ڈنگہ کی خبریں 13.08.2013
Posted on August 14, 2013 By Geo Urdu سٹی نیوز
ڈنگہ: چوہدری صدام اصغر دھکڑانوالی کی روح کے ایصال ثواب کے لئے ختم قل آج صبح 11 بجے دھکڑانوالی میں پڑھا جائے گا
ڈنگہ(محمد بلال احمد بٹ)سابق ناظم چوہدری غلام رسول دھکڑانوالی کے بھائی چوہدری صدام اصغر دھکڑانوالی کی روح کے ایصال ثواب کے لئے ختم قل آج صبح 11 بجے دھکڑانوالی میں پڑھا جائے گا، اختتامی دعا میں سیاسی سماجی شخصیات اور عوام کی کثیر تعداد کی شرکت متوقع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :قوم سے کیا گیا ہر وعدہ پورا کیا جائے گا،مخالفین پراپیگنڈے کے باوجود نواز شریف کی محبت عوام کے دلوں سے نہیں نکال سکے، چوہدری جعفر اقبال ایم این اے
ڈنگہ(محمد بلال احمد بٹ)مرکزی راہنما مسلم لیگ ن حلقہ این اے106چوہدری جعفر اقبال نے اپنے بیان میں کہا ہے کہ قوم سے کیا گیا ہر وعدہ پورا کیا جائے گا،مخالفین پراپیگنڈے کے باوجود نواز شریف کی محبت عوام کے دلوں سے نہیں نکال سکے، انہوں نے کہا کہ توانائی بحران اور دیگر مسائل کا جلد خاتمہ ہو جائے گا علاقہ میں ترقیاتی کام ترجیحات ہیں لوگوں کے خادم بن کرکام کریں گے انہوں نے ایک سوال کے جواب میں کہا کہ حکومت بدامنی اور توانائی بحران پر جلد قابو پالے گی وزیراعظم پاکستان میاں نواز شریف کے 100 دن کے پروگرام پر عمل درآمد ہو رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف عمران خان کی قیادت میں پاکستان کو علامہ اقبال اور قائد اعظم محمد علی جناح کے خوابوں کی تعبیر بناکر دم لے گی
ڈنگہ :پاکستان تحریک انصاف عمران خان کی قیادت میں پاکستان کو علامہ اقبال اور قائد اعظم محمد علی جناح کے خوابوں کی تعبیر بناکر دم لے گی،میاں مبین افضل حیات
ڈنگہ(محمد بلال احمد بٹ)مرکزی راہنما پاکستان تحریک انصاف ،لخت جگر میاں افضل حیات ،میاں مبین افضل حیات نے اپنے بیان میں کہا ہے کہ جدید پالیسیوں کے بغیر معاشی استحکام ممکن نہیں انہوں نے کہا کہ حالات بدامنی کی ڈگر پر چلتے رہے تو ملک بحرانوں سے کبھی نکل نہیں پائے گا، انہوں نے کہا کہ ضمنی انتخابات میں تمام پولنگ اسٹیشنوں پر فوج تعینات کی جائے تاکہ کہیں پر بھی دھاندلی نہ کی جا سکے۔ انہوں نے 14اگست کے حوالے سے قوم کے نام پیغام میں کہا کہ پاکستان تحریک انصاف عمران خان کی قیادت میں پاکستان کو علامہ اقبال اور قائد اعظم محمد علی جناح کے خوابوں کی تعبیر بناکر دم لے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : دہشت گردی پیپلزپارٹی یامخصوص طبقے کانہیں پوری قوم کامسئلہ ہے،چوہدری وحید اکرم آف ہالینڈ
