ڈنگہ :نیلسن برنلے انگلینڈ میں تارکین وطن کا اہم اجلاس،گکھڑ ویلفیئر سوسائٹی انگلینڈ کا قیام عمل میں آگیا ڈنگہ (محمد بلال احمد بٹ ) گذشتہ روز حلقہ پی پی 113 کے موضع گکھڑ کے تارکین وطن کا نیلسن برنلے انگلینڈ میں اہم اجلاس منعقد ہوا ، جس میں اتفاقِ رائے سے عوام کی سہولیات کیلئے گکھڑ ویلفیئر سوسائٹی انگلینڈ قائم کی گئی ، تفصیلات کے مطابق انگلینڈ کے شہر نیلسن برنلے میں چوہدری دلاور خاں انگلینڈ آف گکھڑ ، چوہدی محمد افضل انگلینڈ آف گکھڑ ، چوہدری سجاد احمد انگلینڈ آف گکھڑ ، چوہدری نذیر احمد انگلینڈ آف گکھڑ ، چوہدری محمد فیاض انگلینڈ آف گکھڑ ، میاں عامر سعید انگلینڈ آف گکھڑ ، میاں شہزاد انگلینڈ آف گکھڑ ، چوہدری عامر عبد اللہ انگلینڈ آف گکھڑ ، الیاس احمد انگلینڈ آف گکھڑ ، چوہدری عبد الرئوف انگلینڈ آف گکھڑ سمیت 50 ممبران نے گذشتہ روز انگلینڈ کے شہر نیلسن برنلے میں حلقہ پی پی 113 کے موضع گکھڑ اور گرد و نواح کی عوام کی سہولیات کے لیے ایک اہم میٹنگ کا انعقاد کیا جس میں چوہدری دلاور خاں ، چوہدری نذیر احمد کی رائے پر گکھڑ ویلفیئر سوسائٹی انگلینڈ کے اہتمام پر 60 کے قریب ممبران نے اتفاق رائے کیا اورگکھڑ ویلفیئر سوسائٹی انگلینڈ کے قیام کو عمل میں لایا ، گکھڑ ویلفیئر سوسائٹی انگلینڈ کے زیر اہتمام مستحق بچیوں کے لیے جہیز کی فراہمی، غریب و مفلس و نادار افراد کی تعلیمی و میڈیکل سہولیات فراہم کرنا ، آپسی انتشار کا خاتمہ اور بے روزگار افراد کو روزگار اور علاقہ کے امن و امان کو بحال کرنے کے لیے کوششیں کرنا ، علاوہ ازیں اپنی مدد آپ کے تحت گکھڑ ویلفیئر سوسائٹی انگلینڈ کے ہر ممبران نے اس عزم کا بھی اظہار کیا کہ وہ اپنے گائوں موضع گکھڑ کے بنیادی مسائل ، گلیاں ، نالیاں کی تعمیر ، غیر اعلانیہ اور طویل لوڈ شیڈنگ کی بنا پر عنقریب گائوں گکھڑ میں اوورسیز راہنمائوں کی وساطت سے سولر لائٹیں بھی لگائیں گے ، اس تقریب سے چوہدری دلاور خاں گکھڑ آف انگلینڈ نے معززین سے کہا کہ انشاء اللہ تعالیٰ اس ویلفیئر سوسائٹی سے عوام کو تمام بنیادی سہولتیں مہیا کی جا سکیں گی اور تمام ممبران کی مشاورت سے بہت جلد اہل دیہہ موضع گکھڑ میں ایمرجنسی کی صورت میں ایمبولینس بھی مہیا کی جائے گی ، گکھڑ ویلفیئر سوسائٹی انگلینڈ کے نمائندوں نے یقین دِلایا کہ چوہدری دلاور خاں ، چوہدری نذیر احمد کی حلقہ سے والہانہ محبت اور موضع گکھڑ کے مسائل کے حل کے لیے ویلفیئر کا اقدام خوش آئند ہے اُن کی اس کاوش پر اُنہیں خراجِ تحسین بھی پیش کرتے ہیں اور جس طرح چوہدری دلاور خاں گکھڑ آف انگلینڈ بڑھ چڑھ کر اس مشن کو لے کر چلے ہیں انشاء اللہ اُن کا ہر قدم پر مضبوط ساتھ دیکر اپنے علاقہ کو مثالی بنانے کیلئے کوئی کسر اُٹھا نہ رکھیں گے ، چوہدری دلاور خاں گکھڑ آف انگلینڈ نے مزید کہا کہ اپنے بزرگوں چوہدری حاجی محمد عارف ، چوہدری محمد افضل ، چوہدری محمد اکرم مرحوم ، چوہدری محمد اشرف مرحوم کے نقش قدم پر چلتے اس ویلفیئر سوسائٹی کو بہت آگے بڑھائیں گے، اس تقریب سے چوہدی محمد افضل ، چوہدری سجاد احمد ، چوہدری محمد فیاض ، میاں عامر سعید ، میاں شہزاد ، چوہدری عامر عبد اللہ ، الیاس احمد ، چوہدری عبد الرئوف نے اپنے اپنے خیالات کا اظہار کرتے ہوئے کہ چوہدری دلاور خاں ، چوہدری نذیر احمد سماجی کارکن ہیں ان کی بے لوث خدمات کو فراموش نہیں کی جا سکتیں ، وہ موضع گکھڑ کے لیے قیمتی سرمایہ ہیںگکھڑ ویلفیئر سوسائٹی اور اس کے تمام کارکن انسانیت کی خدمت کا سفر جاری رکھیں گے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :حلقہ بھر میں گشت کا نظام بہتر بنانے کے لیے ہر آنے جانے والے مشکوک افراد پر کڑی نظر رکھے ہوئے ہیں،راجہ زاہد نعیمSHO ڈنگہ (محمد بلال احمد بٹ )ایس ایچ او تھانہ ڈنگہ راجہ زاہد نعیم نے کہا کہ ڈی پی او رائے اعجاز احمد ، ڈی ایس پی کھاریاں عبد القیوم گوندل کی خصوصی ہدایت پر حلقہ بھر میں گشت کا نظام بہتر بنانے کے لیے ہر آنے جانے والے مشکوک افراد پر کڑی نظر رکھے ہوئے ہیں ، اعلیٰ افسران کی ہدایت پر ہمیشہ میرٹ کی بنیاد پر فیصلے کیے ، بغیر کسی سیاسی دبائو کے اپنے فرائض اللہ تعالیٰ کی رضا کی خاطر سر انجام دے رہا ہوں اور لوگوں کے جان و مال اور عزت و آبرو کی حفاظت کرنا بھی ایک عظیم سعادت ہے ، یہ تبھی ممکن ہے جب ہم شریف شہریوں کے دُکھوں کو اپنا دُکھ سمجھیں اور اُن کے حل کے لیے تمام تر وسائل بروئے کار لائیں ، اُنہوں نے کہا کہ ہمیں چاہیے کہ اپنے پیارے نبی ۖ کی تعلیمات پر عمل پیرا ہوتے ہوئے لوگوں سے حسن سلوک سے پیش آئیں ، معززین علاقہ نے ایس ایچ او تھانہ ڈنگہ راجہ زاہد نعیم سے امید ظاہر کی ہے کہ وہ اپنی پیشہ ور صلاحیتوں کو بروئے کار لاتے ہوئے وسیع تر عوامی مفاد میں اقدامات کریں گے اور تھانہ ڈنگہ کی حدود میں آنے والے تمام علاقوں کو امن کا گہوارہ بنائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ : حکمرانوں کی نا اہلی کی وجہ سے پاکستان کی عوام بے پناہ مسائل سے دو چار ہیں،چوہدری اعجاز احمد رنیاں ڈنگہ (محمدبلال احمد بٹ) ) پاکستان مسلم لیگ ق امیدوار صوبائی اسمبلی حلقہ پی پی 113 چوہدری اعجاز احمد رنیاں نے اپنے بیان میں کہا کہ حکمرانوں کی نا اہلی کی وجہ سے پاکستان کی عوام بے پناہ مسائل سے دو چار ہیں ، مہنگائی بے روزگاری ،لوڈ شیڈنگ اور روز مرہ اشیاء کی قیمتوں میں بے پناہ اضافہ نے عام آدمی کی زندگی اجیرن بنا دی ہے ، موجودہ حکومت نے ملک کو شدید بحرانوں میں مبتلا کر دِیا ، اُنہوں نے مزید کہا کہ حقیقت یہی ہے کہ کچھ نہ بدلا اور کچھ بہتر نہ ہوا ،ایک سال میں پاکستانی تاریخ کے مہنگے اور ریکارڈ 52 ارب ڈالر قرضے لے کر آنے والی نسلوں کیلئے بھی قرضوں کا پہاڑ کھڑا کر دِیا اور دعوے معیشت کی مضبوطی اور عوام کی خوشحالی کے ہو رہے ہیں ، موجودہ حکومت نمائشی منصوبوں پر اربوں ضائع کر رہے ہیں اور عوام سستے آٹے ، تعلیم اور روزگار جیسی سہولتوں کو ترس رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ تاریخ کی بھیانک ترین لوڈ شیڈنگ کے نرغے میں آ گیا ،مکمل طور پر ڈنگہ شہر سمیت گرد و نواح میں بجلی کی صورتحال انتہائی ابتر رہی ڈنگہ (محمدبلال احمد بٹ) ڈنگہ تاریخ کی بھیانک ترین لوڈ شیڈنگ کے نرغے میں آ گیا ،مکمل طور پر ڈنگہ شہر سمیت گرد و نواح میں بجلی کی صورتحال انتہائی ابتر رہی ، عوام سارا دِن بجلی کو ترستے رہے ،ایک طرف گرمی نے اپنی انتہا کو چھوا ، اور دوسری طرف واپڈا نے آنکھ مچولی کا کھیل شروع کر دِیا ، رات بھر بچوں ، بڑوں کو چیخ و پکار ، مچھروں کی بھر مار سے عوام الناس کو ذہنی کوفت کا شکار ، 6 گھنٹے کی لوڈ شیڈنگ کی بجائے 12 گھنٹوں سے زائد لوڈ شیڈنگ نے عوام کا جینا محال کر دِیا ، واپڈا حکام نہ تو مستقل لوڈ شیڈنگ کا دورانیہ عوام الناس کو دیتے ہیں اور نہ ہی یہ سلسلہ بند کرتے ہیں ، حکمران عوام الناس کی بہتری کے لیے اقدامات کریں ، طویل لوڈ شیڈنگ کے باعث عوام ہاتھ پر ہاتھ رکھ کر بیٹھ گئے ، حکمرانوں سے لوڈ شیڈنگ کا جن قابو میں نہ آ سکا ، 6 ماہ ایک سال تین سال کی امید دلانے والی بر سر اقتدار جماعت کے راہنمائوں کے متعلق عوام الناس اپنے تحفظات کا اظہار کرنے لگے ، لوڈ شیڈنگ کی وجہ سے ہر شخص حکومت سے نالاں رہنے لگا ہے ، دِن کو کام نہ کر سکنے کی وجہ سے معاشی پریشانی کا شکار غریب آدمی آرام کرنے سے بھی قاصر رہنے لگا ، شہریوں نے حکام بالا و سیاسی حکام سے نوٹس لے کر فورا بجلی کے مسئلہ کے حل کے لیے درخواست کی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ میں ٹریفک جام رہنا معمول بن گیا ٹریفک پولیس کنٹرول میں ناکام ،عوام پریشان ڈنگہ (محمد بلال احمد بٹ)ڈنگہ میں ٹریفک جام رہنا معمول بن گیا ٹریفک پولیس کنٹرول میں ناکام ،عوام پریشان،پیدل چلنا بھی دشوار،تفصیلات کے مطابق ڈنگہ شہر کے بازاروں خصوصاً مین بازار ،تھانہ روڈ اور کولیاں روڈ پر اکثر ٹریفک جام رہنے لگی ہے میلاد چوک سے سبزی منڈی تک کا ایک منٹ کا فاصلہ کم ازکم آدھے گھنٹے میں طے ہوتا ہے بعض اوقات پیدل چلنا بھی دشوار ہو جاتا ہے بے ہنگم ٹریفک کو کنٹرول کرنے والے اہلکار بے حسی کا مظاہرہ کر رہے ہیں ، میلاد چوک کے اردگرد رکشوں کی بھرمار نظر آتی ہے جوٹریفک مسائل میں اضافہ کا سبب ہیں شعور کی کمی کے باعث اگر ایمبولینس بھی ٹریفک میں پھنس جائے تو اسکو بھی راستہ ملنا دشوار ہو جاتا ہے ، علاوہ ازیں سروے کے دورن عوامی سماجی حلقوں سمیت ڈنگہ شہر مین بازار میں اشیاء خورد و نوش خریدنے مختلف دیہاتوں سے آئے مرد و خواتین کا کہنا تھا کہ مین بازار ڈنگہ میں لا قانونیت کی بنا پر جہاں جس کا جی چاہے گاڑی کھڑی کر کے چلا جاتا ہے اور جہاں پارکنگ نہ ہے وہاں VIPپرسن اپنی گاڑیاں پارک کر کے چلے جاتے ہیں اور 2 گھنٹوں سے زیادہ تک ٹریفک بلاک ہو جانے پر بھی اُن کو کوئی پوچھنے والا نہیں ہو تا ، ٹریفک عملہ بالکل بے حسی کا مظاہرہ کرتے ہیں ، اہل شہر سمیت گرد نواح کے باسیوں نے ڈسٹرکٹ آفیسر ٹریفک سے مطالبہ کیا ہے کہ وہ ڈنگہ میں ٹریفک کنٹرول کرنے کے لئے اصلاح و احوال کرے تاکہ عوام ٹریفک مسائل سے نکل سکے ، بعد ازاں ڈنگہ کے عوامی ، سماجی حلقوں نے مین بازار ڈنگہ ، تھانہ روڈ ڈنگہ ، کولیاں روڈ ڈنگہ ، راوی روڈ سیم پل نالہ ڈنگہ ، عیدگاہ ریلوے روڈ ڈنگہ پر تجاوزات کی بھر مار ہے کی شکایات بھی کیں اُنہوں نے کہا کہ بار بار خبروں کی اشاعت کے باوجود اثر رسوخ رکھنے والے تاجر اپنی دُکانوں کے آگے فٹ پاتھ پر تو قبضہ جمائے بیٹھے ہیں علاوہ ازیں سڑک پر ریڑھی بانوں کو کھڑا کر کے بھی ہزاروں روپے ماہانہ بٹورنے میں مصروف ہیں ٹی ایم او کھاریاں سمیت بلدیہ حکام سے مین بازار ڈنگہ ، تھانہ روڈ ڈنگہ ، کولیاں روڈ ڈنگہ ، راوی روڈ سیم پل نالہ ڈنگہ ، عیدگاہ ریلوے روڈ ڈنگہ پر تجاوزات کی بھر مار ہٹانے کی پر زور اپیل کی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکومت صوبہ بھر میں تعلیم کے فروغ کیلئے گرانقدر خدمات سر انجام دے رہی ہے،حمیدہ وحید الدین ڈنگہ (محمد بلال احمد بٹ)صوبائی وزیر برائے ترقی خواتین محترمہ حمیدہ وحید الدین نے کہا ہے کہ حکومت صوبہ بھر میں تعلیم کے فروغ کیلئے گرانقدر خدمات سر انجام دے رہی ہے،خواتین کیلئے سرکاری و نجی روزگار کے مواقع فراہم کرنا ہماری اولین ترجیح ہے،انہوں نے کہا کہ خادم اعلیٰ پنجاب میاں محمد شہباز شریف نے رسول کالج کو یونیورسٹی کا درجہ دے کر علاقہ میں تعلیم انقلاب کی بنیاد رکھی دہے انہوں نے کہا کہ رسول ٹیکنیکل یونیورسٹی اب نوجوانوں کو اعلیٰ تعلیم کیلئے دیگر بڑے شہروں میں نہیں جانا پڑے گا،ہم میاں شہباز شریف کے شکر گزار ہیں جنہوں نے ہماری درخواست پر ضلع کے واحد اور قدیم ترین ٹیکنیکل کالج رسول کو یونیورسٹی کا درجہ دیا ہم انشاء اللہ علاقہ کی تعمیر و ترقی کیلئے کردار ادا کر تے رہیں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :تعلیمی اداروںمیں موسم گرما کی چھٹیوں کا نوٹیفکیشن جاری کر دیاگیا ہے ڈنگہ(محمد بلال احمد بٹ)تعلیمی اداروںمیں موسم گرما کی چھٹیوں کا نوٹیفکیشن جاری کر دیاگیا ہے،جس کے مطابق وفاقی تعلیمی ادارے7جون سے دس اگست تک بند رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :باوثوق ذرائع سے معلوم ہوا ہے کہ ضلع گجرات میں جرائم کے خاتمہ کیلئے سٹیزن پولیس لائزن کمیٹیاں تشکیل دینے کا فیصلہ گیا ہے ڈنگہ(محمد بلال احمد بٹ)باوثوق ذرائع سے معلوم ہوا ہے کہ ضلع گجرات میں جرائم کے خاتمہ کیلئے سٹیزن پولیس لائزن کمیٹیاں تشکیل دینے کا فیصلہ گیا ہے،ڈی پی او گجرات رائے اعجاز احمد نے ضلع بھر میں معاشرہ کو امن کا گہوارہ بنانے کیلئے ضلع بھر کے تمام شہروں قصبوں میں شرکت شہریوں پر مشتمل سٹیزن پولیس لائزن کمیٹیاں بنانے کا فیصلہ کیا ہے،ڈنگہ سے سٹیزن پولیس لائز ن کمیٹی میں حاجی شاہد محمود بٹ،صدر مرکزی انجمن تاجران ڈنگہ ،حاجی شیخ روحیل نذیر جنرل سیکرٹری حاجی مہر ارشد