ڈنگہ کی خبریں 17/4/2014
Posted on April 21, 2014 By Geo1 Webmaster سٹی نیوز
دیار غیر میں چوہدری قمر اقبال آف پنجن نہ صرف ضلع گجرات بلکہ پاکستان کی پہچان بن چکے ہیں،چوہدری شاہد لطیف گجر آف سپین
ڈنگہ ( محمد بلال احمد بٹ ) اوورسیز پاکستانیوں کے دلوں کی دھڑکن،سپین کی معروف ادبی شخصیت چوہدری شاہد لطیف گجر آف سپین نے اپنے ٹیلی فونک بیان میں کہا کہ پاکستان یونین ناروے کے صدر چوہدری قمر اقبال کی خدمات قابل تحسین اور نا قابل فراموش ہیں ، انہوں نے کہا کہ دیار غیر میں چوہدری قمر اقبال نہ صرف ضلع گجرات بلکہ پاکستان کی پہچان بن چکے ہیں
ان کی سماجی خدمات کسی سے ڈھکی چھپی نہیں چوہدری قمر اقبال آف پنجن شہانہ کی 2سال قبل سپین سے ناروے جانے کا اتفاق ہوا اور14اگست پاکستان ڈے میں شرکت کا موقع نصیب ہوا ،ناروے میں پاکستان کو دیکھ کر دل باغ باغ ہوا انہوں نے ایک سوال کے جواب میں کہا کہ چوہدری قمر اقبال نے پاکستانی کمیونٹی کے اتحاد کیلئے گرانقدر خدمات انجام دیں اور دیارِ غیر میں پاکستانی کمیونٹی کے مسائل حل کرنے میں کوشاں ہیں ، ناروے کی ترقی میں پاکستانی کمیونٹی کا نمایاں کردار ہے جس کا اظہار وہاں کے صدر اور وزیر اعظم بھی کر چکے ہیں انہوں نے کہا کہ چوہدری قمر اقبال جیسے درویش صفت اور سادح لوح شخصیت ایک مثال ہے ، جس میں خدمت خلق کا جذبہ بھرا ہوا ہے ہم اُمید کرتے ہیں کہ وہ اس پلیٹ فارم سے آئندہ بھی پاکستانی کمیونٹی کے مسائل حل کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انسپکٹر انفورسمنٹ کی سخت وارننگ اور نوٹسز دینے کے باوجود بھی شہر بھر میں صفائی کا نظام ابتر
ڈنگہ (محمد بلال احمد بٹ) ناجائز تجاوزات کرنے والوں کو ٹی او آر کی سربراہی میں انسپکٹر انفورسمنٹ کی سخت وارننگ اور نوٹسز دینے کے باوجود بھی شہر بھر میں صفائی کا نظام ابتر اور تجاوزات کی بھر مار ہو گئی بلدیہ ملازمین سورج نکلنے کے بعد دِن دیہاڑے بازاروں کی صفائی کیلئے آتے ہیں اسی طرح تجاوزات بھی’ قبضہ مافیا فٹ پاتھوں پر قبضہ کیے ہوئے ہیں، تجاوزات کے خلاف آپریشن ڈی سی او کیلئے ایک چیلنج ثابت ہو رہا ہے ، ڈنگہ کے دُکانداروں نے کئی ریڑھی بانوں کو تجاوزات کی مد میں جگہ کرائے پر دے رکھی ہے اور اُن سے ہزاروں روپے وصول کرتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بڑے نادہندگان کے خلاف ریکوری مہم کا آغاز سوموار سے شروع کر دِیا جائے گا ،ترجمان واپڈا آفس ڈنگہ
ڈنگہ (محمد بلال احمد بٹ) ترجمان واپڈا آفس ڈنگہ کے جاری کردہ اعلامیہ کے مطابق بجلی کے بلوں کے بقایا جات ادا نہ کرنے والوں بڑے نادہندگان کے خلاف ریکوری مہم کا آغاز سوموار سے شروع کر دِیا جائے گا ، تین تین اراکین پر مشتمل دونوں سب ڈویژنوں میں الگ الگ ریکوری کمیٹیاں قائم کر دی گئیں ، نادہندگان کو ایک ہفتہ کے اندر واجبات ادا کرنے کی مہلت دی گئی ہی جس کے بعد ان کے ناموں کی لسٹیں میڈیا کو فراہم کرنے کے علاوہ کنکشن منقطع کرنے سمیت مقدمات کا اندراج بھی کروایا جائے گا ، دنوں سب ڈویژن کے SDOریکوری مہم کی مسلسل نگرانی کرینگے جبکہ میٹر انسپکٹر ، سینئر لائن سپرینٹنڈنٹ دیگر ضروری کاروائی کے لیے فعال ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موجودہ حکومت نے عوام کو کنگال کر کے رکھ دِیا ہے ، مہنگائی نے عوام کا جینا محال کر دِیا ہے،چوہدری اعجاز احمد رنیاں
