ڈنگہ کی خبریں 26/5/2014
Posted on May 27, 2014 By Geo1 Webmaster سٹی نیوز
ڈنگہ: بدنام زمانہ راہزن ڈکیت جعلی پولیس ملازم احسان اللہ ماچھی ولد لال خاں سکنہ الطاف کالونی کنجاہ سٹی کو گرفتار
ڈنگہ (محمد بلال احمد بٹ) ڈی ایس پی سرکل کھاریاں عبد القیوم گوندل کی خصوصی ہدایت پر ایس ایچ او تھانہ ڈنگہ راجہ زاہد نعیم نے پولیس نفری کے ہمراہ مسلسل کوشش کر کے بدنام زمانہ راہزن ڈکیت جعلی پولیس ملازم احسان اللہ ماچھی ولد لال خاں سکنہ الطاف کالونی کنجاہ سٹی کو گرفتار کر لیا ، ملزم احسان اللہ کئی واداتوں میں مطلوب تھا ، جعلی پولیس ملازم بنکر پولیس کارڈ دکھا کر اور پنجاب پولیس کی نمبر پلیٹ موٹر سائیکل پر لگا کر مذکورہ نوجوان واداتیں کرنا تھا ، چند دِن قبل خوجہ سکول کے سیکورٹی گارڈ سے رائفل ، ریلوے پھاٹک ڈنگہ پر نقدی ، بھلیسرانوالہ میں سجاول حسین چھاوڑی سے 60 ہزار نقدی ، ڈنگہ کھاریاں روڈ پر کاروں کو روک کر ان سے نقدی چھیننے کی کئی واداتیں مذکورہ ملزم کر چکا تھا اور راجہ زاہد نعیم ایس ایچ او ڈنگہ نفری کے ہمراہ کئی سے اس نوجوان کے پیچھے لگے ہوئے تھے ، بالآخر اس بدنام زمانہ راہزن ، ڈکیٹ احسان اللہ ماچھی جعلی پولیس ملازم کو ایس ایچ او ڈنگہ نے مسلسل محنت سے گرفتار کر لیا ، اس بارے میں مزید اہم انکشافات کی بھی توقع کی جا رہی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دھکڑانوالی کے ممتاز زمیندار سماجی و سیاسی شخصیت امیدوار چیئرمین یونین کونسل چکوڑی بھیلووال چوہدری خالد مہدی کسانہ کی صاحبزادی کی تقریب رخصتی مقامی میرج ہال ڈنگہ میں منعقد ہوئی
ڈنگہ (محم بلال احمد بٹ) دھکڑانوالی کے ممتاز زمیندار سماجی و سیاسی شخصیت امیدوار چیئرمین یونین کونسل چکوڑی بھیلووال چوہدری خالد مہدی کسانہ کی صاحبزادی کی تقریب رخصتی مقامی میرج ہال ڈنگہ میں منعقد ہوئی ، تفصیلات کے مطابق چوہدری خالد مہدی کسانہ دھکڑانوالی کی دُختر کی رسم نکاح چوہدری محمد مالک کسانہ مرحوم کے صاحبزادے دُلہا چوہدری عبد الخالق کسانہ سے بخوبی انجام پائی ، بارات کا استقبال چوہدری خالد مہدی کسانہ ، چوہدری محمد شریف کسانہ ، چوہدری اسجد جانی چک آف فرانس ، محمد عارف ڈار ، لطیف جوڑا ، حاجی محمد اسلم صراف ،ڈاکٹر عامر اعجاز ،محمد ناصر بھٹی ، چوہدری سیف اللہ ساہی ٹپیالہ نے کیا ،پھولوں کی پتیاں نچھاور کیں اور مالائیں پہنائیں ، علاقہ بھر سے تقریب رخصتی میں نمایاں اہم شخصیات میں چوہدری اعجاز احمد رنیاں ، چوہدری ظہور الٰہی ساہی ٹپیالہ ، سید نور الحسن شاہ کلیوال سیداں ، چوہدری اخلاق احمد رنیاں ،سید مد د علی شاہ کلیوال سیداں ، سابق ناظم چوہدری نعیم اقبال گنجہ ، چوہدری الیاس گجر 3 چک شمالی سرگودھا ، چوہدری