اضلاع کی خبریں 11.09.2013
Posted on September 12, 2013 By Geo Urdu سٹی نیوز
محمد اسماعیل مسلم نے آل پارٹیز کانفرنس کو قومی امنگوں کی ترجمان قرار دیتے ہوئے طالبان سے مذاکرات کو اب التوا میں نہ ڈالنے کا مطالبہ کیا ہے
گوجرانوالہ (جی پی آئی) محمدیہ قرآن سوسائٹی پاکستان کے سرپرست اعلیٰ اور ممتاز طبیب حکیم محمد اسماعیل مسلم نے آل پارٹیز کانفرنس کو قومی امنگوں کی ترجمان قرار دیتے ہوئے طالبان سے مذاکرات کو اب التوا میں نہ ڈالنے کا مطالبہ کیا ہے، ان خیالات کا اظہار انہوں نے جامعہ مسلم گوندلانوالہ میں ایک تربیتی نشست سے خطاب کرتے ہوئے کیا۔ انہوں نے کہا کہ قرآن و سنت میں ہمارے تمام مسائل کا حل موجود ہے، دشمن پاکستان کی سلامتی کو خطرے میں اسی لئے ڈال رہا ہے کہ کہیں پاکستانی قوم قرآن کے نظام کی طرف نہ آجائے۔ انہوں نے کہا محمدیہ قرآن سوسائٹی کے کارکنان قرآ ن کی دعوت لیکر میدان عمل میں رہیں اور لوگوں کو ترجمہ قرآن پڑھنے کی طرف مائل کریں۔ انہوں نے حکمرانوں سے مطالبہ کیا کہ نوجوان نسل کو قرآن سے وابستہ کرنے کے لئے سکول و کالجز کے نصاب میں ترجمہ قرآن کی کلاسز کو ریگولر کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایس ڈی او ایمن آباد سب ڈویژن چوہدری امتیاز علی کی جاری کردہ پریس ریلیز
گوجرانوالہ (جی پی آئی) ایس ڈی او ایمن آباد سب ڈویژن چوہدری امتیاز علی کی جاری کردہ پریس ریلیز کے مطابق کنسٹرکشن، منیٹنس اور درختوں کی کٹائی کے سلسلے میں 12 ستمبر کو راجپوت فرنس فیڈر،13 جی ٹی روڈفیڈر 23 ستمبر سرامکس فیڈر اور 25ستمبر کو ایمن آباد اور خان پیار افیڈروں کی بجلی کی سپلائی صبح آٹھ بجے سے لے کر دوپہر تین بجے تک بند رہے گی۔ جس سے ان فیڈروں سے ملحقہ جات علاقے متاثر ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گوجرانوالہ (جی پی آئی)میاں برادران پاکستان کی بقاء و سلامتی کیلئے دِن رات کوشاں ہیں، وہ وقت دور نہیں جب ملک پاکستان میں مسائل نام کی کوئی چیز نہ رہے گی اور لوگ خوشحال ہوجائیں گے۔ اِن خیالات کا اظہار عوامی خادم رضوان اسلم بٹ نے اپنے ایک بیان میں کیا۔ انہوں نے کہا کہ ہمار ے قائد میاں محمد نواز شریف اور خادم اعلی میاں شہباز شریف انسانیت کی خدمت میں کوئی کسر نہیں چھوڑی عوامی خدمت کو ہمیشہ عبادت کا درجہ دیاہے، ہمیشہ عوام کے دکھ درد کو اپنا سمجھا ہے۔ رضوان اسلم بٹ نے کہا کہ سیلاب سے متاثرین کے امداد کے لیے وزیر اعلی نے بیس بیس گھنٹے مسلسل خود کام کرکے حکمرانوں کے لیے مثال قائم کی ہے اس کے علاوہ انہوں نے اپنی پوری کابینہ کو بھی ہدایت جاری کیں ہیں کہ مشکل کی اس گھڑی میں اپنے بھائیوں کو تنہا نہ چھوڑیں اور ان کی خدمت میں بڑھ چڑھ کر حصہ لیں۔ پاکستان میں سیلاب کی وجہ سے بے گھر ہونیوالے افراد کی امداد، راشن کی فراہمی کو بلا تعطل فراہم کیا جائیگا۔ انہوں نے کہا کہ بہت جلد متاثرین اپنے گھروں کو واپس لوٹ جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انبیا کرام کے بتائے ہوئے احکامات پر عمل کرنے میں ہی ہماری نجات ہے