ڈنگہ (محمد بلال احمد بٹ) پاکستان مسلم لیگ ق حلقہ پی پی 113 امیدوار صوبائی اسمبلی چوہدری اعجاز احمد رنیاں نے صحافیوں سے گفتگو کرتے ہوئے کہا کہ موجودہ حکومت نے عوام کو کنگال کر کے رکھ دِیا ہے ، مہنگائی نے عوام کا جینا محال کر دِیا ہے ، مہنگائی ، بے روزگاری ، بد امنی بھاری مینڈیٹ سے کامیاب ہونے والی حکومت کے تحفے ہیں ،حکمرانوں نے لاہور کو ہی پنجاب سمجھ رکھا ہے ، موجودہ حکومت عوام کو ریلیف دینے ، بے روزگاری ، جرائم کا خاتمہ کرنے میں کرنے میں مکمل ناکام ہو چکے ہیں ، چوہدری برادران کا دور اقتدار ہر لحاظ سے مثالی تھا ملک پاکستان کی عوام اب بھی چوہدری برادران مسلم لیگ ق پر بھر پور اعتماد کرتے ہیں اسی لیے دھڑا دھڑ عوام مسلم لیگ ق میں شمولیت کر رہے ہیں ، موجودہ حکومتی نمائندوں نے عوام کو جس طرح مایوس کیا ہے اس لئے عوام چوہدری برادران کے سابق دور کو سرا رہے ہیں ، گھر گھر خوشحالی چوہدری برادران کے کارنامے ہیں ، چوہدری برادران کے کارناموں کا مخالفین بھی اعتراف کرتے ہیں، چوہدری برادران عوامی اُمنگوں کے ترجمان ہیں ،چوہدری برادران نے بلا تفریق پورے ملک میں ترقیاتی کام کروائیں، اُنہوں نے ملک بھر میں عوامی بنیادی ضرورتوں کی فراہمی اور ترقیاتی کام کروا کے حقیقی خادم ہونے کا ثبوت دِیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نا عاقبت اندیشہ اور مفاد پرست حکمرانوں نے ملک کو لوٹ لوٹ کا کنگال کر بنا دِیا ہے،چوہدری دلاور خان انگلینڈ
ڈنگہ (محمد بلال احمد بٹ) ڈنگہ کے نواحی گائوں موضع گکھڑ کی ممتاز سیاسی و سماجی شخصیت ، معروف زمیندار ، تارکین وطن اورسیز راہنما پاکستان مسلم لیگ ق چوہدری دلاور خاں انگلینڈ نے اپنے بیان میں کہا ہے کہ حکمرانوں کی ناقص کارکردی سے ملک بد حالی کا شکار ہے ، نا عاقبت اندیشہ اور مفاد پرست حکمرانوں نے ملک کو لوٹ لوٹ کا کنگال کر بنا دِیا ہے ، دہشت گردی کا بازار ابھی تک گرم ہے ، موجودہ حکومت دہشت گردی کے خاتمہ میں مکمل طور پر ناکام ہے ، میاں لوڈ شیڈنگ ختم کرنے کے دعوئوں سے مکر چکے ہیں جیسے ایک وعدہ بھی پورا نہیں کرینگے ابھی موسم خوشگوار ہے تو اس کے باوجود ملک پاکستان میں 15 پندرہ گھنٹے بجلی بند کی جا رہی ہے ،بجلی کی لوڈ شیڈنگ کو ختم کرنے کے دعویدار اب اقتدار میں آکر کر کہہ رہی ہیں کہ ہمیں نہیں پتا تھا کہ یہ اتنا سنگین مسئلہ ہے ، مسلم لیگ ق چوہدری برادران کا دور اقتدار ملک پاکستان کیلئے قیمتی اثاثہ تھا ، انشاء اللہ آئندہ جنرل اور BDانتخابات میں حلقہ پی پی 113 سمیت پاکستان مسلم لیگ ق ملک پاکستان میں ایک نئے جوش و جذبہ اور ولولہ کیساتھ دوبارہ کامیاب ہو کر عوامی مسائل ترجیحی بنیادوں پر حل کروائے گی ، عوام چوہدری برادران کے دور کو یاد کر رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
