ڈنگہ کی خبریں 15/3/2014
Posted on March 16, 2014 By Geo Urdu سٹی نیوز
ڈنگہ میڈیا کونسل کا انتخابی اجلاس منعقد ہوا،رانا قاسم حسنین علی صدر منتخب
ڈنگہ(محمد بلال احمد بٹ)ڈنگہ میڈیا کونسل کا انتخابی اجلاس منعقد ہوا۔انتخاب میں نئے عہدیداران کا چناو کیا گیا ۔ووٹنگ کے ذریعے رانا قاسم حسنین علی کو صدر ،تجمل حیات مکڑ کو جنرل سیکرٹری،نثار مغل کو سرپرست ،رانا اطہر رشید کو چیئر مین مجلس عاملہ منتخب کر لیا گیا۔سال 2014 میں نو منتخب عہدیداران اپنی ذمہ داریا ادا کریں گے۔تفصیلات کے مطابق سال 2014 کے لئے ڈنگہ میڈیا کونسل کے دفتر میں انتخابی اجلاس منعقد کیا گیا۔ اجلاس میں متفقہ رائے سے سرپرست کے لئے نثار احمدمغل،صدر رانا قاسم حسنین علی،جنرل سیکرٹری تجمل حیات مکڑ،چیئرمین مجلس عاملہ رانا اطہر رشید،سینئر نائب صدور بشارت علی طاہر،ڈاکٹر افضال مغل،نائب صدر شبیر ہاشمی،سیکرٹری فنانس ضیاء اللہ اسلم،سیکرٹری اطلاعات شفنان عدیل،جوائنٹ سیکرٹری ضیغم عباس،آفس سیکرٹری فتح جنگ وڑائچ،مجلس عاملہ کی شوریٰ کے ممبران میں سینئر ممبران الطاف حسن طاہر،حاجی ناصر زیدی،راجہ خالد محمود ہوں گے۔سیکرٹری تقریبات علی حسن مغل ہوں گے۔سال 2014 کے اعزازی ممبران میں عارف بٹ،میاں کامران ادریس، رانا وقاص،علی اسلم صراف،قیصر اسحاق مغل ہوں گے۔مزید تفصیلات کے مطابق فتح جنگ وڑائچ نے صدارت کے لئے دی گئی درخواست رانا قاسم حسنین علی کے حق میں واپس لے لی۔جنرل سیکرٹری تجمل حیات مکڑ بلا مقابلہ منتخب ہو گئے۔نثاراحمد مغل کو دوبارہ صدارت کی پیشکش کی گئی جو کہ انہوں نے ذاتی مصروفیات کی بنیاد پر معذرت کر لی۔ اور الطاف حسن طاہر کو صدر ،سرپرست،چیئر مین مجلس عاملہ کی تمام ممبران نے مشترکہ پیشکش کی جو کہ انہوں نے نوجوانوں کوموقع فراہم کرنے کے لئے بطور ممبر مجلس شوریٰ کام کرنے کا ارادہ ظاہر کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکمران بے کار کاموں اور زاتی تشہیر پر قومی خزانہ پانی کی طرح بہا رہے ہیں جبکہ عوام مہنگائی ، بے روزگاری میں اذیت ناک زندگی گزار رہے ہیں،چوہدری دلاور خان آف انگلینڈ
ڈنگہ (محمد بلال احمد بٹ )گکھڑ کے ممتاز زمیندار ، ممتاز تاجر ، کاروباری شخصیت چوہدری دلاور خاں آف انگلینڈ نے ٹیلی فون پر اپنے بیان میں کہا کہ حکمران بے کار کاموں اور زاتی تشہیر پر قومی خزانہ پانی کی طرح بہا رہے ہیں جبکہ عوام مہنگائی ، بے روزگاری میں اذیت ناک زندگی گزار رہے ہیں جبکہ عوامی نمائندوں کے ووٹ دینے والوں سے رابطہ تقریباً کٹ چکے ہیں اب تو اشک شوئی کیلئے عوام کو خادم بھی دستیاب نہیں ، حکمران طبقہ کسی عوامی مسئلے کو سنجیدگی سے نہیں لے رہا ، میٹرو بس ، بلٹ ٹرین پر اربوں ضائع کرنے کی بجائے غریب کو بھر پور ریلیف ملنا چاہیے اور بجلی پر ختم کی گئی سبسڈی بحال ہونی چاہیے ، جشن بہاراں اور یوتھ فیسٹول منانے سے عوام کے مسائل کم نہیں ہونگے لوگ تو ریلیف اور سکون کے لیے ترس رہے ہیں لیکن ہمارے حکمران میلے ٹھیلوں ، جشن اور فیسٹیولوں پر اربوں لٹا رہے ہیں ، عوام کا کوئی پرسانِ حال نہیں گورننس کا فقدان ہے ، حکمران طبقہ خدمت نہیں کاروبار کر رہا ہے ، اگر ڈالر نیچے آیا تو مہنگائی بھی کم ہونی چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ تھر پار کر واقعہ حکمرانوں کی نا اہلی کا واضح ثبوت ہے،چوہدری سلیمان الیاس آف وڑائچانوالہ
ڈنگہ (محمدبلال احمد بٹ ) ناروے میں مقیم کمانڈر چوہدری سلیمان الیاس آف وڑائچانوالہ نے اپنے بیان میں کہا کہ تھر پار کر واقعہ حکمرانوں کی نا اہلی کا واضح ثبوت ہے ، موجودہ دور میں مہنگائی ، دہشت گردی اور قحط نے عوام کو موت کے منہ میں دھکیل رکھا ہے ، اور موجودہ حکومت نے اپنی ناکامی چھپانے کے لیے بلدیاتی الیکشن میں طویل کر دیے ، تھرپار کر میں قحط کی وجہ سے ایک سو سے زائد معصوم بچوں کی ہلاکت قومی المیہ اور ظالم مفاد پرست ، لٹیرے حکمرانوں کی بے حسی ہے ، اگر میڈیا متاثرہ خاندانوں کی حالت زار پر پردہ نہ اُٹھاتا تو نہ جانے اور کتنے بچے طبقاتی نظام کے دلدادہ روایتی سیاستدانوں کی خود غرضی کی بھینٹ چڑھ جاتے ، اُنہوں نے مزید کہا کہ یہ سیاسی پوائنٹ سکورنگ کا نہیں بلکہ مصیبت زدہ لوگوں کی فوری مدد کا وقت ہے پورے ملک میں قتل و غارت گری کا بازار گرم ہے ، دہشت گردی بڑھتی جا رہی ہے لوگ مسلسل بڑھتی ہوئی مہنگائی اور امن امان کی خراب صورتحال کے باعث شدید پریشانی کا شکار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محلہ ذوالفقار کالونی ڈنگہ میں جائیداد کے تنازعہ پر 3 خواتین سمیت 3 افراد نے گھر میں داخل ہو کر ایک خاتون اور اُس کی بیٹی کو تشدد کر کے برہنہ کر دِیا
