی اور قابلیت کی بدولت ملک کو سیاسی و معاشی طور پر مستحکم کر دیا ہے عوام18-18گھنٹے ملک و قوم کیلئے خدمات سر انجام دینے والے میاں برادران کے ہاتھ مضبوط کریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :330خوش نصیب عازمین عمرہ کے قافلے حاجی ٹریولز کی وساطت سے حجاز مقدس روانگی کا سلسلہ شروع
ڈنگہ(محمد بلال احمدبٹ)آستانہ عالیہ عید گاہ شریف کے خلیفہ مجاز ڈاکٹر احسان اللہ اور حافظ عبدالکریم کی سرکردگی میں 330خوش نصیب عازمین عمرہ کے قافلے حاجی ٹریولز کی وساطت سے حجاز مقدس روانگی کا سلسلہ شروع تفصیلات کے مطابق حاجی ٹریولز ڈنگہ کے چیف ایگزیکٹو صدر انجمن تاجران ڈنگہ و جنرل سیکرٹری بزم عاشقان مصطفیۖ حاجی شاہدمحمود بٹ کی ولولہ انگیز قیادت میں عید گاہ شریف کے خلیفہ مجاز ڈاکٹر احسان اللہ اور حافظ عبدالکریم کی سرکردگی میں 330خوش نصیب عازمین عمرہ کے قافلے دس اپریل سے18اپریل تک حجاز مقدس کو روانہ ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :منشیات کا دھندہ کرنے اور انکی سرپرستی کرنے والے انسانیت کے دشمن ہیں،عبدالقیوم گوندل ڈی ایس پی کھاریاں
ڈنگہ(محمد بلال احمد بٹ)منشیات کا دھندہ کرنے اور انکی سرپرستی کرنے والے انسانیت کے دشمن ہیں،عبدالقیوم گوندل ڈی ایس پی کا کھلی کچہری سے خطاب انہوں نے کہا کہ حکومت پنجاب کی ہدایت پر پنجاب پولیس نے منشیات فروشوں اور انکی سرپرستی کرنے والوں کے خلاف کھلی جنگ کا فیصلہ کیا ہے،منشیات فروشوں کے خلاف خصوصی مہم میں شہری پولیس سے بھر پور تعاون کریں،ایسا نہ کرنا ضمیر فروشوں کی مدد کے مترادف ہے،شہری اپنے گردونواح میں نوجوانوں کو گمراہی کی دلدل میں دھکیلنے والے معاشرہ کے ناسوروں منشیات فروشوں کو ہمارے علم میں لائیں یا مجھ سے براہ راست میرے نمبر053-7611950اور0300-6268621پر اطلاع دیں،آپ کا نام صیغہ راز میں رکھ کر انکے خلاف سخت کاروائی کی جا ئے گی انہوں نے کہا کہ پولیس اپنے اپنے علاقہ کو منشیات اور ضمیرفروشوں سے پاک کرنے کیلئے خصوصی مہم کے تحت ہر جگہ ریڈ کر کے سماج دشمن عنا صر اور منشیات فروشوں کو کیفرکردار تک پہنچانے جبکہ شہریوں میں شعور اجاگر کیلئے علماء کرام ،اساتذہ کرام اور صحافتی برادری شہر میں خصوصی ریلیاں نکالیں اور سیمینار منعقد کریں اس موقع پر انہوں نے عوامی شکایات اور انکے مسائل کے حل کیلئے موقع پر ہدایات جاری کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چور آٹو الیکٹریشن کی دکان کے تالے توڑ کر لاکھوں روپے کا سامان چرا کرچلتے بنے
ڈنگہ(محمد بلال احمد بٹ)چور آٹو الیکٹریشن کی دکان کے تالے توڑ کر لاکھوں روپے کا سامان چرا کرچلتے بنے،چور سفیان اقبال کی بسم اللہ آٹو سے موٹر سائیکلMB9698دیگر سامان چرا کر لیھ گئے ڈی ایس کھاریاں عبدالقیوم گوندل نے مقدمہ درج کر نے کی ہدایت کر دی ہے۔
ڈنگہ :امیر جماعت اسلامی سراج الحق آج اپنے منصب کا حلف اٹھا لیا