نذر محمد کراڑیوالہ ، سابق ناظم چوہدری کامران میانہ گوندل ،چوہدری ارشد مہر ڈھل بنگش ، چوہدری ناصر مہر ڈھل بنگش ، چوہدری اسلم فتہ بھنڈ ، چوہدری وقاص ایڈووکیٹ گنجہ ، چوہدری خالد حسین ایڈووکیٹ شیخو چک ،چوہدری مہندی خاں رانجھا انسپکٹر منڈی بہائوالدین ، میاں ارشد حیات کولیاں شاہ حسین ، میاں اختر حیات کولیاں شاہ حسین ، میاں افتخار احمد کولیاں شاہ حسین ،چوہدری حیات ساہی ٹپیالہ ، چوہدری وحید گجر چھماں ، چوہدری حسین اختر ناگرانوالہ ، چوہدری شاہد پرویز دُلانوالہ سابق ناظم ، چوہدری ارشد مہر نمبردار امرہ ،چوہدری نصیر احمد سابق ناظم نور جمال ، چوہدری نواب خاں بابکا نور جمال ، چوہدری محمد انور سابق کونسلر چکوڑی ، حاجی سکندر خاں صراف ڈنگہ ، حاجی سرور خاں سراف ڈنگہ ، میاں طارق محمود ڈھلیان شیل پٹرولیم ڈنگہ ، چوہدری عدنان ارشد سندھانوالہ ، چوہدری اشرف پسوال ، چوہدری محمد مدثر مہر بھکنانوالی ، چوہدری محمد ارشد مہر بھکنانوالی ، چوہدری ولایت خاں شیخو چک ، چوہدری شان الٰہی حاصلانوالہ ، چوہدری احسان چندو ، چوہدری تنویر کالس ، چوہدری توقیر اسلم امیدوار وائس چیئرمین چکوڑی بھیلووال ، چوہدری صداقت حسین سیکریالی ، چوہدری خالد حسین نمبردار نور جمال ، چوہدری صغیر احمد رندھیر ، چوہدری عثمان علی کالس ، چوہدری ماسٹر اختر ساہی کالو ساہی ، ماسٹر اشرف دھکڑانوالی ، ماسٹر عرفان دھکڑانوالی ، ماسٹر سید منظور حسین شاہ دھکڑانوالی ، عبد الرزاق کھٹانہ دھکڑانوالی ، عمران خاںکھٹانہ دھکڑانوالی ، چوہدری محمد وارث دھکڑانوالی ، چوہدری محمد اسلم سمرالہ ، چوہدری عظمت علی ٹھیکریا ، ماسٹر محمد یوسف ، چوہدری محمد اسلم کمالہ ، چوہدری ریاست علی کسانہ دھکڑانوالی ، محمد امجد دھکڑانوالی سمیت معززین علاقہ سے ہزاروں افراد کی شرکت ۔ آخر پر بچی کو ڈھیر دُعائوں اور نیک تمنائوں سے رخصتی کی ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : غربت ، افلاس اور مہنگائی نے عوام کی کمر توڑ کر رکھ دی،چوہدری دلاور خان گکھڑ آف انگلینڈ،چوہدری ریاض احمد انگلینڈ آف بھائو گھیسٹ پور،چوہدری انار احمد سائوتھ افریقہ آف رنیاں
ڈنگہ (محمدبلال احمد بٹ)پاکستان مسلم لیگ ق کے راہنما اوورسیز نمائندہ چوہدری دلاور خاں گکھڑ آف انگلینڈ ، چوہدری ریاض احمد انگلینڈ آف بھائو گھسیٹ پور ، چوہدری انار احمد سائوتھ افریقہ آف رنیاں نے اپنے مشترکہ بیان میں کہا کہ غربت ، افلاس اور مہنگائی نے عوام کی کمر توڑ کر رکھ دی ،لاہور میں میٹرو ٹرین منصوبے کی مخالفت کرتے ہوئے کہا کہ محض لاہور کو ترجیحی بنیادوں پر تمام سرمایہ کاری کا ہدف بنائے رکھنا فی الحال مناسب نہیں ، صوبے میں غربت ، افلاس، مہنگائی نے عوام کی کمر توڑ کر رکھ دی ہے