ڈنگہ:سندھانوالہ کا رہائشی عامر ولد غلام رسول،عمران ولد نذر محمد رحمانی ایکسیڈنٹ میں جاں بحق ڈنگہ ( محمدبلال احمد بٹ ) ڈنگہ کے نواحی گائوں سندھانوالہ کے رہائشی 19 سالہ عامر ولد غلام رسول اور اس کے کزن 20 سالہ عمران ولد نذر محمد رحمانی بدھ اور جمعرات کی درمیانی شب رات تقریباً 10 بجے کے قریب ڈنگہ کی جانب اپنے چچا زاد بھائی اسجد علی ولد اللہ دِتہ رحمانی کی مہندی کی رسم میں شرکت کے لیے محلہ آرام باغ ڈنگہ آ رہے تھے کہ آگے جانے والی گدھا گاڑی سے شدید تصادم ہو گیا جس کے نتیجے میں جواں سال عامر موقع پر جاں بحق ہو گیا ، جبکہ عمران کو زخمی حالت میں سی ایم ایچ کھاریاں لے جایا جا رہا تھا کہ راستے میں ہی زخموں کی تاب نہ لاتے ہوئے خالق حقیقی سے جا ملا، گدھا گاڑی بان علی رضا ولد محمد ولایت کی حالت تشویشناک ہے جس شمیم ریاض ہسپتال ڈنگہ میں داخل کروایا گیا ، یاد رہے کہ عمران نذیر اپنے والدین کی اکلوتی اولاد تھا جس کا کوئی اور بھائی بہن نہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ :ٹی ایم اے کھاریاں کی غفلت کے باعث ڈنگہ شہر ڈھلیان اڈہ،فوارہ چوک،منگووال اڈہ،پھالیہ اڈہ سمیت دیگر جگہوں شیڈ نہ ہونے سے مسافروں کو پریشانی کا سامنا ڈنگہ ( محمدبلال احمد بٹ) ٹی ایم اے کھاریاں کی غفلت کے باعث ڈنگہ شہر ڈھلیان اڈہ ، فوارہ چوک ، منگووال اڈہ ، پھالیہ اڈہ ، بوہڑ چوک سمیت عرصہ دراز گذرنے کے باوجودہ تا حال مسافروں کیلئے اور آنے جانے والی خواتین بچوں کو سخت دھوپ میں بسوں کے انتظار میں بغیر شیڈ کے پسینے سے شرابور ہو جاتے ہیں اور اس شدید گرمی میں مسافر شیڈ نہ ہونے کی وجہ سے بسوں کی انتظار میںلوگ سخت دھوپ میں کھڑے رہتے ہیں ، عوامی سماجی حلقوں نے ڈی سی او گجرات سے مطالبہ کیا ہے کہ آنے جانے والے مسافروں کے لیے اڈوں پر شیڈ لگوائیں جائیں ، جبکہ ڈنگہ کے چند مخیر حضرات نے زبانی وعدے بھی کیے تھے کہ وہ اپنی جیب سے یہ شیڈ تعمیر کروائیں گے کافی انتظار کے بعد جب وعدے وفا نہ ہو سکے تو بلدیہ اور اِن مخیر حضرات کی توجہ دوبارہ اس جانب مبذول کروائی جا رہی ہے کہ اس فلاحی عوامی کام کی جلد از جلد تکمیل کروائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ و دیہی علاقوں میں پرائس کنٹرول کمیٹیاں ناکام ، دُکانداروں نے سادہ لوح عوام کو جون سے قبل دونوں ہاتھوں سے لوٹنا شروع کر دِیا ڈنگہ ( محمدبلال احمد بٹ ) ڈنگہ و دیہی علاقوں میں پرائس کنٹرول کمیٹیاں ناکام ، دُکانداروں نے سادہ لوح عوام کو جون سے قبل دونوں ہاتھوں سے لوٹنا شروع کر دِیا ، من مرضی کے ریٹ وصول کرنے لگے ، کوئی پوچھنے والا نہیں لوگ پریشان ، تفصیلات کے مطابق ڈنگہ و گرد و نواح علاقوں میں دُکانداروں نے سادہ لوح عوام کو لوٹنا شروع کر دِیا ، ریٹ لسٹ کی بجائے من مرضی کے ریٹ وصول کرنے لگے ، سبزی اور فروٹ فروشوں نے تو انتہا کر دی ، 20 سے 30 روپے تک منافع وصول کرنے