ڈنگہ(محمد بلال احمد بٹ)امیر جماعت اسلامی سراج الحق آج اپنے منصب کا حلف اٹھا لیانومنتخب امیر جماعت اسلامی سراج الحق نے آج نو اپریل شام پانچ بجے جامع مسجد منصورہ میں پانچ سالہ امارت کی مدت کا حلف اٹھایا،موجودہ امیر سید منور حسن نے ان سے حلف لیاڈنگہ،لالہ موسیٰ،کھاریاں،گجرات سمیت ملک بھر سے سے جماعت اسلامی کے وفدنے جامع مسجد منصورہ میں حلف برادری کی تقریب میں شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری خالد حسین کولی اپنی فیملی کے ہمراہ22اپریل کو امریکہ کیلئے روانہ ہونگے
ڈنگہ(محمد بلال احمد بٹ)کولی خاندان کے چشم و چراغ چوہدری محمد اشرف ،چوہدری محمد اصغر کولی کے بھائی چوہدری خالد حسین کولی اپنی فیملی کے ہمراہ22اپریل کو امریکہ کیلئے روانہ ہونگے ،ا نکے دوست احباب عزیز و اقارب انہیں امریکہ کیلئے الوداع کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز قانون دان جنرل سیکرٹری کھاریاں بار ایسوسی ایشن میاں جہانگیر عالم ایڈووکیٹ انگلینڈ پہنچ گئے
ڈنگہ(محمد بلال احمد بٹ)ممتاز قانون دان جنرل سیکرٹری کھاریاں بار ایسوسی ایشن میاں جہانگیر عالم ایڈووکیٹ انگلینڈ پہنچ گئے یو کے میں انکے بھائیوں میاں توقیر عالم ،میاں شاہنواز عالم اور عزیز و اقارب نے پرتپاک استقبال کیاعلاقہ کی سرکردہ اور معتبر شخصیت میاں محمد عالم مرحوم آف بجاڑ والا کے فرزند ارجمند میاں جہانگیر عالم ایڈووکیٹ کا انگلینڈ میں پرتپاک استقبال کیا گیا انکے اعزاز میں تقاریب کا سلسلہ وار اہتمام جاری و ساری ہے،میاں جہانگیر عالم چھبیس اپریل کو انگلینڈ سے واپس آئیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بزم عاشقان مصطفی ڈنگہ کے عہدیداران کی محمد حبیب بسوی کے گھر آمد،وسیع لنگر پر خراج تحسین پیش کیا اور شیلڈ پیش کی
ڈنگہ(محمد بلال احمد بٹ)بزم عاشقان مصطفی ڈنگہ کے عہدیداران صدر میاں سعادت حسین و جنرل سیکرٹری حاجی شاہد محمودبٹ نے محمد حبیب بسوی کوانکے گھر جا کر محفل نعت کی ستائشی شیلڈ پیش کی میاں سعادت حسین،حاجی شاہد محمود بٹ نے محمد حبیب بسوی کو محفل نعت پر لنگر محمدی کا وسیع انتظام کرنے پر اعزازی شیلڈ اور پھولوں کے گلدستے پیش کئے بزم عاشقان مصطفی ڈنگہ کے صدر میاں سعادت حسین جنرل سیکرٹری حاجی شاہد محمود بٹ نے حاجی یونس ڈھنڈالہ،حاجی خالد محمود سمیت دیگر عہدیداران کے ہمراہ ان سے خصوصی تبادلہ خیال کیا،اس موقع پر صدر انجمن تاجران ڈنگہ حاجی شاہد محمود بٹ نے کہا کہ آنے والی محفل نعت کو مزید بہتر بنانے کیلئے محمد حبیب بسوی کی تجاویز اور آراء کی روشنی میں اور بہتر بنایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:سابق لیکچرارگورنمنٹ کالج ڈنگہ پروفیسر ڈاکٹر محمد افضل کو نمل یونیورسٹی نے پی ایچ ڈی کی ڈگری جاری کر دی
