ڈنگہ کی خبریں 6/4/2014
Posted on April 7, 2014 By Geo1 Webmaster سٹی نیوز
ڈنگہ :چوہدری جعفر اقبال کی اسلام آباد ہیڈ آفس میں چیئرمین نیشنل ہائی وے چوہدری شاہد حسن تارڑ سے ملاقات
ڈنگہ (محمد بلال احمد بٹ ) پاکستان مسلم لیگ ن مرکزی راہنما ،ایم این اے حلقہ این اے 106، پارلیمانی سیکرٹری دفاع چوہدری جعفر اقبال کی اسلام آباد ہیڈ آفس میں چیئرمین نیشنل ہائی وے چوہدری شاہد حسن تارڑ سے ملاقات ، چوہدری جعفر اقبال نے چناب پل سے جہلم پل تک جی ٹی روڈ کی بیوٹیفکیشن اور پلانٹیشن پر تجاویز دیں، اُنہوں نی شاہین چوک گجرات ، لالہ موسیٰ اور کھاریاں چوک میں تین خوبصورت رائونڈ آبائوٹ تعمیر کرنے کے علاوہ پیدل چلنے والوں کے لیے سڑک پار کرنے کی خاطر گجرات دیونہ جلانی ، لالہ موسیٰ ، چک مرتضیٰ ، پنجن کسانہ اور کھاریاں میں اوور ویز پُلوں کی تعمیر کی سفارش کی، اُنہوں نے چیئرمین NHAکو کہا کہ کھاریاں سے ڈنگہ منڈی بہائوالدین سے سالم تک سڑک کو نیشنل ہائی وے کی تحویل میں لے کر اسے ہائی کی سطح پر ڈویلپ کیا جائے ، چوہدری جعفر اقبال نے ٹیلی فونک گفتگو کرتے ہوئے بتایا کہ سڑ ک کی خوبصورتی کے علاوہ حادثات میں کمی ہو گی ، میری خواہش ہے کہ ڈنگہ منڈی روڈ نیشنل ہائی وے کی تحویل میں آ جائے ، اس سے اس سڑک کا معیار بھی قومی شاہراہوں جیسا ہو گا ، اُنہوں نے مزید کہا کہ میاں نواز شریف کا ویژن ہے کہ ملک کے گوشے گوشے کو سنوارا جائے ، وہ اس ضمن میں ممبران نیشنل اسمبلی کو متحرک دیکھنا چاہتے ہیں تا کہ اُن کے ویژن کی جھلک حقیقی معنوں میں نچلی سطح تک دکھائی دے، اُنہوں نے مزید کہا کہ مسلم لیگ ن کی حکومت صرف سیاست نہیں میرے قائد وزیر اعظم پاکستان میاں نواز شریف اور وزیر ااعلیٰ پنجاب میاں شہباز شریف 19 کروڑ عوام کی خدمت میں مصروفِ عمل ہیں ، ن لیگ کی بڑھتی ہوئی مقبولیت عوام دوست پالیسیوں کا نتیجہ ہے ، میاں شہباز شریف کی محنت کی وجہ سے پنجاب میں ترقیاتی منصوبے وقت سے قبل مکمل ہو رہے ہیں ، ن لیگ کی حکومت نے ملک کو مختلف بحرانوں سے نکالنے میں اہم کردار ادا کیا ہے ، خوشحال پاکستان کی منزل بہت قریب آ چکی ہے بہت جلد حکومت بحرانوں پر قابو پانے میں کامیاب ہو جائے گی ، میاں برادران پر عزم قیادت میں حکومت ہر چیلنج سے نمٹنے کے لیے سر گرم عمل ہے، حکومت عوام کا معیارِ زندگی بلند کرنے کے لیے کوشاں ہیں ، ملک کو مسائل کے بھنور سے نکالنے کے لیے تمام تر وسائل بروئے کار لائے جا رہے ہیں ، انشاء اللہ تعالیٰ ن لیگ کی حکومت میں حلقہ این اے 106 میں ترقیاتی کاموں کا جال بچھا دینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بیرونی قرضوں سے عوام کو کوئی ریلیف نہیں مل رہا ،چوہدری اعجاز رنیاں،چوہدری اخلاق رنیاں
ڈنگہ (محمد بلال احمد بٹ ) پاکستان مسلم لیگ ق حلقہ پی پی 113 امیدوار صوبائی اسمبلی چوہدری اعجاز احمد رنیاں ، چوہدری اخلاق احمد رنیاں نے میڈیا سے گفتگو ہوئے کہا کہ بیرونی قرضوں سے عوام کو کوئی ریلیف نہیں مل رہا ، حکومت بجلی و گیس قیمتوں میں مزید اضافے کا عندیہ نہ دے ، مہنگائی کو قابو کئے بغیر معیشت کو مستحکم کرنا مشکل ہے ، اُنہوں نے مزید کہا کہ مسلم لیگ ق کے مرکزی قائدین چوہدری برادران نے ہر سطح پر 19 کروڑ عوام کی خدمت کو اپنی زندگی کا مشن بنا رکھا ہے ، اور مسلم لیگ ق پاکستان کی فلاح و بہبود کے لیے تاریخ ساز کردار ادا کرتی آ رہی ہے ،تعلیم کے بغی رکوئی قوم ترقی نہیں کر سکتی ، تعلیم کے بغیر معاشرے میں ترقی کا خواب پایہ تکمیل تک نہیں پہنچایا جا