لگے جبکہ کرایہ دُکانداروں نے بھی کوئی کسر بھی نہ چھوڑی ہے ، ہر اشیاء خورد و نوش پر ناجائز منافع وصول کر رہے ہیں ، ان کو کوئی روکنے والا نہیں ، پرائس کنٹرول کمیٹیاں صرف شہر کی حد تک محدود ہیں ، دیہی علاقوں میں دُکاندار تو ریٹ لسٹ بھی نہیں رکھتے ، لوگ پریشانی میں مبتلا ان کا کہنا ہے کہ اعلیٰ حکام اس معاملے میں جلد از جلد نوٹس لے اور ان منافع خوروں کے خلاف محکمانہ کاروائی عمل میں لی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ : لوگ بھوک سے مر رہے ہیں ، اُن کے حقیقی مسائل کی طرف کوئی توجہ دینے کو تیار نہیں ،چوہدری دلاور خان انگلینڈ ڈنگہ (محمد بلال احمد بٹ )پاکستان مسلم لیگ ق ،اوورسیز راہنما چوہدری دلاور خاں انگلینڈ آف گکھڑ نے کہا کہ لوگ بھوک سے مر رہے ہیں ، اُن کے حقیقی مسائل کی طرف کوئی توجہ دینے کو تیار نہیں ہے دوسری طرف حکمران طبقہ ملک کے قومی ادارے اور اثاثے بیچ کر اپنی بھوک مٹا رہا ہے ، اُن کو حقیقی مسائل کی طرف کوئی توجہ دینے کو تیار نہیں ہے دوسری طرف حکمران طبقہ ملک کے قومی ادارے اور اثاثے بیج کر اپنی بھوک کو مٹا رہا ہے ان کی تمام ترپالیسی ایسی ہے جس کے نتیجے میں یہ بہت بڑے بادشاہ بننا چاہتے ہیں ، اُنہوں نے کہا کہ کہ 19 کروڑ عوام چوہدری برادران کے ساتھ ہیں ، انشا ء اللہ تعالیٰ آئندہ انتخابات میں مسلم لیگ ق بر سر اقتدار آ کر تمام مسائل کا خاتمہ کرے گی ، دن بہ دِن ق لیگ میں شمولیت کرنے والوں کو خراجِ تحسین پیش کرتے ہیں ، چوہدری ظہور الٰہی شہید کے سپوت چوہدری شجاعت حسین ، چوہدری وجاہت حسین ، چوہدری شفاعت حسین ، اور چوہدری پرویز الٰہی ملک پاکستان کے حالات بہتر کرنے میں لگے ہوئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈنگہ : میاں محمد نواز شریف وزیر اعظم پاکستان کی قیادت میں ملک بہتری کی جانب گامزن ہے،میاں محمد اسلم ڈنگہ (محمد بلال احمد بٹ) ممتاز مسلم لیگی راہنما سابق چیئرمین بلدیہ ڈنگہ میاں محمد اسلم نے کہا ہے کہ میاں محمد نواز شریف وزیر اعظم پاکستان کی قیادت میں ملک بہتری کی جانب گامزن ہے ، پٹرولیم مصنوعات کی قیمتوں میں کمی آئی، معاشی حوالہ سے ملک سنبھالا اور مضبوط ہوا ہے اور لوڈ شیڈنگ پر روز بروز قابو پایا جا رہا ہے ، کوئی بھی کام راتوں رات نہیں ہوتا ، اس پر مخالف جماعتوں کو زیادہ سیاست چمکانے کی بھی ضرورت نہ ہے ، کیونکہ یہ میاں نواز شریف کا اعلان تھا کہ ایک سال کے اندر عوام پہلے سے بہتری محسوس کرے گی ، تو یہی سلسلہ ہے کہ ایک حکومت نے دِن رات کام کیا اور ہر روزپہلے سے بہتری آ رہی ہے اور مزید ایک سال کے اندع عوام سُکھ اور چین کا سانس لینا شروع کر دے گی ، کیونکہ میاں نواز شریف خالصتاً پاکستانی ہیں اور عوام کا درد دل سے محسوس کرتے ہیں۔
پاک فوج کے تعاون سے خیبر ایجنسی کی تحصیل باڑہ میں پولیو مہم کا آغاز کر دیا گیا ہے
ڈنگہ کی خبروں کی تصویری جھلکیاں
