اضلاع کی خبریں 7.10.2013
Posted on October 8, 2013 By Geo Urdu سٹی نیوز
پیٹرولیم مصنوعات کی قیمتوں میں ہونے والے اضافے کے خلاف گڈز ٹرانسپورٹرز نے صوبائی دارلحکومت میں احتجاجی مظاہر ے کرنے کا فیصلہ کر لیا
لاہور (جی پی آئی) پیٹرولیم مصنوعات کی قیمتوں میں ہونے والے اضافے کے خلاف گڈز ٹرانسپورٹرز نے صوبائی دارلحکومت میں احتجاجی مظاہرے کر نے کا فیصلہ کر لیا اس حوالے سے آل پاکستان ٹرک ٹرالہ موٹر اونرز ایسوسی ایشن کے صدر لالہ یاسر نصیر نے آج ہنگامی اجلاس طلب کر لیا ہے جس میں گڈز ٹرانسپورٹرز آئندہ چند روز میں احتجاجی تحریک کا باقاعدہ آغاز کر ینگے ذرائع کے مطابق پہلے مرحلے میں راوی روڈ پر احتجاج کیا جائے گا اور روڈ مکمل طور پر بند کر دئیے جاینگے اسکے بعد وزیر اعلیٰ پنجاب ہاوس کے سامنے گڈز ٹرانسپورٹرز ریلی نکالینگے اور اپنے ٹر کوں کو احتجاجی کر تے ہوئے نظر آتش کر نے کا بھی فیصلہ کیا گیا اس حواے سے ذرائع نے مزید بتایا کہ گڈز ٹرانسپورٹرز میں پیٹرولیم مصنوعات کی قیمتوں میں اضافے کے حوالے شدید غم وغصہ پایا جا رہا ہے اور گڈز ٹرانسپورٹرز اب سخت رویہ اختیار کر ینگے اور حکومت اگر سختی سے بھی پیش آئی گی تو احتجاج کا دائرہ کار بڑھا دیا جائے گا کیو نکہ گڈز ٹرانسپورٹرز انڈ سٹری پہلے ہی حکومتی عدم توجہ کے باعث بھی مختلف مدعوں میں بھاری ریونیو ادا کر رہی ہے اور پیٹرول کی قیمتوں میں ہونے والے اضافے کی وجہ سے کاروبار بُری طرح متاثر ہوئے ہیں گڈز ٹرانسپورٹرز کا کہنا ہے کہ عالمی منڈیوں میں تیل کی قیمتوں میں کمی ہوئی ہے مگر پاکستان میں اضافہ کر دیا گیا ہے لگتا ہے حکومت کوئی غیر ملکی چلا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اکستانی آئین کو نہ ماننے والے باغی طالبان سے قوم مذاکرت نہیں بلکہ بے گناہوں کے خون کا حساب مانگتی ہے
گوجرانوالہ (جی پی آئی) پاکستانی آئین کو نہ ماننے والے باغی طالبان سے قوم مذاکرت نہیں بلکہ بے گناہوں کے خون کا حساب مانگتی ہے۔ دہشتگردوں کونکیل ڈالے بغیر امن ممکن نہیں۔ ان خیالات کا اظہار سجادہ نشین آستانہ عالیہ حضرت کیلیانوالہ شریف الحاج پیر سید عظمت علی شاہ بخاری نے جامع صدیقہ نور القرآن میں سنی اتحاد کونسل کے زیر اہتمام منعقدہ تحفظ ناموس رسالت کانفرنس سے خطاب کرتے ہوئے کیا۔ اس موقع پر الحاج مولانا محمد اکبر نقشبندی، صاحبزادہ محمد دائود رضوی، الحاج سرفراز احمد تارڑ، مفتی محمد حسین صدیقی، مفتی غلام نبی جماعتی، قاری عبدالعزیز کیلانی، قاری خالد محمود کیلانی، پیر عمار سعید سلیمانی، قاری غلام سرور حیدری، پیر سید محمد یوسف شاہ بخاری، قاری محمد اشرف شاکر، حافظ محمد رفیق قادری، مفتی محمد سعید رضوی، مولانا خالد حسن مجددی اور دیگر نے خطاب کیا۔ پیر سید عظمت علی شاہ نے کہا کہ پھانسی پر پابندی شریعت کا مذاق اڑانے کے مترداف ہے۔ سنرائے موت کے قانون کا خاتمہ دراصل قانون ناموس رسالت کو غیر موثر بنانے کی عالمی سازش ہے، عاشقان رسول توہین رسالت قانون کے خاتمے یا تبدیلی کی کوششوں کو پوری طاقت سے روکیں گے۔انسانی حقوق کے نام پر اسلامی شعائر کا مذاق اڑانا بند کیا جائے۔ غیر ملکی آقائوں کے اشاروں پر سزائے موت کا قانون ختم نہیں ہونے دیں گے۔ انہوں نے کہا کہ سزائے موت پر عملدرآمد نہ کرنا قاتلوں دہشتگردوں کی حوصلہ افزائی ہے۔ اسلام نے قصاص کو زندگی قرار دیا ہے۔ حکومت سزائے موت کے قانون پر علمدرآمد کے صادر کرئے۔ اہل ایمان کو عقائد پر مصلحت کا شکار نہیں ہونا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سجادہ نشین آستانہ عالیہ بریلی شریف (انڈیا) علامہ صاحبزادہ ڈاکٹر محمد عمر رضا خان(پی ایچ ڈی)دس اکتوبر کو گوجرانولہ تشریف لائیں گئے
گوجرانوالہ (جی پی آئی) سجادہ نشین آستانہ عالیہ بریلی شریف (انڈیا) علامہ صاحبزادہ ڈاکٹر محمد عمر رضا خان(پی ایچ ڈی)دس اکتوبر کو گوجرانولہ تشریف لائیں گئے۔ وہ دیگر مصروفیات کے علاوہ مرکز اہلسنت جامع مسجد زینت المساجد میں جامعہ حنفیہ رضویہ سراج العلوم کے 61 واں سالانہ 2 روزہ جشن دستار فضیلت سے بطور مہمان خصوصی خطاب کریں گے۔ جس کی صدارت مرکزی امیر جماعت رضائے مصطفیۖ مفتی پیر ابو دائود محمد صادق کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنرل اشفاق پرویز کیانی کا ریٹائرمنٹ کا فیصلہ خوش آئند ہے : سیدمنورحسن
لاہور(جی پی آئی) امیر جماعت اسلامی پاکستان سید منورحسن نے آرمی چیف جنرل اشفاق پرویز کیانی کی طرف سے اپنی مدت ملازمت پوری ہونے پر ریٹائرمنٹ کے فیصلے کو خوش آئند قرار دیتے ہوئے کہا ہے کہ جنرل کیانی کے اس فیصلے کے فوج کے ادارے پر بہت اچھے اثرات مرتب ہوں گے۔ انہوں نے انتہائی دانشمندی کا ثبوت دیاہے۔ تمام قومی اداروں کے سربراہوں کو ان کے اس مثبت اقدام کی پیروی کرنی چاہیے۔ جنرل کیانی کا ریٹائرمنٹ کا فیصلہ ملک میں جمہوری اور آئینی اداروں کو مضبوط کرنے میں مدد گار ثابت ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب اسمبلی سعدیہ سہیل رانا نے کہا ہے کہ موجودہ حکومت نے جنرل سیلز ٹیکس میں اضافہ
لاہور (جی پی آئی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ موجودہ حکومت نے جنرل سیلز ٹیکس میں اضافہ کر کے عام آدمی کے بوجھ میں مزید اضافہ کر دیا ہے تحریک انصاف اس اجافے کو مسترد کرتی ہے حکمرانوں نے غریب عوام کے ساتھ ظلم کی انتہا کر دی ہے، ایک بیان میں انہوں نے کہا کہ مسلم لیگ ن کی حکومت نے عوام کے استحصال میں پیپلز پارٹی کو بھی پیچھے چھوڑ دیا ہے، حکمران آئی ایم ایف کے ایجنڈے پر عمل پیرا ہو کر عوام پر ظلم و ستم کے نئے باب رقم کر رہے ہیں، انہوں نے کہا کہ پنجاب حکومت بلدیاتی فنڈز کو ڈی سی اوز کے زریعے استعمال کر رہی ہے انہوں نے مطالبہ کیا کہ بلدیاتی فنڈز کو بلدیاتی انتخابات تک فریز کیا جائے۔