سکتا ، سابق ڈپٹی وزیر اعظم ووسابق زیر اعلیٰ پنجاب چوہدری پرویز الٰہی کی تعلیمی پالیسیوں کو عوام اب بھی خراجِ تحسین پیش کر رہے ہیں ، حکومتی بجلی و گیس کی قیمتوں کے اضافہ کے باعث 19 کروڑ عوام کے امن و امان کی بحالی و جان و مال کے تحفظ کو یقینی بنانے میں مکمل طور پر ناکام ہو چکے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مہر غلام حسین کے قتل میں نامزد ملزم چوہدری مظہر اقبال انگلینڈ سے وطن واپسی پر گرفتار،جوڈیشنل ریمانڈ پر جیل بھیج دیا گیا
ڈنگہ ( محمدبلال احمد بٹ ) ڈنگہ کے نواحی گائوں موضع نور جمال میں مہر غلام حسین کے قتل میں نامزد ملزم چوہدری مظہر اقبال نور جمال ، چوہدری ظفر اقبال کی عدم گرفتاری پر عوامی احتجاج کے بعد SHO تھانہ ڈنگہ راجہ زاہد نعیم نے مظاہرین سے کیا ہوا وعدہ گذشتہ روز پورا کر دِیا ، چوہدری مظہر اقبال بابکا کو انگلینڈ سے وطن واپسی پر گرفتار کر کے جوڈیشل ریمانڈ پر جیل بھیج دِیا گیا جبکہ دوسرا ملزم چوہدری ظفر اقبال بابکا ایڈیشنل سیشن جج کھاریاں کی عدالت سے 7 اپریل تک عبوری ضمانت پر ہے جسے پولیس نے شامل تفتیش کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے نواحی گائوں سندھانوالہ میں گیارہ سالہ نوجوان نے برادری کے دوسرے 12 سالہ نوجوان کو قینچی مار کر موت کے گھاٹ اُتار دِیا
ڈنگہ ( محمدبلال احمد بٹ ) ڈنگہ کے نواحی گائوں سندھانوالہ میں گیارہ سالہ نوجوان نے برادری کے دوسرے 12 سالہ نوجوان کو قینچی مار کر موت کے گھاٹ اُتار دِیا ، تفصیلات کے مطابق دس روز قبل گائوں کے حمام پر بابر علی ولد صابر سے محمود انور مسلم شیخ کے بیٹے کا معمولی بات پر جھگڑا ہو گیا جس پر محمود نواز کے بیٹے نے بابر علی کو قینچی اُٹھا کر گھونپ دِی ، دس روز PIMSاسلام آباد
میں زیر علاج رہنے کے بعد جاں بحق ، پولیس پہنچی تو مقتول ورثاء نے مقدمہ درج نہ کروانے کا فیصلہ کرتے ہوئے قاتل کو غیر مشروط معافی دے دی جبکہ گائوں میں ہی مذاق کرتے ہوئے ساجد محمود ولد سیونی بازو میں قینچی گھس گئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے نواحی گائوں موضع فتہ لماں میں سگے والد کی طرف سے اپنے بیٹے کو واپس مانگنے پر منہ بولے باپ نے بیٹے کو سینے میں گولی مار دِی
ڈنگہ (محمد بلال احمد بٹ ) ڈنگہ کے نواحی گائوں موضع فتہ لماں میں سگے والد کی طرف سے اپنے بیٹے کو واپس مانگنے پر منہ بولے باپ نے بیٹے کو سینے میں گولی مار دِی ، ملزم مضروب کو راستے پر تڑپتا چھوڑ کر فرار ، تفصیلات کے مطابق سونی خاں ولد غلام رسول ماچھی سکنہ کیرانوالہ نے محمد عثمان ولد محمد سلیم قوم مغل سکنہ مغل پورہ لاہور کو منہ بولا بیٹا بنا کر اپنے گھر رکھا ہوا تھا ، جو فوجی فرٹیلائزر لاہور میں ملازم تھا اور اپنی تنخواہ سونی خاں کو بھیجتا تھا ، 3 ماہ قبل سونی خاں نے اس کی شادی ربیعہ بی بی دختر احسان سے کروا دِی ، گذشتہ روز اس کا حقیقی والد محمد سلیم ولد محمد صادق مغل پورہ لاہور اپنے عزیز محمد عارف ولد محمد حفیظ کے ہمراہ کیرانوالہ اپنے بیٹے کو لینے آ گیا ، سونی خاں نے بہت روکا مگر جب محمد عثمان بھی جانے سے نہ رُکا تو اس نے اپنے سالے محمد عامر ولد تاج دین سکنہ فتہ لماں اور اس کی بیوی رضوانہ کوثر سے مشورہ کیا اور محمد عثمان سے کہا کہ وہ جانے سے پہلے اپنی منہ بولی پھوپھی سے فتہ لماں میں مل کر جائے ، وہ عامر کے ہمراہ موٹر سائیکل پر بیٹھا کہ عثمان کو ساتھ لے آیا اور گائوں فتہ لماں کے راستے پر خانقاء کے قریب موٹر سائیکل سے اُتار کر سیدھی سینے میں گولی مار دِی اور تڑپتا چھوڑ کر فرار ہو گئے ، شک گزرنے پر تعاقب میں آئے حقیقی والد نے وقوعہ خود دیکھا اہل دیہہ کی اطلاع پر تھانہ ڈنگہ نے موقع پر پہنچ کر شدید زخمی محمد عثمان مغل کے بیان پر سونی خاں ، عامر اور اس کی بیوی رضوانہ کوثر کے خلاف 324/109 ، 34 ت پ کے تحت مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری اعجاز احمد رنیاں اور چوہدری اخلاق احمد رنیاں عوامی خدمت کے لیے سر گرم ہیں،چوہدری اشفاق ٹوپہ آف جرمنی