ڈنگہ(محمدبلال احمد بٹ)سابق لیکچرارگورنمنٹ کالج ڈنگہ پروفیسر ڈاکٹر محمد افضل کو نمل یونیورسٹی نے پی ایچ ڈی کی ڈگری جاری کر دی تفصیلات کے مطابق نیشنل یونیورسٹی آف ماڈرن لینگویجز ایچ نائن اسلام آباد سات مارچ2014ء کو اسلامیات میں ریسرچ ٹائٹل موضوع عہد نبویۖ ،منظوم عربی ادب میں سیرت نگاری پر تحقیقی مقالمہ لکھنے پر پی ایچ ڈی اسلامیات کی ڈگری جاری کر دی ڈاکٹر پروفیسر محمد افضل نے ڈگری کالج منڈی میں 12سال،ڈنگہ میں 2سال درس و تدریس کے فرائض سر انجام دیئے جبکہ راولپنڈی کالج میں تعینات تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مولانا قاضی کفایت اللہ کی دینی خدمات لائق صد تحسین ہیں،چوہدری عبدالقیوم گوندل ڈی ایس پی کھاریاں
ڈنگہ(محمد بلال احمد بٹ)ڈی ایس پی کھاریاں چوہدری عبدالقیوم گوندل نے کہا ہے کہ مولانا قاضی کفایت اللہ کی دینی خدمات لائق صد تحسین ہیں،انہوں نے کہا کہ مولانا قاضی کفایت اللہ عالم باعمل بے باک خطیب ہونے کے ساتھ ساتھ ہمدرمخلص انسان ہیں،مولانا نے ڈی ایس پی کھاریاں عبدالقیوم گوندل کو قرآن اکیڈمی جامع سعید یہ مسجد ڈنگہ آمد پر ان کا پرتپاک استقبال کیا انہوں نے کہا کہ مولانا قاضی کفایت اللہ نے منشیات کے خلاف اسکی روک تھام کیلئے اپنی مکمل مدد اور تعاون کی یقین دہانی کروائی اس موقع پر ایس ایچ او تھانہ ْڈنگہ راجہ زاہد نعیم قرآن اکیڈمی جامعہ سعیدیہ کے مدرسین صحافی برادری اور دوسری پولیس آفیسر بھی موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:بلہڑ فیملی ڈنگہ کی سرکردہ شخصیت چوہدری محمد افضل بلہڑ کی صاحبزادی اور چوہدری ناصر بلہڑ کی بھتیجی کی تقریب رخصتی14اپریل کو لال قلعہ میرج ہال پر ہو گی
ڈنگہ(محمد بلال احمد بٹ)بلہڑ فیملی ڈنگہ کی سرکردہ شخصیت چوہدری محمد افضل بلہڑ کی صاحبزادی اور چوہدری ناصر بلہڑ کی بھتیجی کی تقریب رخصتی14اپریل کو لال قلعہ میرج ہال پر ہو گی،چوہدری محمد افضل بلہڑ،چودہری ناصر بلہڑ اور انکی فیملی کی سرکردہ شخصیات مہمانوں کا استقبال کریں گی۔
ڈنگہ :معروف بزنس مین سیاسی سماجی اور فلاحی شخصیت چوہدری محمد اشرف کولی18اپریل کو انگلینڈ سے وطن لوٹیں گے
ڈنگہ(محمد بلال احمد بٹ)معروف بزنس مین سیاسی سماجی اور فلاحی شخصیت چوہدری محمد اشرف کولی18اپریل کو انگلینڈ سے وطن لوٹیں گے انکے دوست احباب عزیز و ااقارب ان کا پرتپاک استقبال کریں گے اور ان کے قافلے کی شکل میں ڈنگہ لایا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اوورسیز کنونشن اسلام آباد نے کامیابی کے نیا ریکارڈ قائم کر دیا،چوہدری شاہدلطیف گجر،اشرف مغل،چوہدری محمد اختر آف امرہ