گوجرانوالہ (جی پی آئی) انبیا کرام کے بتائے ہوئے احکامات پر عمل کرنے میں ہی ہماری نجات ہے ہمیں چاہیے کہ ہم آپس میں مل جل کر دین اور دنیا کی خدمت کرے ان خیالات کا اظہار صاحبزادہ پیر مبشر محمود نے معروف روحانی شخصیت مولوی محمود یسین المعروف اندھوں کی مسجد والے کے سولھویں سالانہ عرس کے موقع پر رسم چادر پوشی کے بعد خطاب کرتے ہوئے کیا اس موقع پر ملک اعطم، علی نواز، محمد امین، محمد سلیم، سکندر بٹ، محمدیسین و دیگر عقیدت مندوں نے شرکت کی اس موقع پر ملکی سا لمیت اور بقاء کے لیے خصوصی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قائد اعظم محمد علی جناح کے فرمودات اور روشن اصولوں کو اپنا کر ہی باقی ماندہ پاکستان کی حفاظت کی جاسکتی ہے
لاہور(جی پی آئی) مجلس وحدت مسلمین پاکستان کے سربراہ علامہ ناصر عباس جعفری نے کہا ہے کہ قائد اعظم محمد علی جناح کے فرمودات اور روشن اصولوں کو اپنا کر ہی باقی ماندہ پاکستان کی حفاظت کی جاسکتی ہے، قائد اعظم کے فرمودات اور نظریات سے روگردانی کی وجہ سے آدھا پاکستان تو ہم گنوا بیٹھے ہیں لیکن اب یہ ملک مزید اس قسم کے نقصانات کا متحمل نہیں ہوسکتا۔ بلاشبہ قائداعظم بیسویں صدی کے عوام دوست، اصول پسند، بے لوث، سچے اور عظیم مسلمان رہنما تھے، لہذا ہم ان کے وضع کردہ اصولوں پر عمل کرکے ہی پاکستان کی صحیح معنوں میں خدمت کرسکتے ہیں۔ آج قائداعظم کے پاکستان کو دہشت گردوں نے اپنی بربریت کے ذریعے تاراج کر دیا ہے، ایسے میں دہشت گردوں سے مذاکرات قائد اعظم کے اصولوں سے بغاوت کا اعلان ہے، قائد اعظم محمد علی جناح کے پاکستان میں دہشت گردوں سے مذاکرات کی کوئی گنجائش نہیں ہے۔بانی پاکستان کے یوم وفات کے موقع پر اپنے پیغام میں علامہ ناصر عباس جعفری نے کہا کہ قائد اعظم نے جن اصولوں اور مقاصد کے لیے آزاد مملکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئی ایس اوپاکستان کے میڈیا کوارڈینیٹر کمیل جعفری کا صحافی زاہد شفیق کو فون والد کی وفات پر مرکزی صدر کا تعزیتی پیغام پہنچایا
لاہور (جی پی آئی) امامیہ اسٹوڈنٹس آرگنائزیشن پاکستان کے مرکزی میڈیاکوارڈینیٹرکمیل جعفری نے روزنامہ خبریں کے سینیئر صحافی زاہد شفیق طیب کے والد کی وفات پر تعزیت کا اظہار کیا ہے۔ المصطفی ہائوس لاہور سے جاری بیان کے مطاق کمیل جعفری نے صحافی زاہد شفیق کو فون کر کے آئی ایس اوپاکستان کے مرکزی صدر اطہرعمران طاہر کی جان سے تعزیت کا اظہار کیا۔ کمیل جعفری نے اس موقع پر اپنے تعزیتی بیان میں کہا کہ خداوند متعال آپ کے والد گرامی کو جنت الفردوس میں جگہ عطا فرمائے۔ امامیہ اسٹوڈنٹس آرگنائزیشن پاکستان آپ کے غم میں برابر کی شریک ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آٹے کے بعد چینی کی قیمتوں میں اضافہ زیادتی ہے، ق لیگ پنجاب