ڈنگہ (محمدبلال احمد بٹ ) پاکستان مسلم لیگ ق حلقہ پی پی 113 کے راہنما ریلوے آبادی ڈنگہ کی ممتاز سماجی و سیاسی شخصیت چوہدری اشفاق ٹوپہ آف جرمنی نے اپنے بیان میں کہا کہ پاکستان مسلم لیگ ق امیدوار صوبائی اسمبلی چوہدری اعجاز احمد رنیاں اور چوہدری اخلاق احمد رنیاں عوامی خدمت کے لیے سر گرم ہیں اور حلقہ بھر کی عوام رنیاں برادران سے آئندہ دور میں توقع رکھتے ہیں کہ وہ مسلم لیگ ق کے پلیٹ فارم سے کامیاب ہو کر حلقہ پی پی 113 کے مسائل بخوبی طریقہ سے سر انجام دینگے ،
اُنہوں نے کہا چوہدری اعجاز احمد رنیاں کے خون میں وفا شامل ہے اور اُنہوں نے ہمیشہ مظلوم کا بھر پور ساتھ دیا ہے اور ظالم کا ڈٹ کر مقابلہ کیا ہے ، رنیاں برادران کی مقبولیت سیاسی حریف بوکھلاہٹ کا شکار ہیں، انشاء اللہ آئندہ جنرل و بلدیاتی الیکشن میں مسلم لیگ ق کے پلیٹ فارم سے چوہدری اعجاز احمد رنیاں ، چوہدری اخلاق احمد رنیاں اپنے تمام پینل ضلع گجرات بھر سمیت ملک پاکستان میں بھی ق لیگ کامیابی سے ہمکنار ہو گی ، اُنہوں نے کہا کہ پاکستانی کمیونٹی گجرات جرمنی میں رنیاں برادران کی کامیابی کے لیے دُعا گو ہیں ، سابق ڈپٹی وزیر اعظم و سابق وزیر اعلیٰ پنجاب چوہدری پرویز الٰہی و چوہدری برادران ہی ملک کو بحرانوں سے نکال کر استحکام دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :DCOگجرات لیاقت علی چٹھہ نے ضلع بھر میں اشیاء ضروریہ کی نئی قیمتوں کا نوٹیفکیشن جاری کر دیا
ڈنگہ(محمد بلال احمد بٹ)DCOگجرات لیاقت علی چٹھہ نے ضلع بھر میں اشیاء ضروریہ کی نئی قیمتوں کا نوٹیفکیشن جاری کر دیاضلعی انتظامیہ کی طرف سے مقرر کردہ نرخنامہ پر عمل درآمد ہر صورت یقینی بنایا جائے گا،پرائس مجسٹریٹ کی بہتر کارکردگی کی بدولت عوام کو ریلیف دلایا جا رہاہے،لیاقت علی چٹھہ،ڈی سی او گجرات لیاقت علی چٹھہ کی زیر صدارت منعقدہ اجلاس میں اشیائے ضروریہ کی قیمتوں کا از سر نو جائزہ لیتے ہوئے نئی قیمتوں کا نوٹیفکیشن جاری کر دیا گیا جس کے مطابق بیس کلو آٹے کا تھیلا785روپے،دال چنا باریک62گروپے،دال چنا موٹی64روپے،دال ماش120روپے،دال ماش موٹی چمن140روپے،دال مونگ چھلکا باریک 136روپے،موٹی140روپے،دالگ مونگ دھلی136روپے،مسور بڑی100روپے،دال مسور باریک155روپے ،چاول باسمتی120روپے،سرخ مرچ پائوڈر64روپے کلو،بڑا گوشت260روپے،چھوٹا گوشت525روپے کلو کے حساب سے فروخت ہو گا،چکن سبزیوں کے ریٹ روزانہ کی بنیاد پر مقرر کئے جائیں گے ،دودھ60روپے،دہی70روپے کلو،عام تندوری روٹی وزن100گرام 6روپے کے حساب سے فروخت ہو گی،نئی قیمتوں کا اطلاق فوری طور پر ہوگیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:ذوالفقار علی بھٹو کی برسی کے موقع پر ملک اعجاز احمد کی رہائش گاہ پر فاتحہ خوانی کی تقریب
ڈنگہ(محمدبلال احمد بٹ)پیپلز پارٹی کے بانی اور سابق وزیراعظم پاکستان ذوالفقار علی بھٹو کی برسی کے موقع پر ملک اعجاز احمد کی رہائش گاہ پر فاتحہ خوانی کی تقریب شہید ذوالفقار علی بھٹو کی خدمات کو زبردست الفاظ میں خراج تحسین پیش کیا گیا،اس موقع پر شہیدذوالفقار علی بھٹو،بے نظیر بھٹو کے ایصال ثواب کیلئے خصوصی دعا کی گئی۔