جبکہ گڈ گورننس کا تقاضا ہے کہ ہر فرد کو دو وقت کی روٹی اور باعزت زندگی گزارنے کی سہولتیں حاصل ہوں ، اُنہوں نے کہا کہ میٹرو ٹرین کا منصوبہ لاکھ اچھا سہی مگر پہلے ضرورت اس امر کی ہے کہ جب تک تمام لوگوں کو بنیادی سہولتیں میسر نہ ہوں ایسے منصوبوں کو موخر رکھا جائے، اُنہوں نے مزید کہا کہ بے روزگاری نے غریب عوام کا چین سے جینا حرام دو بھر کر دِیا ہے کیونکہ مہنگائی کا جن حکومت کے قابو سے باہر ہے ، اشیائے خورد و نوش کی قیمتیں آسمان سے باتیں کر رہی ہیں ، حکومت مہنگائی کو کنٹرول کرنے میں ناکام مکمل طور پر ناکام ہو چکی ہیں ، تاجر حضرات اپنی من مانی قیمتیں مقرر کر کے غریب عوام کو لوٹ رہے ہیں اور غریب آدمی کے لیے دو وقت کی روٹی پورا کرنا محض خواب بنتا جا رہا ہے ، اُنہوں نے حکومت سے مطالبہ کیا کہ خصوصاً اشیائے خورد و نوش کی قیمتوں پر نظر رکھیں اور اگر کہیں طے شدہ ریٹ سے زیادہ وصولی کی جا رہی ہے تو دُکاندار کیخلاف موثر کاروائی کی جائے، اُنہوں نے مزید کہا کشکول توڑنے کے دعویداروں نے ریکارڈ قرضہ حاصل کیا ، کڑی شرائط پر حاصل کیے گئے قرضوں کا مقصد عوام پر عرصہ حیات تنگ کرنا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موجودہ حکمران چند دنوں کے مہمان ہیں ،چوہدری اعجاز احمد رنیاں
ڈنگہ (محمد بلال احمد بٹ ) پاکستان مسلم لیگ ق امیدوار صوبائی اسمبلی چوہدری اعجاز احمد رنیاں نے صحافیوں سے گفتگو کرتے ہوئے کہا کہ موجودہ حکمران چند دنوں کے مہمان ہیں ، ملک کو لوٹنے اور جاگیر سمجھنے والوں کا یوم حساب قریب آ چکا ہے ، پاکستان مسلم لیگ ق ہی ملک کو بچانے کی صلاحیت رکھتی ہے ، عوام مہنگائی ، کرپشن اور بیروزگاری سے تنگ آ چکے ہیں اور اب وہ مزید کاغذی شیروں کے جھانسے میں نہیں آنے والے ، حکمران عوام سے کئے گئے وعدوں سے منحرف ہو چکے ہیں جسے باشعور عوام خود بھی آزما چکے ہیں ،مسلم لیگ ن عوام کی عدالت میں حساب دینا ہو گا ، چار مہینوں میں بجلی کی لوڈ شیڈنگ کیلئے عوام پر مسلط ہونے والے اب بجلی کی لوڈ شیڈنگ کیلئے عوام سے پانچ سال مانگ رہے ہیں ، موجودہ حکومت ہر سطح پر مکمل طور پر ناکام ہو چکی ہے اور عوام کے مسائل میں دِن بہ دِن اضافہ ہوتا چلا جا رہا ہے، اُنہوں نے مزید کہا کہ حکومت عوام کا استحصال کرنے پر تلی ہوئی ہے ، مسلم لیگ ن نے اقتدار سنبھالنے کے بعد عوام کو کوئی ریلیف نہیں پہنچایا ، مسلم لیگ ن نے ملک کو اندھیروں میں دھکیل دِیا ہے ، مہنگائی کرپشن اور لاقانونیت نے عوام کی زندگی اجیرن بنا رکھی ہے ، حکمرانوں کا مستقبل تاریک ہو چکا ہے قوم تمام سیاسی جماعتوں سے تنگ آ کر مایوس ہو چکی ہیں ، اُنہوں نے کہا کہ اسلام آباد میں بم دھماکہ حکومتی کارکردگی پر سوالیہ نشان