ڈنگہ(محمد بلال احمد بٹ)معروف زمیندار،صدر پاکستان مسلم لیگ ن ،چیئر مین پاک نیدر لینڈ فرینڈ شپ ایسوسی ایشن چوہدری اکرم آف جانی چک نے ٹیلی فونک گفتگو کرتے ہوئے کہا کہ سابق حکمرانوں کی جانب سے دہشت گردی کی کارروائیوں کے خلاف شوروغل بلاجوازہے ۔انہوں نے کہاکہ جنہو ںنے پانچ سال تک دہشت گردی کی روک تھام کے لئے ایک بھی سنجیدہ کوشش نہیں کی وہ آج مسلم لیگ(ن) کوموردالزام ٹھہرارہے ہیں ۔انہوں نے کہاکہ دہشت گردی پیپلزپارٹی یامخصوص طبقے کانہیں پوری قوم کامسئلہ ہے ۔انہوں نے کہاکہ دہشت گردی کوروکنے کے لئے وسیع البنیاداتفاق رائے پیداکرنے کے لئے دن رات کوشاں ہیں ۔انہوں نے کہاکہ دہشت گردی کامسئلہ 13سال کی غلط پالیسیوں کانتیجہ ہے ،اسے راتوں رات روکنے کے لئے الہ دین کاچراغ موجود نہیں ۔انہوں نے چودہ اگست کے موقع پر قوم کے نام پیغام میں کہا کہ بانی پاکستان قائداعظم محمد علی جناح کے فرمودات اتحاد، تنظیم اور یقین محکم پر دل و جان سے عمل کرتے ہوئے ہمیں پاکستان کو اسلامی فلاحی مملکت بنانے کیلئے نسلی، علاقائی اور فرقہ وارانہ تعصبات کو ختم کر کے ایک دوسرے کو گلے سے لگانا ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: عوام کے مسائل کو حل کر نے کے دعویٰ کر نے والوں نے عوام کا خوف تک چوس لیا ہے،چوہدری شبیر بلہڑ
ڈنگہ(محمد بلال احمد بٹ)پاکستان پیپلز پارٹی کے سینئر رہنما چوہدری شبیر بلہڑ نے اپنے بیان میں کہا کہ عوام کے مسائل کو حل کر نے کے دعویٰ کر نے والوں نے عوام کا خوف تک چوس لیا ہے انہوں نے کہا کہ پاکستان پیپلز پارٹی پر تنقید کر نے والوں کا انجام بہت جلد بہت خوف ناک ہو نے والا ہے کیو نکہ ٹیکسوں ،بجلی ،گیس ،پیٹرولیم مصنوعات کی قیمتوں میں اضافے کے ساتھ ساتھ اب قبروں پر بھی مسلم لیگ ( ن) کی حکومت ٹیکس عائد کر دئے گی اور ٹیکس ادا نہ کر نے والے مردوں کو گرفتار کر لیا جائے گا انہوں نے کہا کہ مسلم لیگ ( ن) نے عوام کو خود کشیاں کر نے پر مجبور کر دیا ہے اب حکومت چلتی نظر نہیں آرہی اور آنکھوں میں آنکھیں ڈال کر بات کر نے والے انڈیا کی جانب سے سرحدوں کی خلاف ورزی کر نے پر صرف بیان بازی ہی کر رہے ہیں عملی طور پر خاموشی ہے اس طرح کے لیڈروں کو گھر میں ہی رہنا چا ہیے انہوں نے کہا کہ پیپلز پارٹی کی حکومت نے عوام کے لئے جو بھی اقدامات کئے وہ سب کے سامنے ہیں ملک کو درست راہ پر لیجا نے والوں نے عوام کو جینے کے قابل نہیں چھوڑا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہمارے قائد عمران خان کی عوام دوست پالیسیاں ہی ملک کے مسائل کو ختم کر ینگے،چوہدری ارشد منج