ڈنگہ کے سپوت مدثر بخاری نے ہالینڈ کرکٹ ٹیم کی طرف سے کھیلتے ہوئے مین آف سی میچ کا ایوارڈ حاصل کیا
ڈنگہ(محمد بلال احمد بٹ)ڈنگہ کے سپوت مدثر بخاری نے ہالینڈ کرکٹ ٹیم کی طرف سے کھیلتے ہوئے مین آف سی میچ کا ایوارڈ حاصل کیا،مدثر بخاری کا تعلق ڈنگہ شہر سے ہے اور انہوں نے ڈنگہ کی گلیوں اور گرائونڈ میں کرکٹ کھیلی بعد ازاں اپنے خاندان کے ہمراہ ہالینڈ منتقل ہو گئے اور وہاں ہالینڈ کرکٹ ٹیم کا حصہ بن گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہید ذوالفقار علی بھٹو کی35ویں برسی عقیدت و احترام سے منائی گئی
ڈنگہ(محمد بلال احمد بٹ)شہید ذوالفقار علی بھٹو کی35ویں برسی عقیدت و احترام سے منائی گئی،ملک بھر میں شہید ذوالفقار علی بھٹو اور شہید بے نظیر بھٹو کے ایصال ثواب کیلئے قرآنی خوانی کی گئی،ملک بھر سے پیپلز پارٹی کے ورکروں نے گڑھی خدا بخش جا کر بھٹو کے مزار پر حاضری دی اور پھول چڑھائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:شہید ذوالفقار علی بھٹو کی35ویں برسی عقیدت و احترام سے منائی گئی،پرویز رشید
ڈنگہ(محمد بلال احمد بٹ)وفاقی وزیر اطلاعات و نشریات سینیٹر پرویز رشید نے کہاکہ صحافیوں کو تحفظ کے ساتھ لائف انشورنس بھی دیں گے انہو ںنے کہا کہ دہشت گردی کے خاتمہ کیلئے پر عزم میڈیا کو سیکورٹی فراہم کرنا حکومت کی ذمہ داری ہے جسے ہر صورت پورا کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں سعادت حسین اور حاجی شاہد محمود بٹ کی ماجد کمبوہ،الحاج اقبال منج سے ملاقات
ڈنگہ(محمدبلال احمد بٹ)بزم عاشقان مصطفی ڈنگہ کے صدر میاں سعادت حسین اور حاجی شاہد محمود بٹ کی عہدیداروں کے ہمراہ ماجد کمبوہ،الحاج اقبال منج سے ملاقات میاں سعادت حسین،حاجی شاہد محمود بٹ،میاں عمران ،حاجی یونس ڈھنڈالہ،ایم حاجی خالد محمود،ڈاکٹر الیاس نے ماجد کمبوہ اور الحاج اقبال منج کو خصوصی شیلڈ پیش کیں انہوں نے محفل نعت میں شاندار کارکردگی پر چوہدری ماجد کمبوہ اور الحاج محمد اقبال منج کو خراج تحسین پیش کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مرکزی انجمن تاجران ڈنگہ کے عہدیداروں کی مرکزی انجمن تاجران کھاریاں کے عہدیداروں کو مبارکباد
ڈنگہ(محمدبلال احمد بٹ)مرکزی انجمن تاجران ڈنگہ کے عہدیداروں کی مرکزی انجمن تاجران کھاریاں کے عہدیداروں کو مبارکبادمرکزی انجمن تاجران ڈنگہ کے سرپرست اعلیٰ حاجی محمد نواز صدر ریاض احمد بٹ،سینئر نائب صدر حاجی منور گل،حاجی محمد یونس ڈار،ڈاکٹر محمد عنایت،سرپرست اعلیٰ حاجی شبیر حسین ملک،صدر چوہدری شوکت علی،طارق جاوید سید تنویر نقوی محمد آصف کو کھاریاں جا کر مبارکباد دی اور انکے لیے نیک تمنائوں کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: شیخ صغیر احمد قریشی کی نماز جنازہ اور ختم قل میں سینکڑوں افراد کی شرکت
ڈنگہ(محمدبلال احمد بٹ)بائو شیخ عبدالرشید کے بھائی،شیخ محمد حنیف ،شیخ امان اللہ،شیخ عتیق قریشی،محمد شاکر کے سسرشیخ بلال ،شیخ تیمور ،شیخ عبداللہ طارق کے دادا جی شیخ محمد شبیر ،شیخ شاہد اقبال،شیخ محمد بشیراورشیخ طارق محمود قریشی کے والد محترم شیخ صغیر احمد قریشی سینکڑوں سوگواروں کی موجودگی میں آسودہ لحد، نماز جنازہ اور ختم قل میں سینکڑوں افراد کی شرکت شیخ صغیر احمد قریشی کی نما ز جنازہ اور ختم قل میں میاں طارق محمود،میاں محمد اسلم،میاں امجد