محمود نمبردار امرہ،ممبران بننے کا امکان ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ:میاں طارق محمود ایم پی اے اپنے دورہ یورپ سے واپسی پر سول ہسپتال کاافتتاح کرینگے ڈنگہ(محمد بلال احمد بٹ)مسلم لیگ ن کے مرکزی راہنما میاں طارق محمود ایم پی اے اپنے دورہ ناروے سے واپسی پر سول ہسپتال کاافتتاح کرینگے پانچ کروڑ روپے کی خطیر رقم کی لاگت سے شہر کے عین وسط میں سول ہسپتال کی عمارت پایہ تکمیل کو پہنچ چکی ہے،سول ہسپتال کی تزئین و آرائش کا کام انتہائی تیز رفتاری سے جاری ہے ،دس جون کو سول ہسپتال کا باقاعدہ افتتاح کر کے عوام کیلئے کھول دیا جائے گا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :ایم پی اے میاں طارق محمود نجی دورہ پر ناروے پہنچ گئے ڈنگہ(محمد بلال احمد بٹ) ایم پی اے میاں طارق محمود نجی دورہ پر ناروے پہنچ گئے،ناروے میں مقیم پاکستانی کمیونٹی نے ان کا والہانہ استقبال کیا،میاں طارق محمود ناروے سمیت یورپی ممالک کا بھی دورہ کریں گے اور دس جون سے قبل پاکستان آئیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ : صوبائی محتسب کی ہدایت پر ہمارا آفس صوبائی محکموںکے خلاف عوامی شکایات کے ازالے اور عوام کی داد رسی کیلئے پوری تندہی سے کام کر رہا ہے،عبدالروف ایڈوائزر صوبائی محتسب ڈنگہ (محمد بلال احمد بٹ)ایڈوائزر صوبائی محتسب عبدالروف نے کہاہے کہ صوبائی محتسب کی ہدایت پر ہمارا آفس صوبائی محکموںکے خلاف عوامی شکایات کے ازالے اور عوام کی داد رسی کیلئے پوری تندہی سے کام کر رہا ہے،ان خیالات کا اظہار انہوں نے میڈیا سے گفتگو کرتے ہوئے کیا انہوں نے کہا کہ شہری ریونیو ،پولیس ،ہیلتھ ایجوکیشن ٹی ایم ایز سمیت دیگرمحکموں صوبائی محکموں کے خلاف کسی بھی شکایت کی صورت میں دی پی او آفس میں قائم محتسب آفس سے رجوع کر سکتے ہیں جبکہ عوامی شکایات کے ازالہ کیلئے محتسب آفس پورا ہفتہ کھلا رہے گا،انہوں نے کہا کہ شہری شکایات اور داد رسکی کیلئے نہ تو کوئی کورٹ فیس کی ضرورت ہے اور نہ ہی کسی وکیل کی صرف سادہ کاغذ پر درخواست لکھ کر ہمارے دفتر میں جمع کرا سکتے ہیں جس پر فوری طور پر ایکشن لیا جائیگا،انہوںنے بتایا کہ گجرات آفس میںمحتسب آفس کے قیام سے لے کر اب تک ساٹھ سے زائد افراد نے اپنی شکایات کے حوالہ سے رجوع کیا جس پر کاروائی جاری ہے ضلعی محتسب کے قیام کا مقصد گڈ گورننس کو یقینی بنانا اور شہریوں کو انکی دہلیز پر فوری انصاف فراہم کرنا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :اینٹی کرپشن گجرات نے گندم سکینڈل ڈنگہ میں ملوث محکمہ فوڈ کے آفیسر کو تحویل میں لے کر انکوائری شروع کر د ی ڈنگہ(محمد بلال احمد بٹ)اینٹی کرپشن گجرات نے گندم سکینڈل ڈنگہ میں ملوث محکمہ فوڈ کے آفیسر کو تحویل میں لے کر انکوائری شروع کر د ی گذشتہ روز گجرات پولیس نے مذکورہ مقدمہ اینٹی کرپشن کے حوالہ کر دیا اور ڈسٹرکت فوڈ ز کنٹرولر گجرات سفیان ،آصف اسسٹنٹ فوڈ کنٹرولر آفتاب بٹ،تحصیلدار کھاریاں ندیم مسعو د برتھ ،کاشتکار سفران علی اور عرفان ریاض کو گرفتار کر کے مقدمہ درج کیا تھا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :گرمی میں اضافہ کے ساتھ ہی مکھی مچھروں کی بہتات نے شہریوںکا جینا محال کر دیا ڈنگہ(محمد بلال احمد بٹ)گرمی میں اضافہ کے ساتھ ہی مکھی مچھروں کی بہتات نے شہریوںکا جینا محال کر دیا،ٹی ایم اے یونین کونسلز نے تادم تحری شہر میں جراثیم کش ادویات کا سپرے نہیں کیا جس کی بنائپر شہر بھر میں زہریلے مکھی مچھروں کی افزائش میں تیزی سے اضافہ ہوا ہے اور شہریوںکا جینا محال ہو گیا ہے،اور انکے تابڑ توڑ حملوں سے ملیریا کا بخار وباء کی شکل اختیار کر گیا ہے،عوامی سماجی حلقوں نے اعلیٰ ارباب اختیار سے مطالبہ کیا ہے کہ شہر بھر میں جراثیم کش ادویات کے سپرے کا انتظام کیا جائے تاکہ شہری موذی امراض سے محفوظ رہ سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :27مئی 2014ء عید گاہ محفل نعت کی تشہیر اور سی ڈی ریکارڈنگ چلانے کیلئے QTV،ARYسے معاہدہ کنفرم ہو گیا ڈنگہ(محمد بلال احمد بٹ)27مئی 2014ء عید گاہ محفل نعت کی تشہیر اور سی ڈی ریکارڈنگ چلانے کیلئے QTVARYسے معاہدہ کنفرم ہو گیامحفل نعت خواجہ معین الدین چشتی اجمیری چشتی کے سالانہ عرس کے بسلسلہ میں شیخ عظیم اللہ چشتی اینڈ سنز کی زیر نگرانی جبکہ صدارت حضرت علامہ مولانا طاہر رضا خطیب اعظم عید گاہ ڈنگہ کریں گے،عالمی شہرت یافتہ ثناء خوان مصطفی ۖ پر سید فصیح الدین سہروری کراچی ،عمیر علی قادری ،کیو ٹی وی،بابر ندیم نیازی ،کیو ٹی وی پر ہدیہ نعت پیش کریں گے،اس سلسلہ میں تیاریاں زورو زور سے جاری ،منیر سائونڈ ڈسکہ،ویڈیو لینڈ گوجرانوالہ،مشتاق لائٹ ڈیکوریٹر سے رابطے مکمل،سٹیج کی تیاری کیلئے ماہر ڈیزائنر سے مشاورت جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :مہر مشتا ق احمد لائٹ والے عمرہ کی سعادت حاصل کر کے وطن لوٹ آئے ڈنگہ(محمد بلال احمد بٹ)آرائیں موومنٹ کے ممتاز راہنما مہر ریاض احمد کے بھائی مہر مشتا ق احمد لائٹ والے عمرہ کی سعادت حاصل کر کے وطن لوٹ آئے انکے دوست احباب نے انہیں مبارکباد دی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: پنجاب بھر کے ایلیمنٹری کالجز (ڈسٹرکٹ ٹریننگ سنٹر)اب نان ووکیشنل ادارے کہلائیں گے ڈنگہ(محمد بلال احمد بٹ)حکومت پنجاب کی طرف سے جاری کردہ نوٹیفکیشن کے مطابق پنجاب بھر کے ایلیمنٹری کالجز (ڈسٹرکٹ ٹریننگ سنٹر)اب نان ووکیشنل ادارے کہلائیں گے،محکمہ تعلیم کے ذرائع کے مطابق چونکہ اب ان اداروں میں اب کوئی بھی چھٹی نہیں ہوا کرے گی انکی تمام چھٹیاں منسوخ کر دی گئیں جبکہ نان ووکیشنل اداروں میں اساتذہ کو کورسز کروائے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :زمان الیاس چوہان نے اپنے والدین کے ایصال ثواب کیلئے350فٹ گہرے بور کے ساتھ الیکڑک واٹر کولر نصب کروا دیا ڈنگہ(محمد بلال احمد