ڈنگہ (محمد بلال احمد بٹ) محلہ ذوالفقار کالونی ڈنگہ میں جائیداد کے تنازعہ پر 3 خواتین سمیت 3 افراد نے گھر میں داخل ہو کر ایک خاتون اور اُس کی بیٹی کو تشدد کر کے برہنہ کر دِیا ، تفصیلات کے مطابق محلہ ذوالفقار کالونی ڈنگہ کی رہائشی ریحانہ کوثر زوجہ محمد اصغر اور اُس کی بیٹی کو دِن دیہاڑے زبیدہ بی بی زوجہ محمد انصر ، شبانہ بی بی عرف پولی زوجہ عبد المجید اقوام چوہان معہ ایک کس نا معلوم عورت اور محمد اسلم ولد محمد عارف ، انصر ولد عبد العزیز ، نوید ولد عبد المجید اقوام چوہان سکنائے محلہ بگھی پورہ ڈنگہ مسلح ہائے آتشیں اسلحہ سمیت دیدہ دلیری سے گھر میں داخل ہو کر اسلحہ کے زور پر ریحانہ کوثر اور اُس کی بیٹی انشاء اصغر کو تشدد کا نشانہ بنایا اور گھسیٹے ہوئے برہنہ کر کے گھر سے باہر نکال کر زدو کوب کرتے ہوئے جان سے مارنے کی دھمکیاں ، تھانہ ڈنگہ نے مدعیہ ریحانہ کوثر زوجہ محمد اصغر قوم چوہان کی درخواست پر 5 کس نامزد اور 1 نامعلوم مستور کیخلاف 452/354 ، 506-iiت پ کے تحت زیبدہ بی بی زوجہ محمد انصر ، شبانہ بی بی عرف پولی زوجہ عبد المجید اقوام چوہان معہ ایک کس نا معلوم اور محمد اسلم ولد محمد عارف ، انصر ولد عبد العزیز ، نوید ولد عبد المجید اقوام چوہان سکنائے محلہ بگھی پورہ ڈنگہ کیخلاف مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بزم عاشقان مصطفی ۖ ڈنگہ کے عہدیداران کی ڈی سی او گجرات لیاقت علی چٹھہ سے اہل ملاقات،محفل نعت میں شرکت کی دعوت
ڈنگہ(محمد بلال احمد بٹ)بزم عاشقان مصطفیۖ کے صدر میاں سعادت حسین ،جنرل سیکرٹری و سالار ڈنگہ محفل نعت،صدر مرکزی انجمن تاجران حاجی شاہد محمود بٹ سیکرٹری اطلاعات انجمن تاجران بائونوید احمد کی ڈی سی او آفس گجرات میں دی سی او گجرات لیاقت علی چٹھہ سے خصوصی ملاقات،ڈی سی او گجرات لیاقت علی چٹھہ نے 12ویںمحفل نعت ڈنگہ کے انعقاد کا اجازت نامہ جاری کر دیابزم عاشقان مصطفی ۖ ڈنگہ کے صدر میاں سعادت حسین ،جنرل سیکرٹری حاجی شاہد محمود بٹ اور بائو نوید احمد نے ڈی سی او گجرات لیاقت علی چٹھہ سے انکے آفس میں خصوصی ملاقات کرتے ہوئے انہیں محفل نعت ڈنگہ میں شرکت کی دعوت دی جو انہوںنے بخوشی قبول کر لی،بزم عاشقان مصطفی کے عہدیداران نے گجرات میں نئے تعینات ہونے والے ڈی سی او لیاقت علی چٹھہ صاحب کو بتایا کہ محفل نعت ڈنگہ میں آپ کے پیش رو ڈی سی او آصف بلال لودھی مہمان خاص تھے انکے تبادلہ کے بعد آپ محفل نعت میں شرکت کریں ڈی سی او گجرات لیاقت علی چْٹھہ نے بزم کے عہدیداران کو یقین دہانی کروائی کہ محفل نعت ڈنگہ میں شرکت کو اپنے لئے اعزاز سمجھتے ہوئے ضرور شرکت کریں گے،اس موقع پر انہوں نے ڈی پی او گجرات رائے اعجاز احمد اور سیکورٹی برانچ کو ہدایت کی کہ محفل نعت کی مکمل اور فول پروف سیکورٹی کیلئے سخت حفاظتی انتظامات کئے جائیں اور اس مقصد کیلئے انہیں جتنی پولیس کی نفری درکارہو فوری طور پر مہیا کی جائے،اس موقع پر انہوں نے بزم عاشقان مصطفی کے عہدیداران کی مشروبات سے خاطر تواضح کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موجودہ نازک صورتحال میں ڈالر کی قیمت میں کمی حیرت انگیز کارنامہ سے کم نہیں،چوہدری جعفر اقبال