محمود،سید فیض الحسن شاہ،چوہدری عثمان اسلم،چوہدری شعیب رضا،محمد عمران بھٹی،سید سرور حسین شاہ موسوی،لیاقت قریشی،طارق قریشی،میاں خاور اعجاز،میاں خادم حسین،چوہدری محمد اکرم بائو،میاںمحمداشرف،چوہدری آفتاب احمد،چوہدری ساجد محمود،شیخ منیر احمد،چوہدری نواب ،محمد حبیب بسوی،حاجی اعظم بٹ،چوہدری نصیر احمد،چوہدری محمد عظیم،طارق محمود قریشی،محمد اسلم بسوی،ریاض الحمد بٹ،میاں جہانگیر عالم ایڈووکیٹ،مرزا ریاض حسین،شوکت علی مغل،پرویز کھوکھر،چوہدری فیاض احمد،چوہدری محمد اکرم محمد دین پسوال،چوہدری منیر حسین پسوال،مومن پسوال،مرزا ریاض حسین،میاں محمد خاں،حاجی ناصر محمود،چوہدری شاہدلطیف گجر،چوہدری دھمن تاس،میاں محمد اشرف انصاری،رانا اکرم،مرتضی بٹ،شیخ رستم علی،چوہدری ظفر اقبال بجاڑ والا،حاجی ناصر محمود زیدی،مرزا شہباز بیگ،محمدلطیف جوڑا،حاجی اسلم صراف،رضوان بھٹی،عارف ڈار،میاں خضر حیات،حاجی شہریار گلزار،چوہدری لقمان جٹ،چوہدری خرم شہزاد،چوہدری محمد اعظم،عبدالرحمن قریشی،سرور قریشی،مہر حسن،سلیم عابد پیرزادہ،محمدیوسف مغل،پرویز مغل،امتیاز بٹ،محمد اشرف،چوہدری صفدر اقبال جمشید قریشی سمیت سینکڑوں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :جنرل(ر)پرویز مشرف کیلئے قانون پر عمل درآمد ہوتا نظر آتا ہے اور کسی کے لئے نہیں،محمد عباس خان
ڈنگہ(محمد بلال احمد بٹ)خدمت کمیٹی کے سیکرٹری محمد عباس خان نے کہا ہے کہ ملک میں سابق صدر جنرل(ر)پرویز مشرف کیلئے قانون پر عمل درآمد ہوتا نظر آتا ہے اور کسی کے لئے نہیں،ان خیالات کا اظہار انہوں نے اپنے بیان میں کیا انہوں نے کہا کہ قانون سب کیلئے ہونا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:حاجی فضل حسین کے پوتے اور سپین میں مقیم حاجی مرزا محمد اقبال کے صاحبزادگان عاصم اقبال،عامر اقبال شادی کے حسین بندھن میں بندھ گئے
ڈنگہ(محمدبلال احمد بٹ)حاجی فضل حسین کے پوتے اور سپین میں مقیم حاجی مرزا محمد اقبال کے صاحبزادگان عاصم اقبال،عامر اقبال شادی کے حسین بندھن میں بندھ گئے حاجی محمد اقبال کے صاحبزادوں کی شادی اور دعوت ولیمہ میں حاجی محمد اقبال،دانش اقبال ،اشرف مغل،ساجد مغل،عارف مغل ،محمد عنایت ،ڈاکٹر ارشد ،حسنین اشرف اور انکی فیملی نے مہمانوں کا استقبال کیا،شادی کی تقریب میں میاں عطاء محمد،چوہدری ناصر محمود،چوہدری شاہد لطیف،چوہدری محمد اصغر بانیاں،چوہدری مذمل حسین،امتیاز صادق جرال،سلیم عابد پیرزادہ،ضمیر احمد بٹ،بشارت محمود وڑائچ،ظفر اقبال،چوہدری دھمن تاس سمیت سینکڑوں افراد نے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : قائد عوام ذوالفقار علی بھٹو نے جان کا نذرانہ پیش کر کے لازوال تاریخ رقم کی،ملک اعجاز احمد
ڈنگہ(محمدبلال احمد بٹ)پیپلز پارٹی کے جیالے راہنما ملک اعجاز احمد نے کہا ہے کہ قائد عوام ذوالفقار علی بھٹو نے جان کا نذرانہ پیش کر کے لازوال تاریخ رقم کی،انہوں نے کہا کہ شہید ذوالفقار علی بھٹو نے قوم کو متفقہ آئین دیا جو آمروں سمیت دیگر مخالفوں کے باوجود قائم و دائم ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : صاحبان اقتدار ڈنگہ کے قبرستانوں بالخصوص قبرستان کشمیریاں کی حالت زار بہتر بنانے کیلئے اقدامات کرے،میاں محمد اشرف انصاری
ڈنگہ(محمدبلال احمد بٹ)سینئر صحافی اور سیاسی سماجی شخصیت میاں محمداشرف انصاری نے کہا ہے کہ صاحبان اقتدار ڈنگہ کے قبرستانوں بالخصوص قبرستان کشمیریاں کی حالت زار بہتر بنانے کیلئے اقدامات کرے کیونکہ قبرستان کشمیریاں شہرکی سڑکوں