لاہور (جی پی آئی) پاکستان مسلم لیگ پنجاب کے سینئر راہنما میاں محمد منیر، ایڈیشنل جنرل سیکرٹری ناصر محمود گل اور صدر شعبہ خواتین پنجاب شاہانہ فاروقی نے کہا ہے کہ آٹے کے بعد چینی کی قیمت میں 2 روپے کلو اضافہ مہنگائی کے مارے عوام کے ساتھ ظلم ہے ، تنگ دستی کا شکار غریب اپنے جگر گوشے اپنے ہاتھوں سے دریا میں پھینکنے پر مجبو ر ہوگئے ہیں حکمران خدا کا خوف کریں اور مخلوق خدا کے دکھ کو سمجھیں حکومتی پالیسیوں کے باعث ضائع ہونے والی ہر جان کا خون حکمرانوں کی گردن پر ہے، راہنمائوں نے چینی کی قیمتوں میں حالیہ اضافہ کو بلاجواز قرار دیتے ہوئے کہا کہ حکومت کو مقامی مارکیٹ میں قیمتوں کے استحکام اور سٹاک کی مناسب فراہمی سے مشروط کرکے چینی ایکسپورٹ کرنے کی اجازت دینی چاہئیے تھی، میاں محمد منیر نے کہاکہ عوام نے موجودہ حکمرانوں سے ریلیف کے حوالے سے بڑی توقعات وابستہ کر رکھی تھیں مگر معاملہ الٹ چل رہا ہے، کبھی گیس، بجلی، کبھی آٹا کبھی پٹرولیم مصنوعات کی قمیتوں میں اضافہ کیا جاتا ہے شہری صبح اخبار پر ڈرے ڈرے
نظر ڈالتے ہیں کہ آج کون سی چیز کتنی مہنگی ہوگئی انہوں نے کہا کہ حکمران عوام کے صبر کا پیمانہ لبریز ہونے سے پہلے پہلے راہ راست پر آجائیں عوام موجودہ حکمرانوں کو اتنا وقت نہیں دیں گے جتنا پچھلوں کو ملا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کو نسل پاکستان ا نتخابات میں پاکستان طبی کا نفرنس
لاہور (جی پی آئی) الٹر نیٹو میڈ یسن مینو فیکچرز ایسو سی ایشن آف پاکستان کے چیئر مین حکیم حافظ سلیمان ،محمود انصاری نے کہا ہے کہ قومی طب کو نسل پاکستان ا نتخابات میں پاکستان طبی کا نفرنس صوبہ پنجاب کے رہنما اور ممبر مر کزی مجلس عا ملہ حکیم سلیم اختر کی جیت یقینی ہے کیو نکہ اُن کی اس شعبے سے وابسطہ خدمات کو کسی صورت نظر انداز نہیں کیا جا سکتا انہوں نے کہا کہ انتخابات میں حکیم سلیم اختر کی جیت کو ہر صورت یقینی بنانے کے لئے پنجاب بھر کے ممبران نے یقین دہانی کروادی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک ایک مشکل دور سے گزر رہا ہے : چوہدری عبدالغفور
لاہور ( جی پی آئی) سابق صوبائی وزیر پلاننگ اینڈ ڈویلپمنٹ چوہدری عبد الغفور خاں نے کہا ہے کہ ملک ایک مشکل دور سے گزر رہا ہے اور مسلم لیگ ن کی حکومت قوم کو درپیش تمام مسائل کے حل کیلئے حکمت عملی پر اتفاق رائے پیدا کر رہی ہے، ایک بیان میں انہوں نے کہا کہ مسلم لیگ ن کی حکومت کی ترجیحات میں معیشت، توانائی اور ڈھانچے کی بہتری کے ساتھ ساتھ بجلی کے شعبے میں سرمایہ کاری لانا شامل ہیں۔ انہوں نے کہا کہ وہ دن دور نہیں جب پاکستان ایشیئن ٹائیگر بن کر دنیا کے نقشے پر ابھرے گا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ پنجاب میں کسی بھی صورت غیر جماعتی بنیادوں پر بلدیاتی انتخابات کو تسلیم نہیں کیا جائیگا، پنجاب میں بھی غریب کے بچے کو اعلی تعلیم کی فراہمی یقینی بنانے کیلئے یکساں تعلیم نظام رائج کرنا ہو گا’ بیروزگاری سے جرائم میں اضافہ ہوتا ہے، ایک بیان میں انہوں نے کہا کہ اے پی سی کے
فیصلوں پر عمل کرنا حکمرانوں کی ذمہ داری ہے ورنہ ملک کی بدقسمتی ہو گی’ تحریک انصاف کے تمام نکات قرارداد میں شامل کئے گئے ہیں،امن کا قیام مذاکرات کے ذریعے ہی ممکن ہے آج اے پی سی میں سبھی جماعتوں نے ہمارے اس موقف کی تائید کی ہے۔