بٹ)زمان الیاس چوہان نے اپنے والدین کے ایصال ثواب کیلئے350فٹ گہرے بور کے ساتھ الیکڑک واٹر کولر نصب کروا دیا زمان الیاس چوہان کی رہائش گاہ پر اس موقع پر ختم قرآن پاک کی تقریب منعقد ہوئی تقریب میں میاں محمد اسلم،زمان الیاس چوہان،شیرا چوہان،حاجی محمد انور ،نثارمغل،سلیم عابد پیرزادہ سمیت دیگر نے شرکت کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہم نے صوبہ بھر کے تمام صوبہ بھر کے تمام اضلاع میں محتسب پنجاب کے علاقائی دفاتر قائم کر دیئے گئے ،محتسب پنجاب جاوید چوہدری منڈی بہائو الدین(محمد بلال احمد بٹ)محتسب پنجاب جاوید محمود نے منڈی بہائو الدین میں محتسب پنجاب کے علاقائی دفتر منڈی بہائو الدین کے دورہ کے دوران اظہار خیال کرتے ہوئے کہا کہ ہم نے صوبہ بھر کے تمام صوبہ بھر کے تمام اضلاع میں محتسب پنجاب کے علاقائی دفاتر قائم کر دیئے گئے عوامی ریلیف کے معاملے میں کوئی سمجھوتہ نہیں کیا جائیگا،لوگوں کے مسائل تیز رفتاری سے حل کرنے اور انہیں انکی دہلیز پر ریلیف دینے کیلئے تمام اضلاع میں محتسب پنجاب کے علاقائی دفاترمکمل طور پر فعال کر دیئے گئے ہیںضلعی ایڈوائزر محتسب پنجاب کو واضح ہدایت کی گئی ہے عوام کو ریلیف دینے کے معاملہ پر کسی قسم کا کوئی سمجھوتہ نہیں کیا جائے گا اس موقع پر ڈی سی او امتیازی نیازی اور ایڈوائزر محتسب پنجاب منڈی بہائو الدین شفیق احمد بھی اس موقع پر موجود تھے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :فروٹ ایسوسی ایشن کے تمام عہدیداران کا انتخاب رائے سے عمل میں لایا گیا ڈنگہ (محمد بلال احمد بٹ)فروٹ ایسوسی ایشن کے تمام عہدیداران کا انتخاب رائے سے عمل میں لایا گیا جس کے مطابق سرپرست اعلیٰ سعید شاہ،صدر رانا اسد خاور سینئر نائب صدر افتخار احمد،نائب صدر وحید احمد،جنرل سیکرٹری محمد اکرم پپو،فنانس سیکرٹری بائو بٹ،سیکرٹری اطلاعات بشیر احمد عرف پوما منتخب ہوئے تفصیلات کے مطاق میاں امجد محمود کی زیر نگرانی چوہدری شاہد لطیف گجر کی رہائش گاہ پر فروٹ ایسوسی ایشن کا قیام ،رانا اسد خاور صدر،محمد اکرم پپو جنرل سیکرٹری منتخب تقریب میں سابق چیئر مین بلدیہ ڈنگہ میاں امجد محمود چوہدری شاہد لطیف گجر،جمشید اقبال بٹ،حاجی محمد اصغر قریشی اور دیگر کثیر افراد بھی موجود تھے،سابق چیئر مین بلدیہ ڈنگہ میاں امجد اور چوہدری شاہد لطیف گجر نے خطاب کرتے ہوئے کہا کہ ہم فروٹ ایسوسی ایشن نے نومنتخب عہدیداروں کو مبارکباد دیتے ہیں اور امید کرتے ہیں شہریوں کو میٹھے فروٹ سستے داموں فراہم کریں گے،اس موقع پر سابق چیئر مین بلدیہ ڈنگہ میاں امجد محمود اور بارسلونا کی علمی ادبی شخصیت چوہدری شاہد لطیف گجر نے نومنتخب عہدیداروں کو مبارکباد دی اور کہا کہ امید ہے کہ عہدیداران و اراکین شہریوں کیلئے میٹھے فروٹ سستے داموں فراہم کریں گے اس موقع پر شرکاء کی مشروبات سے خاطر تواضع کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :جدید ٹیکنالوجی کی بدولت دنیا سمٹ کر ایک گلوبل چیلج بن چکی ہے،ڈاکٹر نظام الدین ڈنگہ(محمد بلال احمد بٹ)جامعہ گجرات کے وائس چانسلر ڈاکٹر نظام الدین نے یونیورسٹی آف گجرات میں تقریب سے خطاب کرتے ہوئے کہا ہے کہ جدید ٹیکنالوجی کی بدولت دنیا سمٹ کر ایک گلوبل چیلج بن چکی ہے،انہوں نے کہا کہ جامعہ گجرات ایک ورلڈ کلاس یونیورسٹی بننے کی انتہائی اہم منزل کی جانب تیزی سے رواں دواں ہے،موبائل فون دور حاضر کی ایک اہم ٹیکنالوجی بن چکی ہے،موبائل کمپیوٹر پروگرامنگ کی ترقی و ترویج کیلئے یونیورسٹی آف گجرات میں قائم کیا جانے والا انکوبیشن سنٹر طلباء و طالبات کی مہارتوں کو اجاگرکرنے میں اہم کردار ادا کرے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ : حق داروں کو ان کا حق انکی دہلیز پر پہنچانے کیلئے کمربستہ ہیں،میاں امجدمحمود ڈنگہ(محمد بلال احمد بٹ) حکومت کی طرف سے مستحق نادار غریب طلبہ کی مدد کیلئے گورنمنٹ ایلیمنٹری سکول ڈنگہ میں منعقدہ تقریب میں سابق چیئرمین بلدیہ ڈنگہ نے مستحق نادار غریب طلبہ میں امدادی رقم تقسیم کرنے کے موقع پر سابق چیئر مین بلدیہ ڈنگہ میاں امجد محمود نے اپنے بیان میں کہا کہ حق داروں کو ان کا حق انکی دہلیز پر پہنچانے کیلئے کمربستہ ہیں،انہوں نے کہا کہ حکومت کی طرف سے مستحق نادار طلبہ کی زکوٰة فنڈز سے امداد لائق تحسین ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نہر میں ڈوبنے والی ماں کے دو لخت جگروں کی نعشیں مل گئیں منڈی بہائو الدین(محمد بلال احمد بٹ)نہر میں ڈوبنے والی ماں کے دو لخت جگروں کی نعشیں مل گئیں،بادشاہ پور کی خاتون رخسانہ بی بی نے دو بچوں سمیت نہر میں چھلانگ لگا دی تھی،خاتون رخسانہ بی بی کو شہریوں نے زندہ بچا لیا تھا لیکن اس کے دو بچے فیضان اور روبینہ نہر میں ڈوب گئے تھے اڑھائی سالہ فیضان اور اسکی ایک سالہ بہن روبینہ کی نعش نہر سے مل گئی جنہیں آہوں سسکیوں کے ساتھ سپرد خاک کر دیا گیا،جبکہ انکی خودکشی کرنے والی ماں رخسانہ بی بی کو گجرات جیل میں بھجوا دیا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ : کعبة اللہ شریف کو غسل دینے کی پروقار روحانی تقریب تیس مئی بروز جمعتہ المبارک یکم شعبان المعظم کو ہو گی ڈنگہ(محمد بلال احمد بٹ)ماہ مقدس رمضان المبارک کے استقبال کے سلسلہ میں کعبة اللہ شریف کو غسل دینے کی پروقار روحانی تقریب تیس مئی بروز جمعتہ المبارک یکم شعبان المعظم کو ہو گی،مکہ مکرمہ کے گورنر شہزادہ مثال بن عبداللہ خانہ کعبہ کو غسل دینے کی سعادت حاص کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :صدر مملکت ممنون حسین نے قومی اسمبلی کا اجلاس برائے بجٹ تین جون کو طلب کرلیا ہے ڈنگہ(محمد بلال احمد بٹ)صدر مملکت ممنون حسین نے قومی اسمبلی کا اجلاس برائے بجٹ تین جون کو طلب کرلیا ہے وفاقی وزیر خزانہ اسحاق ڈار تین جون کو ساڑھے چار بجے سالانہ بجٹ2014-15پیش کریں گے،ساتھ نئے مالیاتی بل بھی پیش