ڈی سی او الیون نے ڈسٹرکٹ الیون کو سات وکٹوں سے شکست دے کر آزادی کپ ٹی ٹونٹی کرکٹ میچ جیت لیا
Posted on August 19, 2013 By Noman Webmaster گجرات
گجرات : ڈی سی او الیون نے ڈسٹرکٹ الیون کو سات وکٹوں سے شکست دے کر آزادی کپ ٹی ٹونٹی کرکٹ میچ جیت لیا ہے۔ چوہدری ظہور الہی اسٹیڈیم میں کھیلے جانے والے میچ کا ٹاس ڈی سی او الیون کے کپتان ندیم بٹ نے جیتا او ر ڈسٹرکٹ الیون کو پہلے بیٹنگ کی دعوت دی۔
ڈسٹرکٹ الیون کی ٹیم نے پہلے کھیلتے ہوئے 153 رنز بنائے۔ ڈی سی او الیون نے تین وکٹوں کے نقصان پر ہدف حاصل کر لیا۔ ڈی سی او الیون کے کھلاڑی شجاع قطب بھٹی(ڈی او سی)بہترین کارکردگی پر مین آف دی میچ قرار پائے۔ میچ کے اختتام پر ڈی سی او آصف بلا ل لودھی اور مسلم لیگ ن کے راہنما حاجی ناصر محمود نے کھلاڑیوں میں انعامات تقسیم کئے۔