ہے ، عوامی مقامات پر بے گناہ لوگوں کی جانوں کا ضیاع افسوس ناک اور لمحہ فکریہ ہے ،و طن عزیز کی سالمیت اور خود مختاری ہی عوامی تحفظ کی ضامن ہے حکمران طقبہ عوام کے جان و مال کے تحفظ میں ناکام ہو چکا ہے قوم حکومتی کارکردگی اور دعوئوں سے اکتا ہٹ کا شکار ہو چکے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ گرمی کی شدت میں اضافہ شہری گھروں میں دبک کر رہ گئے ، دوپہر کو مختلف روڈوں سمیت سڑکیں ویران نظر آئیں
ڈنگہ ( محمد بلال احمد بٹ ) ڈنگہ گرمی کی شدت میں اضافہ شہری گھروں میں دبک کر رہ گئے ، دوپہر کو مختلف روڈوں سمیت سڑکیں ویران نظر آئیں ، اچانک گرمی کی شدت میں اضافہ ہونے اور گرم ہوا چلنے سے لوگ گھروں اور دُکانوں میں محصور ہو کر رہ گئے ،چند روز قبل بارش کے دوران موسم خوشگوار رہنے کے بعد گذشتہ دوپہر اچانک موسم کی حدت اور گرم لو چلنے کے باعث لوگوں کی اکثریت گھروں اور دُکانوں میں محصور ہو کر رہ گئی اور دوپہر کو ڈنگہ و گرد و نواح کے مختلف روڈوں سمیت سڑکیں ویران نظر آئیں ، شدید گرمی کے باعث دُکاندار ہاتھ پر ہاتھ دھرے بیٹھے دکھائی نظر آرہے تھے ، گندم کی کٹائی کے دوران بازار ویران و سنسان نظر آ رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ و گرد و نواح میں مضر صحت گوشت کی فروخت عروج پر ، من مانے ریٹ مقرر
ڈنگہ ( محمد بلال احمد بٹ ) ڈنگہ و گرد و نواح میں مضر صحت گوشت کی فروخت عروج پر ، من مانے ریٹ مقرر ، محکمہ صحت اور ضلعی انتظامیہ خاموش ، تفصیلات کے مطابق ڈنگہ سمیت نواحی علاقوں میں قصائی انسانی زندگیوں سے کھیل رہے ہیں ، بیمار اور مردہ جانوروں کو اونے پونے میں خرید کر کھال اُتار کر فروخت کیا جا رہا ہے ، انتظامیہ نے انسانی زندگی کیساتھ کھیلنے کے لیے مکروہ دھندہ کرنے والوں کو کھلی چھوٹ دے رکھی ہے ،قصائی پانی ملا کر چھوٹے ، بڑے گوشت کا وزن بڑھا کر من مارنے ریٹ وصول کر رہے ہیں ، عوامی اور سماجی حلقوں نے متعدد بار انتظامیہ سے اپیل بھی کی مگر افسوس کہ محکمہ صحت اور ضلعی انتظامیہ نے مسلسل خاموشی اختیار کر رکھی ہے ، لہذا ضرورت اس امر کی ہے کہ ڈی سی او گجرات لیاقت علی چٹھہ عوام کو حرام کھلانے والے مذکورہ قصابوں کے خلاف سخت کاروائی کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر بھر میں جون سے قبل ہی دُکانداروں نے خود ساختہ مہنگائی کر کے عوام کا جینا محال کر دِیا ہے