کریں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :لال قلعہ میرج ہال کے چیف ایگزیکٹو عارف محمود باجوہ کا سٹاف کے ہمراہ پرفضا مقامات کا تفریحی دورہ ڈنگہ(محمد بلال احمد بٹ)لال قلعہ میرج ہال کے چیف ایگزیکٹو عارف محمود باجوہ کا سٹاف کے ہمراہ پرفضا مقامات کا تفریحی دورہ عارف محمود باجوہ نے اپنے میر ج ہال کی ایک سالہ شاندار اور بے مثال کارکردگی و کامیابی پر اپنے تمام سٹاف ممبرز کو تفریحی دورہ کرایا اور انکے اعزاز میں تقاریب کا اہتمام کیا،لال قلعہ میرج ہال کے مینجر اور سٹاف نے عارف محمود باجوہ کی سرکردگی میںموسم گرما میں تفریحی مقامات کی سیر کی لال قلعہ میرج ہال کے سٹاف نے اپنے چیف عارف محمود باجوہ کی طرف سے اپنے اعزاز میں تفریحی دورہ اور گرینڈ تقاریب کا اہتمام کرنے پر ان کا شکریہ ادا کیا اور انہیں خراج تحسین پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :28مئی یوم تکبیر ملک بھر میں عقیدت و احترام و جوش و جذبہ سے منایا جائے گا ڈنگہ(محمد بلال حمد بٹ)28مئی یوم تکبیر ملک بھر میں عقیدت و احترام و جوش و جذبہ سے منایا جائے گاوزیراعظم میاں محمد نواز شریف نے28مئی 1998ء کو ایٹمی دھماکے کر کے پاکستان کو ایٹمی ملک بنا یا تھا اٹھائیس مئی کو یوم تکبیر کے موقع پر مسلم لیگ ن ملک بھر میں خصوصی پروگرام منعقد کرتی ہے جس میں ملک کے دفاع کو ناقابل تسخیر بنانے کیلئے تجدید عہد کیا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :نوجوانوں کیلئے وزیراعظم میاں محمد نواز شریف قرضہ سکیم کی دوسری قرعہ اندازی کیلئے موصول ہونے والی نئی درخواستوں کی تعداد66ہزار ہو گئی ڈنگہ(محمد بلال احمد بٹ)نوجوانوں کیلئے وزیراعظم میاں محمد نواز شریف قرضہ سکیم کی دوسری قرعہ اندازی کیلئے موصول ہونے والی نئی درخواستوں کی تعداد66ہزار ہو گئی،این بی پی کے حکام کے مطابق حکومت نے پہلی قرعہ اندازی میں پانچ ہزار درخواستیں منظور کیں دوسری قرعہ اندازی آئندہ ماہ ہو گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :ڈی سی اوز اپنے اپنے اضلاع میں رمضان بازار لگانے کیلئے جگہ کا عین کریں،کامرس انڈسٹری ڈنگہ(محمد بلال احمد بٹ)ذرائع کے مطابق حکومت کے فیصلے کے مطاق کامرس انڈسٹری نے صوبہ بھر کے تمام اضلاع کے ڈی سی اوز کو ہدایت کی ہے کہ اپنے اپنے اضلاع میں رمضان بازار لگانے کیلئے جگہ کا عین کریں اور اپنی سفارشات مرتب کرکے ارسال کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ غیرت کے نام پر بھائی نے بہن کو موت کے گھاٹ اتار دیا منڈی بہائو الدین(محمد بلال احمد بٹ)غیرت کے نام پر بھائی نے بہن کو موت کے گھاٹ اتار دیا بتایا جاتا ہے کہ ڈیرہ رائیکے کے رہائشی شاہد انور کو اپنی بہن ماریہ بتول کردار پر شک تھا جس پراس نے مشتعل ہو کر اس پر فائرنگ کرکے قتل کر دیا،پولیس نے مقدمہ درج کر کے تفتیش شروع کر دی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایم اے،ایم ایس سی،ایم کام کے پارٹI،پارٹIIکے سالانہ امتحانات2014ء کا آغاز تین جون سے ہو گا گجرات(محمد بلال احمد بٹ)یونیورسٹی آف گجرات زیر اہتمام ایم اے،ایم ایس سی،ایم کام کے پارٹI،پارٹIIکے سالانہ امتحانات2014ء کا آغاز تین جون سے ہو گا،اس سلسلہ میں تمام امیدواروں کو رولنمبرسلپیں جاری کر دی گئیں جبکہ مختلف شہروں میں امتحانی سنٹر قائم کر دیئے گئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حکومت پنجاب نے صوبہ بھر میں دس ترقیاتی سکیموں کیلئے 115ارب ،تین کروڑ روپے کے فنڈز کی منظوری دے دی ہے منڈی بہائو الدین(محمد بلال احمد بٹ)حکومت پنجاب نے صوبہ بھر میں دس ترقیاتی سکیموں کیلئے 115ارب ،تین کروڑ روپے کے فنڈز کی منظوری دے دی ہے،حکومت پنجاب نے منڈی بہائو الدین میانوالی رانجھا سڑک کی کشادگی سمیت 10ترقیاتی سکیموں کیلئے 115ارب تین کروڑ روپے کی منظوری دے دی بلا سود سیلف ایمپلائمنٹ سکیم (پی سی ٹی)حکومت پنجاب کی معاونت کیلئے کنسلٹنٹ برائے اسلامک ڈویلپمنٹ بنک کی خدمات حاصل کرنے سمیت دیگر کام شامل ہیں منڈی بہائو الدین میں میانوال رانجھا سڑک کی کشادگی گوجرنوالہ شہر میں فلائی اوور کی تعمیر سمیت دیگر ترقیاتی منصوبے شامل ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ : ضلع کونسل ہال منڈی بہائو الدین میں ایڈوائزر محتسب منڈی بہائو الدین کے دفتر کا قیام عمل میں لایا جا چکا ہے،شفیق احمد منڈی بہائوالدین(محمد بلال احمد بٹ)ایڈوائزر محتسب منڈی بہائو الدین شفیق احمد نے کہا ہے کہ لوگوں کے مسائل ترجیحی بنیادوں پر حل کرنے اور ریلیف دینے کیلئے ضلع کونسل ہال منڈی بہائو الدین میں ایڈوائزر محتسب منڈی بہائو الدین کے دفتر کا قیام عمل میں لایا جا چکا ہے،شہر ی پنجاب حکومت کے محکموں سے متعلقہ شکایات کیلئے رجوع کریں ان خیالات کا اظہار نے اجلاس سے خطاب کے دوران کیا، انہوں نے سیکرٹری یونین کونسلوں کو ہدایت کی کہ وہ اپنی اپنی کونسلوں میں اس دفتر کے قیام کے حوالہ سے آگاہی دیں تاکہ لوگ اپنی شکایات دفترمیں پیش کریں اور لوگوں کو بلا تفریق انصاف مہیا کیا جا سکے اور انکے مسائل کو مقامی سطح پر حل کیا جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :27سالہ نوجوان بجلی کا کرنٹ لگنے سے جاں بحق ڈنگہ(محمد بلال احمد بٹ)27سالہ نوجوان بجلی کا کرنٹ لگنے سے جاں بحق، نوجوان المناک موت پر والدین نڈھال پوڑانوالہ کے رہائشی چوہدری محمد اسلم مراہانہ کا27سالہ بیٹا چوہدری اسجد اقبال اپنی حویلی میں بچھڑی کو نہلا رہا تھا کہ بجلی کا شدید کرنٹ لگنے سے موقع پر جاں بحق ہو گیا،متوفی کی نما زجنازہ اور ختم قل میں چوہدر ی مناسب ،چوہدری محمدیونس،میاں افضل حیات، چوہدری ارشد محمود سمیت دیگر نے شرکت کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بعض لوگ بیانات دیکر اداروں میں جنگ بڑھا رہے ہیں،ڈاکٹر ابوالخیر محمد زبیر منڈی بہائو الدین(محمد بلال احمد بٹ)جمعیت پاکستان کے سربراہ ڈاکٹر