ڈنگہ(محمد بلال احمد بٹ)پارلیمانی سیکرٹری وزارت دفاع اور ایم این اے چوہدری جعفر اقبال نے کہا ہے کہ موجودہ نازک صورتحال میں ڈالر کی قیمت میں کمی حیرت انگیز کارنامہ سے کم نہیںڈالر کی قیمت میں کمی کسی کرامت سے کم نہیںانہوں نے کہا کہ الحمد اللہ میاں محمد نواز شریف کی معاشی اصلاحات کی بدولت پاکستان اقتصادی قوت بن کر ابھرے گا،میاں محمد نواز شریف کے قابل اعتماد اور مسلم لیگ ن کے ہمارے ساتھی اسحاق ڈار نے اپنی اعلیٰ کارکردگی کے باعث اپنا قوم سے کیا ہوا وعدہ سچ کر دکھایا،انکی مسلسل محنت سے ملکی معیشت وقت کے ساتھ مضبوط سے مضبوط تر ہو رہی ہے،وزیراعظم میاں محمد نواز شریف وزیراعلیٰ میاں محمد شہباز شریف کی ملک و قوم کیلئے بنائی گئی پالیسیوں سے ہر قسم میں بہتری کے ساتھ بیرونی سرمایہ کاروں کا اعتماد بحال ہو رہا ہے،اس کا تمام تر کریڈٹ میاں برادران کو جاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :200روپے مالیت کے انعامی بانڈکی قرعہ اندازی سترہ مارچ کو ہو گی
ڈنگہ(محمد بلال احمد بٹ)200روپے مالیت کے انعامی بانڈکی قرعہ اندازی سترہ مارچ کو ہو گی جس میں پہلا انعام سات لاکھ روپے ہے جبکہ دوسرے انعام میں اڑھائی لاکھ کے پانچ انعامات،تیسرے انعام میں1250روپے مالیت کے2394انعامات ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ڈالر کے ریٹ میں کمی سے سٹہ باز پٹ گئے،انہیں لاکھوں کا نقصان
ڈنگہ(محمد بلال احمد بٹ)ڈالر کے ریٹ میں کمی سے سٹہ باز پٹ گئے،انہیں ایک روز میں لاکھوںکروڑوں روپے کا نقصان ہوا،اس کے باعث ڈیلرز نے ڈالروں کی خریدو فروخت بند کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(نامہ نگار)حکومت پنجاب نے ڈی سی او گجرات آصف بلال لودھی کو گجرات سے تبدیل کر کے چکوال تعینات کر دیا،انہوںنے چارج چھوڑ دیا،لیاقت علی چٹھہ کی بطور ڈی سی او گجرات تعینات ہو گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں محمد عمران ایڈووکیٹ کی 12ویں سالانہ کل پاکستان محفل نعت کے نوجوان سیکورٹی ممبران کو سیکورٹی پلان کے حوالے سے خصوصی بریفننگ
ڈنگہ(محمد بلال احمد بٹ)جامع مسجد عید گاہ ڈنگہ میں بزم عاشقان مصطفیۖ کے صدر میاں سعادت حسین جنرل سیکرٹری حاجی شاہد محمود بٹ،سیکرٹری اطلاعات حاجی محمدیونس ڈھنڈالہ اراکین حاجی محمد سرور صراف،ڈاکٹر محمد الیاس،حاجی خالد محمود کی موجودگی میں انچارج لنگر خانہ محمد حبیب بسوی کے ہمراہ جائنٹ سیکرٹری بزم میاں محمد عمران ایڈووکیٹ کی 12ویں سالانہ کل پاکستان محفل نعت کے نوجوان سیکورٹی ممبران کو سیکورٹی پلان کے حوالے سے خصوصی بریفننگ سیکورٹی پلان پر بریفننگ میں چیف سیکورٹی رجب علی چشتی ،وحید احمد شاکر ،شہباز احمد بٹ،قاری محمد اشرف،یاسر سہیل گوندل،مرزا محمد افضل،قاری راشد،قاری نعیم عابد سمیت سینکڑوں نوجوانوں نے بھر پور شرکت کی،میاں محمدعمران ایڈووکیٹ جائنٹ سیکرٹری بزم عاشقان مصطفی ڈنگہ کے نوجوان سیکورٹی رضا کاروں کو محفل نعت کے موقع پر سیکورٹی کے فول پروف انتظامات کے حوالہ سے مکمل بریفننگ دی اور کہا کہ آپ نوجوان خالصتاً اللہ تعالیٰ اور اس کے پیارے حبیب محمد مصطفیۖ کی رضا اور خوشنودی کے لئے اپنے اپنے فرائض منصبی ایمانداری اور دیانتداری سے سر انجام دیں،25مارچ کو سرکاری آفیسر ز بزم کے عہدیداران معاونین سیکورٹی رضا کاروں کا فلیگ مارچ ہو گا،محفل نعت کے شرکاء کیلئے ساری رات لنگر کا اہتمام کیا گیا ہے کوئی شہری پان سگریٹ لائٹر وغیرہ ہر گز ساتھ نہ لائے،محمد حبیب بسوی،محفل نعت کے موقع پر سخت حفاظتی اقدامات کیت حت واک تھرو گیٹ کی تنصیب سمیت سی سی ٹی وی کیمرے تنصیب کئے جائیں گے،سیکورٹی کا نظام سخت ترین ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :الیکشن ٹربیونل نے این اے108کے کامیاب امیدوار چوہدری اعجاز احمد ایم این اے کو نا اہل قرار دے کر دوبارہ الیکشن کرانے کا حکم دیدیا
ڈنگہ(محمد بلا ل احمد بٹ)الیکشن ٹربیونل نے این اے108کے کامیاب امیدوار چوہدری اعجاز احمد ایم این اے کو نا اہل قرار دے کر دوبارہ الیکشن کرانے کا حکم دیدیاچوہدری اعجاز احمد نے حلقہ این اے108منڈی بہائو الدین سے آزاد حیثیت سے الیکشن جیت کر مسلم لیگ ن میں شمولیت اختیار کر لی تھی چوہدری اعجاز احمد کی ڈگری کو ن لیگ کے امیدوار ممتاز احمد تارڑ نے الیکشن ٹربیونل میں چیلنج کیا تھا ممتاز احمدتارڑ نے موقف اختیار کیا کہ اعجاز احمد نے میٹرک اور ایف اے نہیں کیا،فلپان سے مبینہ طور پر جعلی ڈگری لی الیکشن ٹربیونل نے انہیں نا اہل قرار دے کر اس حلقہ سے دوبارہ الیکشن کرانے کا حکم دے دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: فوج کو وہ کام نہیں کہنا چاہیے جو اس کی ذمہ داری نہیں،قمر زمان کائرہ
