ڈنگہ کی خبریں 02.09.2013
Posted on September 3, 2013 By Geo Urdu سٹی نیوز
گذشتہ روز ڈنگہ کی ممتاز سماجی شخصیات محمد افضل، شوکت حسین، محمد ارشد، جاوید حسین، پرویز حسین کے بھائی ،محمدصادق کے بیٹے، خالد محمود، امجد محمود کے والد لالہ محمد سلیم طویل علالت کے بعد قضائے الٰہی سے انتقال کرگئے
ڈنگہ ( جی پی آئی)گذشتہ روز ڈنگہ کی ممتاز سماجی شخصیات محمد افضل، شوکت حسین، محمد ارشد ،جاوید حسین، پرویز حسین کے بھائی، محمد صادق کے بیٹے، خالد محمود، امجد محمود کے والد لالہ محمد سلیم طویل علالت کے بعد قضائے الٰہی سے انتقال کر گئے، مرحوم کی نماز جناز ہ گذ شتہ روز پرانے سکندر شاہ قبرستان میں دن 11.30 بجے اداء کر دی گئی ،نماز جنازہ میں علاقہ کی ممتاز سماجی، سیاسی، کاروباری، صحافتی اور مذہبی شخصیات نے بھرپور شرکت کرکے مرحوم کی مغفرت کیلئے دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کی ممتاز سماجی شخصیات محمد افضل ،شوکت حسین ،محمد ارشد ،جاوید حسین، پرویز حسین کے بھائی، محمد صادق کے بیٹے ،خالد محمود ،امجد محمود کے والد لالہ محمد سلیم طویل علالت کے بعد قضائے الٰہی سے انتقال کرگئے
ڈنگہ ( جی پی آئی) ڈنگہ کی ممتاز سماجی شخصیات محمد افضل، شوکت حسین ،محمد ارشد، جاوید حسین، پرویز حسین کے بھائی، محمد صادق کے بیٹے، خالد محمود، امجد محمود کے والد لالہ محمد سلیم طویل علالت کے بعد قضائے الٰہی سے انتقال کرگئے تھے ،مرحوم کی قل شریف کا ختم آج بروز منگل محلہ چوریاں والی مسجد میں صبح 9 بجے پڑھا جائے گا،اور دعا ٹھیک دن 10 بجے کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
18سالہ نوجوان اغواء، سات روز گزر جانے کے باوجود اس کا پتہ نہ چل سکا
ڈنگہ ( جی پی آئی) 18سالہ نوجوان اغواء، سات روز گزر جانے کے باوجود اس کا پتہ نہ چل سکا، والدین غم سے نڈھال ، رشتہ داروں کے خلاف شک کی بناء پر مقدمہ درج، تفصیلات کے مطابق موضع چک سکندر کے محمد افضل گجر کا بیٹا 18 سالہ حمزہ افضل تقریباً 7 روز قبل موٹر سائیکل پر اپنی پھوپھی کو موضع لونگو چھوڑنے آیا واپسی پر مرزا طاہر روڈ پر اسے اغواء کر لیا گیا۔ پولیس نے شک کی بناء پر مبینہ ملزمان مرتضیٰ وغیرہ کے خلاف مقدمہ درج کر لیا ہے تاہم اغواء کو تقریباً 7 روز گزر چکے ہیں تاحال مغوی کا پتہ نہیں چل سکا۔ پولیس مصروف ِ تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پورے علاقہ ڈنگہ اور اس کے گردنواح کے علاقوں میں دودھ ، دہی کے ریٹ آسمانوں سے باتیں کرنے لگے دکانوں پر پانی والا دودھ اور ملاوٹ شدہ دہی فروخت ہو رہا ہے
ڈنگہ ( جی پی آئی) پورے علاقہ ڈنگہ اور اس کے گردنواح کے علاقوں میں دودھ ، دہی کے ریٹ آسمانوں سے باتیں کرنے لگے دکانوں پر پانی والا دودھ اور ملاوٹ شدہ دہی فروخت ہو رہا ہے ڈنگہ اور گردونواح کے علاقوں میں قائم جگہ جگہ دودھ دہی کی دکانو ںپر دہی 100روپے کلو، دودھ 80 روپے سے 90 روپے کلو فروخت ہو رہا ہے ان دکانداروں کی دکانوں میں دودھ پانی ملا فروخت ہو رہا ہے دہی ملاوٹ شدہ اور پانی چھوڑا ہوا فروخت ہو رہا ہے دکاندار اپنی من مرضی سے دودھ اور دہی فروخت کرنے میں مصروف عمل ہیں۔ متعلقہ محکمہ کے افسرانوں نے چپ سادھ لی اور اہلیان ڈنگہ شہر کے لوگوں نے کہا ہے کہ فوری طور پر ان دکانداروں کیخلاف کاروائی عمل میں لائی جائے اور ان کو جرمانے ارسال کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ویٹرنری آفیسر ڈنگہ ڈاکٹر ذوالفقار علی ان ایکشن۔ متعدد قصابوں کے چالان
ڈنگہ ( جی پی آئی) ویٹرنری آفیسر ڈنگہ ڈاکٹر ذوالفقار علی ان ایکشن۔ متعدد قصابوں کے چالان، تفصیلات کے مطابق ویٹرنری آفیسر ڈنگہ ڈاکٹر ذوالفقار علی نے سلاٹر کنٹرول ایکٹ کی خلاف ورزی کرنے پر متعدد قصابوں لیاقت، شہباز، احسان ظفر، اصغر، عارف وغیرہ کا چالان کر دیا اور چالان اے سی کھاریاں کو ارسال کر دیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کھاریاں روڈ منڈی بہائوالدین کی بسوں کے کنڈیکٹروں اور ڈرائیوروں نے سواریوں کو شدید پریشان کر رکھا ہے
ڈنگہ ( جی پی آئی) ڈنگہ کھاریاں روڈ منڈی بہائوالدین کی بسوں کے کنڈیکٹروں اور ڈرائیوروں نے سواریوں کو شدید پریشان کر رکھا ہے ۔ کھاریا ں سے ڈنگہ تک اور ڈنگہ سے کھاریاں تک منڈی اور ڈنگہ بسوں والے ڈرائیورحضرات آپس میں ریس لگا لیتے ہیں اور سواریوں کو شدید پریشان کرتے ہیں۔ آئے دن آپس میں ڈرائیور کنڈیکٹردونوں روٹس والے اکثر لڑائی جھگڑا کرتے ہیں اور سواریوں کو اپنے سٹاپ سے کئی فرلانگ آگے جا اتارتے ہیں۔ سواریوں کے اسرار پر پھر ان سے جھگڑتے ہیں کہ ٹائم ختم ہو گیا ہے۔ دوسری بس آگے نکل گئی ہے۔ دھکے دے کر اتارتے ہیں۔ اسی طرح آج بھی نونانوالی سٹاپ پر عورتوں کو اپنی اپنی بس کی طرف کھینچا تانی شروع کر دی۔ آدھے بچے ایک بس میں اور آدھ دوسری بس میں بٹھانا شروع کر دیا۔ اسی کھینچا تانی میں ایک دو عورتیں نیچے گر پڑیں۔ جن کو چوٹیں آئیں جس پر اڈا کے لوگوں نے کنڈیکٹروں کی ٹھکائی کر دی۔ سواریوں کا نقصان ہوتا ہے لیکن ان کو کوئی پوچھنے والا نہیں۔ ان کے لیے کوئی قانون نہیں۔