ابوالخیر محمد زبیر نے کہا ہے کہ بعض لوگ بیانات دیکر اداروں میں جنگ بڑھا رہے ہیں ناعاقبت اندیش افراد پاکستان کو کمزور کرنے کی سازش کر رہے ہیں،انہوں نے کہا ہے اداروں کے درمیان جاری جنگ کو روکا جائے،اگر ایسا نہ کیا گیا تو ایسا خطرہ نظر آرہا ہے کہ جمہوریت بھی تباہ ہو جائے گی اس لئے سب ہوش کے ناخن لیں،ہمارے پڑوسی ممالک سے اچھے تعلقات ہونے چاہیں حکمران انڈیا سے تعلق بڑھا رہے تھے لیکن انڈیا ہمارا پانی بندکر کے قحط سالی کا بم گرا رہا ہے اور وہ کئی سالوں سے ایسا کر رہا ہے اس موقع پر سید محفوظ مشہدی،ایم پی اے سردار محمد خان لغاری،آغا سید ذوالفقار علی شاہ،نذیر احمد اویسی،عاشق حسین شاہ بخاری،صوبائی صدر قاری راشد محمود ،جنرل سیکرٹری محمد ایوب ایڈووکیٹ و دیگر بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :وزارت مذہبی امور نے ایک لاکھ27ہزار حج امیدواروں کا ڈیٹا کمپیوٹرائزڈ کر لیا ڈنگہ(محمد بلال احمد بٹ)وزارت مذہبی امور نے ایک لاکھ27ہزار حج امیدواروں کا ڈیٹا کمپیوٹرائزڈ کر لیا،وزارت نے پہلے آئیے پہلے پائیے کی بنیاد پر ایک لاکھ27ہزار سے زائد وصول ہونے والی درخواستوں کا ڈیٹا مکمل کر لیا ہے،وفاقی وزیر مذہبی امور سردار محمد یوسف نے54ہزار سے زائد خوش نصیب عازمین حج کو حج کی مبارکباد نوید سنا دی،جلد انہیں مبارکباد کے خطوط ملیں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈسٹرکٹ ایجوکیشن آفیسر راجہ شمریز اخترکو گجرات سے لاہور تبدیل کردیا گیا ہے گجرات(محمد بلال احمد بٹ)ڈسٹرکٹ ایجوکیشن آفیسر راجہ شمریز اخترکو گجرات سے لاہور تبدیل کردیا گیا ہے انہیں لاہور کے ایک سکول میں بطور ہیڈ ماسٹر تعینات کر دیا گیا ہے،انکی جگہ ڈی ای او تعینات نہیں کیا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :دین پیلس ڈنگہ میں مرکزی انجمن تاجران کا اجلاس ،حاجی شاہد محمود بٹ کی صدارت میں ہوا ڈنگہ(محمد بلال احمد بٹ)دین پیلس ڈنگہ میں مرکزی انجمن تاجران کا اجلاس ،حاجی شاہد محمود بٹ کی صدارت میں ہوا،اراکین نے کثیر تعدادمیں شرکت کی،میاں محمد اسلم کی طرف سے ایک سال پرانافیصلہ باضابطہ انائونس کرنے کے لئے انجمن سے رابطہ پر تفصیلی مشاورت کی گئی،اراکین نے اس معاملہ سمیت مختلف امور پر تجاویز پیش کیں،اجلاس میں اتفاق راے سے فیصلہ کیا گیا کہ مصنف شیراز جنہیں قبل ازیں جوائنٹ سیکرٹری اطلاعات مقرر کیا گیا تھا انہیں مرکزی انجمن کے بجائے صدر مرکزی انجمن تاجران حاجی شاہد محمود بٹ کے پرنسپل سیکرٹری مقرر کیا جائے میاں محمد اسلم کی پیش کش پر مختلف اراکین کی تجاویز کو غور کے بعد حتمی فیصلہ آئندہ اجلاس میں کرنے کا فیصلہ کیا گیا اجلاس میںسکندر خان صراف،حاجی شاہد محمود بٹ،رانا قاسم حسنین علی،شیخ روحیل نذیر،سیٹھ منیر احمد،فاروق گل بٹ،حاجی سرور صراف،محمد ناصر بھٹی،محمد افضل قصاب،ڈاکٹر افضال مغل،وحید احمد شاکر،بائو نوید احمد،حاجی محمد اقبال منج،شیخ طاہر شفیع،ڈاکٹر ملک نوخیز احمد،حاجی محمد یونس ڈھنڈالہ شریک۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ کی یونین کونسلوں میں زکوٰة عشر کمیٹی کیلئے چیئر مین ڈسٹرکٹ زکوٰة و عشر کمیٹی نے حاجی شاہد محمود بٹ اور میاں امجد محمود کو کنوینئر مقرر کر دیا ہے ڈنگہ(محمد بلال احمد بٹ)ڈنگہ کی یونین کونسلوں میں زکوٰة عشر کمیٹی کیلئے چیئر مین ڈسٹرکٹ زکوٰة و عشر کمیٹی نے حاجی شاہد محمود بٹ اور میاں امجد محمود کو کنوینئر مقرر کر دیا ہے تفصیلات کے مطابق پارلیمانی سیکرٹری وزارت دفاع چوہدری جعفر اقبال کی تجویز پر بزم عاشقان مصطفی کے جنرل سیکرٹری اور مرکزی انجمن تاجران ڈنگہ کے صدر حاجی شاہد محمود بٹ کو پانچ کونسلوں میں ایماندار دیانتدار اور پرہیز گار چیئر مین،وائس چیئر مین،خواتین اور اراکین کا انتخاب کرنا ہے،جبکہ ممبر صوبائی اسمبلی میاں طارق محمود نے سابق چیئر مین بلدیہ ڈنگہ میاں امجد محمود کو ڈنگہ کی چھ وارڈوں میں اسی طرح چیئر مین ،وائس چیئر مین اور اراکین کا انتخاب کرکے کمیٹی تشکیل دینا ہے،ہر وارڈ کیلئے حکومت نے تین تین لاکھ روپے زکوٰة تقسیم کریں گے ڈسٹرکٹ زکوٰة و عشر کمیٹی گجرات کے چیئر مین تنویر احمد گوندل نے نوٹیفکیشن جاری کر دیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پولیس لائن گجرات میں مدعیان کو برآمد شدہ مال مسروقہ واپس دینے کے سلسلے میں خصوصی تقریب منعقد کی گئی ڈنگہ(محمد بلال احمد بٹ)پولیس لائن گجرات میں مدعیان کو برآمد شدہ مال مسروقہ واپس دینے کے سلسلے میں خصوصی تقریب منعقد کی گئی جس میں شرکت کرنے کے لئے ضلع گجرات کی تجارتی و صنعتی تنظیموں کے ٹاپ عہدیداران،بار ،چیمبر اور پریس کلب کے صدور اورجنرل سیکرٹری سٹیزن پولیس لائنز کمیٹی کے اراکین ضلع گجرات کے تمام سرکل کے ڈی ایس پیز اور تمام تھانوں کے ایس ایچ اوز کو ڈی پی او گجرات رائے اعجاز احمد نے خصوصی طور پر مدعو کیا تقریب میں مالکان کو دو کروڑ روپے مالیت کے مسرقہ موٹر سائیکل،گاڑیاں،زیورات،مویشی اورنقدی واپس کی گئی،مرکزی انجمن تاجران ڈنگہ کے صدر حاجی شاہد محمود بٹ اور جنرل سیکرٹری شیخ روحیل نذیر خصوصی طور پر شامل ہوئے،تقریب کے بعد دونوں عہدیداران نے ڈی پی او گجرات رائے اعجاز احمد سے ان کی دعوت پر ایس پی آفس میں ملاقات کی اس موقع پرڈی ایس پی کھاریاں عبدالقیوم گوندل،ڈی ایس پی جلالپور صداقت علی بھی موجود تھے،انہوں نے تاجر کمیونٹی کی سیکورٹی اور چوریوں کی تاحال برآمدگی نہ ہونے پر دلی تشویش کاا ظہار کیا اور کہا کہ اگر تاجران کا لوٹا ہوا مال واپس ہو تو وہ مرکزی انجمن تاجران ڈنگہ کی طرف سے صی پی او کے اعزا زمیں ایسی ہی پروقار تقریب منعقد کروائیں گے ڈی پی او رائے اعجاز احمد نے یقین دہانی کروائی کہ سی آئی اے کی مدد سے جلد ملزمان ٹریس کر لیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ: چوہدری ارشدمحمود نمبردار آف امرہ خورد نے مال مسروقہ کی واپسی کی تقریب میں شرکت کی