ڈنگہ(محمد بلال احمد بٹ)پیپلز پارٹی کے مرکزی سیکرٹری اطلاعات و سابق وفاقی وزیر قمر زمان کائرہ نے کہا ہے کہ فوج کو وہ کام نہیں کہنا چاہیے جو اس کی ذمہ داری نہیں انہوں نے کہا کہ فوج کو براست مزاکرات میں بٹھانے سے کچھ خرابیاں پیدا ہونے کا خدشہ ہے آج جو کچھ بھگت رہے ہیں ہمارے پچھلے کرموںکا پھل ہے،انہوں نے کہا کہ حکومت کی سمت درست نہیں انکی پالیسی واضح نہیں حکومت کو ابہام کا شکار نہیں ہونا چاہیے حکومت کی موجودہ سلامتی کی پالیسی سے رحمان ملک کی پالیسی زیادہ درست تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : دی گرامر سکول کی سالانہ تقریب کو سرسید احمد خان کے نام سے منسوب کر دیا گیا،تقریب میں ان کی خدمات کو سراہا جائے گا
ڈنگہ(محمد بلال احمد بٹ)جدید تعلیمی سہولیات سے آراستہ علاقہ کی معروف تعلیمی درسگاہ دی گرامر سکول کی سالانہ تقریب کو سرسید احمد خان کے نام سے منسوب کیا گیا پروقار تقریب میں سرسید احمد خان کو زبردست الفاظ میں خراج عقیدت پیش کیا جائے گاماہر تعلیم و ڈائریکٹر عارف مغل اور پرنسپل مسز عارف مغل کی سرکردگی میں دی گرامر سکول ڈنگہ کی سالانہ پروقار رنگارنگ تقریب22مارچ کوہو گی پرنسپل ایف جی کالج کھاریاں مسز نگہت رئوف صاحبہ مہمان خصوصی ہونگی صدارت مسز فریدہ عالم ڈپٹی ڈی ای و کھاریاں ہونگی ڈائریکٹر محمد عارف مغل پرنسپل مسز عارف مغل سکول سٹاف انتظامیہ اور سکول کے ہونہار طلبہ و طالبات مہماوں کا والہانہ اور پرتپاک استقبال کریں گے،دی گرامر سکول ڈنگہ 22مارچ کو ہونے والی تقریب اس حوالہ سے تاریخ ساز اور یادگار تقریب ہو گی جس میں سکول کے100سے زائد اولڈ طالب علموں کو اعزازی مہمان خاص کے طور پر شرکت کی دعوت دی گئی ہے جنہیں تقریب میں خصوصی یادگارتحائف اور سرٹیفکیٹس پیش کئے جائیں گے یہ امر قابل ذکر ہے کہ محترمہ مسز شگفتہ عارف مغل صاحبہ کی بہترین تعلیم و تربیت کے باعث انکے سینکڑوں شاگرد اس وقت اعلیٰ تعلیم حاصل کر کے مختلف شعبہ ہائے زندگی میں اپنی اعلیٰ خداد صلاحیتوں کی بدولت ملک و قوم کیلئے گرانقدر خدمات سر انجام دے رہے ہیں، جن کا کریڈٹ بلا شبہ دی گرائمر سکول ڈنگہ کی نرپسل مسز شگفتہ عارف مغل کو جاتا ہے جبکہ اولڈ طالب علموں کو بطور مہمان خصوصی مدعو کر کے ایک اور لائق تحسین کام کیا اس حوالہ سے اس سال دی گرامر سکول کی تقریب یادگار ہو گی۔
ڈنگہ :چوہدری شاہد لطیف گجر،چوہدری زاہد لطیف گجر کے والد محترم الحاج چوہدری محمد عبداللطیف آف چک مموری کی وفات پر اظہار تعزیت کا لگاتار سلسلہ جاری
ڈنگہ(محمد بلال احمد بٹ)بارسلونا سپین کی علمی ادبی شخصیت چوہدری شاہد لطیف گجر،چوہدری زاہد لطیف گجر کے والد محترم الحاج چوہدری محمد عبداللطیف آف چک مموری کی وفات پر اظہار تعزیت کا لگاتار سلسلہ جاری چوہدری شاہد لطیف گجر،چوہدری زاہد لطیف گجر کی رہائش گاہ پر ملک بھر کی سرکردہ اور اعلیٰ شخصیات اراکین قومی و صوبائی اسمبلی سابق ناظمین ،نائب ناظمین کونسلرز و دیگر نے اظہار تعزیت کیا،چوہدری فیصل اصغر کمشنر اسلام آباد،چوہدری طارق محمود رائیکہ سابق ایم این اے،محترمہ مائزہ حمید گجر ایم پی اے رحیم یار خان،چوہدری امتیاز احمد سابق ناظم تحصیل ناظم منڈی،چوہدری جاوید حسن گجر سابق ایم پی اے رحیم یار خان،چوہدری ندیم انجم سول جج کھاریاں،چوہدری ولایت خان ڈنمارک،چوہدری نصر اللہ ایڈووکیٹ،چوہدری قمراقبال پنجن شہانہ،میاں سلطان میراں ڈی ایس پی جہلم،چوہدری امتیاز احمد اے سی لاہور،چوہدری محمد افضل سابق ڈی آئی جی جیل خانہ جات،چوہدری احسن محمود سابق ناظم چیلیانوالہ،چوہدری نذیر احمد موجیانوالہ،چوہدری جاوید اقبال گجر،چوہدری شوکت محمود آف وڑائچانوالہ،چوہدری وحید اکرم چک جانی،چوہدری محمد افضل خوجہ،چوہدری خدایار چیلیانوالہ سمیت سینکڑوں افراد نے ان سے اظہار تعزیت کیا اور مرحوم کیلئے دعائے کی کہ اللہ تعالیٰ مرحوم کو جنت الفردوس میں اعلیٰ مقام عطا کرے آمین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری جعفر اقبال ایم این اے کے چچا حاجی صوفی محمد ریاض ہزاروں سوگواروں کی موجودگی میں آسودہ لحد