ڈنگہ ( محمد بلال احمد بٹ ) ڈنگہ شہر بھر میں جون سے قبل ہی دُکانداروں نے خود ساختہ مہنگائی کر کے عوام کا جینا محال کر دِیا ہے ، بے لگام مہنگائی نے غریب عوام سے دو وقت کی روٹی بھی چھین لی ہے ، پرائس کنٹرول کمیٹیوں کی عدم دلچسپی سے اشیاء ضروریہ کی قیمتیں آسمان سے باتیں کر رہی ہیں جبکہ کنزیومر کورٹ بھی مزاق بن کر رہ گئیں ، ضلعی حکومت کی جانب سے مقررہ نرخوں سے کہیں زائد وصول کئے جا رہے ہیں ، دودھ ، دہی ، گوشت اور دیگر اشیاء خورد و نواش کی قیمتوں میں آئے روز اضافہ ہو رہا ہے اس سلسلہ میںپرائس کنٹرول کمیٹیوں کی کارکردگی محض کاروائی تک محدود ہے، بجٹ سے قبل ہی مہنگائی کا عام آدمی پر بے حد بوجھ ڈال دِیا گیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ و گرد و نواح میں دودھ اور دہی کی قیمتوں میں ہوشربا اضافہ ختم کیا جائے
ڈنگہ (محمد بلا ل احمد بٹ ) ڈنگہ و گرد و نواح میں دودھ اور دہی کی قیمتوں میں ہوشربا اضافہ ختم کیا جائے ، دُکانداروں نے لوٹ مار کا بازار گرم کر رکھا نوٹس لیا جائے ، عوامی سماجی حلقوں نے شیر فروشوں کی جانب سے دودھ اور دہی کی قیمتوں میں بلا جواز اضافہ کرنے پر اظہارِ تشویش کرتے ہوئے کہا کہ ناقص اور ملاوٹ شدہ دودھ اور دہی کی قیمتوں میں اضافہ کر کے صارفین کے ساتھ زیادتی کا نیا سلسلہ شروع کر دِیا ، اُنہوں نے خود ساختہ ریٹ مقرر کر کے ضلعی حکومت کے نرخناموں کو مسترد کیا ہے ، لہذا ان کے خلاف سخت قانونی کاروائی عمل میں لائی جائے ، ضروری ہے تا کہ صارفین کو مقررہ کردہ نرخوںپر دودھ اور دہی کی فراہمی ممکن ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ و گرد و نواح کے بازاروں میں غیر معیاری اور جعلی مشروبات کی کھیپ پہنچ گئی
ڈنگہ ( محمد بلال احمد بٹ ) ڈنگہ و گرد و نواح کے بازاروں میں غیر معیاری اور جعلی مشروبات کی کھیپ پہنچ گئی ، امر واقع یہ ہے کہ شدید گرمی کے موسم میں ہر شخص مشروبات پینے کی خواہش رکھتا ہے لیکن انسانی جانوں سے کھیلنے والے جعلی اور مضر صحت مشروبات تیار کر کے مارکیٹ میں لے آتے ہیں اور اس سے نہ صرف وہ مختلف الاقسام کی بیماریاں بانٹنے میں مصروف ہیں بلکہ دو گنا منافع کما کر عوام کی جیبوں پر ڈاکہ بھی ڈال رہے ہیں ، حیرت کی بات ہے کہ ہر گلی محلے اور بازاروں میں ریڑھیوں اور بند ڈبوں میں ناقص اور زائد المیعاد مشروبات فروخت ہو رہے ہیں لیکن متعلقہ ہیلتھ آفیسرز کو اس بات کی کوئی فکر نہیں کہ ان کے علاقہ میں کیا ہو رہا ہے اور وہ کیا کر سکتے ہیں؟ یہ غفلت اور لاپرواہی کا نتیجہ ہے کہ جعلی مشروبات کا کام کرنے والے سر عام یہ کاروباری جاری رکھے ہوئے ، ہم یہ سمجھتے ہیں اگر اس مسئلے پر بروقت قابو نہ پایا گیا تو یہ کسی بڑے نقصان کا پیش خیمہ ثابت ہو سکتا ہے ، عوامی سماجی حلقوں نے محکمہ صحت کے افسران سے پر زور مطالبہ کیا کہ غیر معیاری مشروبات کی فروخت کا تدارک کیسے ہو گا؟
مشرف کو دوبارہ اقتدار میں لانا ہی پاکستان و عوام کے محفوظ مستقبل کے حق میں ہے
گجرات کی خبروں کی تصویری جھلکیاں