ڈنگہ(محمد بلال احمد بٹ)کنوینئر مصالحتی کمیٹی تھانہ ڈنگہ اور معروف سیاسی سماجی شخصیت چوہدری ارشدمحمود نمبردار آف امرہ خورد نے مال مسروقہ کی واپسی کی تقریب میں ڈی پی او گجرات رائے اعجاز احمد کی دعوت پر شرکت کی اس موقع پر انہوں نے اپنے حلقہ کے مسائل بھی بتائے اور علاقہ کو پر امن بنانے کیلئے تجاویزدی اور دو کروڑ کا مال مسروقہ برآمد کر کے مدعیوں کے حوالے کرنے پر انہیں زبردست خراج تحسین پیش کیا اور گجرات پولیس کی شاندار کارکردگی کو سراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :ایک مرتبہ پھر عوام پر پیٹرول بم گرانے کی تیاری کرلی گئی ڈنگہ(محمد بلال احمد بٹ)ایک مرتبہ پھر عوام پر پیٹرول بم گرانے کی تیاری کرلی گئی ہے،یکم جون سے پیٹرولیم مصنوعات4روپے 65پیسے تک مہنگی ہونے کا ماکان،ذرائع کے مطابق پیٹرول کی قیمت میں دو روپے 96 پیسے فی لٹر اضافے کاامکان ہے،جبکہ ہائی اوکٹین کی قیمت میں چار روپے 65 پیسے فی لیٹر اضافہ متوقع ہے،ہائی سپیڈ دیزل کی قیمت میں ایک روپیہ 98 پیسے فی لٹر،مٹی کے تیل کی قیمت دو روپے 52 پیسے جبکہ لائٹ ڈیزل کی قیمت میں3روپے فی لٹر اضافہ ہو سکتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :ڈی سی او لیاقت علی چٹھہ اور محکمہ تعلیم گجرات کی جانب سے ریشنلائزیشن پالیسی کے تحت450کے قریب اساتذہ کے تقرر و تبادلے،مرد خواتین ٹیچرز میں خوشی کی لہر ڈنگہ(محمد بلال احمد بٹ)ڈی سی او لیاقت علی چٹھہ اور محکمہ تعلیم گجرات کی جانب سے ریشنلائزیشن پالیسی کے تحت450کے قریب اساتذہ کے تقرر و تبادلوں کی منظوری کے بعد ضلع کے مرد و خواتین میں خوشی کی لہر دوڑ گئی ہے،دوسری طرف ٹیچروں کا کہنا ہے کہ دو ماہ سے سینئر ٹیچرز در بدر کی ٹھوکریں کھا رہے تھے،جس کی وجہ سے ان کی نوکریاں بھی خطرے میں پڑھ گئی تھیں، اب منطوری کے بعد ضلع بھر کے مرد و خواتین ٹیچروں کے سکھ کا سانس لیا ہے محکمہ تعلیم گجرات کے ترجمان کے مطابق ضلع بھر کے تقرر و تبادلے کے احکامات ایک دو روز میں ان کے متعلقہ سکولوں میں پہنچ جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :رانجھے نے مجنوں کو پکڑ لیا،بات تھانے تک جا پہنچی،رانجھامدعی بن گیا ڈنگہ(محمد بلال احمد بٹ)رانجھے نے مجنوں کو پکڑ لیا،بات تھانے تک جا پہنچی،رانجھامدعی بن گیا،مجنوں حوالات میں بند ،تفصیلات کے مطابق بورڈ آف انٹرمیڈیٹ اینڈ سکینڈری ایجوکیشن کے جاری امتحانات کے دوران ڈنگہ میں امتحانی سنٹر میں حضر حیات رانجھا سپرنٹنڈنٹ نے نقل لگانے کے الزام میں ایک طالب علم معظم علی عرف مجنوں کو پکڑ لیا اور ڈنگہ پولیس کو امتحانی سنٹر بلا کر طالب علم کو حوالہ پولیس کرا دیا،ڈنگہ نے سپرنٹنڈنٹ حضرت حیات رانجھا کی رپورٹ پر طالب علم معظم علی کے خلاف مقدمہ درج کر لیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چوہدری طارق زمان کائرہ اور معززین علاقہ کی خصوصی کاوشوں سے چوہدری اسحاق دھکڑانوالی گروپ اور چوہدری اصغر باشنہ گروپوں میں صلح ہوگئی ڈنگہ(محمد بلال احمد بٹ)چوہدری طارق زمان کائرہ اور معززین علاقہ کی خصوصی کاوشوں سے چوہدری اسحاق دھکڑانوالی گروپ اور چوہدری اصغر باشنہ گروپوں میں صلح ہوگئی اس موقع پر معززین علاقہکا شاندار اکٹھ کیا گیا اور پرتکلف عشائیہ بھی دیا گیا دونوں گروپوں میں ایک سال سے رنجش چلی آرہی تھی جس کی وجہ سے علاقہ کا امن و امان خطرے میں تھا اگر صلح نہ ہوتی تو قتل و غارت گری ہو سکتی تھی،صلح کے موقعپر چوہدری محمد اشرف ٹھیکیدار،چوہدری مہدی کوٹلہ قاسم ،چوہدری نواز جاگل،چوہدری اعظم ڈلہ رجاری،چوہدری رشید کملہ اور دیگر موجود تھے اس موقع پر چوہدری طار ق زمان کائرہ نے کہا کہ صلح نہ ہوتی تو بڑے پیمانے پر قتل و غارت بھی ہو سکتی تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :کل پاکستان محفل نعت2014ء کی مکمل سی ڈی ڈنگہ مارکیٹ میں آگئی ہے ڈنگہ(محمد بلا ل احمد بٹ)کل پاکستان محفل نعت2014ء کی مکمل سی ڈی ڈنگہ مارکیٹ میں آگئی ہے،خواہش مند حضرات ڈنگہ کے اچھے ویڈیو سنٹر سے حاصل کی جاسکتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :پاکستان یونین ناروے کے چیئر مین شان ڈنگہ ،سفیر ڈنگہ چوہدری قمر اقبال آف پنجن شہانہ ڈیڑھ ماہ قیام کے بعد ناروے روانہ ہو گئے ڈنگہ(محمد بلال احمد بٹ)پاکستان یونین ناروے کے چیئر مین شان ڈنگہ ،سفیر ڈنگہ چوہدری قمر اقبال آف پنجن شہانہ ڈیڑھ ماہ قیام کے بعد ناروے روانہ ہو گئے،اوورسیز کونشن میں شرکت کیلئے وزیراعلیٰ پنجاب کی دعوت پر پاکستان آئے انہوں نے دوران قیام ضلع گجرات اور ضلع لاہور کے معروف سماجی و سیاسی شخصیات سے ملاقات بھی کی،گجرات کے ڈی پی او،ڈی سی او،ڈسٹرکٹ ہیلتھ آفیسر و دیگر انتظامیہ سے بھی ملاقات کی اوورسیز پاکستانیوں کی نمائندگی کرتے ہوئے مسائل سے آگاہ کیا،آل پنجاب نیزہ بازی منعقدہ سردار ٹائون امرہ کلاں میں بطور منتظم شریک رہے،لالہ موسیٰ میں ڈیلی جلا وطن ڈاٹ کام کے چیف ایڈیٹر محمد بلال احمد بٹ سے ملاقات کی،ڈنگہ کے صحافی جمشید اقبال بٹ کی خصوصی دعوت پر ڈنگہ کے سینئر صحافیوں سے بھی ملاقات کی،ان کے ہمراہ بارسلونہ کے سیاسی و سماجی راہنما چوہدری شاہد لطیف گجر بھی تھے آخر میں ناروے روانہ ہونے سے چند گھنٹے پہلے ہفت روزہ نئے حقائق کے چیف ایڈیٹر ڈاکٹر غلام مصطفی آذر،ایڈیٹر ایم مصنف شیراز سے کئی گھنٹے ملاقات کی اس موقع پر حجاج بن ظفر،رانا احسن اقبال بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :چیئر مین سید منظور حسین شاہ گروپ ڈنگہ پیر آفتاب شاہ کے گھر ہونے والی فائرنگ کا مقدمہ بالآخر ڈیڑھ ماہ بعد درج کر لیا گیا ڈنگہ(محمد بلال احمد بٹ)چیئر مین سید منظور حسین شاہ گروپ ڈنگہ پیر آفتاب شاہ کے گھر ہونے والی فائرنگ کا مقدمہ بالآخر ڈیڑھ ماہ بعد درج کر لیا گیا مقدمہ دو کس نامزد سید تنویر شاہ اور سید نوید شاہ پسران سید عباس شاہ ساکن ہیلاں اور چار کس نامعلوم افراد کے خلاف درج