ڈنگہ(محمدبلال احمد بٹ)چوہدری لال خان آف فتہ بھنڈ کے صاحبزادے انگلینڈ میں مقیم چوہدری محمد نواز کے بھائی چوہدری رخسار احمدکزن چوہدری عدیل نواز کے چچاچوہدری جعفر اقبال ایم این اے کے چچا حاجی صوفی محمد ریاض ہزاروں سوگواروں کی موجودگی میں آسودہ لحد، نما زجنازہ میں ہزاروں افراد کی شرکت نما زجنازہ میں ملک حنیف اعوان،چوہدری نصر اللہ کائرہ،چوہدری کریم داد،چوہدری محمد اسلم،حاجی چوہدری میاں خاں،چوہدری جعفر اقبال،چوہدری خاور رشید ایم پی اے،عبدالقیوم گوندل ڈی ایس پی،میاں اقبال مظہر،الحاج محمد صادق بٹ،چوہدری لال خان ایم پی اے،چوہدری محمد عارف ایم پی اے،چوہدری اقبال پسوال،ڈاکٹر جاوید ریاض،میاں جہانگیر عالم ایڈووکیٹ،چوہدری خالد ایڈووکیٹ سیکریالی،چوہدری عباس چاڑانوالہ،ڈاکٹر علی احمد طاہر،میاں امجد محمود،کرنل پرویز اختر،چوہدری فرخ مجید،چوہدری نصر اللہ ایڈووکیٹ،چوہدری ظفر باغانوالہ،چوہدری ظفر اقبال،چوہدریشہریار اسلم،چوہدری مہدی خاں،چوہدری ناصر محمود بھائو گیسٹ پور،چوہدری ارشد محمود،چوہدری شرافت حسین سیکریالی،میاں طارق محمود ڈھلیان،چوہدری نصر نور جمال،چوہدری مہدی خاں بجاڑ والا،چوہدری خالوکولی،چوہدری شعیب رضا،چوہدری نذیر احمد موجیانوالہ،چوہدری رخسار احمد،بائو محمد افضل،عمران بھٹی،لیاقت قریشی،چوہدری فرخ مجید ،چوہدری فیصل،عارف ڈار،چوہدری شفاقت علی،میاںمحمد اکرام،میاں وحید اکرم ،چوہدری لیاقت علی شیر،میاں افضل،چوہدری خالد محمود چک جانی ،چوہدری پرویز گمٹی سمیت ہزاروں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ثروت اعجاز قادری دہشت گردی کے خلاف مہم کے سلسلہ میں 21مارچ کو گجرات آئیں گے
ڈنگہ(محمدبلال احمد بٹ)سنی تحریک کے سربراہ ثروت اعجاز قادری دہشت گردی کے خلاف مہم کے سلسلہ میں 21مارچ کو گجرات آئیں گے،ثروت اعجاز قادری صوبہ بھر کا دورہ کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان سمیت دنیا بھر میں گردے کا عالمی دن منایا گیا
ڈنگہ(محمدبلال احمد بٹ)پاکستان سمیت دنیا بھر میں گردے کا عالمی دن منایا گیا سرکاری و غیر سرکاری تنظیموں نے گردے کی اہمیت اور اس کا مجموعی صحت پر اثرات کے حوالہ سے سیمینارز اور پروگراموں کا انعقاد کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :نامور نیوز ایجنٹ اور میلاد کمیٹی ڈنگہ کے راہنما محمد عارف کے برادر نسبتی شادی کے حسین بندھن میں بندھ گئے
ڈنگہ(محمدبلال احمد بٹ)نامور نیوز ایجنٹ اور میلاد کمیٹی ڈنگہ کے راہنما محمد عارف کے برادر نسبتی شادی کے حسین بندھن میں بندھ گئے،انکی بارات اور دعوت ولیمہ کی تقریب میں عوامی سماجی سیاسی تجارتی شخصیات سمیت ہر مکتبہ فکر سے تعلق رکھنے والے افراد کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
ڈنگہ :شراب پی کر مبینہ طور پر غل غپاڑہ کرنے والے دو منچلے نوجوان گرفتار
ڈنگہ(محمد بلال احمد بٹ)برسات کے موسم میں پی کر مبینہ طور پر غل غپاڑہ کرنے والے دو منچلے نوجوانوں علی عابد اور شروز کو چوکی انچارج مشتاق احمد ڈار نے رنگے ہاتھوں گرفتار کر کے مقدمہد رج کر کے جیل یاترا پر بھیج دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے سی کھاریاں میاں اقبال مظہر نے بلڈنگ اینڈ انفورسٹمنٹ انسپکٹر چوہدری محمد اختر
ڈنگہ(نامہ نگار)اے سی کھاریاں میاں اقبال مظہر نے بلڈنگ اینڈ انفورسٹمنٹ انسپکٹر چوہدری محمد اختر اور سینٹری سپروائزر ظہیر
عباس کو میرج ہالز کی چکنگ کی اضافی ڈیوٹی سونپ دی انہوں نے کام شروع کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: مولوی محمد ریاض المعرو ف مولوی متوی انتقال کر گئے