ڈنگہ(محمد بلال احمد بٹ)راہنما تحریک انصاف ڈنگہ چوہدری ارشد منج نے اپنے بیان میں کہا ہے کہ ہمارے قائد عمران خان کی عوام دوست پالیسیاں ہی ملک کے مسائل کو ختم کر ینگے عمران خان پاکستان کو بحرانوں سے نکالنے کا فن جانتے ہیں اُن کے پاس عوام کے درد کو محسوس کر نے والا دل موجود ہے سیاسی اداکار جو عوام کو بیوقوف بنا کر ووٹ حاصل کر رہے تھے اب اُن کا دور ختم ہو گیا ہے عوام کے سامنے حقائق آگئے ہیں عوام دشمن اقدامات کرنے والوں کو ضمنی الیکشن میں بُر ی شکست کا سامنا کر نا پڑ ئے گا انہوں نے کہا کہ پاکستان کو تر قی کی راہ پر گامزن کر نے والے شاہی حکمرانوں نے پاکستان کی عوام کو پہلے سے بڑ ے امتحان میں ڈال دیا ہے بجلی ،گیس ،پیٹرول ،کی قیمتوں نے تو پہلے ہی عوام کو خود کشیوں پر مجبور کر دیا ہے اور نئے سے نئے ٹیکسوں سے لوٹ مار مچا رکھی ہے انہوں نے کہا کہ پاکستانی عوام اب مسلم لیگ ( ن) کا احتساب کر ئے گی اور ضمنی انتخابات کے بعد بلدیاتی الیکشن میں تحریک انصا ف ہی واضح برتری حاصل کرئے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ملک کو بحرانوں سے نکالنے کے لئے مسلم لیگ ن تیزی سے کام کر رہی ہے،میاں طارق محمود ایم پی اے
ڈنگہ(محمد بلال احمد بٹ)ایم پی اے حلقہ پی پی113میاں طارق محمود نے اپنے بیان میں کہا ہے کہ پاکستان مسلم لیگ (ن) نے عوام کو ریلیف دینے کے تمام اقدمات کئے ہیں انہوں نے کہا کہ سابق دور حکومت میں قومی خزانے پر اپنے گھروں کے خر چ چلا نے والوں نے پاکستان کے لئے مسائل جس حد تک پیدا کر دئیے ہیں اُن کو حل ہو نے میں وقت تو لگے گا مگر وزیر اعظم میاں محمد نواز شریف اور میاں محمد شہباز شریف کی قیادت میں پاکستان کی ترقی میں کوئی رکاوٹ نہیں لا سکتا انہوں نے کہا کہ پاکستان میں توانائی کا بحران ختم کر نے سے ہی ملک مشکلوں سے نکلے گا جسکے لئے مسلم لیگ ( ن) تیزی سے مستقل بنیادوں پر کام کر رہی ہے اور بہت جلد کامیابی بھی مل جائے گی ملک کو ترقی کی راہ پر گامزن کر نے کے لئے ہر طرح سے کو شش جاری رکھے ہوئے ہیں پاکستان مسلم لیگ ( ن) نے ہر عام و خاص کے فرق کو ختم کیا ہے اور پاکستان کو درپیش سنگین مسائل کو حل کر نے کے لئے اقدامات کر رہی ہے کیو نکہ پاکستانی عوام کے درد کو مسلم لیگ ( ن) ہی سمجھتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری احمد خاں کو سینکڑوں سوگواروں کی موجودگی میں سپرد خاک کر دیا گیا
ڈنگہ ( جی پی آئی ) ممتاز ماہر تعلیم سماجی و مذہبی شخصیت ذاکر اصغر علی روحانی، چوہدری صداقت کے کزن، ممتاز ماہر تعلیم چوہدری الیاس مطہری آف شیخوچک کے چچا چوہدری احمد خاں گزشتہ روز قضائے الہیٰ سے انتقال کرگئے ۔ مرحوم کی نماز جنازہ ان کے آبائی گائوں شیخو چک میں ادا کر دی گئی۔ نماز جنازہ میں پیر سید منظور حیدر گیلانی ڈھیری پیراں، سید مدد علی شاہ آف کلیوال سیداں، سید فیض الحسن شاہ آف کلیوال سیداں رہنما حلقہ این اے 106، ممتاز مسلم لیگی رہنما چوہدری آفتاب احمد، سید علی عابد شاہ آف گاکھڑا، چوہدری خادم حسین ڈھولہ، سیدبشیر حسین شاہ آف میرووالہ پھالیہ، الطاف حسین بٹ بھلیسرانوالہ، سید طاہر عباس شاہ ڈنگہ، چوہدری ساجد محمود، چوہدری محمد خاں باہوانہ، پیر آفتاب شاہ ، حاجی شیراز، سید سجاد حسین ایڈووکیٹ چک جانی، میاں فتح محمدڈنگہ، سید حسنین شیرازی ڈنگہ سمیت علاقہ کی ممتاز ،سیاسی، سماجی، مذہبی، کاروباری، تعلیمی، صحافتی، شخصیات نے بھرپور شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز ماہر تعلیم سماجی شخصیت چوہدری الیاس مطہری آف شیخو چک کے چچاچوہدری احمد خاں کا ختم قل کل پڑھا جائیگا
ڈنگہ ( محمد بلال احمد بٹ ) ممتاز ماہر تعلیم ،سماجی شخصیت چوہدری الیاس مطہری آف شیخوچک کے چچا ،ممتازماہر تعلیم سماجی و مذہبی شخصیت ذاکر اصغر علی روحانی اور چوہدری صداقت کے کزن، چوہدری احمد خاں گزشتہ روز قضائے الٰہی سے انتقال کر گئے تھے۔ ان کی قل شریف کا ختم کل پڑھا جائے گا۔ تفصیلات کے مطابق ممتاز ماہر تعلیم سماجی و مذہبی شخصیت ذاکر اصغر روحانی، چوہدری صداقت کے کزن ، ممتاز ماہر تعلیم چوہدری الیاس مطہری آف شیخوچک کے چچا چوہدری احمد خاں جو کہ گزشتہ روز شدید علالت کے بعد انتقال کر گئے تھے۔ مرحوم کی قل شریف کا ختم کل بروز جمعرات دن 10بجے امام بارگاہ شیخوچک میں پڑھا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سیکریالی کی ممتاز سماجی شخصیت محمد اسحاق غوری دبئی سے پاکستان اپنے آبائی گائوں سیکریالی پہنچ گئے ،آمد پر دوست احباب کا استقبال
ڈنگہ (محمد بلال احمد بٹ) سیکریالی کی ممتاز سماجی شخصیت محمد اسحاق غوری دبئی سے پاکستان اپنے آبائی گائوں سیکریالی پہنچ گئے ۔ان کی آمد پر ان کے دوست احباب نے پرتپاک استقبال کیا۔ اور ان کے اعزاز میں پرتکلف عشائیہ دیا۔ محمد اسحاق غوری نے سیاسی شخصیات سے ملاقاتیں کیں اور علاقائی سیاست کے حوالے سے بات چیت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ ڈنگہ کی بہترین کرکٹ ٹیموں کے درمیان ہاٹ کپ سیریز کا انعقاد ہوا،بیسٹ پلیئر کا اعزاز تنوید احمد اور چوہدری بلال احمد کو دیا گیا
ڈنگہ (محمد بلال احمد بٹ ) گزشتہ روز ڈنگہ کی بہترین کرکٹ ٹیموں کے درمیان ہاٹ کپ سیریز کا انعقاد ہوا جس میں نائٹ رائیڈرز کرکٹ کلب اور گوہر الیون کرکٹ کلب کے مابین ٹکر کا میچ ہوا۔ یہ سیریز 2/1کے مقابلے سے نائٹ رائیڈرز کلب نے جیت لی، میچ میں بہترین کارکردگی کرنے والوں میں انعامات تقسیم کیے گئے۔ بیسٹ پلیئرز کا اعزاز تنویر احمد اور چوہدری بلال احمد کو دیا گیا۔ جب کہ بیسٹ بائولر سر عدیل رانجھا اور چوہدری بلال رہے۔
تحریک تحفظ پاکستان ضمنی الیکشن میں کسی پارٹی ست اتحاد نہیں کرے گی: چوہدری خورشید الزماں