کیا گیا ہے یاد رہے کہ دو اپریل رات گیارہ بجے کے قریب مسلح افراد نے پیر آفتاب شاہ کے گھر پر شدید فائرنگ کی تھی جس کے خلاف پیر آفتاب شاہ نے اندراج مقدمہ کے لیے درخواست دے رکھی تھی تاہم پولیس مقدمہ کے اندراج میں ہچکچا رہی تھی بالآخر ڈیڑھ ماہ بعد مقدمہ درج کر لیا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حقائق بلا شبہ ڈنگہ کا پہلا اخبار ہے جو کہ سترہ سال سے باقاعدگی سے شائع ہو رہا ہے،چوہدری قمر اقبال آف پنجن شہانہ ڈنگہ(محمد بلال احمد بٹ)پاکستان یونین کے چیئر مین حلقہ کی شان اور سفیر پاکستان چوہدری قمر اقبال آف پنجن شہانہ نے نئے حقائق آفس آمد پر اپنے بیان میں کہا ہے کہ حقائق بلا شبہ ڈنگہ کا پہلا اخبار ہے جو کہ سترہ سال سے باقاعدگی سے شائع ہو رہا ہے اور متحرک نوجوان صحافی ایم مصنف شیراز کی بطور ایڈیٹر کام کرنا اخبارکو مزید چار چاند لگا دے گا،انہوں نے کہا کہ جب میں پاکستان آتا تھا تو صرف لاکل اخبار نئے حقائق ہی پڑھنے کو ملتا تھا جس سے علاقہ بھر کی سیاسی سماجی حالات کا علم ہوتا تھا نئے حقائق کے تین سال بعدمحمد حنیف طاہر اور الطاف حسن طاہر کی زیر ادارت دیہات ٹائمز شروع ہوا میں ڈنگہ کے تمام سینئر صحافیوں کی جرات کو سلام پیش کرتا ہوں جنہوں نے ہمیشہ سچ اور مثبت کو فروغ دیا اور ڈنگہ میں رہ کر اوورسیزپاکستانیوں کے مسائل کو اجاگر کیا اس موقع پر چیف ایڈیٹر ڈاکٹر غلام مصطفی آذر ،ایم مصنف شیراز نے انکا والہانہ استقبال کیا اس موقع پر حجاج بن ظفر اور رانا احسن اقبال بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :حضرت خواجہ غریب نواز معین الدین اجمیری کے عرس مبارک کے موقع پر جامع مسجد عید گاہ ڈنگہ میں محفل نعت کا انعقاد ہو گا ڈنگہ(محمد بلال احمد بٹ)معروف مذہبی راہنما شیخ عظیم اللہ اینڈ سنز کے زیر اہتمام حضرت خواجہ غریب نواز معین الدین اجمیری کے عرس مبارک کے موقع پر جامع مسجد عید گاہ ڈنگہ میں محفل نعت کا انعقاد ہو گا جس میں بین الاقوامی شہرت یافتہ ثنا ء مصطفی الحاج سید فصیح الدین سہروردی ڈنگہ کے ثناء خوان مصطفی عمیر علی قادری اور کھاریاں کے بابر ندیم نیازی حضورۖ کے حضور نذرانہ عقیدت پیش کریںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ٹی وی چینل کی قبیح حرکت سے کروڑوں مسلمانوں کی دل آزاری ہوئی ہے،مسلمین جٹ پہلوان،ریاض احمد جٹ ڈنگہ(محمد بلال احمد بٹ)معروف سیاسی و سماجی راہنما مسلمین جٹ پہلوان اور ریاض احمد جٹ نے اپنے مشترکہ بیان میں کہا ہے کہ جیو ٹی وی چینل کی قبیح حرکت سے کروڑوں مسلمانوں کی دل آزاری ہوئی ہے،شرمناک حرکت کی وجہ سے غلامان اہل بیت کے عتاب سے نہیں بچ سکتے،حکومت وقت اس شرمناک پروگرام کے تمام کرداروں کو سزا دے انہوں نے کہا کہ جیو چینلز کے لائسنس صرف معطل کرنے سے کام نہیں چلے گا،بلکہ اس پر مکمل پابندی ہولگانی ہوگی،انہوں نے کہا کہ ملک میں پہلے بھی امن و امان کی صورتحال کوئی اچھی نہیں لہذا حکومت کوئی ایسا فیصلہ نہ کرے جس سے مزید حالات خراب ہوں ہم صحابہ اکرام کی ناموس اور اہل بیت کو اپنی جان واولاد سے بھی بڑھ کر عزیز سمجھتے ہیں۔ انہوں نے کہا کہ اہل بیت کی شان میں گستاخی ناقابل برداشت ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نواحی گائوں بھاگو میں نوجوان کو گولیاں مار دیں،حالت تشویشناک ڈنگہ(محمد بلال احمد بٹ)نواحی گائوں بھاگو میں نوجوان کو گولیاں مار دیں،حالت تشویشناک،تفصیلات کے مطابق نواحی گائوں بھاگو میں محمد اصغر گجر ولد شریف گجر سکنہ بھاگو کے جوان سالہ بھانجے کو مسلح افراد نے فائرنگ کر کے شدید زخمی کر دیا اور فرار ہوگئے،پولیس نے موقع پر پہنچ کر زخمی نوجوان کو ہسپتال داخل کروا دیا،تھانہ صدر کھاریاں پولیس نے اصغر گجر کی رپورٹ پر عباس گجرولد لال خان گجر سکنہ اگووال لالہ موسیٰ اور دو نامعلوم ملزمان کے خلاف مقدمہ درج کر لیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ اور گردونواح کے کیبل آپریٹرز نے عوامی دبائو کے پیش نظر جیو ٹی وی کی نشریات کو بند کر دیا ڈنگہ(محمد بلال احمد بٹ)ڈنگہ اور گردونواح کے کیبل آپریٹرز نے عوامی دبائو کے پیش نظر جیو ٹی وی کی نشریات کو بند کر دیا،تفصیلات کے مطابق گذشتہ روز نکلنے والی احتجاجی ریلی کے بعد ڈنگہ کے کیبل آپریٹرز نے گستاخی اہل بیت اطہار کے بعد جیو ٹی وی کی نشریات کو روک دیا ہے ڈنگہ کے مزہبی و سماجی اور عوامی حلقوں نے جیو ٹی وی کی نشریات کی بندش پر کیبل آپریٹرز کو خراج تحسین پیش کرتے ہوئے کہا ہے کہ ڈنگہ کے کیبل آپریٹرز نے اہل بیت اطہار ،پاکستان آئی ایس آئی اور افواج پاکستان سے محبت کا ثبوت دیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پھالیہ اڈہ پر دو موٹر سائیکل آپس میں ٹکرا گئے،سوار شدید زخمی ،ہسپتال منتقل ڈنگہ(محمد بلال احمد بٹ)پھالیہ اڈہ پر دو موٹر سائیکل آپس میں ٹکرا گئے،سوار شدید زخمی ،ہسپتال منتقل ،تفصیلات کے مطابق موضع چھچھرانوالی کا رہائشی بزرگ محمد وارث موٹر سائیکل پر اپنے گائوں واپس جارہا تھا کہ پھالیہ اڈا پر مخالف سمت سے آنے والے موٹر سائیکل سوار دودھ فروش فرید سے ٹکرا گیا،دونوں سوار تصادم کے نتیجہ میں شدید زخمی ہو گئے دونوں کو فوری طور پر قریبی ہسپتال منتقل کر دیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جوکالیاں میں نجی سکول کے پرنسپل کی دہم کلاس کی طالبات کے ساتھ نازیبا حرکات ڈنگہ(محمد بلال احمد بٹ)جوکالیاں میں نجی سکول کے پرنسپل کی دہم کلاس کی طالبات کے ساتھ نازیبا حرکات،جنسی طور پر ہراساں کرنے پر والدین کا دفتر اسسٹنٹ کمشنر کے سامنے پرنسپل کے خلاف احتجاج،اسسٹنٹ کمشنر نے سکول کو سیل کردیا۔
وفاق المدارس العربیہ پاکستان کے زیر اہتمام ملک بھر میں دینی مدارس کے امتحانات آج سے شروع ہو رہے ہیں
آصف محمود ستی کو پاکستان میڈیا فورم تحصیل کوٹلی ستیاں یونٹ کا کوآرڈینٹر اور یاسر محمود ستی کوڈپٹی کوآرڈینٹر نامزد کر دیا گیا