ڈنگہ(محمد بلال احمد بٹ)مولوی محمد ریاض المعرو ف مولوی متوی انتقال کر گئے،مولانا قاضی کفایت اللہ نے انکی نماز جنازہ پڑھائی نماز جنازہ میں سینکڑوں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری شاہد لطیف چوہدری زاہد لطیف کے والد محترم کی وفات پر گہرا دکھ اور صدمہ ہے،یاسر صراف
ڈنگہ(محمد بلال احمد بٹ)صرافہ برادری کی نوجوان شخصیت یاسر صراف نے کہا ہے کہ بارسلونا سپین کی ممتاز ادبی شخصیت چوہدری شاہد لطیف چوہدری زاہد لطیف کے والد محترم کی وفات پر گہرا دکھ اور صدمہ ہے ہم مرحوم کی بلندی درجات کی دعا کرتے ہیں اور لواحقین کیلئے صبرجمیل کی دعا کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موجودہ نظام کوٹھیک کرنے کیلئے قوم کو اللہ اور اس کے رسولۖ محمد عربیۖ کی اطاعت کرنا ہو گی،مولانا طارق جمیل
ڈنگہ(محمد بلال احمد بٹ)عالمی مذہبی سکالر عالم دین مولانا طارق جمیل نے کرکٹ اسٹیڈیم میں عظیم الشان اجتماع سے خطاب کرتے ہوئے کہا کہ موجودہ نظام کوٹھیک کرنے کیلئے قوم کو اللہ اور اس کے رسولۖ محمد عربیۖ کی اطاعت کرنا ہو گی،انہوں نے کہا کہ خدارا علماء کرام تفرقہ بازی چھوڑ کر مساجد کے منبروں سے اللہ تعالیٰ کی توحید اور محمدۖ کی سنت کے ساتھ پیار و محبت امن کا درس دیں امرکہ بھارت ہمارے حالات میں گڑ بڑ کے ذمہ دار ہیں تو ہمیں اپنی اصلاح کرنا ہو گی،اللہ سبحان تعالیٰ سے دوستی کر لیں وہ تو عظیم بادشاہ ہماری توبہ استغفار کے انتظار میں ہے ہمارے پیارے نبیۖ محمدۖ تمام جہانوں کیلئے رحمت اللعالمین بن کر آئے جس معاشرہ میں ظلم و نا انصافی کا دو ر دورہ ہو وہاں سے رحمت خداوند کریم روٹھ جاتی ہے کہیں ایسا نہ ہو کہ اللہ تعالیٰ ہمارے اعمال کی بدولت چنگیز اور ہلاکو خاں کو ہم پر دوبارہ مسلط نہ کر دے انہوں نے کہا کہ چاروں صوبوں میں نفرت کی آگ بھڑک رہی ہے یہ امریکہ بھارت کا کیا دھرا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :12ویں سالانہ عالمگیر شہرت کی حامل محفل نعت میں بیرون شہروں سے آنے والی گاڑیوں کیلئے ٹریفک پلان تشکیل دیدیا گیا
ڈنگہ(محمد بلال احمد بٹ)12ویں سالانہ عالمگیر شہرت کی حامل محفل نعت میں بیرون شہروں سے آنے والی گاڑیوں کیلئے ٹریفک پلان تشکیل دیدیا گیا، زندہ دلان شہر اللہ اور اس کے رسول کے مہمانوں کی مہمان نوازی کا شرف حاصل کریں گے27مارچ کو سالانہ محفل نعت میں شرکت کیلئے ملک کے طول و عرض اور دور دراز سے آنے والی گاڑیوں کی پارکنگ کیلئے ٹریفک پولیس سے مل کر پلان ترتیب دے دیا گیا ہے،لالہ موسیٰ گجرات سے آنے والی گاڑیوں کو ویٹنری ہسپتال کولیاں روڈ ڈنگہ ،پھالیہ منگووال کنجاہ سے آنے والی گاڑیوں کیلئے بوائز ڈگری کالج ،کھاریاں منڈی سرگودہا سے آنے والی گاڑیوں کیلئے لال قلعہ چوک پر پارکنگ دی جائے گی،چھوٹی گاڑیوں کیلئے حاجی ٹریولز میلاد چوک اور میاں محمد اسلم سابق چیئر مین کی حویلی کو گاڑیوں کی پارکنگ کیلئے مختص کیا گیا ہے چیلیانوالہ اور گردونواح کے علاقہ سے آنے والی گاڑیوں کیلئے اسلامک سکول کے سامنے پڑ گرائونڈ کو پارکنگ کیلئے مقرر کیا گیا ہے،پارکنگ سے متعلق انتظامات اور سیکورٹی کے خواہش مند حضرات سالار ڈنگہ محفل نعت حاجی شاہدمحمود بٹ سے رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری صداقت حسین کی والدہ انتقال کر گئیںا
ڈنگہ(محمد بلال احمد بٹ)مسلم لیگی راہنما سابق امیدوار ایم این اے سید نور الحسن شاہ کے معتمد خاص چوہدری صداقت حسین کی والدہ انتقال کر گئیںانکی نماز جنازہ میں سید فیض الحسن شاہ،سید نور الحسن شاہ،چوہدری ساجد محمود،چوہدری راشدمحمود،چوہدری الیاس علی مطہری ،پیر آفتاب شاہ،انجینئر آصف مجید،رانا صاحب نواز،چوہدری خالد حسین سمیت سینکڑوں افراد نے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بزم عاشقان مصطفی ڈنگہ صدر جنرل سیکرٹری میاں سعادت حسین،حاجی شاہد بٹ،عہدیداران کے ہمراہ ایس ایچ او تھانہ ڈنگہ سٹی انچارج کامحفل نعت کی سیکورٹی کے حوالہ سے خصوصی دور