گلیوں سے کئی فٹ گہرا ہے اور ذرا سی بارش ہوتے ہی قبرستان میں پانی کھڑا ہو جاتا ہے جس سے قبروں کی بے حرمتی ہوتی ہے جبکہ درجنوں قبریں تو منہدم ہو کر بیٹھ جاتی ہیں ہماری اعلیٰ ارباب اختیار سے استدعا ہے کہ وہ اس مسئلہ پر فوری توجہ دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: محمد صغیر قریشی کی وفات پرگہرا صدمہ ہوا ہے،سلیم عابد پیرزادہ
ڈنگہ(محمد بلال احمد بٹ)سینئر صحافی اور ٹائمزآف ڈنگہ کے ایڈیٹرانچیف سلیم عابد پیرزادہ نے کہا کہ طارق محمود قریشی برادران کے والد محترم محمد صغیر قریشی کی وفات پرگہرا صدمہ ہوا ہے،انہوں نے کہا کہ ہم قریشی برادگران کے غم میں برابر کے شریک ہیں اللہ تعالیٰ مرحوم کو جوار رحمت میں جگہ دے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پبلک ٹرانسپورٹ کے کرایوں میں فی الفور کمی کی جائے،عوامی سماجی تجارتی حلقوں کا ارباب اختیار سے مطالبہ
ڈنگہ(محمدبلال احمد بٹ)عوامی سماجی تجارتی حلقوں نے وزیراعلیٰ پنجاب اور اعلیٰ حکام سے مطالبہ کیا ہے کہ پبلک ٹرانسپورٹ کے کرایوں میں فی الفور کمی کی جائے مسافروں نے احتجاج کرتے ہوئے کہا کہ ٹرانسپورٹر قیمتوںمیں اضافہ پر از خود کرایوں میں اضافہ کے نوٹیفکیشن کے بغیر اضافہ کر لیتے ہیں پیٹرولیم مصنوعات کی قیمتوں میں کمی اور سی این جی کی بحالی کے باوجود ٹرانسپورٹرز نے ابھی تک کمی نہ کی ہے ارباب اختیار نو ٹس لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پرنسپل گورنمنٹ ڈگری کالج ملکوال پروفیسر ڈاکٹر عبدالروف کی والدہ ماجدہ انتقال کر گئیں
ڈنگہ(محمد بلال احمد بٹ)پرنسپل گورنمنٹ ڈگری کالج ملکوال پروفیسر ڈاکٹر عبدالروف کی والدہ ماجدہ انتقال کر گئیں،پرنسپل گورنمنٹ ڈگری کالج ڈنگہ پروفیسر رائے محمد نذیر عظیم کھرل،وائس پرنسپل پروفیسر محمد اشفاق،پروفیسر محمد نواز،پروفیسر مدثر اقبال،مہر شاہد اقبال ،لیاقت علی اور دیگر سٹاف کا ملکوا ل جاکر ڈاکٹر عبدالروف سے انکی والدہ کی وفات پر اظہار تعزیت،اور دعا کی کہ مرحومہ کو اللہ تعالیٰ جوار رحمت میں جگہ اور اعلیٰ مقام عطا اور ان کے پسماندگان کو صبروجمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:ایکسپریس نیوز کے اینکر پرسن رضا رومی پر ہونے والے قاتلانہ حملے کے خلاف ڈنگہ پریس کلب کا ہنگامی اجلاس ہوا
ڈنگہ(محمدبلال احمد بٹ)ایکسپریس نیوز کے اینکر پرسن رضا رومی پر ہونے والے قاتلانہ حملے کے خلاف ڈنگہ پریس کلب کا ہنگامی اجلاس ہوا جس میں واقعہ کی شدید الفاظ میں مذمت کی گئی،صدر ریاض احمد بٹ اور عہدیداران اراکین نے کہا کہ ہم
اس واقعہ کی بھر پور مذمت کرتے ہیں ایسے ہتھکنڈوں سے سچ کو دبایا نہیں جا سکتا ہم مطالبہ کرتے ہیں واقعہ کے ملزمان کو گرفتار کر کے قرار واقعی سزا دی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وفاقی حکومت نے تمام سرکاری تقریبات میں قومی ترانہ پڑھنے کو لازمی قرار دے دیا
ڈنگہ(محمد بلال احمد بٹ)وفاقی حکومت نے تمام سرکاری تقریبات میں قومی ترانہ پڑھنے کو لازمی قرار دے دیا اس سے قبل سرکاری تقریبات میں قومی ترانہ کی صرف دھن بجائی جاتی تھی اب تمام حاضرین قومی ترانہ کی دھن باآواز بلند پڑھیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: اقراء اسلامک اکیڈمی اینڈ ووکیشنل ٹریننگ انسٹی ٹیوٹ کھوڑی عالم کو علاقہ کا مثالی تعلیمی ادارہ بنائینگے،چوہدری محمد آصف