ڈنگہ(محمد بلال احمد بٹ)اسپین میں مقیم ڈنگہ شہر اور گردونواح کے علاقہ سے تعلق رکھنے والی عظیم شخصیات علمی ادبی شخصیت چوہدری شاہد لطیف گجر،اشرف مغل اور چوہدری محمد اختر آف امرہ نے اپنے مشترکہ بیان میں کہا کہ اوورسیز کنونشن اسلام آباد نے کامیابی کے نیا ریکارڈ قائم کر دیا،انہوں نے کہا کہ اوورسیز کنونشن اسلام آباد میں سینکڑوں تارکین وطن کے ہمراہ شرکت کر کے اسے کامیاب بنایا بیرون ممالک بسنے والے لاکھوں پاکستانی مسلسل محنت کر کے وطن عزیز کی معیشت کو مضبوط بنانے میں اہم کردار ادا کر رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزیراعلیٰ پنجاب میاں شہباز شریف کے ویثرن کے مطابق پرائمری سکول نبی پورہ میں100فیصد داخلہ مہم کا ٹارگٹ اچیو کرینگے،مرزا محمد اسلم رسولپوری
ڈنگہ(محمد بلال احمد بٹ)ممتاز ماہر تعلیم اور سینئر ہیڈ ماسٹر گورنمنٹ پرائمری سکول محلہ نبی پورہ مرزا محمد اسلم رسولپوری نے کہا ہے کہ وزیراعلیٰ پنجاب میاں شہباز شریف کے ویثرن کے مطابق پرائمری سکول نبی پورہ میں100فیصد داخلہ مہم کا ٹارگٹ اچیو کرینگے،انہوں نے کہا کہ الحمد اللہ پہلے بھی ہمارے ادارہ میں داخل بچوں کی ریکارڈ تعداد ہے انشاء اللہ اس سال پہلے سے اور زیادہ داخلے کریں گے ہم اپنی مدد آپ سے سکول میں270فٹ گہرا پانی کا بور کروا کر بچوں کو صاف شفاف پانی فراہم کر رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محمد اصغر قریشی اپنی فیملی کے ہمراہ 17اپریل کو عمرہ کی سعادت کیلئے حجاز مقدس روانہ ہونگے
ڈنگہ(محمد بلال احمد بٹ)مرکزی انجمن تاجران ڈنگہ کے رکن ،انجمن پان فروش کے جنرل سیکرٹری و بیوٹی پان شاپ کے ایم ڈی محمد اصغر قریشی اپنی فیملی کے ہمراہ 17اپریل کو عمرہ کی سعادت کیلئے حجاز مقدس روانہ ہونگے ،محمد اصغر قریشی نے صحافیوں سے گفتگو کرتے ہوئے کہا کہ اللہ تعالیٰ اور اس کے پیارے حبیب محمد مصطفیۖ کے در اقدس کی حاضری کیلئے بے تاب ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :شیخ محمد شبیر کی صاحبزادیوں شیخ محمد شفیق کی ہمشیرائوں کی پروقار تقریب رخصتی
ڈنگہ(محمد بلال احمد بٹ)شیخ محمد شبیر کی صاحبزادیوں شیخ محمد شفیق کی ہمشیرائوں کی پروقار تقریب رخصتی،معززین شہر عمائدین علاقہ کی شرکت شیخ محمد شبیر کی صاحبزادیوں اور شیخ محمد شفیق کی بہنوں کی تقریب رخصتی میں عوامی سماجی سیاسی تجارتی شخصیات سمیت ہر مکتبہ فکر کے افراد کی کثیر تعداد نے شرکت کی شادی کی تقریب میں شیخ رستم علی،مرزا محمد شبیر،چوہدری کامران پسوعال،غضنفر اقبال،عبدالحمید ،محمد اختر عبدالمجید،شاہ رخ سلیم سمیت دیگر نے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : غلام مصطفی صابری کا ختم چہلم10اپریل کو ہو گا،پیر زادہ محمد اکرم رضا بغدادی خطاب فرمائیں گے