ڈنگہ(محمد بلال احمد بٹ)بزم عاشقان مصطفی ڈنگہ صدر جنرل سیکرٹری میاں سعادت حسین،حاجی شاہد بٹ،عہدیداران کے ہمراہ ایس ایچ او تھانہ ڈنگہ سٹی انچارج کامحفل نعت کی سیکورٹی کے حوالہ سے خصوصی دورہ ایس ایچ او راجہ زاہد ندیم سٹی انچارج مشتاق احمد ڈار اور پولیس اہلکاروں کو میاں سعادت حسین حاجی شاہد محمود بٹ ،محمد حبیب بسوی،میاں محمد عمران،حاجی یونس دھنڈالہ،رجب علی چشتی نے محفل نعت کی فول پروف سیکورٹی کے حوالہ سے مکمل بریفننگ دی اور ان سے سرکاری سیکورٹی کے امورپر تفصیلی تبادلہ خیال کیا بزم عاشقان مصطفی کے عہدیداران کے ہمراہ ایس ایچ او ڈنگہ راجہ زاہد نعیم نے سٹی انچارج کے ساتھ مل کر محفل نعت کیلئے سخت سیکورٹی کیلئے تمام روٹس اور متوقع پوائنٹس کا جائزہ لیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بزم عاشقان مصطفی ۖ کے عہدیداران معاونین،منتظمین ،سرکاری آفیسرز اہلکاروں پر مشتمل 12سالانہ کل پاکستان محفل نعت کے کامیاب انعقاد کیلئے25مارچ کو فلیگ مارچ ہو گا
ڈنگہ(محمد بلال احمد بٹ)بزم عاشقان مصطفی ۖ کے عہدیداران معاونین،منتظمین ،سرکاری آفیسرز اہلکاروں پر مشتمل 12سالانہ کل پاکستان محفل نعت کے کامیاب انعقاد کیلئے25مارچ کو فلیگ مارچ ہو گا فلیگ مارچ صدر بزم عاشقان مصطفی ڈنگہ میاں سعادت حسین جنرل سیکرٹری،سالار ڈنگہ محفل نعت حاجی شاہد محمود بٹ عہدیداران و اراکین معاونین ایس ایچ او سٹی انچارج کی سرکردگی میں مرکزی جامع مسجد عید گاہ ڈنگہ سے شروع ہو کر پورے شہر ،بازاروں پر مارچ کرے گا اس موقع پر عاشقان رسولۖ شرکاء مارچ پر پھولوں کی برسات کرکے انہیں داد تحسین پیش کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔
ڈنگہ : دی ویگا سکول ڈنگہ کی سالانہ تقریب تقسیم انعامات و نتائج 20مارچ کو ہو گی ،سابق وفاقی وزیر قمر زمان کائرہ مہمان خصوصی ہونگے
ڈنگہ(محمد بلال احمد بٹ)پرنسپل مسعو د احمد اعوان ،چوہدری ارشد محمود،چوہدری محمد اصغرا ف چک محمود ،ایڈمنسٹریٹر بشارت علی ایڈمن آفیسرطالب حسین اورعلم دوست شخصیت چیئر مین چوہدری امجد جاوید عیلس کی ولولہ انگیز قیادت میں علاقہ کی معروف تعلیمی درسگاہ دی ویگا سکول ڈنگہ کی سالانہ تقریب تقسیم انعامات و نتائج 20مارچ کو ہو گی سابق وفاقی وزیر قمر زمان کائرہ مہمان خصوصی ہونگے چیئر مین چوہدری امجد جاوید عیلس ،چوہدری ارشد،چوہدری محمد اصغر آف چک محمود،پرنسپل مسعود احمد اعوان،ایڈمنسٹریٹر بشارت علی،ایڈمن آفیسر طالب حسین،سابق وفاقی وزیر اطلاعات و نشریات قمر زمان کائرہ اور دیگر مہمانان گرامی کا والہانہ اور پرتپاک استقبال کریں گے دی ویگا سکول کی سالانہ تقریب انشاء اللہ بیس مارچ بروز جمعرات کو سکول کے سبزہ زار میں ٹھیک صبح نو بجے شروع ہو گی جس میں طلبہ و طالبات کلام پاک نعت رسول مقبولۖ،ویلکم سانگ،نیشنل سانگ،ملی نغمے،ٹیبلو شو،خاکے ،ڈرامے پیش کریں گے،پرنسپل مسعود احمد اعوان،سالانہ نتائج کا اعلان کریں گے اور مہمان خاص خصوصی خطاب فرمائیں گے اور پوزیشن ہولڈر طلبہ و طالبات میں اپنے دست مبارک سے انعامات تقسیم کریں گے تقریب کے اختتام
پر شرکائے محفل کے اعزا زمیں خصوصی ضیافت دی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کریسنٹ ہائی سکول ڈنگہ کی سالانہ تقریب انعامات و نتائج گرلز بوائز17,18مارچ کو علحدہ علیحدہ کیمپس میں ہوگی
ڈنگہ(محمدبلال احمد بٹ)ممتاز ماہر تعلیم میاں عبدالروف،میاں احسان اللہ کی سرکردگی میں کریسنٹ ہائی سکول ڈنگہ کی سالانہ تقریب انعامات و نتائج گرلز بوائز17,18مارچ کو علحدہ علیحدہ کیمپس میں ہو گی میاں عبدالروف ،میاں احسان اللہ، سر جی صاحب اور سٹاف و انتظامیہ مہمانوں کا والہانہ اور پرتپاک استقبال کریں گے بوائز اور گرلز سیکشن کی سالانہ تقریب میں معزز مہمانان گرامی پوزیشن ہولڈر طلبہ و طالبات میں انعامات تقسیم کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مسلم اُمہ کا اتحاد عالمی استعمار کی موت ہے ، اسی لیے عرب لیگ بنوا کر عرب و عجم کی دیوار میں بوئی گئی،سید علی عابد شاہ