ڈنگہ(محمد بلال احمد بٹ)علاقہ کی معروف تعلیمی درسگاہ اقراء اسلامک اکیڈمی اینڈ ووکیشنل انسٹی ٹیوٹ کے ڈائریکٹر و پرنسپل چوہدری محمد آصف نے اپنے بیان میں کہا ہے کہ اقراء اسلامک اکیڈمی اینڈ ووکیشنل ٹریننگ انسٹی ٹیوٹ کھوڑی عالم کو علاقہ کا مثالی تعلیمی ادارہ بنائینگے،انہوں نے کہا کہ ہم نے اپنے علاقہ کے بچوں بچیوں کو اعلیٰ کوالٹی ایجوکیشن کیساتھ ساتھ انہیں جدید سائنسی علوم کے ذریعے ہنر مند اور دھرتی ماں کا قرض اتارنے کیلئے اپنے گائوں میں ادارہ بنانے کا فیصلہ کیا ،الحمد اللہ علاقہ کی عوام نے ہمیں زبردست پذیرائی سے نوازا اور انتہائی چند ایام میں ہمارے ادارہ میں طلبہ و طالبات کی تعداد سینکڑوں میں پہنچ گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اقراء اسلامک اکیڈمی اینڈ ووکیشنل ٹریننگ انسٹی ٹیوٹ ملک و قوم کی ترقی میں اہم کردار ادا کریگا،مدثر اقبال شاکر
ڈنگہ(محمد بلال احمد بٹ)مدثراقبال شاکر نے اپنے بیان میں کہا ہے کہ اللہ تعالیٰ کے خاص فضل و کرم سے اقراء اسلامک اکیڈمی اینڈ ووکیشنل ٹریننگ انسٹی ٹیوٹ ملک و قوم کی ترقی میں اہم کردار ادا کریگا،انہوںنے کہا کہ کھوڑی عالم میں صاحبان علم کا مرکز محور رہا ہے،اور انشاء اللہ مستقبل میں بھی ہم اپنے اصلاف کے نقش قدم پر چلتے ہوئے اپنے گائوں کے اس عظیم اعزاز کو ہر قیمت پر برقرا رکھیں گے،کھوری عالم میں اقراء اکیڈمی اور ووکیشنل ٹریننگ سنٹر کے قیام کا مقصد بھی اپنے گائوں کے بچوں بچیوں کو معیاری تعلیم کے ساتھ ساتھ انہیں ٹیکنیکل تعلیم دلانا ہے تاکہ وہ ہنر مند بن کر گھر کی دہلیز پر کامیاب زندگی گزار سکیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب حکومت نے صوبہ بھر کے تعلیمی اداروں اور دفاتر میں سولر انرجی منتقل کرنے کیلئے اقدامات شروع کر دیئے
ڈنگہ(محمد بلال احمد بٹ)پنجاب حکومت نے صوبہ بھر کے تعلیمی اداروں اور دفاتر میں سولر انرجی منتقل کرنے کیلئے اقدامات شروع کر دیئے پنجاب حکومت نے پنجاب بھر کے تمام سرکاری دفاتر اور تعلیمی اداروں میں سولر انرجی کی فراہمی کیلئے2ارب روپے مختص کر نے کا فیصلہ کیا ہے،حکومت کے اس اقدام سے اداروں کو ماہانہ کروڑوں روپے بجلی بلوں کی مد میں بچت کے ساتھ بجلی بچانے میں مدد ملے گی پہلے مرحلہ میں یہ پراجیکٹ گوجرانوالہ لاہور راولپنڈی ملتان ،فیصل آباد،ساہیوال بہاولپور کے اہم سرکاری تعلیمی اداروں کو انرجی سولر سسٹم پر منتقل کیا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : دین اسلام کی تبلیغ کیلئے صحابہ کرام نے اپنی جانوں کے نذرانے پیش کئے،مولانا قاضی کفایت اللہ
ڈنگہ(محمد بلال احمد بٹ)مرکزی جامع مسجد ڈنگہ میں علامہ مولانا قاضی کفایت اللہ کی سرکردگی میں خصوصی سیمینار سے سابق جنرل(ر)جاوید ناصر نے خطاب کرتے ہوئے کہا کہ دین اسلام کی تبلیغ کیلئے صحابہ کرام نے اپنی جانوں کے نذرانے پیش کئے انہوں نے کہا کہ یہ دنیا مسلمان کیلئے دارالعمل ہے،یہاں ہمیں وہی اعمال کرنا چاہیں جن کا اللہ کریم اور اس کے پیارے رسول محمدۖ نے حکم فرمایا،تبلیغ دین انبیاء کرام کا مقدس کام ہے،ختم نبوت کا دروازہ ہمیشہ کیلئے بند ہو چکا اب دین اسلام کی تبلیغ کی ذمہ داری ہر مسلمان پر فرض ہے اللہ کریم نے امت مسلمہ کو بہترین امت قرار دیا انہوں نے کہا کہ ہماری دنیاوی اور آخرت کی بھلای کا راستہ اسی میں پوشیدہ ہے ہم تبلیغ دین کی ذمہ داری دیانتداری سے ادا کریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ڈگری کالج کے فرسٹ ایئر کے طلبہ کی سکینڈ ایئر کے طلبہ کے اعزاز میں الوداعی تقریب کا انعقاد