ڈنگہ(محمد بلال احمد بٹ)افضال رسول چشتی،فیض الرسول گولڑوی،جمشید حسن،حسنین علی،ثقلین علی غلام مرتضی گولڑوی کے بھائی غلام مصطفی صابری کا ختم چہلم10اپریل کو ہو گا پیرزادہ محمداکرم رضا بغدادی خطاب فرمائیں گے چوہدری ماجد حسین کمبوہ کی زیرنگرانی غلام مصطفی صابری کے ختم چہلم کی روحانی تقریب کل دس اپریل بروز جمعرات بعد نماز عشاء حویلی ماجد عدالت بٹ محلہ شاہ فیصل عطاء محمد روڈ پر منعقد ہو گی،قاری منور حسین صدیقی تلاوت کلام پاک،قاری عابد ندیم نیازی،محبوب الرسول گولڑی نعت رسول ۖ پیش کریں گے حضرت علامہ مولانا پیرزادہ محمد اکرم رضا بغدادی خطاب ذیشان فرمائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :صفدر اقبال مغل،مذمل صفدر مغل کی سرکردگی میں گلوریہ بوتیک کی پروقار افتتاحی تقریب آج شام پانچ بجے ہوئی
ڈنگہ(محمد بلال احمد بٹ)صفدر اقبال مغل،مذمل صفدر مغل کی سرکردگی میں گلوریہ بوتیک کی پروقار افتتاحی تقریب آج شام پانچ بجے ہوئی، خواجہ محمد زبیر معصوم ثانی نے اپنے دست مبارک سے افتتاح کیاائریکٹر صفدر اقبال مغل،مذمل صفدر مغل افتتاحی تقریب میں اپنے پیرومرشد جانشین دربار عالیہ موہری شریف خواجہ محمد زبیر معصوم ثانی سمیت مہمانان گرامی کا استقبال کیابڑی تعداد میں معززین علاقہ نے شرکت کی اور کاروبار کے لئے دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حاجی شفقت علی اکبر کے پیارے بیٹے شفاقت علی اور دختر نیک اختر کی شادی15اپریل کو لال قلعہ پر ہو گی
ڈنگہ(محمدبلال احمد بٹ)حاجی شفقت علی اکبر کے پیارے بیٹے شفاقت علی اور دختر نیک اختر کی شادی15اپریل کو لال قلعہ پر ہو گی شفاقت علی کی بارات14اپریل کو روانہ ہو گی جبکہ انکی دعوت ولیمہ اور انکی ہمشیرہ کی تقریب رخصتی پندرہ اپریل کو لال قلعہ پر ہو گی،حاجی اکبر علی،چوہدری فضل حسین سابق نائب ناظم،حاجی محمد نواز،حاجی غلام رسول،حاجی ارشد،تاج حسین،محمد افضال،حاجی اسحاق،حاجی محمد اشرف،حاجی اصغر،ماجد علی اور انکی فیملی کی سرکردہ شخصیات مہمانوں کا استقبال کریں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: نئی نسل کی تعلیم و تربیت کیلئے اساتذہ کا کردار اہمیت کا حامل ہے،لیاق علی چٹھہ
ڈنگہ(محمد بلال احمد بٹ)ڈی سی او گجرات لیاقت علی چٹھہ نے خطاب کرتے ہوئے کہا کہ نئی نسل کی تعلیم و تربیت کیلئے اساتذہ کا کردار اہمیت کا حامل ہے،محکمہ تعلیم میں بھرتی ہونے والے ایجوکیٹرز اپنی ذمہ داریوں کو مشن سمجھ کر سر انجام دیں،نئے بھرتی ہونے والے ایجوکیٹرز میں تقرر نامے تقسیم کی تقریب سے خطاب،اس موقع پر حاجی عمران ظفر ایم پی اے،حاجی ناصر محمود،ای ڈی او ایجوکیشن کاشف طاہر،ڈی ای او مسز رفعت النسائ،راجہ شمریز محمدپرویز اوردیگر آفیسر موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اے سی گجرات افشاں رباب نے دو پیٹرول ایجنسیاں سیل کر د
ڈنگہ(محمد بلال احمد بٹ)اے سی گجرات افشاں رباب نے دو پیٹرول ایجنسیاں سیل کر دیں،غیر قانونی غیر معیاری کم مقدار میں پیٹرول فروخت کرنے والی دو ایجنسیوں کو سیل کر دیا گیا،اے سی افشان رباب کی رپورٹ پر پولیس نے ہریا والہ میں راشد اور ساروکی میں ایجنسیوں پر چھاپے مار کرمقدمات درج کر کے کاروائی شروع کردی ہے۔
ڈنگہ کی خبروں کی تصویری جھلکیاں