ڈنگہ (محمد بلال احمد بٹ ) مسلم اُمہ کا اتحاد عالمی استعمار کی موت ہے ، اسی لیے عرب لیگ بنوا کر عرب و عجم کی دیوار میں بوئی گئی فصل آج تک کٹنے میں نہیں آ رہی ، دِن بہ دِن دوستوں میں کمی اور دُشمنوں میں اضافہ ہو رہا ہے ، دہشت گردی کے واقعات سے TTPکا اعلانِ لا تعلقی کرنے کے بعد ، حکومت بتائے کہ دہشت گردی کرنیوالے کون ہیں؟ عالمی تنازعات میں فریق نہ بننے کا اصول اپنا جائے۔تھر اور تمام عافت زدہ علاقوں کا سروے کرایا جائے ، صاحبانِ ثروت مصیبت زدگان کی مدد کریں، اُسوۂ امام سجاد انسانیت کی سعادت کا ضامن اور ذریعہ نجات ہے ۔ اِن خیالات کا اظہار چوہدری لال خاں ناظم الامور تحریک نفاذِ فقہ جعفریہ صوبہ پنجاب اور سید علی عابد شاہ ڈپٹی صوبائی کمانڈر MFPپنجاب نے میڈیا سے ایک ملاقات کے دوران کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری الیاس علی مطہری کی چچی کا ختم قل اُن کے آبائی گائوں شیخو چک میں پڑھا گیا
ڈنگہ (محمد بلال احمد بٹ )مسلم لیگی راہنما ، شیخو چک کے معروف زمیندار چوہدری صداقت حسین ، چوہدری غلام عباس ، چوہدری قمر عباس کی والدہ ، چوہدری علی اصغر ، چوہدری الیاس علی مطہری کی چچی کا ختم قل انکے آبائی گائوں شیخو چک میں پڑھا گیا ، حتمی دُعا ٹھیک 11 بجے ہو ئی ، معززین علاقہ سمیت سماجی و سیاسی و کاروباری و صحافی برادری کثیر تعداد میں شریک ہوئی۔
۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری ریاست علی کے والد گرامی چوہدری فتح عالم مرحوم کی قل شریف کا ختم راجہ ہائوس میں پڑھا گیا
ڈنگہ (محمدبلال احمد بٹ )راجہ پور کے ممتاز زمیندار چوہدری مظہر حسین چوہدری برکت حسین ، چوہدری ریاست علی کے والد گرامی چوہدری فتح عالم مرحوم کی قل شریف کا ختم راجہ ہائوس میں پڑھا گیا ، جس میں مولانا اشتیاق سیالوی آف سندھانوالہ ،قاری منور نے نے موت و حیات پر خصوصی فلسفہ بیان کیا اور حتمی دُعا کی ، قل شریف کے ختم میں علاقہ بھر سے نمایاں اہم شخصیات میں چوہدری جاوید اقبال امرہ ، چوہدری اخلاق احمد رنیاں ، چوہدری ارشد مہر نمبردار امرہ ، محمد خان نواز ڈنگہ ، چوہدری ناصر اقبال رندھیر ، چوہدری محمد عارف رندھیر ، چوہدری پرویز اقبال رندھیر ، چوہدری محمد رفیع رندھیر ، چوہدری محمد اکرم رندھیر ، راجہ خادم حسین ، راجہ عنصر یونان ، راجہ عادل انگلینڈ ، چوہدری خالد ننھا بلہڑ ڈنگہ ، چوہدری بشیر بلہڑ ڈنگہ ، میاں سکندر شاہ قلی ، میاں حسن شاہ قلی ، میاں منیر حسین شاہ قلی ، میاں ساجد اقبال ڈھلیان شریف ، راجہ غلام الٰہی ، ڈاکٹر ظفر اللہ ڈنگہ ، چوہدری نوازش علی ہیڈ کانسٹیبل اتووالہ ، چوہدری فتح جنگ وڑائچ ڈنگہ ، سید علمدار حسین شاہ شیخو چک ، میاں ظفر اقبال شاہ قلی ، چوہدری مہندی بجاڑ والہ ، چوہدری اصغر امرہ ، علی خان ڈنگہ ، راجہ ریاض احمد ، راجہ اختر انور ، وحید شہزاد جٹ ڈنگہ ، نوید احمد جٹ ڈنگہ ، عدنان نسیم جٹ ڈنگہ ، راجہ صغیر احمد سمیت شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری الیاس علی مطہری کی چچی جان کی وفات پر تیسرے روزبھی اظہارِ تعزیت اور فاتحہ خوانی کرنے والوں کا تانتا بندھا رہا
ڈنگہ (محمدبلال احمد بٹ ) چوہدری صداقت حسین کی والدہ اور چوہدری اصغر روحانی ، چوہدری الیاس علی مطہری کی چچی جان کی وفات پر دوسرے روز اظہارِ تعزیت اور فاتحہ خوانی کرنے والوں کا تانتا بندھا رہا ، جس میں سید فیض الحسن شاہ ، سید صدف شاہ ، سید زمان شاہ کلیوال ، سید الطاف حسین پنجن شہانہ ، چوہدری ماجد محمود وڑائچانوالہ ، چوہدری خادم حسین چک لشکری ، چوہدری اشرف سابق کونسلر بھکنالوانی ، چوہدری خالد ایڈووکیٹ ، حاجی منور ہارڈوئیر والے ڈنگہ ، ڈاکٹر ساجد حسین کاظمی MSO عزیز بھٹی ہسپتال گجرات ، حبیب علی باقر ، چوہدری الطاف بورا ، چوہدری جاوید اقبال نور جمال ، چوہدری مختار سابق ناظم ، رضوان احمد شیرا چوہان ، مسعود عالم خاکسار سابق اے ای او سمیت سینکڑوں معززین علاقہ نے اظہارِ تعزیت کیا اور دُعا کی کہ اللہ تعالیٰ مرحومہ کو بتصدق چہاردہ معصومین علیہم السلام جنت الفردوس میں اعلیٰ مقام دے اور لواحقین کو صبر جمیل عطا کرے۔
ڈنگہ کی خبریں کی تصویری جھلکیاں