ڈنگہ(محمدبلال احمد بٹ)پرنسپل پروفیسر رائے محمد نذیر عظیم کھرل کی سرکردگی میں ڈگری کالج کے فرسٹ ایئر کے طلبہ کی سکینڈ ایئر کے طلبہ کے اعزاز میں الوداعی تقریب کا انعقادگیارہویں کلاس کے طلبہ کی طرف سے بارہویں کلاس کے طلبہ کے اعزاز میں منعقدہ الوداعی تقریب میں پرنسپل پروفیسر رائے محمد نذیر عظیم کھرل وائس پرنسپل پروفیسر محمد اشفاق ،پروفیسر محمد نواز،پروفیسر مدثر اقبال،پروفیسر ارشد اقبال نے خطاب کیا،مہر شاہد محمود لیاقت علی سمیت سینکڑوں طلبہ نے شرکت کی اسموقع پر طلبہ نے اپنے سینئر کو زبردست الفاظ میں خراج تحسین پیش کیا جس کے جواب میں بارہویں کلاس کے طلبہ نے اپنے جوینئر کا شکریہ ادا کیا اورانہوں نے ان کے اعزاز میں گرینڈ پروقار تقریب کا خاص اہتمام کیا یہی حسین یادیں ہمیشہ ہمارے دلوں میں رہیں گے،اس موقع پر پرنسپل پروفیسر رائے محمد نذیر عظیفم کھرل اور دیگر پروفیسر صاحبان نے خطاب کیا بعد ازاں
انکے اعزاز میں پرتکلف ظہرانہ دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزیراعظم میاں محمد نواز شریف کی ہدایت پر سرکاری اداروں میں عارضی ملازمین کی بھرتی پر پابندی ختم کر دی
ڈنگہ(محمد بلال احمد بٹ)وزیراعظم میاں محمد نواز شریف کی ہدایت پر سرکاری اداروں میں عارضی ملازمین کی بھرتی پر پابندی ختم کر دی گئی حکومت نے ملک بھر میں وفاقی محکموں کو ضروری خالی آسامیوں پر عارضی بھرتی کی اجازت دے دی محکمے پراجیکٹس یا دوسری ہنگامی ضروری کیلئے دیلی ویجز پر بھرتیں کر سکیں گے،ذرائع
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب بھر میں کرایوں داروں کے مکمل کوائف پولیس کے ذریعے اکٹھے کرنے کا فیصلہ
ڈنگہ(محمد بلال احمد بٹ)پنجاب بھر میں کرایوں داروں کے مکمل کوائف پولیس کے ذریعے اکٹھے کرنے کا فیصلہ،حکومت نے صوبہ بھر کے تمام ہاسٹلز مالکان،مالک مکان اور پراپرٹی ڈیلرز کو ہدایت کی کہ وہ کسی بھی شخص کو کرایہ پر بلڈنگز،ہاسٹل ہوٹلز وغیرہ سے قبل کرایہ داروں کے کوائف تھانوں کو ضرور دیں،انکی ضمانت علاقہ کی کوئی سرکردہ اور اہم شخصیت دے تاکہ کسی بھی تخریبی کاروائی سے شہریوں کو محفوظ بنایا جا سکے،حکومت نے اس ضمن میں سخت اقدامات کرنے کا فیصلہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ایکسپریس ٹرانسپورٹ نے عوام کی سہولت کیلئے لاہور سے رات ساڑھے تین بجے ایک اور ٹائم یکم اپریل سے چلا دیا
ڈنگہ(محمد بلال احمد بٹ)ایکسپریس ٹرانسپورٹ نے عوام کی سہولت کیلئے لاہور سے رات ساڑھے تین بجے ایک اور ٹائم یکم اپریل سے چلا دیا جو صبح ساڑھے سات بجے ڈنگہ اور ساڑھے سات بجے ہیڈ رسول پہنچے گا،گوجرانوالہ صبح پانچ بجے،گجرات چھ بجے پہنچا کرے گا لاہور سفر کرنے والے غلام عباس سے رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میرا پختہ یقین ہے کہ نوجوان نسل کا ویثرن پاکستان کو شاہراہ ترقی پر گامزن کرنا ہے،رانا مشہود
ڈنگہ(محمد بلال احمد بٹ)صوبائی وزیر تعلیم کھیل اور امور نوجوان رانا مشہود نے گجرات یونیورسٹی میں نیشنل یوتھ لیڈر شپ کانفرنس سے خطاب کرتے ہوئے کہا ہے کہ میرا پختہ یقین ہے کہ نوجوان نسل کا ویثرن پاکستان کو شاہراہ ترقی پر گامزن کرنا ہے،حکومت پنجاب نوجوانوں کی بہتری کیلئے انہیں تمام مواقع فراہم کر رہی ہے نوجوان پاکستان کا قومی سرمایہ ہیں،انہوں نے کہا کہ پاکستانی نوجوان عزم و ہمت کے جذبوں سے معمور ہیں وہ اپنی تمام تر صلاحیتوں کو پاکستان کی ترقی عوام کی خوشحالی
کیلئے وقف کریں اس موقع پر ڈاکٹر نظام الدین وائس چانسلر گجرات یونیورسٹی اور دیگر مقررین نے بھی خطابات کئے۔
